اليوم عملت قراص سبانخ بس بيختلف عن الفطاير العادية

اليوم عملت قراص سبانخ بس بيختلف عن الفطاير العادية
معكم صديقة زاكي الشيف الموهوبة Mariam Ramadan

مساء الخير لاحلى جروب

الحمد لله خلصت الغدا

اليوم عملت قراص سبانخ بس بيختلف عن الفطاير العادية
هو قراص من التراث الفلسطيني القديم المصنوع من دقيق القمح والابيض معا او دقيق ابيض فقط حسب الرغبة .وبدون خميرة
هو عبارة عن مقدار من دقيق القمح ومقدار من الدقيق الابيض وزيت زيتون ورشة ملح وماء دافي للعجين .وبعد ما نعجنهم بنتركهم يرتاحوا شي نص ساعة
بنفرم السبانخ وبنغسله منيح وبنفركه بالملح وبنحطه بمصفاية وبنغسله تحت الحنفية وبتركه يتصفى .
بنفرم راسين بصل او اكتر حسب عدد الافراد
وقلبت البصل بزيت الزيتون واضفتله السبانخ ورشة ملح وعصرة ليمون ومعلقتين سماق ومعلقتين فلفل شطة وخلطتهم منيح .
بعدين قطعت العجين كرات متوسطة ورقيتهم بمرقة العجين لحتى صارت العجينة شفافة دهنتها زيت ثنيت طرفين العجينة للوسط كما هو بالصورة حطيت معلقتين من حشوة السبانخ ورديت الاطراف التانية فوق بعض متل المطبق لحتى يصير عنا مربع وبنصفهم في صينية مدهونة بزيت زيتون وخليكي كريمة شوية بالزيت
طريقة الخبيز
طبعا هاد القراص طريقته بتختلف في الشوي
رح نشعل الفرن من تحت ونحميه نص ساعة بنحط صينية القراص وبس يحمروا من تحت بنطلع الصينية من الفرن وبنقلبهم وبنرجعهم ع الفرن …يعني ما بنستخدم الشواية ابدا
واللي بحب القراص مثلثات بنعمله من نفس العجينة مثلثات وبنخبزهم بنفس الطريقة

وعملت عجينة العشر دقايق الخامرة لحتى اعمل فيها صفيحة بالفرن للي ما بحبوا السبانخ

وصحة هنا

#قراص سبانخ—ام نضال