كعك بالعجوة على الطريقة التقليدية القديمة احفظها فورا على جوالك

كعك بالعجوة على الطريقة التقليدية القديمة احفظها فورا على جوالك
معكم صديقة زاكي الشيف الموهوبة  Mariam Ramadan

انا اتبعت الطريقة التقليدية والقديمة بعمل الكعك اللي هي ،
كل 3 كيلو سميد بدهم كيلو سمنة او زبدة وكاسة زيت ذرة

انا عملت كيلو سميد وكيلو طحين خلطتهم مع بعض وحطيت عليهم كيلو الا ربع زبدة وبهارات الكعك او دقة الكعك .وحطيت مستكة مطحونة معلقتين وحطيت محلب مطحون معلقتين وكاسة سكر مطحون وبسيتهم بروس الاصابع لحتى تجانسوا تماما وغطيتهم وتركتهم 24ساعة وكنت افركهم بالاصابع من فترة لاخرى .

ولما اجيت اشتغل فيهم غليت يانسون وذوبت فيه نص كاسة حليب جاف .
بعدين ذوبت معلقة خميرة ومعلقة سكر بشوية مي واضفتهم للكعك واضفت فانيلا سائلة وممكن تضيفي ماء الورد او حسب الرغبة .
وبتعجني العجينة باليانسون المذوب فيه الحليب وبطريقة البس لحتى تحصلي على عجينة طرية سهلة التشكيل وبتبلشي تقطعي العجينة لكرات صغيرة وتحشيها قسم تمر وقسم جوز بس انا الجوز عملته فرد بالصينية .يعني فردت قسم من العجينة بصينية وفردت فوقهم جوز مجروش مع قرفة وشوية قطر وفردت فوقهم كمان طبقة من العجين ونقشتهم بالملقط . .اما الكعك عملته بالقالب المخصص للتمر
وبتصفيهم بصواني وبتشويهم بالفرن
وصحة وهنا

#كعكات ام نضال مابتفوتو