طريقة عمل شعيبيات بتجنن بالصور
طريقة عمل شعيبيات بتجنن بالصور, نوع من أنواع الحلويات الشامية التي تتكون من عجينة هشة وحلوة ستعلمنا المبدعة جنى ابوعبيد خطوة بخطوة مع الصور.
المقادير و الطريقة:
3 كاسات طحين
ملعقة صغيرة بكينج باودر
رشة ملح
ملعقتين أكل حليب بودرة
– نخلط النواشف كلها مع بعض ثم بنبدأ بإضافة كأس ماء مخلوط فيه ملعقتين قطر نضيف خليط الماء و القطر بشكل خيط شوي شوي مع العجن و ممكن يحتاج الخليط كمان ماء حسب استيعاب الطحين.
– و منضيف بعدين ملعقة أكل سمنة و منعجنهم سوا لنحصل على عجينة سهلة التشكيل نتركها ترتاح ساعة.
– ثم نمدها بشكل رول و نقطعها ل 12 قطعة كل قطعة منشكلها بشكل كرة و مندهنا بالسمنة بشكل بسييييييط و منتركها على جنب لترتاح نص ساعة .
– مناخد كل كرة و منمدها على شكل دائرة و مندهم سطحها بشوية سمنة و منطويها بشكل نصف دائرة و منتركهة ترتاح نص ساعة.
– مناخد كل نصف دائرة و منمدوا بإيدنا بشكل مطاطي على طول البلاطة …بتصير متل الشريط الطويل و مندهن سطحها بشوية سمنة و منلفها متل الرول و منتركها ترتاح نص ساعة.
– مناخد كل لفة لحالها و منكبس عليها من فوق مع المد بدون الضغط القوي لنفتحها شوي و نحط الحشوة و نحافظ على التوريقة بدون الضغط القوي و منسكر الأطراف ومنحطها بصينية مدهونة سمنة و بيكون محل تسكير الشعيبيات من تحت ومنحط على كل قطعة شعيبيات سمنة.
– منحمي الفرن من فوق و من تحت هو و فاضي على حرارة عالية …منضعف النار و مندخل الصينية اول 5 دقائق والنار من فوق و من تحت بعدين منطفي من فوق و منترك النار من تحت لتشقر الأطراف منشغل النار من فوق لتاخد لون مع مراعاة سقي الشعيبيات بالسمنة كل شوي ان كان من السمنة الدايبة من الصينية او منضيف سمنة جديدة لتعطيها طراوة و منسقيها بالقطر أول ما تطلع من الفرن و صحتين و عوافي.
– انا حطيت كاستين حليب بودرة مع 5 كاسات مي بتحركيهم عالبارد بعدين عالنار ليغلوا بتضيفي عليهم فنجان قهوة خل أبيض بيفرط الحليب حركيه شوي و بعدين صفيه بمصفاية نااااعمة و اتركيه يتصفى منيييح بعدين عالبراد لينشف من برودة البراد.
– طالعيه و اخلطي معو علبة قشطة بوك او نستلة او أي نوع و رجعيهم عالبراد بتصير متماسكة و طعمتها روعة بإمكانك تضيفي ملعقة زبدة طرية بتعطيها طعم طيب كمان و بتحشي فيها.
لمتابعة الطريقة على جروب زاكي, اضغط على هذا الرابط:
طريقة عمل شعيبيات بتجنن بالصور