طريقة عمل الشاورما بخبز التورتيلا بالصور

خبز التورتيلا/
المقادير:
3 كاسات طحين
رشة ملح
ملعقة كبيرة خميرة
ملعقة صغيرة باكنج باودر
ملعقة ونص سكر
3 ملاعق كبار حليب باودر
نص كوب زيت مازولا
كوب ونص ماء دافئ

الطريقة:
– نخلط النواشف مع بعض ثم نضيف الزيت ونفركه مع الطحين بعدها بنعجنه بالماء واذا احتاجت ماء نزيد حسب نوعية الطحين بنضل نعجن حتى تصير معنا عجينة طرية بنغطيها بقطعة قماش ونتركها ساعة حتى تخمر.

– بعدها بنكورها وبنرد نتركها شوي حتى يتضاعف حجمها بنرقها وبنقليها بقلاية التيفال المدهونة زيت صحة وهنا.

الشاورما/
المقادير:
كيلو دجاج صدور مقطع شرحات رفيعة
2 ملعقة كاتشاب
2ملعقة زيت
ملعقة زعتر ناشف
ملعقة كبيرة بهارات شاورما
2 ملعقة عصير ليمون
2 -3فص ثوم
ملعقة صغيرة بابريكا
ملح
رشة هيل
قرفة
4 ملاعق زيت للتشويح

الطريقة:
– بننقع قطع الجاج بكل المكونات ما عدا الملح والهيل والقرفة بنتركهن لوقت التشويح عالنار بنتركهن منقوعات من قبل بليلة او لمدة ساعتين.

– بنجيب صنية كبيرة بنحط فيها 4 ملاعق زيت عالغاز حتى يسخن مليح بنحط شرحات الجاج وبنضفلهن الملح والقرفة والهيل وبنشوحهن عالعالي لحتى يستوو عشان ما ينزلوا مي ويصيروا مثل السوق.

صوص الطحنية/
المقادير:
كاسة طحنية
ربع كوب ليمون
ثلاث ارباع الكوب ماء
2 ملعقة كبيرة خل
ملعقة صغيرة ملح
نص ملعقة كمون

الطريقة:
بنخلطهم سوا حتى نحصل عصوص متماسك ولذيذ أختكم أم مؤيد.

صورة الشواية التي تم استخدامها:

لمتابعة أشهى الوصفات على جروب زاكي, اضغط على هذا الرابط:
طريقة عمل الشاورما بخبز التورتيلا بالصور