المفتول الفلسطيني تفضلوا شوفوا أكلة من تراثنا

المفتول الفلسطيني تفضلوا شوفوا أكلة من تراثنا
معكم صديقة زاكي الشيف الموهوبة  Mariam Ramadan

مكوناته
قليل من البرغل الناعم المنقوع قدر كاسة شاي فقط ،
ماء مع قليل من الملح
..ودقيق القمح ،الكمية حسب الافراد

بنثر البرغل المنقوع في لجن العجين اي وعاء غميق نوعا ما ،ثم ارش فوقه قليل من طحين القمح واحرك الطحين مع البرغل بشكل دائري براحة يدي .وهكذا ارش ماء ثم طحين واحرك يدي بشكل دائري حتى تنتهي كمية الطحين .طبعا رح يطلع معنا شوية كباتيل من المفتول بنشيلها من اللجن اللي عملنا فيه المفتول ..ثم نقوم بتنخيل المفتول بالمصفاية حتى ينزل كل الطحين الناعم وتبقى حبات المفتول التي تشبه الخرز ،

طبعا هناك طنجرة خاصة بالمفتول عبارة عن طنجره وفوقها مصفاه .
ندهن المصفاه بزيت الزيتون ثم نضع المفتول فيه ونضعها فوق الطنجرة الخاصة بها ونكون وضعنا بالطنجرة ماء وقليل من الملح وكمون وشرحة ليمون حتى لا يتغير لون الطنجرة ،

في هذة الاثناء نكون فرمنا حبتين بصل فرمة ناعمة واضفنا لها الملح ،الكمون ،الفلفل الاسود، بهارات مشكلة ،زنجبيل مطحون ،ورشة هيل وخلطناهم مع بعض ،

بعد ساعة تقريبا بنزل مصفاة المفتول وبنفردها بسدر واسع وبنفرفدها بواسطة شوكة حتى تصبح كل حبة جنب اختها وبنرشرشها شوية مي ،

ثم ندهن المصفاة مرة اخرى بزيت الزيتون ونضع نصف كمية المفتول ثم ننثر البصل المفروم والمتبل بالبهارات فوق المفتول ثم نضع باقي كمية المفتول ونضعها فوق النارة مدة ساعة اخرى ،
الدجاج طبعا نسلقه بالطريقة المعتادة كاي دجاج مسلوق

اليخنة ،،
هي عبارة عن بصل شرائح والكمية حسب عدد الافراد .يعني كل فرد حبة بصل متوسطة .نقوم بتقليب البصل بزيت الزيتون في طنجرة الى ان يذبل البصل .نكون قشرنا بضع حبات بندوة حمره وقطعناها قطع صغيرة واضفناها للبصل وندعها على نار هادئة حتى تنضج البندورة ونكون وضعنا فوقها حمص حب مسلوق ولمن يرغب ممكن تضيفي جزر مقطع مكعبات او قرع اصفر مقطع مكعبات ايضا وملح وبهار وكمون وزنجبيل ورشة هال .وبعد ان تنضج نضيف لها قليل من مرقة الدجاج كي تضيف لها طعما لذيذا ،واذا البندورة مش حمرا نضيف ملعقة كبيرة من رب البندورة ا حسب كمية اليخنة ،

بعد مرور الساعة الاخرى ع المفتول .ننزله عن النار ونضعه في السدر المسطح ونفرده بواسطة شوكة طويلة لانه ساخن جدا ونضيف له قليل من زيت الزيتون ونحاول خلطه جيدا ،

نحمر الدجاج المسلوق .ونفرد الكمية المرادة للاكل في جاط التقديم ونقوم بتشريب المفتول من مرق الدجاج ونضع قليل من اليخنة على الوجه ثم الدجاج المحمر .
وصحة وهنا
#مفتول – ام نضال