زوجات حمودة الكندرجي قصة للكاتبة جمايكا أحمد
زوجات حمودة الكندرجي قصة للكاتبة جمايكا أحمد
هذه القصة تأتيكم من قسم المنوعات في زاكي, قراءة ممتعة لكم.
#زوجات_حمودة_الكندرجي
#الكاتبة_جمايكا_أحمد
الجزء الاول . السادس .اضفت النهاية في منشور اخر
#ام بهلول:- انا قسمبالله هالبيت ماني فايتو..
#حمودي:-وحدي الله ياحجة..اقعدي نتفاهم ..
#ام بهلول :- شو نتفاهم مانتفاهم..لك هيك يصير فيني انا ام بهلول بشحمها وبكرشتها ..سعيدة بنت بياع اللبن تقلي ام بريص..
#سعيدة:- اووووه خدي واعطي ام بهلول عم نمزح معك ..بعدين ليش فردتي اردافك وقمتي ..يوووه تعي بس تعي..وحيات شواربك المفرودين فووق شفايفك ماتطلعي وانتي زعلانة…واذا زعلتي مشان قلتلك ام بريص..مالها ام بريص يختي احلى منك..
#ام بهلول:- بعدلي هيك حمودي بعدلي ببيت سعيدة ماني قاعدة…
#سعيدة:- شوفوا هالمرة الجربانة ماعاد يعجبها بيت سعيدة… اي تصطفلي..
#ام بهلول:- اي رايحة اصطفل عند حسنية الجميلة 
😎😎..
#سعيدة:- الله معك
#ام بهلول:- يقصف عمرك قمعتي الباب من مكانو …شلون متحملها يا حمودي شلون..
#حمودي:- رغم انها قوية لكن مافيني اتخلى عنها ..صح معذبتني بس شو بدي اقول لاقول…
#ام بهلول:- اها يعني اعرف منك انو سعيدة مافيك تطلقها وتبدلها بغيرها…
#حمودي:- تعي اقلك الصراحة.. تعي اسمعي السيرة من اولها..
#ام بهلول :- فيها صنية كبسة…
#حمودي:-اي فيها كبسة…ومن ادين صابرين ..
#ام بهلول :- ايوه اذا هيك انا موافقة..شو رح نقعد بالحوش متل كل مرة…
#حمودي:- اي والله متل كل مرة…
#ام بهلول:- يالا ماشي ..مع اني عارفة الاسباب بس اشتهيت شي مرة نقعد ببيت وحدة من نساوينك …يالا معلش …بس خلينا نقعد تحت ظل شجرة التين بحبها.
#حمودي :- اي تكرمي بس لاتكتري اكل متل المرة اللي قبل بلا تصيري تشطي وتمطي بحالك…
#ام بهلول :- يييي عليك…
#حمودي:- يالا قايم اوصي علي الغدا..
#ام بهلول :- يالا وانا ناطرة…دسمها كتير الله يخليك…
((شوفوا يا ستات انا ام بهلول كاشفة وفاضحة المستور …خطابة المنطقة…. برقع المعنسة والارملة والمطلقة..للمتزوج ..المتزوجات بقولوا عني خرابة البيوت..وشيطانة زماني..واللي بتشوفني واقفة مع جوزها دغري بتعبي تيابها باكياس وبتشد ترحالها علي بيت ابوها..وفيهن مباشرة علي المحاكم..وفيهن علي ابو جميل اللي بيعمل سحورة …وفي منهن بترضا بقدرها متل صابرين…وغيرها وبتضل بييت جوزها.مو الشرع حلل اربعة..بس شو اعمل كنت بالاول ازعل عليهن ..بس ياخواتي الحياة بدها تمشي..وانا بحب اعمل توازن بالطبيعة خاصة من يومين اسمعت علي الراديو بقولوا انو نسبة الذكور اقل من البنات…كتروا البنات يامصيبة ..وشي معلومة اسمعتها بقولوا العوانس والمطلقات والارامل كتروا بهالبلد..وهاد ياستي بطلع لكل رجال 4 نساوين ونص..وهاد اللي محيرني اذا كل رجال بدو 4 نساوين ونص ..النص التاني مين بياخدو يالطيف عقلي صار يوديني ويجيبني اخص عليك ياشيطان…علي العموم هالبنات كلهن اشبار ….نص متر بسنتيمتر….مخسوفات…الله وكيلكن…
وهاد ي شغلتي..اما حمودة جاري ..هو شاب شخصية عمروا 36 سنة ..يعني بعز شبابو.. هالطول والعرض.متل مابقولوا عريض المنكبين شلولخ..عليه جثة اللهم لا حسد مابفوت من الباب..مو كرش لا لا تبع حديد وما حديد وعضلات ومقانص وقوانص وقصص وحركات..ايون متل كروز كايزدر..اللي مابعرف اسمو فيه كزدرة هيك شي…هاد الشاب ورث عن ابوه تعدد النسوان..قصدي محل تصليح كنادر..وكبرها وصارت شغلة كبيرة … يعني عيلة الكندرجي طلعت ابا” عن جد. هو بعمر ابني بهلول اللي يرضالي عليه صاحبو حبيب عمروا…زوجو ابوه قبل ليموت بنت عمو صابرين كانت صغيرة شي 15 سنة…صابرين كانت حلوة يابنات وقد حالها احلي بنت بالحارة ..بس جاهلة مسكينة…وهو كان صغير يادوب بلش يطبق 18..وها جاب اول ولد ..وهالصابرين كانت بتفكر انو الاولاد عزوة…لكسرووا ضهرها ..وعلي السنة كانت تكون جايبة التاني …دفست حالها بالخلفة…بيوم كنت مارة اصلح شحاطتي اللي جوزي اهداني اياها بعيد زواجي 17…عندو لحمودة..مرت صبية متل الشعنونة…يالطيف شو ماسخة ومايعة متل زناخة البيض..
((في محل حمودة الكندرجي))..
#ام بهلول :- شو صار معك يا ابني..
#حمودي :- خالتو ام بهلول وحياة عيونك انا رح جبلك غيرها …والله ماعاد فيني خيطها وددقدها انهرا سقفاا للشحاطة…
#ام بهلول:- ركبلي سقف تاني لالها يوووه انت مابتعرف شو غاليه عليه…
#انسة :- هاي انت حموتي…
#ام بهلول :- حمة ان شااء الله شدي حنكك ..يا انتي
#انسة..:- انا سعيدة وبقلولي سوسوي…
#ام بهلول :- يسوسوا عضماتك …قولي امين…
#سعيدة:- انتي مين …
#حمودي:- يا اهلا وسهلا ..وين هالغيبة صرلك زمان ماطليتي…
#سعيدة:- مممم تسلم بس مين هاي..
#حمودي:- هاي جارتنا بكرة بتتعرفي عليها …
#ام بهلول :- جارة مين..ومين هاي
#حمودة :-هاي رح تصير مرتي…
#ام بهلول :- يوووه قوول وغير يا رجال وصابرين مرت مين والناس نايمين …
#حمودة :- شو قصتك ام بهلول …صابرين متل ماهي ببيتها …وهاي في بيتها …بدي اثني…
#ام بهلول :-بدك اثني يعني بدك تزوج الثانية…
#حمودة:- اي هو هيك….
((من عرفت صابرين انو جوزها رح يتجوز …بحكم العادات والاهل والعيلة ضلتها ساكتة…لا وغير هيك راحت تحضر عرس جوزها….وانا يومها صرت احكي للنسوان اللي بعمري القصة …شي يمدح وشي يسالني عن عروس تانية …او عندها بنت معنسة بدها تزوجها اطيرها .وتشلقفها لشي واحد .. وبلش سيطي بالحارة اني خطابة…وانا علي الشغلة و في احباب بتمون عليه صارت رزق لالي ….المهم هاي سعيدة ماكانت سهلة …ومن اول ايام فرضت شخصيتها علي حمودة …شاطرة بيطلع بإيدها……
#حمودة :- وين سارحة غزالتك ام بهلول…
ام بهلول :- بتذكر يوم ما اتزوجت سعيدة…
#حمودة :- اي والله يوم اسود كان…
#ام بهلول :- له له ليش مو انت اللي كنت طاير عقلك فيها….
#حمودة:- كنت ..ما انا ليش جايبك لهون يا ام بهلول …بدي تنقذيني من هالورطة…بدي اغير وحدة…
#ام بهلول :-بتسال ماهي قدامك ماغيرها سعيدة..طلقها…وانا بشوف لالك ست ستها..شفت راضية ولا حسنية…اي ينحطوا علي الجرح يبرد..
#حمودة:- والله كل وحدة ملعونة اكثر من التانية….بعدين سعيدة كتبتني علي نص املاكي علي بياض…يعني لو بدي طلقها يا ام بهلول تعبي برووح….
#ام بهلول :- ياويل قلبي علي هالورطة سعيدة ماغيرها عملت فيك هيك…..اسمع قلي سيرة كل وحدة بالتفصيل….
#حمودة :- رح اقلك ورح اعيشك معهن كل وحدة اسبوع لتاكدي من كلامي…
#ام بهلول :- هات لاسمعك..بلش…
#حمودة :- رح بلش من صابرين…هي اللي مافيني اتخلي عنها هاي عشرة عمري وام اولادي..واتحملت لتحملت…بس ياستي مابتعرف الا الحمل والولادة والمطبخ…غير هيك مابتعرف شي تعي ناقشيها بمشروع بسيرة بشغل ..متل الاطرش بالزفة….
#حمودة :- صابرين شو رايك افتحلك مشروع تتعلمي منو صنعة…شو رايك بالخياطة…
#صابرين :- مابدي ..ماعندي وقت يارجال اولادك شيبولي شعر راسي…خدلك بلشو يبكوا …
((انا مابنكر الضغط اللي هي فيه..بس وحياتك ماعدت اتحمل حتي ريحتها…يا اما صحن الطبيخ مكبوب علي تيابها يا اما الزيت من وجها بنقط…غير ابنها اللي عم يشد بهالدشداشة اللي كل ما اخدها كبها بالزبالة تجيب اختها…
#حمودة :- هاي من وين اخدتيها…
#صابرين :- جديدة شاريها ..ليش بتسال..
#حمودة :- ما انا كاببها…
#صابرين :- كاببها بالزبالة …وانا طلعت روحي عم دور عليها ياربي منكم ياربي…وين اروح بحالي….
((وهاد كان حالها…اشتقت شوف عرووس قدامي تتنطنط …كنت بدي اياها فلفلة لعبة …لعند ماتعرف علي سعيدة ….
#سعيدة :- اسمع حمودي كم يوم بالاسبوع ….
#حمودة :- عيون حمودي راس حمودي شعرات رجلو لحمودي اطلبي يا مهجة قلبي…
#سعيدة :- كم يوم بالاسبوع …
#حمودة :- ٧
#سعيدة :- اي تمام 3عند صابرين و4 عندي…
#حمودة :- اي مو يكرم الحلو….
((بهاداك اليوم ماكنت بعرف شو مخبالي وشو اللي خلاني انضرب علي راسي ووافق علي كلام سعيدة…ماكنت اتوقع انو يصل الامر فيني هاداك اليوم لاتصرف هيك…
الجز ءالثاني …
#ام بهلول:- معقول شو عدا مابدا مو كنت طيران في دباديبها شو صرلك حمودي ..
#حمودي:- اااخ يا ام بهلول …
#ام بهلول :- سلامتك من الاخ ..
#حمودي:- تعرفي لو مرتي سعيدة بقيت منيحة ما اتزوجت عليها…
قبل 7 سنوات..
#سعيدة :- حمودي ..هاي ضرتي صابرين مو حاجتها تجيب اولاد..
#حمودي:- اتشاطري متلا وجيبي لالي ولد..
#سعيدة:- بس انا مابدي اولاد انا مبسوطة هيك …
#حمودي:- بس انا بدي منك انتي كمان يعني شي يربطني فيكي …ابن بشبهك…
#سعيدة:- والله مابعرف خليني فكر…ولا اقلك فكرت ..انا موافقة بس بشرط اذا حملت رح تكتب لالي ولابني نص المحل…
#حمودي:- نصفو بس هاد مو عدل..
#سعيدة :- لا عدل عارف ليش انا زوجتك التانية يعني من حقي وحق ابني النص …لان زوجتك الاولي لالها النص
#حمودي:- بس هو ابن واحد وصابرين عندها 6 شلون واحد يكون بيملك ضعف اخواتو كلهن…
#سعيدة :- يمكن جيب غيروا اتنين وتلاتة .واكتر…
#حمودي:- خليني فكر..
#سعيدة :- ياحبيبي ياعمري مابدها تفكير..هلاء اخواتو من صابرين مابتعرف مع الزمن يتفقوا وابني لاء ..اللي بدي اياه منك ياعيوني ياحبيبي اتوازنهن مع بعض
#حمودي:- ماشي من تحملي وعد اعمل هيك..
((وكان مانو مارق شهرين الا سعيدة حامل واضطريت اكتب نص املاكي باسمها واسم ابني …مرقت الايام ومرقت السنين..وقررت سعيدة تفتح مشروع بملكها وتنفصل عن محلي..بس هي اذا عملت هيك رح يتسكر ..محلي..رفضت وقتها…وحاولت اقنعها انو كل الربح رح يكون نصفو لالها…وصارت مرة عن مرة سعيدة تركبني وادلدل رجليها …فكرت يومها بطريقة اقدر اشتري حصتي من سعيدة بس مال ماكان معي…يعني كان الامر صعب..وخاصة انو هاد ورث من اجدادي ومابدي اخسروا …قررت اتزوج موظفة..واللي كانت راضية اللي اخترتيها لالي..من اتزوجت راضية ماكان يهمني لا جمال ولا حسن ولا غيروا وغيروا قد ماكان يهمني مالها..صح هي مانها حلوة واكبر مني ب 5 سنين. وارملة..بس راضية كانت الزوجة الاكثر خدمة لالي ووفاء…
#حمودي:- اسمعي يابنت الناس انا مابدي اظلمك يعني زوجة ثالثة وهيك..انا رجال عادل..بس رح اتزوجت بدون مازوجاتي يعرفوا ..رح اعيشك في بيت منفصل …لعند ما اقدر استعيد حصتي من سعيدة ..متل ما انا خبرتك…قبل عنها وعن يلي صار..لكن والله اذا تم الامر غير اعدل شرعا بينكم وتسكني في بيتي بشقة لالك…ومتلك متلهن…
#راضية :- انا موافقة بس بشرط..
#حمودي:- اطلبي واشرطي وانا عم اسمع..
#راضية :- ابني اليتيم يعيش معي..وانا رح اصرف عليه…
#حمودي:- كان نفسي تطلبي طلب غير هيك…انا ابنك هو ابني وبعيوني وانا اللي رح اصرف عليه…ومتلو متل اولادي..
#راضية :-تسلم وانا مابدي غير هالشي والسترة من الله وشو مابدك انا معك وايدي علي ايدك …
#حمودي:-اتوكلنا علي بركة الله…
((وافقت زوجتي علي كلامي…وبلشت حياتي مع راضية صح اسم علي مسمي رضيت باللي ربنا كتبو لالها…عاشت زوجتي بالبداية .في شقة للايجار كنت باليوم روح شوفها ساعة او اتنين..وهي الشخص الوحيد اللي وقف معي ..كانت تتعب وتشتغل وانا اجمع كل شي معها لبلشت استعيد شوي شوي من نص محلي…واشتريت حصتي من تاني من سعيدة…
#سعيدة:- حمودي مين هاي يلي عم تتصل علي تلفونك..
#حمودي:- مين هي مابعرف…
#سعيدة:- ليكها اسمها راضية مين راضية….
#حمودي :-اتركي موبايلي لاتكمشيه…
#سعيدة:-شووو ماعاد يشبعك تنتين عم شووف شو السيرة حمودي النسونجي..
#حمودي:- ام السان هاي وحدة جاي تشتري اغراض من عندي ..وبدها اياهن ضروري..
#سعيدة:- اها ماشي..
((طبيعة سعيدة زوجة ذكية وعندها دهاااء ماشفتو في مرة..كان فيها تسدق كلامي..بس كذبتي معها ما انجدتني بشي…
#سعيدة:-هيك لكان بتفكر بتكدب عليه استاذ حمودي لنشوف شلوون رح اكمشك كمش اليد…وخليني اعملك مراقبة ماتخر المي …
((كانت سعيدة عم تراقبني من اخلص شغلي ووين عم روح بالساعتين..بقيت ورايا لشافتني عم فووت علي شقة راضية…
#سعيدة:-افتح ياااخاين يااخاين..
#راضية:-مين هاي..
#حمودة :- هاي سعيدة ياخرابي مانو وقتو للننكشف..شو رح نعمل…
#راضية:-عندي خطة رح اعمل حالي مرا مريضة وانت جاي تساعدني…
#حمودي:-فكرة حلوة…
((مرتي راضية بطبيعة الحزن اللي مرت فيه قبلي وكبرها مني ب5 سنوات وجهد العمل اعطااها فرق عمر شاسع ..بينها وبيني …من اتقمصت دور المريضة وصارت طريحة فراش ..قمت وقتها فتحت الباب…
#حمودي::-سعيدة شو جابك لهوون
#سعيدة:- ياغدار شو ماني ماليه عينك جاي تعيش بالحرام مع وحدة ثالثة..
#حمودي:-استغفر الله شو هالحكي انا اعمل هيك…
#سعيدة:-لكان مين يلي جوا معك…خليني شووف..
#حمودي:- هاي ست مريضة بجي ساعدها فوتي شوفي…
((من دخلت زوجتي سعيدة لتكشف امري …كانت راضية منظرها يؤكد انها ست عجوزة مريضة مابعرف شلوت اتصرفت بهاي الطريقة اللي تعطي لوجها شكل المرض.
اعتقد وقتها انو سعيدة اقتنعت بالحيلة..بس هالحيلة مادامت دقايق ..لوقت ما ابن راضية كشف امرنا..
#علي:-ماما ماما قووومي الاكل طلعت ريحتو…عم يحترق
#راضية :-يالطيف احترق الاكل..
#علي:-بابا بابا تعا الحق الاكل عم يحترق…
((راضية من الخوف قامت من الفراش تركض..وكانت وقتها اصابع رجليها عليها مناكير غير الخلخال والجينز اللي كانت لابستهن لالي ومخبياهن تحت الغطاا…من قامت انا من الصدمة ماعدت جمع شي…غير كلام علي اللي كان يناديني بابا…ماعاد فيني كدب واختار كدبة تانية لفعلتي…
#سعيدة:-اوووه اول مرة شوف مريضة طريحة فراش بتطبخ ولابسة جينز وخلخال ومناكير وبدكير احمر …ياويلي وكمان مخلف منها ولد…
#حمودي:-…..
#سعيدة:- شو ارتبط السانك شايفة ولا القط اكل عشاااك …
#حمودي:- ..انتي افهمتي غلط..
#سعيدة:-شو الصح فهمني انت من متى متزوجها …ولا عم تعمل بالحرام..عم تزني يعني عندك ابن بالحرام…
((كلام سعيدة الاستفزازي خلاني بكل قوتي اضربها كف. سطحتها فيه علي الارض…
#حمودي:-هاي مرتي علي سنة الله ورسوله …عجبك الحال اهلا وسهلا ماعجبك الله معك…
#سعيدة:-من متي متزوج عليه 
😭😭..
#حمودي:-من سنة ..وهاد الطفل ابنها يتيم مو ابني..بس صار ابني هلاء …واذا بتتعدي حدودك علي مرتي اعتبري حالك طالق…
#سعيدة:-بدك اطلقني انا ام ابنك كرمال وحدة متل هاي….
#حمودي:-قلتلك احترمي حالك هاي مرتي..بتكون ..
((كنت اتصور علي يلي صار سعيدة تطلب الطلاق..بس هالشي صدمني ….اصرت تبقى معي رغم اني عرضت عليها الطلاق..
#حمودي:-اذا بتحبي من بكرة ببعتلك ورقة طلاقك…وحقك..
#سعيدة:-مين قلك رح اطلق…انا بدي ضل هون اساسا عادي مو انا رضيت فوت علي صابرين واكسر قلبها ليكو اجتني اللي تكسر قلبي..وعادي واقل من عادي ان ما طفشتهن…
#حمودي:-شو رح اطفشيهن مافهمت عليكي…
#سعيدة:-مين قال هيك..ماقلت هيك..بعدين انت من رجعت محلك كلو باسمك صرت بدك اطلقني بسهولة
..
#حمودي:-مو قبضتي حقووو…
#سعيدة:-اي بس…
#حمودي:-بس شوو..مافي لالك عندي شي …يعني انا حر..قايم طالع لفوق اشوف شو صار مع العمال ..احتمال يكونوا خلصو نقل عفش راضية…
((عشت حياتي بهاديك الفترة مستقرة..لان صابرين وراضية كانو علي طول مايعيروا اهتمام لسعيدة…او شو ماقالت دان من طين ودان من عجين…وشغل راضية ورجوعها بالمسا..وانشغال صابرين بالاولاد ما اعطاها فرصة لسعيدة لتحقق مرادها بتطفيش راضية وصابرين..يعني جميع محاولاتها باتت بالفشل…
#راضية:-شو هالصوووت..
#سعيدة:-صوت فرح..مين بدو يتزوج عنا بالعمارة..
#صابرين :-هاد علي باب بيتنا…احتمال يكون لحد من الجيران..
#راضية:-هادولي فاتو البيت …
#سعيدة:-العما ..لا لا ماني مسدقة …معقول عيوني ماعادو يشوفوا منيح موهاد جوزنا…
#راضية:-اي والله جوزنا…
#صابرين:-الف الصلاة والسلام على حبيب الله محمد والله ربعها حمودي….
#سعيدة:-شوووو هوووا هوااااء عم اختنق رح اموووت اعطوني هوااااء رح يغمى عليه رح تنفجر كبدي …قلبي يابه…
#راضية:-لا حول ولا قوة الا بالله اتزوج حمودي …وختم الشرع…
#سعيدة:-هو انا عندي حيل اتحمل …يارب يارب اخسف في عروستو الارض…الهي وانت جاهي يجيها اسهال ثلاثي الابعاد في بدلتها…
#صابرين:-ياحسرة شوو حلوة…
#سعيدة:-كمان حاجتك صابرين رح انجلط لاتقوليها
…قولي بشعة ..قولي بقرة..قولي اي شي …الا تقولي حلوة..
#حمودي:-شو يانساويني اعرفكن بزوجتي الرابعة حسنية…
#حسنية:-هاي يادوراتي ..تؤبشوا ئلبي شو طعمين وحلوين…حبيبي..
#حمودي:-عيون حبيبك..
#حسنية:-مين فيهن سعيدة …
#حمودي : انت قولي يالا ياقمر زمانك..
#سعيدة:-من غير ماتقولي..واتحزري وتفكري…انا سعيدة اي سعيدة
#حسنية:-ليش القمر عم يعض على شفايفوو…
#سعيدة:-يمامي شو كيووت …حمودي هاي مو للمس ..هاي حبيبها حطها بالباترين واتفرج عليها…كتموتوا ياقمر اسمعي يا اختشي.. ان هي سعيدة ماغيرها..مطفشة النساوين وقاهرة الضراير..حسك عينك تفكري هيك ولا هيك انك تاخدي السلطة ولا تاخدي شي مو لالك انتي مجرد رقم..وبتمني تكوني متلك متل صابرين اللي هي هااي ..وراضية اللي علي يميني..لاتفكري تكوني زوجة زمانك..هاااا ليكني قلت…
الجزء الثالث..
حسنية …اكلت علقة وضرب بيوم عرسها متأكد مارح تنساه للابد…سعيدة ماوفرتها ..مو هيك وبس الحياة اللي كنت اعتقد رح تكون مستقرة نوعا ما..انقلبت ظهرا علي عقب .
وكلو من تحت راسك ام بهلول…
#ام بهلول:-شو ذنبي انا …
#حمودي:-انتي اللي قلتي لالي اتزوجها بنت رفيقتك ودلوعة وست زمانة…
#ام بهلول:-يعني تنكر انها مارجعتك شباب..
#حمودي:-لا مابنكر صح هي جميلة جدا بس أنال رضاها من المستحيلات حسنية مابيعجبها شي ..ودائما بدها اللي فوق طاقتي..صح هي ناعمة ودلعها ساحر ..وبياخد العقل وهي اللي طغت علي كل زوجاتي ..ومن اتزوجتها شعرت اني حقيقي متزوج..كل يوم عم شوف فيها زوجة شكل…وكل يوم جمال جديد واناقة جديدة…وتغير .بس صارت تقعد بالصالونات اكتر من البيت..وبسببها حتي صابرين صارت تطلب وتطلب…
#صابرين :-وين ياجوزي..طالع ..مو اليوم يومي…
#حمودي:-اها طالع بس اشوف براميل المي …لان في شحب بالمية عنا..
#صابرين:-لاتقلق شفتها قبلك …
#حمودي:-اها طيب رايح شوف ابني عند سعيدة شوي ونازل..
#صابرين:-بس سعيدة اليوم زيارة عند اهلها..
#حمودي:-اها نسيت ليكني جاي…
((كنت عم حاول بعد يوم تعب بالشغل روح اسمعلي كم دلوعة من حسنيتي..بس مازبط الامر بس اتفاجات بالتغير اللي صار بصابرين…
#حمودي:-اووبا شو هالحلا..شو نزل الوحي اليوم..
#صابرين:-اها انا دايما هيك بس انت مغمض عيونك عني…
#حمودي:-لاااه ماني مغمض بس غريبة اليوم شو القصة …مناكير واظافر وشعر مصبوغ …طالعة عرووس…
#صابرين:-ليش مابطلع لالي …ما انا بعدني عروس..ولو انت ازوجت عليه ثلاثة…بس تنكر اني انا الاصل والدلع واللي قاعدة ومتربعة بقلبك ..تنكر..
#حمودي:-لا والله مابنكر..وين الاولاد..
#صابرين:-عند امي واختي سرحتهن…
#حمودي:-يعني شوو افهم..
#صابرين:- ثواني هلاء بس نادي عليك بتفوت الغرفة…
#حمودي:-ماشي ناطر…
#صابرين:-لاتروح ..ولا تعمل حالك طالع لفووق عندها اليوم يومي…
#حمودي:-ماشي ياعمري…
((وقتها كنت نسيان انو اليوم ليلة صابرين…من كتر اتصالات مرتي حسنية عليه..
#رسالة حسنية:-(يالا حبيبي تعا عم جهزلك مفاجئة…يالا بليز لا تتاخر…
#رسالة حمودي: ياويلي جايلك علي نار
#صابرين:- حبيبي عم نادي عليك..
#حمودي:-سامعك حسونتي…
#صابرين:-حسونتك انا صابرين من حسنية…
#حمودي:- اها نسيت اسف صبورتي…
#صابرين :-يالا تعا…
#حمودي:-شو هالمفاجئة الحلوة…شموع وجاتو شو المناسبة..
#صابرين :-كل عام وانت بخير حبيبي اليوم……عيييي ووواع
#حمودي:-قطعت الكهربا…شو صار…
#صابرين:-ياربي هو وقتها . هاد شو هالحظ..اجت الحزينة تفرح مالقت لالها مطرح ياحظي…
#حمودي :-الوو اي حسنية ..
#حسنية:-حبيبي شو صار انا خايفة من العتمة…..
#حمودي:ليكني حبيبي جاي..
((وقتها تركت صابرين وطلعت اركض لفوق..متل يلي كنت ناطر هيك شغلة لاحسن شوفها لحسنية..وماوصلت لشقة سعيدة..الا حد شدني وكتفي وغما عيون ..متل شي قرد ونط فوق كتافي ودخلني جوا البيت…. كانت الاجواء عتمة…وانا انشغالي من اني اهرب من نساويني ماخلاني قاوم…لان شعرت اللي كامشني هي ايدين ناعمة ..
#حمودي:-راضية حسنية…مين هون …ليش ماعم ترد..ليش اخدت موبايلي…ارفعي عن عيني شوف مين انت…
#سعيدة:-ترا ترا ترا….
#حمودة:-سعيدة ..مو انتي عند اهلك اليوم ..
#سعيدة:-لا بس انا قلت اعمل مفاجئة لحبيبي اليوم في عيد ميلادو..
#حمودة:-عيد ميلادي ووشو اللي لابستيه…
#سعيدة:-(ماعجبك النمر الوردي …
#حمودي:ههههه شو اللي عاملتيه بحالك وذيل كمان ومركبة شوارب واظافر …
#سعيدة:-ماااااو ماااو شلون بس من انقضيت عليك وافترستك ..
#حمودي:-هههههه شو قصة التغير سعيدة..شو قصتكن انتي وصابرين…
#سعيدة:-اي تغير اليوم عيد ميلادك وانت اليوم عند صابرين وبصراحة هي رح اضيع هاليوم الحلو…فقلت انزل القاطع مشان تطلع تعملو واخطفك …واعملك هالمفاجئة…
#حمودي:-من متى انتو عم تحتفلو بعيد ميلادي …
((وهاد يلي صار يا ام بهلول…كانو عم يراقبو حسنية وين بتروح وكلهن عاملين تغير حتي راضية كمان..يومها قلت روح عندها بلكي بتكون مو عاملة هيك شي..لقيتها لابسة ومتلبسة…
#حمودي:-حتى انتي يا راضية…
#راضية :-شو حقي ناقص..بعدين وانا جاي من الشغل شفت حسنية نازلة من السيارة وعرفت انها كانت بالصالون …وبعدها مرقت صابرين وكأنها كمان كانت معها..واخر شي شفت وحدة معضمة طالع منها ذيل وردي ولابسة نقاب وعرفت انها سعيدة.. واسمعت وهي بتحكي مع اختها مشان ابنها ومشان عيد الميلاد تبعك وانا ماقصرت عملت متلهم شو يعني …
#ام بهلول:-هههههه ياعيني الكل كان عم يتسابق ليرضيك…طيب الكل مانو مقصر معك ليش بدك اطلق وحدة فيهن…
#حمودي:-ما انا هاي مشكلتي..انا بحب وحدة..
#ام بهلول:-يعني بتحب وحدة فيهن..
#حمودي:-لا وحدة غيرهن…
#ام بهلول:-شو وحدة جديدة ومن وين هاي..
#حمودي:-دكتورة اسنان..
#ام بهلول:-اها هالمرة فايت علي طمع…
#حمودي:-بدي اتساعديني
#ام بهلول:-وكيف عرفتها هاي يا مصخم..
#حمودي:-كانو اسناني بيوجعوني ..من رحت للعيادة ومن شفتها وانا حيران وقالب خلقتي عم فكر…
#ام بهلول:-اوووف هالقد حكيتها شي…
#حمودي:-لا ماحكيتها..
#ام بهلول:-يعني انت متاكد انها رح تقبل فيك…
#حمودي:-ماني متاكد بس انا شفتها عم تتبسم لالي حسيتها معجبة..والله وكيلك من يومها وانا كل يوم ضرس لالي بيوجعني…
#ام بهلول:-قلتلي ضرس…وهاد ضرس عادي ولا ضرس العقل…
#حمودي:-شو قصدك ام بهلول..
#ام بهلول:-ما انا بدي اعرف اذا ضرس عقل تقوم تشيل اختو من مكانو ليرجعلك عقلك ..بدي اتقعدني عن كل وحدة اسبوع لاقدر حكملك ايه وحدة مابتنفعك لتحسن تتزوج بدالها…بدك اتجيب لالي زهايمر…
#حمودي:- راح جبلك اونصة ذهب بتقل رقبتك…
ام بهلول:-مممم اذا هيك ماشي..قوم جيب الكبسة..خليني اكبس عقلاتي وجهز خططي لاحسن طفش لالك وحدة …
الجزء الرابع ..
اليوم الاول ..المكان..بيت صابرين ..
#صابرين : ام بهلول اهلا وسهلا شو جابك لهوون ..صاير معك شي ..حد مطردك شي من بيتك.ليش هاي الشنت ..
#ام بهلول: حاجتك تسألي وتعي احملي عني .
#صابرين : والله مافيني حيل يادوب حاملة اللي في بطني ..
#ام بهلول: اها طيب ساعديني على االاقل …
#صابرين : اي اذا هيك تكرمي ..بس شو كل هاد لمين حاملتيه ..
#ام بهلول : جاي اقعد عندك كم يووم روواق ..
#صابرين : روواق وعندي شو القصة ام بهلول..
#ام بهلول: ولا قصة ولاشي لاتذاكي هاد جوزك مشان ولادتك جابني لعندك كم يوم اهتم فيكي هو مشغول هالفترة …
#صابرين : شو هالحنان من متى هو بيهتم فيني ..اساسا هو لهلاء مانو حافظ اسم اولادو .ولا مشان ولادتي …اذا علي هيك بروح المشفي وبرجع بنفس اليوم ولاحد بيعرف عني شي حتى هو كمان ..
#ام بهلول: اي عادي كل الرجال هيك شو بدك فيهن مابهمهم الابطنهن وراحة بالهن .رح تخليني انطر هون شدي عني يابنت..
#صابرين : حاضر بس وين رح تنامي يا ام بهلول ..الغرف كلها مليانة ..
#ام بهلول: كل هالغرف …وماعندك مكان انام فيه يختي بنام بالصالون شو عاملة اكل اليوم ..
#صابرين : ليكها السفرة بعدني مارفعتها فوتي كملي معنا الاكل ..
#ام بهلول: طول عمرك كريمة يا بنت سناء ..اي شوووو هالاكل الطيب يسلمو هالايدين ..ياريت عندي مرت ابن متلك شاطرة ونضيفة وتعمل اكل متل هيك ..
#صابرين : بعين الله وياريتو عاجب..
#ام بهلول: شلون مايعجب لك تستاهلي كل خير..
#صابرين : لاتقلبي المواجع عليه يا ام بهلول ..خليني بهمي الله يخليكي ..
#ام بهلول: له له له ..شو قصتك صابرين باينتك حزينة كتير ..
#صابرين : شو بدي قوول ..كلي ام بهلول وانسي ..
#ام بهلول: لابنتي مارح انسى ..خلينا نخلص اكل وخلصي امور اولادك وناطرتك على السهرة ..قومي رتبي امورهن وانا بساعدك بترتيب هالسفرة..
#صابرين : لاتعزبي حالك ماحلوة انتي ضيفة هون ام بهلول..
#ام بهلول : لاعذاب ولاشي ..كان لازم يجبلك شي خدامة تساعدك متل حسنية وسعيدة ..
#صابرين : لاحرام والله قلي بس انا رفضت مابحب هالشي ..يعني اذا انا ماكنت حاطة الاكل وعاملتو بايدي لا جوزي بياكل ولا اولادي…يعني انتي شايفتيه كل اكلو عندي ..
#ام بهلول : بالغالي على قلبك بدي اسالك سؤال..
#صابرين : ولو ام بهلول اسالي . بدون ماتحلفيني انا سادقة ورح جاوبك ..
#ام بهلول: جد يعني بدون زعل ..
#صابرين : بدي ازعل من امي انا ..
#ام بهلول: الله يعلي مقامك يابنتي …انتي بقيانة بتحبيه لجوزك ..
#صابرين : لا تسأليني كبرت على هيك امور ..
#ام بهلول: يووه يابنتي لسه بعدك باول الثلاثينات ماهيك يعني اللي بعمرك بعدهن جديد متزوج لا تقولي هالحكي انت صبية ادمية ومرتبة يالا جاوبيني ..
#صابرين : وفي وحد مابتحبو لجوزها ..
#ام بهلول : يختي كتير هالزمن قليل تلاقي اتنين بحبو بعض اي عشرة ما اختلفنا بس جاوبي فرطي معلاقي ..
#صابرين : لو مابحبو يا ام بهلول مابصبر عليه..ومابتحمل كل يلي صار ..انا ماكنت بعرف بالدنيا الا حمودي اوعيت عليه..كان اخي وابي ورفيق عمري وجوزي وحبيبي ..كنت صغيرة مابعرف بالكون الا هو ..اتزوجنا لابيوم ضربني ولابيوم شتمني وقلل من قيمتي مانو مقصر معي اللي بطلبو قبل لاكمل الكلمة بكون مجهزوا ..ومن محبتي لالو كل سنة بجيب طفل منو يشبهو ..صح هو اتزوج عليه وكسر قلبي ..بس والله من محبتي لالو اتحملت ..واتزوج التانية والثالثة ..بس متل ما انتي شايفة لا بياكل الا من تحت ايدي ولا بيلبس الا من عندي..
#ام بهلول: ياسبحان الله ولهم من اسمائهم نصيب ..صابرين ست صابرة..بس ياعمري ماتواخذيني على هالحكي ..الرجال مابدو مرة بس تطبخ وتغسل وتجيب اولاد..صح واجباتك بس الله ما امرك تهدي صحتك لترضيه ..شوفي حالك شوفي وجهك شلون تعبان ومرهق والكلف اكل وجهك ..لو انتي اهتميتي لنفسك شوي كان والله ما اتزوج عليكي ..يابنتي الحمد لله على لا اعتراض على امر ربنا بس كان فيكي تخلفي 3 اولاد 4 ..5 بس مو عشرة وبعدك حامل ..افهمتي عليه ياقلبي ..شوفي ضرتك حسنية مابتعرف بحياتها الا الصالونات شوفي شلون متلهف عليها …ليكو موبايلك مع ابنك ارفعيه ابعتي لجوزك رسالة اطمني عليه ماهو متل الطفل بحب يلي يطمن عليه ..اكتبيلو حبيبي ياعمري ..اذا بدك تجهزي الغدا شو بتقولو لالو ..
#صابرين: مابقول شي هو من يجي بيتغدا مرة معنا ..ومرة بيجي اخر النهار يتغدا..
#ام بهلول: ها شفتي … اتخيلي حالك عم ترسلي لالو رسالة كيفك حبيبي شو جاي على بالك تتغدا ..شو رايك بالاكله هاي..جهزي سفرة يكون مبسوط من يشوفهاا..ومو هيك وبس ليكو ماشاء الله بيتك نضيف..رغم انو اولادك كتار …وبوسخوا كتير ..شو رايك ترتبي حالك كمان عندك بنات صبايا ماشاء الله بشيلو عنك ..انتي كمان من يجي جوزك بلاها هالدشداشة اللي لابستيها ..البسي لالو شي قصير شي مرتب اتركي هالشعرات على ظهرك شوية حمرا وشوية بودرة خدود..لك انا العجوز ولهلوبة اكتر منك بقوم البس لانجري لابو بهلول من النار اللي جواتو بصير يقلي ياليت الشباب يعود يوما ..وبلبس هالدناديش والخراويش وهالروب اللي متل ريش النعام ..بصير يقلي دخيل وزتي وبطتي …لك حتى بروح على العطار بجيب ريحة مسك بتجن عليه بصير يشمشم متل القط الله وكيلك ..وهو ابوبهلول الخربان الخردة ..اللي حتى شعرات رجليه ماعاد فيهن قوة يقشعروا .. …
#صابرين : ههههه الله يجزيكي الخير يا ام بهلول ضحكتيني …
#ام بهلول :يوووه كانهن اسنانك اللي تحت مخلعين …
#صابرين : اي والله ذابو من الحمل والولادة ..
#ام بهلول : يووه وشلون ببوسك الرجال ..
#صابرين : يمكن صرلو شي 10 سنين ماباسني بووس شو يا ام بهلول ..احنا كبرنا علي هيك حكي ..
#ام بهلول : لك حسستيني انك عجوز ..لك شافتيني انا بجي اقرب لعند ابو بهلول وبقوول لك خدلك مجقة ..بقلي بخاف يهروا ضبة اسناني ..بقلول يهروا المهم شلاطيفك الهارين يمجقو يا اخي ..وانتي صبية لك دكاترة الاسنان مليو البلد روحي ركبي اسنان تركيب ..متل اسنان بكيمون ..ولا هوللوون ..
#صابري : ههههه حاجتك حاجتك رح افرط من الضحك هوليوود هههههه..
#ام بهلول : هاد انتي مانك قليلة طلعتي ..بتشوفي افلام هندي …
#صابرين : هادولي بناتي بقعد شوي شووف معهن …
#ام بهلول : يعني عم تشوفي افلام ماعرفاني تتعلمي منهن ..تعرفي بصراحة يا بنتي ..انا مابحب كدب على حدا ..بس اذا حد وعدني بشي مافيني احكي فيه ..بس لانك غالية وبنت الغالية مابدي ازعلك …ومابدي تشوفي ايام تزعلك بزيادة ….انتي بنت اصيلة وتستاهلي كل خير …رح قلك الصراحة بس اوعديني ماحد يعرف ..
#صابرين : وعد ماحد يعرف ..
#ام بهلول: شوفي يابنتي جوزك روحوا خضرة وانتي عارفة بحب يجدد متل اهلو …وكل مرة عروس جديدة ..لهيك حبيت خبرك كالتالي ,..جوزك بدو بتزوج كمان وحدة ..
#صابرين : كمان وحدة حرام مابصير ..
#ام بهول : لا تقاطعيني خليني كمل ..هاد ياستي قعدت من شي يومين معو وقال انو شايف عروس جديدة وهو بيعرف الحلال والحرام لا تخافي لهيك طلب مني اقعد اسبوع عند كل وحدة لاجيب لالو الصافي اي وحدة لازم تبقا واي وحدة لازم تفل … ليطلقها ويتزوج وحدة جديدة ..هيني عم خبرك وانتي وعدتيني ماتحكي ….هو لاقي عروس جديدة هالمرة دكتورة اسنان وهي قد حالها ..يعني اذا قالت مابدها ضراير والله بطلقكن كلكن كرمالها ..انا هون لاشوف مين فيكن المناسبى للطلاق وانتي عزيتي عليه وعرفت صبرك ومحبتك لالو ..لهيك بدي منك طلب لاتعطيي فرصة لوحدى من ضرايرك تسبقك مكانة انتي انتصري عليهن ..بعني بلشي من حالك رتبي حالك وكوني شوي سسلسة والكلام الحلو على لسانك وعلي ما علي ..لاعمل المستحيل لاخليكي تبقي الاصل لالو وعلى زمتو ..مابتعرفي يمكن من تغيري حالك يطلقهن كلهن وتبقي انتي الاصل …لهيك يا بنتي اتفرغي لحالك شوي قلك بدو يجيب خدامى يجيب خليها تمسك التنضيف وعينك عليها ..وحطي كاميرات بكل مكان …وحاجتك تجيبي اولاد وبعدين اجتك الفرصى اسنانك بدهن تبديل احكي لزوجك بياخدك عندها وانتي شوفي العروس شو فيها حلو خلي زوجك عينو عليها اعملي احسن منها ….اتثقفي مو انتي بتعرفي تقرأي وتكتبي … روحي صالونات غيري من حالك بعيدين يا بنتي عندك صار 10 اولاد يعني اذا بطلقك وين رح يروحو هالاطفال مين بدو يعتني فيهن ..بعدين امك مريضة واختك اخرتها تتزوج ..وانتي تبقي ببيت اهلك ..واولادك الله يعلم مين مرة الاب اللي رح تعتني فيهن متلك لهيك اصحي لحالك يا بنتي كان لازم هالحكي تسمعيه من زمان زوجك انتي الاولى فيهن ماكان لازم تعطيه فرصة يتزوج عليكي مرة واتنين وتلاتى ولابدو يغير كمان دليل على انو اللي بدو ياياه بعدو مالقااه وعم يبحث عنو بكل مرة ليش ماتخليه يلاقي هالشي فيكي ..انتي ماعليكي شي ست بيت ونضيفة ومرتبه وام اولاد مرتبين ومربيين بس لو تتعلمي من حسنية شوية اهتمام لكنتي الافضل فيهن ..انا تعبت رح قووم انام وحاجتك ادمعي قومي غسلي وجهك ولا خدي حمام ساخن وفكري بكلامي شو قلتي …
الجزء الخامس ..
((يمكن كلامي القاسي مع صابرين خلاني ضل طول الليل اسمع شهقات البكي …مسكينة ماغمضت عيونها من كتر مابكيت ..كانت حاملة بقلبها كتير ..حاولت فوت عندها واسيتها ..بس الله يسامحني فتحت عليها جروح كانت لاول مرة تفضفض لحد ..وخاصة من بعد ما مات ابوها ومابقي لالها سند .وامها مريضة ومابدها تزيدها على امها ..وقتها ماعاد فيني انطر قلت دق على حمودي واجي حاسبو ..بس يمكن يزعل عليها يوم واتني وترجع ريما لعادتها القديمة .ويصير يرجع بدو بتزوج..
#صابرين : خالة ام بهلول بعدك نايمة قومي ..
#ام بهلول: ياصباح يافتاح اتركوني نام ..مانمت طول الليل ..
#صابرين : صارت الدنيا الظهر …قومي بدي انروح سوا على السوق ..بدي اعمل متل ماطلبتي مني.خديني عندها هاي الدكتورة اللي جوزي بدو بتزوجها ..
((والله وقتها ماقصرت قمت غيرت تيابي واول ما اخدتها الا عند هالدكتورة ..وماقلت لالها انو هاي مرتوا لحمودة ..كانت مسكينة عم تصفن فيها بحسرة..هالدكتورة جمال واناقة وثقافة وزوووق ..لو كنت رجال مكان حمودي ماقصرتها ..بس هالبنت صابرين كانت كاسرة خاطري .عملت لالها اسنانها واطلعنا ..على البيت ..صرنا كل يوم بمكان وصالون شكل …ولبس واناقة …حتى انا ماعرفتها ..وبعد رابع يوم اجا حمودي لعندها ..انصدم من شافها …ومسكينة من شافت جوزها فرحان وعم يتغزل فيها ماصبرت صار معها طلق ..اخدها حمودي على المشفى لاول مرة من بعد 3 ولد ..يكن مسكينة كانت محتاجة هالتغير ليفيق حمودي على حالو شوي .بس الرجال عندو 3 غيرها ..
#حمودي: ام بهلول..حطيلي صح على صابرين مابدي طلقها ..
#ام بهلول: يوووه ليش
#حمودي: هاي ام اولادي مابتخلى عنها وكمان اخر فترة صارت عم تحلي اكتر واكتر ..غير كلامها الحلو مابعرف شو اللي خلاها هيك ولايمكن انا ماكنت شايفها ..عبالي روح قضي هالليلة كمان معها ..
#ام بهلول: بس هالليلة لراضية ..
#حمودي: اي شو يعني روحي انتي عند راضية ..
#ام بهلول: بس الدور لسعيدة مو راضية ..
#حمودي: دبريها ام بهلول ..روحي عند راضية ..خلص قررت صابرين تبقى على ذمتي ..
#ام بهلول: مادام هيك ساعدني بالشنت لفوووق رايحة لعند راضية …اجت من الله بعدني ماني مجهزة خطط للشعنونه سعيدة مابدي وجع راس من اولها
#حمودي: ماشي اسبقيني …
((حلو قرار حمودي قبل لينتهي الاسبوع انو مرتوا تبقى على ذمتو والاحلى انو موعدي مع سعيدة الغولة اتأجل ..فتت لعند راضية ..
#ام بهلول: انا عم قلك هلاء مرتو صابرين ولدت وهو بدو يبقى معها كم يووم ..لهيك انا كنت عندها وانتي ما بتعرفي اولادي وجوزي سافروا وبخاف ضلي لحالي بالبيت بخااف يفوتوا يخطفوني او يغتصبوني بخاف يختي بتعرفي انتي ولو اني عجوز بس عن الف صبية ..
#راضية : ههههه فوتي ام بهلول اشتقت لحكياتك الحلووين ..كنت والله مجهزة هدية انزل فيها لعند صابرين اطمن عليها ..بس مابدي هلاء مادام حمودي عندها ..
#ام بهلول: يعني مانك زعلانة انها اخدتك يومك ..
#راضية : مسكينة هي شو اخدت هاليوم ..مانحنا اخدنا ايامها وجوزها فوتي اعملك كاسة شاي تروقي عيلها ..
#ام بهلول: لابدي قرقع مته ..مشتاقة لابو بهلول ..مافيني مافيني رح وتركني ..كنا نقرقع سوا ..سافر وتركني مهجة قلبي ..
#راضية : اي دخيلو مهجة قلبك …
#ام بهلول : تعرفي شو نفسي.
#راضية : قولي يا احلى جارة بالكون ..
#ام بهلول: تغيري هاللون على طول لابسه اسوود نفسي شووفك بشي لون مفرفح ..يابنتي ياقلبي ..مو حاجتك حزن على ماضيكي ..انتي بعدك مانسيتي جوزك اللي مات صح ..اسمعي يشهد الله مابدي زعلك او حزنك او رجعلك ذكرياتك وانا بير وسرك فيك ..انا مو جارتكن كنت ..وكنت اعرف حبك لصهيب الله يرحمو ..
#راضية : ااه الله يرحمو ..
#ام بهلول: شفتي شلون اتنهدتي ..
#راضية : نصيبي ام بهلول ..والحمد لله
#ام بهلول: تعرفي يابنتي ..هالدنيا مادايمة الا وجه رب العباد ..وجوزك القديم صح مات مغدووور بس الله عارف وشايف بهالقلوب ..كان رجال ابن ناس وتشهد الكون بأخلاقو وكنت تحبيه حبا جما …امانه عليكي تقليلي الحقيقة انتي ليش وافقي على الزواج من حمودي وانتي بعدك بتحبيه ..وانا متاكد انو حمودي بيعرف هالشي وساكت ومابدو يظلمك ..
#راضية : الله راد هالشي وهاد نصيبي ..
#ام بهلول : اي الحمد لله ..بس الا في سبب خلاكي تقبلي ..
#راضية : تعرفي يا ام بهلول..عشت عمري وانا بقول متى ياصهيب تجي تاخدني من هالعيشة المرة ..عيشتي مع اخواتي ونسوانهن كسرتلي ضهري 
🙁 واتزوجت صهيب وكنت من اروح زوور امي وابي ..كانو اخواتي يقفلو الباب مشان ما افوت الله يسامحهن ..بس لو تعرفي صهيب شو كان بالنسبة لالي ..انكسر ضهري على فراقوا مات غدر الله لايسامح اللي كان السبب ..وليكو مات وماتت قصتو معو ..بس ابنو يا ام بهلول كل يوم بذكرني فيه بيشبوه خيرات الله ..مو قدراني انسااه ..بس من مات دار عمي طلبو مني ارجع لاهلي لاني ارمله ..وحرام مابصير عيش عندهن مشان كلام الناس ..اول اسبوع مرق عليه على اهلي كان مر متل الحنظل …بعد مامرقت شهور عدتي ..ارجعت اشتغل وراتبي ماكنت شووف شي منو كلو ياخدوه مني ..نسوان اخوتي يلبسو ويتهنو ويطلعو وينزلوا على حساب تعبي ..وانا اشتهي الفاكهه لالي ولابني …وابني اللي كان ملطشة للضرب ..ماعدت اتحمل وكنت موافقة على اي حد يجي يتزوجني بشرط ابني يضل معي ..وكان حمودي..كنت خايفة اكسر قلب حد ورضيت بكل شي …المهم عيش بعيدة عن اخواتي ..بس اللي ماراد لالي الظلم الحمد لله ..كرمني وعززني وابني بحضني ..حمودي مانو مقصر معي بشي ..بعاملني متل متل اي زوجة من زوجاتو حاططني بعيونو ..بعمروا ماسألني عن صهيب ..كان يشوف حزني ويهون عليه ..
#ام بهلول: لا حول ولاقوة الا بالله ..طيب يابنتي مو حرام هالشي انت هلا على ذمة رجال تاني ..ومالازم تفكري باللي راح واندفن جوزك من حقو يشووف فيكي زوجتو بعدين .لاتقولي اكبر منو وارملة والحزن ..تقبري قلبي بعدك بعز شبابك …بس غيري هاللون الاسود..يعني لاسمح الله برضيكي جوزك يطلقك ويتزوج غيرك ..
#راضية : شو هالحكي ام بهلول ..لا والله مابدي هالشي يصير ..انا ماسدقت الله يستر عليه وعلى ابني ..ونعيش مكرمين ..
#ام بهلول: طيب اسمعي هالخبرية بس لاتقولي انا قلت هاد اسمعت انو في عروس دكتورة لحمودي ..وهو بدو يطلق وحدة منكن كرمال يجوزها …وانتي مانك ناقصة ترجعي تعاني من تاني …من يرجع جوزك غيري هاللون بيني لالو انو هو الوحيد اللي مالك قلبك شو قلتي ..وليكيني عندك اسبوع شو رايك كل يووم اطلع معك نغير الوان جديدة؟لاتفكريني عجوز مابعرف… لك بعرف بعرف الهشك بشك…والزااهي والناهي ..وياحلو يا جميل ..وياعيني ويازيدي يازيدي..
#راضية : ههههه وشو هاي يازيدي يازيدي..
#ام بهلول: يعني ياسيدي ياسيدي ..قومي شفت طبق فواكه هاتيه ..اتسلى فيه …
#راضية : ههههه مو تكرمي ..
((مرقت الاسبوع بسرعة وكنت لاحظ التغير على راضية..وتعاملها مع حمودي صار فيه اهتمام شوي ..غير هيك بلشت احس انو اسم صهيب ماعاد ينذكر ..او يمكن بلش نووع الغيرة لانها صارت تنطروا وهوطالع على الدرج ..ومابعرف هاد الوايص اب ..بتقلي اخر ظهور ..من دقيتين..يعني في تجدد وفي امل بالتغير ..
#حمودي: ام بهلول ..
#ام بهلول: اي يا ابني ..
#حمودي: شو رايك تروحي عند سعيدة هلاء ..
#ام بهلول : لا لا انا مبسوطة عند راضية لاتنزعلي مراقي الله يسعدك ..
#حمودي: ام بهلول افهمي علي..جاي على بالي شوف شي بخزانة مرتي ..هيك شي..
#ام بهلول: ههههه قصدك الاحمر المزركش ..اي فهمت عليك ..لا تعمل اصوات كتير بسمعك ها من تحت انا ..والله يعيني عليكي يا سعيدة :: نااس تنام بالهنا ..وناس عند سعيدة احتمال يجيها عزارئيل الليلة صبرك يالله ..
لجزء السادس ..
#سعيدة: ها هاي ام بهلول ..وين يا عسل رايحة ..
#ام بهلول: انتي اللي وين رايحة..وشو هالحلا والترتيب..
#سعيدة : رايحة ااحضر فرح رفيقتي ..
#ام بهلول: طيب اطلعي مو وقتو لان جاي لعندك؟.يا اما بتاخديني معك
#سعيدة : غير مرة يا ام العسل ..ههههه….مستعجلة رح يبلش العرس..
#ام بهلول: ليش عم تضحكي ..
#سعيدة : مشان الحكي الحلو اللي عم قولوا لالك ..فكرتيني رح استقبلك في بيتي..
#ام بهلول: بس انا جاي لعندك كرمال جوزك طلب هالشي …
#سعيدة : جوزي قال وعندي ..انا..ليش مو عند صابرين او راضية ليش انا بالذات …
((بعدني عم اتناقش مع سعيدة عن اقامتي عندها اسبوع ماشفت الا المي نزلت من فوووق على راسها لسعيدة ..
#سعيدة: ااااااح شووو هاااااد
#ام بهلول: مية جلي ..حسنية..
#حسنية : يالهووي بالغلط ماقصدت ..
#ام بهلول: حسنية انتو من متى بتكبو سياق الجلي على الدرج ..
#حسنية : مابعرف اندلق مني ..ياويلي وقعتي مع سعيدة
#ام بهلول: اجاك الموت ياتارك الصلاة..
#سعيدة : هاااااااااااااع والله ماحد يقدر يفلتك من ايدي ..
#حسنية : الحقيني يا ام بهلول..
#ام بهلول: يالطيف مادخلني ..العما بلشو بعصاا المكانس …حمووودي حمووودي لحق نسوووانك يااارجال..ياربي اكلوو بعض ..شوو هاد الي بطير العماا خصلات شعر..\
#سعيدة : كنت عم انطرها العمر هاي اللحظة ..والله لانسيكي اسمك ياااهايشة …
#حسنية : اااااخ اويلي ااااخ حااج خلص يابي الحقني يااابي ..
#سعيدة : والله داعش ماتقدر تحررك من ايدي ..وهاا وهااا وهااا ..
#ام بهلول: راحت راحت اغمى عليه حسنية ياويل قلبي ..
#سعيدة : موتي ولا لسه …
#ام بهلول: شو عملتي يا مصيبة ..
#سعيدة: خلص اتريحنا من وحدة ..بهدلتني نزعتلي فستاني …تستاهل تتقطع مو بس تموت تفيي …
#ام بهلول: يقصف عمرك الهي …وينك حمودي وينك ..
#حمودي: شو ليش صوتكن طالع ..
#ام بهلول: هلاء لسمعت الحقني مابعرف شو صرلا حسنية وقعت من طولها …
#حمودي: هو شو صار هون مين عامل فيها هيك ومقطع تيابها ..
#ام بهلول: في غيرها ام رجل مسلووخة ضبعة زمانها .وبدك اياني اقعد عندها اسبوع ..احملها لمرتك فوتها لجوا..الله يعلم شو صار فيها فوتها اشوفها افحصها …ولا دق على الاسعاف.هات بصلة ولا فص ثوم ..
#حمودي: خدي دقيت على الدكتورة على الطريق ..
#ام بهلول: دكتورة شوو اسنان ..
#حمودي: ام بهلوول هش مو وقتو مابدي انفضح …دكتورتها لمرتي …رفيقتها هي بتروح لعندها …
#ام بهلول: اها …شمي شمي ..ليكها فاااقت ..
#حسنية : واااع وتس ذس بصل ..
#ام بهلول: اووف اغمي عليها من تاني ..
#حمودي: يييي علي مابتتحمل البصل …
#ام بهلول: هات كلوونية يا اخي خلصني ..
#حمودي: ليكها اجت الدكتورة جرس البيت بدق …
(بعد اجراء الفحووصات ))
#ام بهلول: لو تركتني افحصها لعرفت شو فيها مابعرف هالطب من وين طلع لالنا صارلها ساعة عم تعمل فحووصات وتاخد دم وتاخد بوول ..مابعرف شو هالقرف هادد..صفتها للمخلوقة
#حمودي: مابعرف ام بهلول هاد التقدم …هيك خليني اطمن عليها وانزل شووف سعيدة ::مابعرف شو صار هي متقصدة تكب عليها هيك من شافتها بتياب فرح ..ولا مانها متقصدة مابدي اظلم حد..
#الدكتورة عفاف:استاذ حمودي..
#ام بهلول: من وين استاذ هو كندرجي ..
#حمودي: امم ام بهلول مابصير عيب هالحكي ..اي دكتورة معك ..طمنيني عنها ..
#دكتورة عفاف: الف مبروك استاذ حمودي ..حسنية حامل ..وماشاء الله توأم …وهي هلاء بالشهر الرابع ..
#حمودي: حامل وتوأم وبالشهر الرابع ..
#دكتورة : الف مبروك ..
#ام بهلول: العب نفذت بجلدها هالحسنية ..وتوأم كمان ..
#حمودي: شو يعني مارح اجوز ..وحسنية نفذت من حالها ..
#ام بهلول: بقيانه سعيدة ماغيرها حمودي ..
#حمودي: شو يعني ام بهلول…يعني طلقها خلص لسعيدة ..
#ام بهلول: لاتنسى انك عندك ولد منها بعيدين اعطيها فرصة متلها متل غيرها حرام …
#حمودي: رح فكر انتي ابقي هون ..عند حسنية لعند ماتروق وترجع منيحة وانا رح انزل جبلها الادوية …
#ام بهلول: ماشي …لا تتاخر …هااا ليكها ام التوائم فاقت ..مبروك حسنية والله نفذتي بجلدك يازعرا ووطلعتي بالقوي فيهن ..دقيتي مسمارين عشرة بالبيت ..والله ماحد يقدر يقلعك …
الجزء الاخير ..
#زوجات_حمودة_الكندرجي
#الكاتبةجمايكا_أحمد
#حسنية : بالله قليلي شلون انا معك ..شفتي شلون …
#ام بهلول: مانك قليله طلعتي من خرجها لهاي سعيدة ..ياويلي شو فشيتي قلبي ..
#حسنية : ااااخ ماعجبني كلامها معك يا ام بهلول قهرتني هالمستفزة…
#ام بهلول: ههههه بس ليش ماقلتي انك حامل من زمان ..
#حسنية: بصراحة ماكنت بدي احمل ماكنت فكر .بس من قالت لالي رفيقتي انو جوزي عيونوا عليها ..
#ام بهلول:دكتورة الاسنان رفيقتك ..
#حسنية : اي ..رفيقتي ….وانا الي قاتلني ..ايش لم بنت الاكابر على ابن مصلح الكنادر
وجوزي صرلوا اكتر من 6 شهور عم يدور حواليها عم اعرف كل كبيرة وصغيرة ..وكل ضرايري مثبتات حالهن بهالبيت باولاد الا انا وراضية وقلت ليش ما اثبت حالي متلهن وماعدت اشرب دواء منع الحمل من فترة لطلعت حامل ..ومن سمعت اتفاقك مع حمودي بالحوش كنت حاطة احتمال انها راضية اللي تطلق .بس من عرفت انو راضه نفذت خلص مافي الا انا … ..ومالقيت الا هالخطة اعملها كب عليها مية وهي نازلة من الدرج مشان يزحلقها ..ووقتها رح ماتوفري واعمل حالي اغمي عليه ويعرف اني حامل وهيك …
#ام بهلول: يقصف عمرهن الكفرا شووو قوية وذكية وشاطرة…
#حسنية : تربايتك ام بهلول.بس اامانه ماجاي علي بالك بيتزا ..
#ام بهلول: هاي العجين اللي عليها طبيخ خضرا اي جبيلي بحبها ..
#حسنية: لك مو تكرم هالعيون الحلووين اكل بيتزا لعيونك …ام بهلول..بدي اسالك معقول جوزي احتمال يطلقني ..
#ام بهلول: من بعد هالمسمارين اللي دقتيهن لاء ..وبعدين مانو ناقصك شي جمال واناقة وحلا وعلم وكمان اولاد وهو بحبك لا ما اعتقد ..احتمال الكبير تكون سعيدة اللي اطير ..
#حسنية : مابعرف بس كمان رفيقتي متلهفة تجي تعيش هون وتصير ضرتي ..شايفة هالزمن يا ام بهلول..
#ام بهلول: يوووه جد ..هالحكي ..
#حسنية: هيك حسيت لانو من طريقة كلامها ..هي صح اظهرت لالي رفضها بس كلامها اللي ع طول عنو وعم تسالني عن كل تفاصيل حياتي مابشرتني بخير..وعرفت من عفاف كمان انها احتمال توافق ..
#ام بهلول: العما جد …لازم لاقي طريقة …
#حسنية : طريقة لشو ..
#ام بهلول: مالشي ..يالا رح روح افتح الباب يمكن حمودي هاااد..يالا جاي لك حرقتو للجرس ..سعيدة .
#سعيدة : خدي علبه الماكنتووش هاي لضرتي قليلها مبروك والحمد لله على السلامة وقليلها انا اسف وقليلها لاتعيدها هاي اخر مرة المرة الجاي معلاقها رح اعمل فيه سجق …
#ام بهلول: جهزيلي القهوة وبالهيل رح اجي لعندك ..
#سعيدة : مااااشي لاتتاخر معك 10 دقايق ..مارح افتحلك الباب …
#ام بهلول: شو مستبدة …
#حمودي: شوو شابفك هون سعيدة يعني مارح تتأدبي وتحترمي حالك ..فووق كل شي جاي لهون ..
#ام بهلول: رووق حمودي..اجت تعتذر لضرتها بعدين حسنية بخير وهي اللي بلشت …
#حمودي: روحي تحت سعيدة لاتخليني شوووف وجهك من تاني ..
((لاول مرة شووف دمعة مكسورة بعين سعيدة القوية …نزلت على الدرج من تمت سااكت وحتى من دخلت البيت دخلتو على عكس كل مرة بهدووء ..
#حمودي: ام بهلول حسنية مارح احسن طلقها نفذت هي كمان وهي حامل وهلاء ببطنها توام ..شو الحل ..مابقيان الا سعيدة وانا صابر عليها كتير وهي اتجاوزت كتير …
#ام بهلول: طول بالك اعطيها للمرة الاخيرة فرصة فووت انت عند حسنية اعطيها الدواء ورح انزل لتحت عندها واشوف شو بصير معي ..اذا بتستاهل الطلاق رح خبرك..
#حمودي: ماشي فايت لجوا وحاولي تنجزي اذا خلال يومين ماخبرتيني رح طلقها …
#ام بهلول: ماشي ليكني نازلة ..
((#في بيت سعيدة …))
#ام بهلول: شوووعم اضبي تيابك ..
#سعيدة : ام بهلول: انا سمعت حديث حمودي معك فوووق …جوزي بدو يطلقني ..
#ام بهلول: عم يمزح يابنت استهدي بالله ..وقت عصبية وساعة شيطان …
#سعيدة : حمودي بهيك امور مابيمزحك بحياتي ماسمعتو قال هالكلمة ..
#ام بهلول : الله يسامحك لو انتي ما تصرفتي هيك كان ماصار اللي صار ..يعني برضيكي الوضع اللي انتي فيه هيك ..
#سعيدة : ماحد عارف شي ..
#ام بهلول: يا عمري اتركي هالشنت …ليش لتوافقي يطلقك وتتركي فرصة لوحدة غيرك تجي تاخد مكانك …بعدين لو قلنا بدو يرجعك وكان متجوز ..مارح يحسن دفتر العائلة طفح ..وماعاد مكان لزوجة خامسة ….لاتعطية فرصة ..استعيذي من الشيطان ..
#سعيدة : طول عمري وانا بقول يابنت اصبري لعلى وعسى تتغير الدنيا بوجهك …
#ام ب هلول: طول عمري بشوفك ضبعة على شو تصبري ..
#سعيدة : ام بهلول…انا ماني ضبعة مليت من هالكلمة …انا انسانة كنت بدي حقي اللي ضاع ..
#ام بهلول : حقك ..
# سعيدة : اي حقي انتي ماعم تعرفي ولاعم تفهمي شي ..
#ام بهلول : انتي خبريني شو صار ..
#سعيدة : بذكرك من شفتيني بمحل حمودي ..ذاكرة مااا ..وقلك رح تصير مرتي ..كان لابي مبلغ مال مع ابوه لحمودي ..اتفقوا يشتغلو سوا ..لانهن رفقات وماكان بينهن لاورق ولا غيروا …ومات عمي ابو حمودي..قبل لابي ييموت بشهر ..وماكن عندي ورق تثبت حق ابي بالمحل …عشت انا وامي واخواتي ايام مانلاقي حق بكيت خيز بالبيت…وصرنا نمد ايدينا للعالم ..ومن اجت امي تطلب حقنا من حمودي وعمو ..قالو لامي مافي اثبات وتهمو امي بالنصب …ماكان فيني الا افوت زوجة لحمودي لاحصل علي حقي ..وهاد يلي صار ..هو ليش حمودي وافق بسهولة يعطيني المصاري لاني جبتلو ورق لبضاعة ابي كان عم يشتريها ..واخدت حق ابي …واخواتي ..بس بالفتره هاي انا كنت متغيرة ماعدت هاديك البنت الناعمة ..صرت دافع عن حقوقي انا واهلي بالقوة..والشي اللي لالي عم حافظ عليه بقوة ..وانا هيك عم اعمل حافظ على حمودي بمحلو …كان عم بفوت بصفقات اقلو غلط مايسمعني يخسر ويفوت بديون ولولا حصتي بالمحل كان انكسر وماقدر يبقا فاتحو ..ومن اتزوج راضية كنت بعرف انو في شخص عم يدعمو ليشتري حصتي ..اوانا ما رفضت وافقت …واخدت حقي مال…ورجع حمودي لمحلو..لو انا بنت عاطلة كان اخدت حقي بدون ما اجيب منو اولاد واتحمل زوجة تالثة وزوجة رابعة ..وبقيت من تم ساكت ببيتو …وليكو بدو يطلقني بسهولة …انا مابنكر تعب راضية معو ..بس انا عمود البيت هون ..انا اللي الكل عم يعملي حساب حتى هو ..وانا اللي حافظت على تماسك هاد البيت سنين بدون ماتعم الفوضى فيه …ودايما كنت اسمع منو الكلمة الجارحة بالبداية ماكان معي هيك ..بس لو تعيشي بالبيت اللي انا عايشة فيه لتتاكدي انو معاملتو بالبيت بتختلف عن كل ضرايري ..والكل بقول ليش سعيدة رغم كل شي بصير معها من بهدلة الا انها سعيدة ..لان رغم اني بعيط وبصارخ لا اني قلبي طيب من جووا ..بدو يطلقني يطلقني مانو مهم ..
#حمودي: شووو مجهزة تيابك ..
#ام بهلول: لاء يارجال..عم تعبي لالي تياب اتبرع فيهن للفقرا ..
#حمودي: لاا ودموع التماسيح عم تبكيهن للفقرا ..
#ام بهلول : حمودي تعا ابني تعال بدي احكي معك كلمتين علي جنب ..
#حمودي: سعيدة انا ناطرك تحت من تخلصي ضب تياب ناديلي مشان وصلك لعندا اهلك ..
((حاولت اقنع حمودي يتراجع عن قراروا ماكنت اتصور انو قوة سعيدة هي دفاع عن حقها …هيك زوجات صعب تلاقي منهن بهالزمن بتحافظ على مال جوزها بالطريقة اللي عم تشوفها صح …انا مابنكر انها كان السانها طويل بس قوتها عملت توازن بالبيت …يعني متل حسنية دهاائها وافعالها الماكرة كان لابد بوحدة متل سعيدة ضدها …رغم هيك ماكنت اسمع من حمودي الا كلمات شكر عنها ..ووصلنا لباب البناية ..
#ام بهلول : اووف شو هالسيارة حمودي ليش هيك مزينها …ياالله شو كبيرة كم باب 8 ابواب شووو رح تتزوج قبل لتطلق يارجال بعقلك شي ..اسمع خدني شي شووط ولفة فيها قبل لتبلش المشاكل ..
#حمودي: ههههههههه ام محمود اطلعي قدام انتي ام العرايس ..
#ام بهلول: عرايس شووو ..
#حمودي: عرايسي ..صابرين وراصية وحسنية وسعيدة ..
#ام بهلول : سعيدة كمان ..
#حمودي: اي سعيدة ..بتعرفي انو كل زوجاتي بكفة وسعيدة بكفة لو تطبق السما على الارض مابتخلى عنها ..لك هاي صمصومه قلبي ..
#ام بهلول: بالله اقرصني ..يعني شوو افهم مابدك اطلقها لسعيدة وهالقصص كلها حيل ..
#حمودي: طبعا دكتورة الاسنان هي رفيقتها لحسنية وانا قلتها مشاكل زوجاتي واتفقت معها علي هالخطة لترجع استقرار بيتي…وانتي مابنكر كان لالي فضل عظيم ..يعني ماتوقعت صابرين تصير افضل من قبل وتهتم بحالها …وراضية اللون الاسود ماعدت شوفوا في بيتي …وحسنية صرلي اكتر من 3 سنين بقلها بدي ولد هههومن عرفت بدي اتزوج ماعادت تشرب حبوب منع حمل ..اما سعيدة لو انو عذبتني ..بس لولا وفقتها جنبي كان ماقدران هلاء طعمي اهل بيتي …وانا بعرف انو لالها حق بس كنت بدي ايها تصير مرتي لاعطيها حقها واستغليت هالفرصة لتبقى زوجتي …وليكها لسانها وقوتها انكسرت اول ماعرفت اني رح طلقها ..شفتي شلون حداقة رجل ..ومكر ..شلون بالله ..
#امبهلول: وانا اللي ارتفع عندي الضغط والسكر كل هااد كرمال تعدل من سلوك زوجاتك يا مكار ..اي بسيطة ..مادام هيك …خدني بالسيارة لعند ابو بهلول ..اشتقتلو …
#حمودي: بس انا اخد نسواني سفرة على شاليهات البحر ..
#ام بهلول: والله اي مافي مشكلة خدنا معك ….نحنا عرسان كمان …
#حمودي: ليكهن نزلوا وين سعيدة ..شو هالصوت ..
#ام بهلول: مو هاد صوت راضية وسعيدة شو القصة عم يتمشكلو ياربي مارح نخلص ..
#راضية : لك انتي المغرورة ماحد قلك تشتري نفس تيابي ..
#سعيدة : لك انا شاريه قبلك …بعدين انتي من متى بتلبسي ازرق فاتح ..
#راضية : مادخلك وقت مابدي بلبس ..
#سعيدة : بتمني ماتلبسية علي الشالية …ماحلوة يقولوا راضية بتغار من سعيدة ..
#ام بهلول: حط ايدك على خدك حط …هاد بقلك ياحمودي يا ابني المتزوج اثنين واقع بين نارين ..مابالك المتزوج اربعة يروح يدفن حالو بالمقبرة ..
#حمودي: لا وانتي السادقة اللي ما يجيب للمرا مرا يكون ابن مرا..
#ام بهلول: وين بدك تجيب يا منيل على حالك وانت السادق..اقعد واسكت مو بقولو ..جلسة الحزانه ولا جواز بمجنانه…سكروا هالشاشة شكلو رح اضلي حل مشاكل و ابو بهلول هلاء مات وشبع مووت ..اشتقتلو لمهجة قلبي …
#حمودي : خديني معك ام بهلول ..
#ام بهلول ..وين رايح معي …ولا هو بعد ما تمت الجوازه صارت الخاطبه مالها عازه..
#حمودي: اي جازة واي خطابة خديني معك مابدي نسووان
انتهت