قصة عريس الغفلة الحلقة الثالثة
تأتيكم هذه القصة من قسم المنوعات في زاكي
#عريس_الغفلة_بقلم_حنين_طه
الحلقةالتالتة
بلشت هالايام تمرق وانا كلي امل اني التقي فارس احلامي وسيدي وستي جابولي فالج ما اله معالج وكل يوم بحكي لحالي اليوم بعقلو وبكرة بعقلو بس ابدا حتى كنت افكر انهم بيوم رح يحسو بالذنب وكل يوم الصبح افتح هالمسجلة واحط اغنية كتاب حياتي يا عين وامسك هالمحرمة امخط وابكي وابكي وامخط واتطلع بسيدي هديك النظرة اللولبية انه شوفني كيف انا حزينة بس فش امل مشاعري المجروحة وتفاصيل وجهي الحزينة ما اثرت بسيدي
سناء ( ولك مروة فوتي لجوا وسكري هالشباك الدنيا برد هلا بتلتفحي )
مروة ( هي سكرته منيح هيك )
سناء( اه قومي نشوف امي شو بتعمل بالمطبخ هلا بتفتحلنا اسطوانة طويلة عريضة عن الشغل قومي )
فتنا عند ستي كانت بتعمل جبنة ستي ما بتعرف تقعد بلا شغل امها وهي حامل فيها كانت تتوحم عالشغل بتنفس شغل شهيق زفير عندها شغل
مروة ( ااااااتسو )
ام جاسر ( خير يا ستي مالك )
سناء ( صرلها ساعة فاتحة الشباك وقاعدة عليه اكيد بتكون التفحت
هاتي اشوف حرارتك
اااه والله عليكي حرارة قومي قومي نامي بتختك اغطيكي )
فتت انا وخالتي عالغرفة تنيمني
مروة ( خالتي انا رح اموت )
سناء( لا تخافي عمر الشقي بقي كلها شوية حرارة ما بتموتي اطمني
ها هي تلفوني برن هي سلفتي مها )
سناء( اهلا اهلا مها مشتاقلك والله انتي كيفك )
مها( الحمد لله هلا اسمعي ما معي رصيد كتير بس ابن اخوي ما اتفق مع خطيبته وكنتي حاكيتلي عن عروس من طرفك شو حكيتي )
سناء( اه طيب طيب تمام ولا يهمك )
مروة ( شو بدها سلفتك خالتي )
سناء( ابن اخوها الي كنت بدي ادله عليكي فسخ خطبته وبدها اياني ادلها على عروس بس انتي هلا تعبانة خلص بلاش )
مروة ( لا شو تعبانة مين قلك تعبانة ما فيي البلا خالتي اطمني )
سناء( اه قلتيلي مش تعبانة معناتو قومي خلينا نساعد ستك )
مروة ( اااخ راسي هو راسي بوجعني شوي مع حلقي بس من هلا لحتى يجي العربس بكون تحسنت )
اطلعت بخالتي بعيون كلهم ترجي ووافقت تحكي مع ستي وسيدي بخصوص العريس القادم وهالمرة حاولت اتحصن بكل دروع القوة انه ما يقدرولي
في الغرفة
ام جاسر ( شو بدنا نعمل هالمرة يا رجال والله خايفة هالمرة تزبط )
ابو جاسر ( مش مروة مريضة خلص اتركي الموضوع علي )
ام جاسر ( شو بدك تعمل )
ابو جاسر ( بدي احكيلها اني جبت من عند الصيدلي قطرة دينين ورح احط بالقطرة صمغ يوم ما بجي العريس وبنحكي للعريس انه البنت ما بتسمع )
ام جاسر ( عزا وبلكي البنت انطرشت )
ابو جاسر ( لا لا ابو ياسين حكالي انه كان يحط منه لام ياسين لما يكون بده يحكي ايشي وما بده اياها تسمع )
ام جاسر ( طيب طيب بكرة رح يجو الجماعة حضر حالك )
وتاني نهار صحيت قبل الشحادة وبنتها ضبيت كل شي مر وكل شي مالح وحار من وجه سيدي وستي ومسكت كل صنادلي وكنادري خلعت كعبهم احسن امشي عالزحف اضمن ورحت اتحمم وبلشت عمليات الحت والتعرية
ما انا ما بتحمم بهالبرد الا بين من العريس للعريس وخاصة هالمرة العريس محرز استاذ وكالة وبقبض هديك الحسبة )
ام جاسر ( مروة شو يا ستي جهزتي )
مروة ( اه يا ستي قربت )
ام جاسر ( سيدك راح جابلك قطرة من عند الصيدلي عشان تصحصحي وتبيني ما في منك قدام العريس
هاتي دانك اقطراك فيهم )
مروة ( يييي يا ستي واخيرا حن قلبكم علي خدي خدي يا ستي )
ام جاسر ( اه ولا كيف انتي بنت الغالية
ها وهي قطرتلك استني شوي لينشف )
مروة ( شو هو الي ينشف )
ام جاسر ( قصدي لتفوت لحتى القطرة توخد مفعولها
ها هي الباب بدق شكلها خالتك سناء )
مروة ( شو )
ام جاسم ( الحمد لله شكله اشتغل )
مروة ( شو )
طلعت ستي من عندي
ام جاسر ( اهلا اهلا يما يا سناء هي مروة جوا بالغرفة )
سناء( اه فايتة اشوفها
مروة يا مروة جهزتي يا خالتي )
مروة ( شو )
سناء( عم بحكي ما شاء الله عنك طالعة قمر )
مروة ( شو )
سناء( خالتي صايرلك ايشي)
مروة ( شو )
سناء( امنت بالله على هالنهار هي الجماعة وصلو يلا اطلعي )
مروة ( شو )
سناء( اااخ يا ربي شو هالمصيبة لك اطلعي انقلعي برا الجماعة وصلو ولا تلبسي لا صندل ولا سخام اصلا بلا شي من ورا شو هاي ما رح يرجعو الجماعة امشي )
مروة ( شو )
مسكتني خالتني وطلعتني دفش وبالصالة كان سيدي وستي بحكو للعريس واهله اني طرشة وما بسمع وحتى قالولهم هلا بتاكدو بعينهم
قعدت جنب خالتي وانا اطلع بهالعريس واسبله بعيوني وارفرفله بايدي
ام العريس( مسا الخير يا حلوة )
مروة ( شو )
ام العريس( عم بحكي ما شاء الله عنك قمر وبتجنني )
مروة ( شو )
ام العريس( العما طلع الحكي مزبوط )
مروة ( شو )
سناء( ولك اسكتي فضحتينا )
مروة ( شو )
سناء( ااايه تفضلو تفضلو يا جماعة القهوة )
اطلعت عالعريس شفته بينظرلي بنظرات غريبة عيونه مع حواجبه عاملات زاوية منفرجة قربت لعند خالتي
مروة ( خالتي ليش هيك بتطلعو فيني العريس وامه عجبتهم صح )
سناء( ما بعرف لحتى يروحو بحكو مع مها وبعرف )
مروة ( شو )
سناء( ولك اسكتي اسكتي ريتك للشواية الي تشوي بدنك )
مروة ( شو )
قرصتني خالتي قرصة وقفت تدفق القلب باجري حسيت اجري نملت بس الي فهمته من القرصة اني اسكت وما احكي وما شفنا الا الجماعة بودعو بدار سيدي وروحو
سناء( يعدمني اياكي الهي ولك شو صايرلك ولك ما انتي قاتلة حالك تتزوجي )
مروة ( شو )
سناء( امي شلوها من قدامي احسن ما ابتلي فيها يا فضيحتي هلا قدام سلفتي )
وبقيت على هالحالة يومين ما بحكي غير كلمة شو
اذا حكولي صباح الخير بحكيلهم شو واذا قلولي توكلي بحكيلهم شو واذا اجو يتطلعو مشوار بحكيلهم شو حتى صابهم طنين بالاذن الوسطى وصارو وهم نايمين يحلمو ويحكو ( شو )
لهيك قررو بالاخير ياخدوني عند الدكتور علاء ابنها لام مصطفى جارتني انا توقعت انه يكون شبه ام مصطفى لانه خالتي ام مصطفى بتشبه زوجها بس لابس حجاب لهيك اطلعت ببجامتي المنقطة على جرابات وحفاية وجاكيتي الفرو الي عاساس فرو دب لكن من كتر عمليات المد والجزر تحول لفرو ارنب بس مو مهم المشوار قريب
واول ما وصلت لهناك لك هالقمر الي هناك لك يطلع على قبري لك يشكل آسي ( مع العلم ما بعرف شو يعني يشكل آسي بس هيك بسمعهم بمسلسل ايام شامية بحكو
لك ضغط على مشاعري المحترقة حتى صار صار قلبي يدق ويرف والكبد بطل يشتغل حتى بنكرياسي بطل يفرز شي هلا ما بعرف شو دخل البنكرياس بس شكله حابب يشارك بكومة هالمشاعر الي صابتني
شو هدوء شو ادب شو تعامل عالجني وروحت عالبيت افكر واخطط وارتب وانظم بفكرة لجلب فارس احلامي اول ما روحت ركضت لعند خالتي ضميتها
مروووة ( خالتي انا لقيت فارس احلامي )
سناء( شو )
…. يتبع في الحلقة القادمة