حلوى جوز الهند والمفاجأة بدون فرن
معكم صديقة زاكي الشيف الموهوبة حنان السليتي
حلوى جوز الهند طعم ولا اروع
كوبين جوز الهند منطحنهم لا ناعم ولا خشن يكون وسط/ كوبين حليب سائل/ نصف كوب زيت /نصف كوب سكر /ملعقه كبيره زبده/ ملعقه صغيره فانيلا/ نصف كوب سميد ناعم او خشن الي موجود…
منحط كل المقادير في طنجره باستثناء جوز الهند والزبده منحركهم على البارد ومنحطهم اول شي على نار وسط ومنضلنا نحرك فيهم لحتى يغلوا بس يغلوا منوطي النار اتكون هادئه جدا منضيف ملعقتين سمنه ومنضلنا نحرك فيهم لحتى يذوبوا ومنحط جوز الهند ومنحركهم مع بعض شوي ومنطفي عليه ومنخلي الخليط ليبرد ومنحطه في البراد لمدة ساعه وبعدين منشكلهم..
منقسم الخليط قسمين قسم منخليه زي ما هو وقسم منضيف عليه ملعقتين كبار كاكاو ومنخلطهم في بعض كويس ..
التشكيل..
منعمل من كل خليط دائرتان ومنمدهم بشكل طولي على الرخام او على اي شي بعد ما اندهنه بشويت زيت زي الي بالصوره ومنثبت الطرف الاول مع بعضه ومنبلش انجدلها ومنثبتها من الطرف التاني ومندحرجها بجوز الهند ومنقطعها بالسكين بالحجم الي منحبه ومنحطهم في البراد ليتماسكوا لمدة ساعتين…
الف صحتين وهناااا..
