صفيحة سورية بعجينة العشر دقائق للمرة الثالثة بعملها والنتيجة خراااافية

صفيحة سورية بعجينة العشر دقائق للمرة الثالثة بعملها والنتيجة خراااافية
معكم صديقة زاكي الشيف الموهوبة  ‎Mariam Ramadan‎
عملت اليوم صفيحة سورية ع الصاجة طلعت بتشهي . بعجينة العشر دقايق …للمرة الثالثة بعملها وطلعت بتشهي

مقادير العجينة 
5 كاسات طحين
3كاسات ماء دافي
معلقة كبيرة خميرة
معلقة كبيرة سكر
فنجان لبن رايب
رشة ملح
معلقتين زيت زيتون

مقادير الحشوة
كيلو لحمة مفرومة ناعمة
3 حبات بصل
3حبات بندورة
معلقة معجون طماطم كبيرة
معلقة دبس رمان كبيرة
معلقة بابريكا كبيرة
معلقة كبيرة زيت زيتون
معلقة دبس فليفلة .وبامكانك الاستغناء عنه
4 فصوص ثوم
معلقة ملح
معلقة فلفل اسود

الطريقة 
بالنسبة لعجينة العشر دقائق
بتحطي بوعاء كاسة ونص ماء دافي ومعلقة الخميرة ومعلقة السكر وبتذوبيهم منيح وبتضيفي كاستين طحين وبتخلطيهم منيح وبتتركيهم عشر دقائق ..بعدها بتضيفي اللبن ورشة الملح وبتضيفي كمان كاسة ونصف ماء وباقي الطحين وبتعجنيهم منيح وبتحطي ع الوجه معلقتين زيت وبتخلطيهم منيح
بتفردي قطعة قماش وبترشي عليها طحين وبتقطعي العجينة لكرات صغيرة وبتتركيها ترتاح لحتى تجهزي الحشوة
تجهيز الحشوة
في محضرة الطعام بتفرمي البصل والتوم والبندورة لحتى يصيروا ناعمين
بتحطيهم بوعاء وبتضيفي اللحمة وجميع المكونات المذكورة فوق
بتحطي صاجة تيفال على راس الغاز او مقلاة تيفال .بترقي كرة من العجين بشكل دائري حتى تصبح رقيقة نوعا ما
بتحطيها ع الصاجة بحرارة متوسطة وبتفردي معلقتين كبيرتين من الخلطة فوق العجينة
مجرد ما تحمر العجينة من تحت بترفعيها وبتحطيها على صينية وبتحطيها بالفرن تحت الشواية لحتى تستوي وهكذا حتى نفاذ الكمية والف صحة وهنا
تقدم مع التبولة والتبولة معروفة كم حزمة بقدونس مغسولة ومفرومة وكم حبة بندورة وكم ورقة نعنع وبرغل ناعم منقوع وبصلة مفرومة ناعمة وزيت زيتون وعصير ليمون

#صفيحة ام نضال