المقلوبة العشق الذي لا ينتهي
معكم صديقة زاكي الشيف الموهوبة حنان السليتي
الطريقة:
منقطع الجاجه اربع قطع وبعد ما اتغسليها منحطها في طنجره ومنضيف عليها بهارات المقلوبه مكعب ماجي ملعقة سمنه رشة فلفل اسود وشة هيل رشة قرفه وعلى الغاز لحتى يستوا
بهاد الوقت بقلي الي بدك اياه انا قليت حبتين بطاطا وبتحط زهره وحبة بيدنجان الي موجود ومنخليهم على جنب
مننقع كاسه ونص رز شعلان وكاسه ونص رز صنوايت مع ملعقة خل لمدة ربع ساعه بعد الربع ساعه منغسل الرز ومنحوس شعريه بملعقتين سمنه لحتى يصيروا شقر ومنحطهم فوق الرز ومنخلطهم مع بعض
بس نخلص سلق الجاجه مندهنها بصلصة البندوره ومنحمرها بالفرن او بتقليها زي ما بدك منحطر طنجره او صينيه منحط البطاطا والزهره والبدنجان وبعدين الرز وبصير اتحطي الجاجه زي ما بدك انا ما بحطه مع الرز انتي حره ومنحط عليه ميت السلق وعلى نار عاليه لحتى يغلوا وبعدين منوطي عليه لحتى يستوي على نار هاديه وبتزينيه باللوز اوالفسدق بالهنا…