وأخيرا عرفت سر دجاج بروستد اللي بنشتريه جاهز مين بدها الطريقة؟
وأخيرا عرفت سر دجاج بروستد اللي بنشتريه جاهز مين بدها الطريقة؟
معكم صديقة زاكي الشيف الموهوبة حنان السليتي
🍗بروستد ولا اروع🍗
مننقع الدجاج قبل بيوم او مننقعها اربع ساعات
دجاجه منظفها ومنقطعها ثمانية قطع منحط عليها ملعقة ملح صغيره / ربع ملعقه صغيره فلفل اسود/ 3 سنون تومه مهروسين ناعم /ملعقه صغيره بهارات مشكله /علبة لبن زبادي/ ملعقتين كبار صلصة البندوره /ملعقه صغيره بابريكا حمرا حلوه او حاره /فنجان صغير زيت زيتون/ عصير حبة ليمون /رشة زنجبيل/
ومنخلطهم مع بعض ومنتبل قطع الدجاج فيها وعند القلي منحط وعاء فيه طحين ابيض ومنحط عليه شويت ملح وفلفل اسود وبهارات مشكله وملعقه كبيره بيكمباودو وملعقه كبيره نشا منخلطهم مع بعض
ومنبلش نقلي اول شي منحط الدجاج بالطحين ومنرجع انحطه بالخليط الي تبلنا فيه الدجاج ومنرجع انحطه بالطحين مره تانيه وهكذا لنخلص الكميه كلها ومنقليهم في زيت غزير وحامي اول شي على نار عاليه وبعدين على الوسط ليستوي الدجاج من الداخل ويقدم معه البطاطا والكاتشب.
الف صحتين وهناااا…