هذه هي الطريقة لعمل فلافل مشوي بالفرن مقرمش من برا وطري من جوا
هذه هي الطريقة لعمل فلافل مشوي بالفرن مقرمش من برا وطري من جوا
معكم صديقة زاكي الشيف الموهوبة Amal Mahmoud
فلافل غدانا اليوم وكالعادة بطريقة صحية مشويين في الفرن وطيبيين مقرمشين من برا وطرايا من جوا
الطريقة:
نقعت كوبين فول مجروش وكوب حمص لتاني يوم صفيتهم وغسلتهم. وفي محضرة الطعام حطيت بصلتين مقطعين وحصوص توم ونص ضمة بقدونس ونص ضمة كزبرى وطحنتهم وبعدين زدتهم نص كوب مي وكفيت طحنهم حتى نعموا
وقسمته بالنص والجزء اللي بدي استعملو وضعتهم في جاط وحطيت معهم ملح وفلفل احمر بودرة وكزبرى ناشفة وكمون وفلفل اسود ممكن وضع بهارات الفلافل وحطيت معهن بيضة ومعلقة صغيرة مش مليانة بيكنغ صودا وخلطتهن منيح
وبعدين دهنت صنية او ورقة زبدة في قاع الصنية وعملت الفلافل اقراص ودهنتهن بالفرشاي زيت نباتي ورشيت عليهن سمسم او كزبرى حب وشويتهن بفرن محمى وسط حتى أخدوا لون. وقدمتهن مع صلصة الطحينة
ملاحظة الباقي من عجينة الفلافل ممكن وضعه في كيس نايلون في الفريزر بدون تمليحهم وتتبيلهم
