الكنافة الخشنة خطوة بخطوة وبالتفصيل من أنجح الطرق اللي جربتها
الكنافة الخشنة خطوة بخطوة وبالتفصيل من أنجح الطرق اللي جربتها
معكم صديقة زاكي الشيف الموهوبة Amal Mahmoud
الكنافة بالجبن
نص كيلو شعيرات الكنافة طحنتن في محضرة الطعام طحن خشن دوبت قالب زبدة صغير بس شلت معلقتين منو قبل التذويب لدهن الصنية.
خلطت الزبدة الذائبة بس تكون فاترة مش تغلي مع عجينة الكنافة في جاط.
دهنت صنية بالزبدة الطرية القعر والدوائر.
رشيت بايدي تلتين العجينة في الصنية. ورصيتهم منيح بإيدي.
قطعت حوالي 700 غرام جبنة موزاريلا وفركتن بإيدي مع معلقة سكر ومعلقة صغيرة ماء زهر ومعلقة صغيرة ماء ورد.
وضعت الجبنة فوق الفرك دون ان أصل الى أطراف الصنية وملستهم بإيدي ثم وضعت محارم مطبخ فوق الجبنة وتخلصت من الماء حتى ما تنزل مَي ومبين بالصورة وشلت المحارم.
ووضعت تلت العجينة رش بإيدي. ورصيتهم بإيدي.
حطيت الصنية في فرن 180 حوالي نص ساعة حتى اشقرت دوائر الصنية ووجهها شقار خفيف.
طلعتها من الفرن وريحتها حوالي عشر دقائق وبعدين قلبتها على صنية اكبر منها وسقيتها بالقطر وزينتها بالفستق وقدمتها سخنة.
طعم روووعة جربوها والف صحة وهنا 
😘😘😘
😋😋😋
ملاحظة انا استعملت موزاريلا ما بدها تحلاي اذا بدكو تستعملي جبن العكاوي لانو مالح يحتاج الى تحلاي تقطعيه وتنقعيه بالماء البارد ليلة كاملة وتغيري الماء عدة مرات حتى يحلو.
الكنافة الخشنة خطوة بخطوة وبالتفصيل من أنجح الطرق اللي جربتها