كعك صحي مقرمش بدون بيض ولا سكر لأشهى فطور مع كباية حليب
كعك صحي مقرمش بدون بيض ولا سكر لأشهى فطور مع كباية حليب
كعك الشوفان الصحي المقرمش سهل كتير بدون بيض ولا سكر والطعم روووووعة أشهى فطور صباحي مع كباية حليب
معكم صديقة زاكي الشيف الموهوبة Amal Mahmoud
طريقة الكعك المقرمش بالشوفان :
في جاط او في الخلاط كوب ونص شوفان مطحون وكوب طحين اسمر او ابيض وفيكو تحطوا اي نوع طحين. وحطي معلقة صغيرة ملح ومعلقة صغيرة محلب ومعلقة صغيرة فانليا ومعلقة صغيرة خميرة ومعلقة سكر او عسل متل ما انا استعملت. يخلطوا ويضاف اليهم نص كوب زيت نباتي او مخلوطين نباتي وزيت زيتون ثم حوالي نصف كوب ماء فاتر اعجنيهم حتى تحصلي على عجينة طرية. ضعيهم في صحن فايش مش غميق نفس الصورة وريحيهم حوالي ربع ساعة دون ان يتضاعفوا فقط يرتفعوا شوي. قطعيهم بالسكين ودحرجيهم على الطاولة شكل حبال ثم دوائر او أصابع ضعيهم على صنية عليها ورقة زبدة وادهنيهم ببيضة مخلوطة مع حليب وفانيليا.
لا يحتاجوا تخمير
مهم جداً في سر حصول القرمشة ادخليهم فرن محمى قبل على حرارة منخفضة حسب فرنك يعني حوالي 130 واتركيهم حوالي خمسة واربعين دقيقة حتى ياخذوا اللون الذهبي
ملاحظة اذا وجدتيهم بعد ما بردوا مش مقرمشين كتير رجعيهم الى الفرن على نار هادية من ربع الى نصف ساعة.
وتذوقي اطيب كعك وألذ من الجاهز بكتير.
