اليوم ولادي فرحانين لأني عملتلهم لزانيا وصورتها لإلكم خطوة بخطوة شجعوووني
اليوم ولادي فرحانين لأني عملتلهم لزانيا وصورتها لإلكم خطوة بخطوة شجعوووني
معكم صديقة زاكي الشيف الموهوبة Amal Mahmoud
طريقة اللازانيا:
الصلصة الحمرا في طنجرة بتحطي معلقتين كبار زيت زيتون وبتقلي بصلتين مفرومين ليدبلوا بتضيفي اللحمة المفرومة وبتقلبيهن لياخدوا لون بتضيفي توم مهروس وفطر طازة مقطع اومعلب وتقلبيهن شوي ثم ضيفي ملعقتين كبار صلصة وقلبيهن دقيقة ثم بندورة حمرا معصورة او مبروشة وحركيهن ثم ملح فلفل اسود اوريغانو واتركيهم على الغاز يتسبكوا جيدا حوالي نص ساعة.
اعملي البشاميل
الصوص الابيض لصنية كبيرة لبتسخني خمس اكواب حليب وبطنجرة تانية بتذوبي اربع ملاعق زبدة مع ملعقة زيت نباتي وبتضيفي خمس ملاعق طحين وبتحركيهن لدقايق حتى يتحمصوا شوي وبتضيفي عليهم الحليب الدافئ شوي شوي وبعدين حطي ملح وفلفل اسود ورشة جوز الطيب واوريغانو وحركيهم على نار خفيفة ليتماسكوا واستعمليهم وهني دافيين باللزانيا
ادهني بايركس بالزيت وحطي طبقة خفيفة صوص ابيض بعدين شرايح اللازانيا بدون سلق وبعدين صلصة حمرا وفوقهم جبنة مبروشة وبعدين لزانيا وفوقهم صوص احمر وجبنة وشرائح لزانيا وآخر شي على الوجه الصلصة البيضا وجبنة مبروشة ودخليهم فرن محمى وسط من تلت لنص ساعة حتى يشقر سطحها
والف صحة وعافية
