طاجن اللحمة بالخضار بالفخارة بالفرن عملته خصيصاً لابني لأنه ما بحب الخبيزة
طاجن اللحمة بالخضار بالفخارة بالفرن عملته خصيصاً لابني لأنه ما بحب الخبيزة
معكم صديقة زاكي الشيف الموهوبة Mariam Ramadan
أنا طبخت اليوم خبيزة لإلي أما الطبخة التانية اللي عملتها لابني اللي ما بحب الخبيزة
طاجن اللحمة بالخضار بالفخارة بالفرن
المقادير
نصف كيلو لحمة بدون عظم مقطعة مكعبات
حبة فليفلة حمرا
حبة فليفلة خضرا
حبة جزر
حبة بندورة حمرا
حبة باذنجان صغيرة
راس بصل
رشة ملح
رشة فلفل اسود
رشة زنجببل
رشة هيل مطحون
رشة بهارات مشكلة
زيت ذرة
قطعة عجين بحجم الرغيف
الطريقة
اول شي بقطع الخضار شرايح بالطول ماعدا الباذنجان مكعبات
بقلب اللحمة اولا بزيت ذرة لحتى يصير لونها ذهبي ،بشيل اللحمة وبنفس الزيت بقلب كل الخضار وبضيفلهم الملح وجميع البهارات الموجودة
الباذنجان بقلبه لوحده لحتى يصير لونه اشقر وحتى ما يذوب مع الخضرة
بالفخارة بحط اللحمة المقلبة والخضار والباذنجان وبسكب فوقهم مقدار كاسة مي مغلية، وبرق العجينة وبغطي الفخارة فيها وبحطها بالفرن لمدة ساعة وبعدين بحطها تحت الشواية لحتى تحمر العجينة شوية وممكن تحمر بالفرن بدون شواية
وبنقدمها مع الارز بشعيرية وصحة وهنا
#لحمة بالفخارة ام نضال
