اول طبخة خبيزة الحمد لله مين بعرفها؟

اول طبخة خبيزة الحمد لله مين بعرفها؟
معكم صديقة زاكي الشيف الموهوبة ‎Mariam Ramadan
وكل موسم وانتم بخير
اول طبخة خبيزة الحمد لله
الخبيزة اكلة شتوية ولذيذة جدا ونحن بنطبخها على صنفين مختلفين كل صنف طعمه بيختلف عن الاخر

الصنف الاول اسمها معصرة او حوس

بنشيل كل الاعشاب من الخبيزة وبنفرمها مع العيدان مثل السبانخ وبنغسلها منيح من التراب وبنصفيها
بنفرم راس بصل كبير وبنقلبه بزيت زيتون لحتى يتذبل وبنضيف الخبيزة المفرومة بالتدريج مع التحريك المستمر لحتى نضيف كل الكميية وبنوطي النار ع الهادي وبنضيف رشة ملح وما بنغطي الطنجرة حتى تحافظ الخبيزة ع لونها الاخضر .طبعا الخبيزة رح تنزل مي لحالها وتستوي بميتها

الصنف التاني اسمها مفتلة

بنلقط ورق الخبيزة فقط مثل الملوخية وبنغسلها وبنصفيها وبنحطها بطنجرة وبنضيفلها مي مغليه ورشة ملح وبنتركها لحتى تستوي .وبنخفقها بالخفاقة الكهربائية خفقتين فقط لانه ما بدنا اياها مطحونة
وبنضيف للخبيزة مقدار نصف كاسة من مفتول طحين القمح ّانا عندي مفتول بالفريزر بحتفظ فيه لطبخة الخبيزة ،واذا ما عندكم انقعي شوية برغل وبس ينفشوا وتجف ميتهم افرديهم بصينية ورشي عليهم طحين وفركيهم براحة ايدك بشكل دائري حتى يتكون عندك حبات المفتول ،بتضفيهم للخبيزة وبتقلبي راس بصل مفروم بزيت زيتون وبس يتذبلوا بتضفيهم مع الزيتات للخبيزة وبتتركيهم يغلوا كم غلوة وبتطفي النار
وصحة وهنا

#خبيزة ام نضال