طبيخي لليوم فاصولياء بيضاء أكلة شتوية رخيصة وطيبة يا ترى في حدا بحبها منكم
طبيخي لليوم فاصولياء بيضاء أكلة شتوية رخيصة وطيبة يا ترى في حدا بحبها منكم
معكم صديقة زاكي الشيف الموهوبة Mariam Ramadan
مساء الخير لاحلى جروب
اليوم عملت فاصوليا بيضا يعني فاصوليا ناشفة
المقادير
نصف كيلو فاصوليا
كيلو لحمة خروف
راس بصل
ملح ،فلفل اسود ،هيل ،زنجبيل ،ورقتين غار
زيت ذرة
6 حبات بندورة حمرا
نصف كيلو ارز
توم وكزبرة حسب الرغبة
الطريقة
بنقع اللحمة بالملح والخل مدة ساعة
بنقع الفاصوليا 6 ساعات تقريبا
بشيل اللحمة من النقع وبفرم بصلة وبقلبها بالطنجرة مع قليل من زيت الذرة وبقلب اللحمة معهم وبعدين بضيف الفاصوليا وبقلبها شوية مع اللحمة وبعدين بضيفلها ماء مغلي وبضيف جميع المطيبات وبتركها ع النار لحتى تستوي وبعصرلها بندورة وبتركها تتسبك .وبدق توم وبفرم شوية كزبرة وبقلبهم بشوية زيت وبزين فيهم صحن الفاصوليا والرز واكيد حسب الرغبة..واكيد الكل بيعرف يفلفل ارز ابيض وصحة وهنا
#فاصوليا ام نضال
