منسف على طريقتي وياريت ماحدا يتفلسف ويقلي هيك ومو هيك والله بحبكم من قلبي

منسف على طريقتي وياريت ماحدا يتفلسف ويقلي هيك ومو هيك والله بحبكم من قلبي
معكم صديقة زاكي الشيف الموهوبة جلكسي والدنيا عكسي

منسف
من آطيب الآكلات المنسف وبختلف طريقة طبخو من مكان لمكان وأنا هيك بطبخو
المكونات
لحم عجل أوخاروف حسب الرغبه، لبن جميد، أرز حبه قصيره ،كوب لبن زبادي، مكسرات، بقدونس، مطيبات، شراك،ثوم ، معلقتين نشا.
طريقة البن
مكعب لبن جميد بنطحنو وبننقعو بمرق قبل بوقت بعدا بتحطي بالخلاط مع كوب لبن زبادي ومعلقتين نشا وكوب مرق ويتم خلطو جيدا مدة ربع ساعه حتى يصبح ناعم ورغوي بعدا بتصفي بطنجره وبتخلي يغلي من دون اي اضافات حتى يعقد بعدا بضفيلو مرق بتحصلي ع القوام المطلوب بتعملي قدحة ثوم بسمن بلدي وبضيفيلو لحم يغلي مع لبن ياخد نكهه.
اللحمه
بعد غسلها بتحطيها بطنجرة ضغط وبضفيلها الماء المغلي وبس يغلو بتشيلي شوائب وزفره وبتحطي المطيبات(ورق غار، حبة بصل ،حب هيل ، حبة لومي،عود مرميه منشان الحمه طازه بتسحب زنخه ،حب فلفل أسود، حب كزبره، ما بنحط ملح لانو الحمه بتنحط بالبن مالح وبتاخد نكهتو) بعدا بتسكري الطنجره وبتضغطيها 40 دقيقه وبتفتحي وبتشوفي الحمه ازا استوت حسب نوعها، وبتعملي الأرز بتحوسي بزيت ذره ومعلقة سمن بلدي وبتقلبي وبضيفلو نص مرق ونص ماء ساخن وبتطبخي ع نار هاديه ، بتحمصي المكسرات، بعدا بتحطي شراك بصحن التقديم وفوقو الأرز وبتنشلي الحمه من البن وبتحطيها وبتسقي الأكل لبن وريحه يااااااويلي وبضيفي ازكا شي لمكسرات ولبقدونس وصحتين والف عافيه ما في آطيب من المنسف فيكي ضيفي وتشيلي الي بتحبي لأنو الآكل آذواق
صديقتكم هزوره
جلكسي والدنيا عكسي