#طقوس_عانس
#للكاتبة_جمايكا_أحمد
انتهت
الجزء الاول ..

#جوليا :- بحياتك مارح تتغير رح اضل طول عمرك اناني وتعيس وبتفكر بس بحالك..

#نديم :-هلاء انا صرت اناني ولا انتي انسانة مابتشبعي ولا قنوعة..

#جوليا :- اي مابشبع الحياة مو أكل وشرب انا كنت عايشة مع اهلي عم اكل وعم اشرب حاجتك تحكيني بهاي الطريقة كل ماصار خلاف بتقلي مابتشبعي على شوية اغراض للبيت عم تسمعني وياريتني انا يلي باكلهن كلن لالك ولعزايمك يلي مشغلني فيهن يوميا..وبعد ما تنتهي عزومتك يا بتنام يا عند رفقاتك ياعينك بالموبايل مابتشيلا ..

#نديم :- اووووف كل يوم نكد ومشاكل ونق مليت من هالعيشة هاااي ومابدي ضل بالبيت ..كرهتيني فهالحياة يلي كلها نق ..

#جوليا :- ليش مو انت يلي كنت قاتل حالك لتعيش معي هلاء صارت ماتعجبك ..

#نديم :- لا ياستي ماعاد يعجبني انا بدي صبية صغيرة اتزوجها تجيب لالي اولاد شو يلي ضرب بمخي واتزوج كبيرة قال فهمانة ..

#جوليا :- بدك تزوج عليه

#نديم :- ماحد بيقدر يمنعني ..

#جوليا :- اذا بتزوج عليه اعرف انك خسرتني..

#نديم :- بالناقص ..يالا سلام رايح اغير جو..

…..

#رشا :- اختي انتي هون .. ليش عم تبكي شو صرلك ..احمد فوت شنتاية جوليا..

#جوليا :- ماعم اقدر اتحمل اكثر يا رشا الحياة ضدي بكل شي ..

#رشا :- قليلي شو يلي مزعلك هيك .. متمشكلة مع نديم مدايقك بشي.

#جواليا :- مين يعني غيروا تعبت ..

#رشا:-رجع ضربك.

#جواليا :-لاء.

#رشا :-لكان

#جواليا :-بدو يتزوج عليه ..

#رشا :-لاء مابعملها ..بس حكي ..

#جواليا :-اليوم فتح الموضوع مع دار عمي وهني موافقين ..

#رشا :-اووف شو هالحكي مو على اساس انتي الكنة اللي مابتتعوض حكيتي مع عمك

#جواليا :-اي بس مارد عليه صار يقلي بدو اولاد وانو ماقصرنا معك وعالجناكي وانتي بنت منيحة واعتبريها اختك الصغيرة واحتويها وابنها هو ابنك..كان عم يحرقلي قلبي بأسلوبو ..ماقدرت اتنفس قمت جمعت تيابي وجيت مالي قدرة اشوف وحدة تانية عم تشاركني حب عمري اصبرت عليه 9 سنين وهو يقلي السنة هاي السنة الجاي…ومن فات القطار فيني وفيه اجا طلبني..

#رشا :-مافاتك القطار ولا شي عمرك بعدو 34 ومعك عمر لتجيبي اولاد وهاي قدرة الله وحاجتك اتفكري بهالحكي ..انا رح احكي مع ابي يحاكيه بلكي …

#جواليا :-لاتقولي شي..وينا امي..

#رشا :-امي اها طلعت مشوار يمكن عند خالتي ..تاكلي معي

#جواليا :- مالي نفس .. انا بدي نام شوي ..

#رشا :-ومين لالو نفس على هالدنيا الغبرة..

(( انا رشا عمري 29 سنة واختي جواليا عمري 34 سنة وبينا صبي اسمو احمد عمروا 32 ولهلاء ما اتزوج..حياتنا بلشت بسيطة انا واخوتي مقفل بيتنا على حالنا ..ماحد بيعرف عنا شي .حتى الجيران مابيعرفوا اشكالنا او اسماءنا ماكنا نختلط بحد من البيت للجامعة ومن الجامعة للبيت ..دراسنا فنون جميلة وانهينها .انا واختي على قدر من الجمال ..الحمد لله بس حظ مافي..رغم انو خلصنا جامعة بمعدلات ممتازة الا انو وظيفة ماعنا ..حتى اخي خلص جامعة وكل مابيروح يقابل لشغل برفضوه..والمعيل الوحيد هو بقالة ابي..دكان على قد الحال شوية سناك وشغلات طيبة بتجيب لالنا .مصروف اليوم. .الحمد لله لانحنا فقراء ومحتاجين ولا نحنا اغنياء ومبذرين على قد لحافنا بنمد رجلينا ..من اختي خلصت جامعة بلشت تاخد دورات ومعاهد ترفع مستواها اكثر لتحصل على وظيفة وللاسف كانت محاولاتها تبات بالفشل ..احيانا تحصل على وظيفة شهر شهرين بس بآخر المطاف يبدلوها بشخص تاني …او يوقف عقدها ..حتى الزواج رغم انها طويلة وجميلة وشعرها لتحت خصرا وعيونها لوزية الا انو الخطابة من يفوتوا بيتنا وينبهروا بجمالا الا انهن يرفضوها ومايرجعوا يردوا علينا ..هالشي تعب اختي وزاد الوضع سوء عليها ..ماعنا حد بيكرهنا لان ماكنا نسيئ لحد لهيك راح من بالنا انو الموضوع سحر وهالحكي الفارغ ..

#ام أحمد :- رشا ما اتصل علينا حد..

#رشا :-ليكني امي قاعدة جنب التلفون ماحد اتصل ..

#ام احمد :-وينها اختك..

#رشا :-عم اترتب بغرفة اخي فوق..

#ام احمد :-طيب اقفي عند السلم ومن تجي تنزل خبريني بدي دق لام سلطان اسألها ليش مارجعو ردوا خبر الخطابة..

#رشا :-حاضر امي ..

#ام احمد :-عم يرن ..الو كيفك حبيبتي وينا امك ..اي اعطيني اياها ..الو ام سلطان كيفك حبيبتي ..

#ام سلطان :-اهلين ام احمد اي حبيبتي الحمد لله وانتي ..

#ام احمد :-بخير من الله بس زي مابتعرفي كنت بدي اسالك وبغلاة الغالي عندك لاتخبي عليه ..صرلي اسبوع عم انطر الناس يلي من طرف قرايبك قليلي ليش ما اتصلو على الاقل يقولوا موافقين او لاء..

#ام سلطان :- بالله عليكي ماتاخدي على خاطرك من كلامي..

#ام احمد :-يووه يابنت الحلال ليش لاخد على خاطري نحنا خوات ..ورفقات عمر قولي الله يسعدك..

#ام سلطان :-مابدي تزعلي لكلامي يلي رح قلك اياه وبدي تسمعيه من هون تطلعيه من ذانك التانية ..

#ام احمد :- قلقتيني يالا قولي..

الجزء الثاني ..

#ام سلطان :- اعوذ بالله من هالحكي مو مشانهن اولاد عمي بس حرام المرا ادمية وابنها محترم..قالت لالي انها البنت ماعليها شي ومثل القمر بس ما ارتاح من اجا شافها ..

#ام احمد :-يالطيف شو هالحكي ام سلطان..

#ام سلطان :-امو خبرتني قالت انو كان مخنوق وشي قعد على قلبو ومو قدران يتحمل ماسدق يطلع من هالبيت بقلها حيطانو طبقو على قلبي ..وشميت لالو ريحة نته عاطلة..والبنت ماشافها محبوبة ..انا انصدمت من كلامها قلنا ماشاء الله ولو بيتهن بسيط والله ريحة الياسمين بتهف هف منو .مو مشانك رفيقتي لا والله بشهادة امو للشب قالت والله ماحسينا يلي حس فيه وهي عجبها بنتك..وبتقلي ماشاء الله مثقفة ومحترمة بس الولد ما ارتاح…

#ام احمد :- اااااخ تعبني هالموضوع يا ام سلطان نفس الحكي بسمعو كل ما يتقدم لالنا حد ..يا البنت بتتعب من العريس يالعريس بروح ومابرجع..

#ام سلطان :-لاتواخذيني بهالحكي بس والله يعني حاجتك نوم ..واضحة مثل ضو الشمس..

#ام احمد :-مافهمت عليكي يا ام سلطان شو قليلي..

#ام سلطان :-خدي هالبنت وروحي فيها على شي شيخ يمكن حد سحرها صار عمرها 27 سنة واختها مثلها البنتين على وجه زواج يمكن حد من اولاد الحرام عامل لالها سحر..

#ام احمد :-والله يختي مابحب روح هيك اماكن والله الحامي بناتي مالهن حاقد وماضروا حد.

#ام سلطان :-ياعمري الاذية بتجي حتى لو انتي احسن مخلوقة بالكون الحاسد مابفكر انك انتي منيحة ومابتستاهلي هيك شي ..بفكر بس ماحد يكون احسن منو …

#ام احمد :- طيب شيوخ هالزمن سدقيني ما برتاح لالهن..

#ام سلطان :-شو رأيك اخدك لعند وحدة بتعرفلك حتى مين يلي عمل هيك…

#ام احمد :-هيك فكرك … طيب ساحرة ولا شيخة ..

#جواليا :- امي ..

#ام احمد :-اي والله حبيبتي يووه مادامو هيك ينسا مابناسبنا ..ماتزعلي يا ام سلطان بس هالشغلات نحنا مابنقبل فيها قبل بنتي والعرسان على قفا مين يشيل …يالا بحكي معك بغير وقت مع السلامة ياغالية..اووف شو حكيا كتير هالمرة كانو حد كان عم ينادي عليه يارشا يارشا..

#جواليا :-بالحمام رشا… انا رتبت غرفة اخي ..بدك شي مني طالعة للشغل ..

#ام احمد :- على الدروس الخصوصي..

#جواليا :-اي امي مابتاخر اليوم بس لل 6 العصر ..

#ام احمد :- وين عند مين ..

#جواليا :-عند اولاد سحر كنة ام صافي …

#ام أحمد :- ميسرة حبيبتي سلمي عليها . ..

((ام صافي هي حماتها لاختي هلاء ..كانت اختي تروح ادرس احفادها ..اولاد صافي ..عيلة ادمية وحبابين ورفقات اهلي ..وهني بالحارة يلي جنبا …نديم هو ابنهن الوسط..

#سحر :- جواليا هاد خرجيتك حبيبتي ويسلمو دياتك والله اولادي وضعهن اتحسن الحمد لله على ايدك …

#جواليا :-يسلمو اديكي ..انا الاثنين رح اجي درس عماد قبل الامتحان..

#سحر :-طيب تعي قبل لتروحي نشرب قهوة سوا بدي احكي معك بموضوع ..

#جواليا :-يسلمو دياتك بس والله مابدي اتأخر على امي …

#سحر :-مارح اعطلك كتير بس هالموضوع رح يعجبك..تعي تعي..

#جواليا :- ماشي ..يالا خبريني ..

#سحر :-شو رايك بنديم..

#جواليا :-اها نديم ..

#سحر :-لا تخجلي هو خبرني كل شي ..

#جواليا :-نديم خبرك ..

#سحر :اي وبالامانة هالمنديل اللي منك..اعطاني اياه مشان تعطيني الامان ..

#جواليا :-مممم منديلي…

#سحر :-انا بعرف الحب يلي بينك وبين نديم ..ونظرات الخجل هاي حاجتنا فيها وهو عم يتعب وانا بعرف انك عم تتعبي معو كرمال تساعديه ..لهيك انا فتحت الموضوع مع دار عمي وهني رح بطلبوكي..

#جواليا :-يطلبوني..

#سحر :-دخيل هالابتسامة الحلوة اي رح يطلبوكي وتصيري سلفتي وادرسي اولادي بالمجان هههههه…

#جواليا :ماعرفاني شو اقلك..

#سحر :-لا تقوليلي شي ..صار وقت تنجمعو في بيت وحاجي ترموا لبعض مناديل ورسائل على الورق وارسلوها مع ابني ..مرسال الحب..هههه كاشفكن انا ..

#جواليا :-الله يسامحك ماعرفاني شو احكي لساني ارتبط

#سحر :-لاتحكي شي خليني غير هالقهوة ونشرب كولا 😂

…

((مرقت اسبوع زمان ..واتقدم نديم لاختي وهي وقتها امي ارتاحت انو الموضوع مو موضوع سحر مسألة وقت ونصيب ..وصارت خطبتهم ..كنت شوفها عايشة احلى ايام حياتها هدايا ومشاوير وضحكات ..كانت عم اتقضي اوقات تعوضها عن يلي راح بعمرها واتزوجت اختي وماكنا نسمع عنها الا كل خير …اول سنة لالها كانت حلوة وبعدها بلشت تتنقل من دكتور لدكتور ومرقت السنين وحبها لنديم مابقل ، واللي كان يصبرهن عليها معاملتها لالهن كانت محترمة الكبير والصغير ومقدرة الغريب والقريب..ماكانو يشوفوا منها الا طيب اثرها .كانت المكان يلي تتواجد فيه تبصم محبتها واحترامها فيه ..بس باخر سنة ومع هالتقدم يلي صار بالبرامج اتغيرت حياتها…وانشغال زوجها الدائم على مواقع التواصل . بلش يقلل من محبتو لالها …..

#ام احمد :- لا حول ولا قوة الا بالله والله ماني عارف لحق هالمصايب صرلا زمان نايمة..

الجزء الثالث ..

#رشا :-من شوي ..نامت وهي بتبكي..

#ام احمد :- ابوكي مارح يقبل يحكي معو..شو بدنا نقول للرجال لازم تمنع شرع الله ..

#رشا :- ياربي شو هالحظ ..

#جواليا :-بدي اطلق..

#ام احمد :-عم تسمعنا …شو قالت.

#رشا :-بدها تطلق..

#ام احمد :- استهدي بالله يامو شو هالحكي ..شو تطلقي ماتطلقي..

#جوليا :- امي انتي مانك حاسة فيني انا تعبت لوصلت لهاد الحال انا يلي صبرت لاخدو لنديم عملت المستحيل تعبت حالي كرمال لاصير لالو ..صرت اشتغل في بيتهن لاقدر شوفو..جمعت الليرة فوق الليرة لاقدر ساعدو ويوقف على رجليه ويجي بطلبني…انتي مابتعرفي شو تحملت شغلات وليالي عذاب لاقدر طبطب على قلبو .اعطيتو عيني ليقدر يغمضها وينام مرتاح..كنت اسهر على تعبو لينام..هو ماصار الا من تعبي انا يلي كنت سندو..اي الله ما اعطاه ولد بس اعطاه وحدة مثلي شايلتو على كفوف الراحة..تعبني ياامو انصدمت من قلي رح يتزوج ..كنت مفكرة انو مشغول على الموبايل للتسلاية كان عم يحاكي بنت اصغر منو ب 12 سنة … من شفت الرسائل تبعتو تحت ايدي انصدمت نفس الحكي يلي بقلي اياه بقولوا لالها ..عم يبنى معها مستقبل واطفال..نفس ماكنت احلم معو يا امي ااااااخ …

#رشا :- اشربي يختي هاد الليمون والله لتروقي وربك رح يحلها وهو مفرج الهموم..

#جواليا :-مالي نفس …بدي اتصل عليه بدي احكي معو..

#رشا :-شو بدك تقليلو ..

#جواليا :-اللي بقلبي ..

#ام احمد :-خليها تحكي معو ..

#رشا :- عم يرن …

#جوليا :-اعطيني اعطيني..

#نديم :-الوو جوليا وينك انتي ليش ماخبرتيني انك طالعة ..

#جوليا :- انتي ليش عم تعمل فيني هيك ليش بدك تتخلى عني وتروح لغيري مو انت يلي حلف بحياتك تبقى العمر للموت سوا..ليش هيك عملت ليش صرت تمل مني وانا يلي حتى منك مابشبع..انا ماعم سدق انك بدك من ايدي تروح ..قلبي بيوجعني شعلان من جوا…شو بدك اقلك كمان.. روحي مخنوقة من جوا حاسة حالي بدي مووت …مو انت يلي وعدتني انو مستحيل نتفترق حتى يوم ..مرت سنين ليلة مانمت فيها برب البيت .. شلون بدو يهون عليك تنام جنب غيري وتتركني..مين يلي سندك طول عمرك مين يلي ضل واقف جنبك ومسح دمعك وهون عليك مصاعب هالدنيا…طيب الله وبعدو ما اراد يصير عندنا ولد بس بس مو سبب تكسر خاطري وقلبي هيك..

#نديم :-جوليا اسمعي اسمعي نص الحكي مافهمتو وانتي عم تشهقي ..

#جوليا : عم اشهق ..

#نديم :-اهدي وروقي اللي صار صار البنت كتبت كتابي عليها من ساعة ..ومابدي اتراجع وانتي الكل بالكل وانتي الاولى وما اتخلى عنك ورح اعدل والله ..بعدها جاهلة مابتفهم شي انتي بتقدري تمشيها بكيفك..

#جواليا :-حسبي الله فيك وفيها 😢😢..خدي امي خدي..مابدي اسمع صوتو ..طلقوني هلاء منو طلقوني انا بكرهوا لهاد …

# ام احمد :-طفي امي …

#رشا :- نديم رح نقفل هلاء اختى انهارت ومافيها تحكي …

((ضلينا ايام على هاد الحال كل ما اختي تذكر جوزها تحزن ..وتصير تبكي ..لوقت ما اجتها ورقة الطلاق من جوزها ..وهاد يلي صدمها اكثر لانها لاراحت ولا اجت …بس كنت اتوقع منها تنهار وتنصدم كل يلي عملتو مسكت الورقة وقطعتها ..وعملت شاي وقعدت جنب الشباك ..وهي مرتاحة البال استغربت منها ومن تصرفها …

#جوليا :-ليش عم تطلعي فيني هيك …

#رشا :-لا مافي شي انتي منيحة..

#جواليا :-اي وكتير كمان ..

#رشا :- فيني اقرب لعندك..

#جوليا :-تعي اكيد ..انتي كم صار عمرك 29 سنة ما…

#رشا :-اي هيك شي ..

#جوليا :-وانا 34 …😂😂..

#رشا :-شوية ونفوت سن الياأس..

#جوليا :-ليش انتي لهلاء مافتيه …معقولة ..

#رشا :-ههههه يعني يمكن فتو وماحسيت على حالي ..

#جواليا :- جاي على بالك تزوجي..

#رشا :-ههههه لاء مالي نفس..

#جوليا :-ليش هو اكل ..

#رشا :- لا هو شي بسد النفس ..

#جوليا :-كذابة اساسا احلا شي..بس عارفة لمين للبنت الغبية والقبيحة..اللي مثلنا مابزبط معها .. مو بقلك بخت القبايح بالسما لايح وبخت الملايح بالارض طايح..

#رشا :- سادقة..

#جوليا :-من تجيكي شي صرماية اقبلي فيها دغري وانتي مغمضة عيونك..

#رشا :-صرماية ههههههه اخ ضحتيني طيب واذا ما اجت على قدي..

#جوليا :-عادي اشلحيها والبسي غيرها لتلاقي المناسب..تعرفي شي هالرجال لو قردة بحبو يتزوجوها ..بحبو يجربوا كل مرة وحدة شكل ..بملو من وحدة ..اذا جابت لالهم اولاد وخرب جسمها بصيروا يقرفوا وعينهم يمين ويسار ..واذا ضلت محافظة على جسمها ويامحلاها بصيروا كمان بدون يتزوجوا ..واحنا شو ناقصنا هاداك عنا ووقت مايجيكي عريس اتزوجي الله حلل لالنا.. وجربي مثلهم ..واياكي تقولي مابدي اياكي ولا تهتمي لكلام الناس ..يصطفلوا مارح ينفعونا بشي ..هني مين ليحرموا شي الله حللو..

#رشا :-وانتي من يجيكي حد راح توافقي..

#جوليا :-عم احسب ايام العدة بالساعة ..لاتقلقي من تاني يوم رح ابحث عن عريس..

#رشا :-هههههههه وين بدك تبحثى عنو..

….الجزء الرابع …

#جوليا :-على قناة زواج ..يطلع تحت بالخط العريض ..مطلقة تبحث عن اعزب اربعيني او ثلاثيني …

#رشا :-وانا اكتب عانس تبحث عن عريس ميسورة حالو .😂😃..

#جوليا :-عانس .. من وين جابو هالاسم مابعرف عانس ..عاااااا نس ..قومي اعملي لالنا نس كافيه على السيرة

#رشا :- ههههه تكرمي بسكر ولا بدون..

#جوليا :-حطي اصبع رجلك الكبير فيها هههه…

#رشا :-اسمعت امك عم ادور على عروس لاحمد ..

#جوليا :-متى هاد الحكي..

#رشا :-اسمعتها بتحكي على الموبايل ..وبتسال عن عرايس..

#جوليا :-وليش مانروح نخطب معها وندق على بيوت الناس ههههه..

#رشا :-ماعاد مثل زمان هلاء الخطوبة بالاتصالات…

#جوليا :-بم اجتني فكرة ..

#رشا :-فكرة شوو هاتي ..

#جوليا :- هاتي التلفون الارضي بس …

#رشا :-لشو عم تخططي ..

#جوليا :- وين موبايلك..

#رشا :-ليكو…

#جوليا :-شفتك ضايفتيني على قروب قبل فترة زواج مغتربين …

#رشا :- اها هاد لرفيقة اتعرفت عليها عايشة بالسويد وبدها بنات عليه..

#جوليا : ‘- في شباب عندها ..

#رشا :-اي بس اغلبهن بنعرفهن بلاها اختي..

#جوليا :-هو هاد ..اعطيني بس …

#رشا :- خدي .

#جوليا :- ابحث عن بنت عزباء عمرها فوق الثلاثين لدكتور اعزب مقيم خارج البلاد..
..هاد مابنفع معو مطلقةة..هاااا يبحث عن بنت عزباء بيضة وطويلة من 20 حتى 30 لشاب اعزب يعمل في السعودية وعمروا 33 …

#رشا :-ههههه هاد بنفعني …

#جوليا :-استني اتاكد هادولي كذابين ..اسمو حسام بريص..

#رشا :-بطلت ..

#جوليا :-ليش ولك..

#رشا :- بكرة بصير يقلي بدو يسمعو على اسم جدو بريص ..صير انا ام ابريص..

#جوليا :-ههههههه اسمعي اسمعي ..الاستعلامات ..

الوو لو سمحتي يا انسة بدي رقم حسام بريص …

#بعتذر مافي رقم بهاد الاسم..

#جواليا :-طيب حد بقربلو

#اعطيني اسمو الثلاثي…

#جوليا :-بدها اسمو الثلاثي بسرعة ..

#رشا :-لحظة اشوف وين ابوه وامو ولا حد بقربلو ..اي لي لقيت اسمو علي..

#جوليا :-علي بريص ..

#اي اتفضلي 06797995..

#جوليا :-يسلمو كتير ..
ههههه وليكنا وصلنا للرقم..اعطيني اتصل بسرعة …عم يرن عم يرن..خدي احكي

#رشا :-لك ليش رميتيه عليه مادخلني هاي فكرتك انتي …

#جوليا :-هههه عم تحكي شكلها حماتك ردي عليها..

#رشا :-يخرب عقلك حماة شو انتي يلي اتصلتي يامصيبة يامصيبة…هلاء بتخزن رقمنا

#جوليا :-جبانة هاتي احكي ..الووو

#ام حسام :- يااختي ردي انفلقت وانا بنادي ..

#جوليا :-كيفك يارفيقة العمر

#ام حسام :-مين معي..

#جوليا :-رفيقتك ام محمد اللي لقي احبابو نسي اصحابو ..

#ام حسام :-ام محمد مين والله كتار..

#جوليا :-يوووه رفيقتك الحلوة السمينة البيضا هلاء انا بالسعودية ..

#ام حسام :- ام محمد ام محمد اي ليكون ام محمد ناجي..

#رشا :-ههههه يفضح عمرك على صوتك عم سدق انك ام محمد..

#جوليا :-هشش..اي اي دخيل هالذاكرة القوية هي ماغيرها شو اخبارك حبيبتي ..

#ام حسام :-حبيبتي والله مشتاقين للغوالي والله زمن وجمعنا شلون وصلتي لالي طول عمرك كركوبة وبيطلع بإيدك..

#جوليا :- ههههه ابني وحياتك هو يلي وصلني لالك..(( دوري على اسم معلق على صورتو او شي باين انو رفيقو ..

#رشا :-لقيت عبد عبد ..

#ام حسام : – اي واحد رفقاتو كتار ..

#جوليا : يووه ام العبد

#ام حسام :-ام العبد عجلون ..الله يرحمها..

#جوليا :-يفضح عمرك طلعت امو ميتة ..لا لا ام العبد صبيح ..انتي ناسية …

#ام حسام :- 🙄 ما اتذكرتك على العموم الله يجمعنا واتذكرك من وجهك..

#جوليا :-يفضح عمرا لعت لالي قلبي..اقلك انسي بلا جوز ولا نيلة شكلا حماية قوية.. وماعرفاني انا ام محمد ولا ام العبد هههههه

#ام حسام :-الوو وين رحتي ام العبد..

#جوليا :-اي يختي معك هيني اها وحياتك علي ماعلي ..من قلي ابني انو ابنك بدو يتزوج قلت هاد ابن رفيقتي ماغير ازوجوا الا انا ..

#ام حسام :- يووه لمين ..

#جوليا :-لابنك حسام حبيبتي ..

#ام حسام :-بس ابني حسام متزوج وعندو عيلة ماشاء الله ومرتوا حامل بالسادس..

#رشا :-ليش قفلتي ..

#جوليا :-يقصف عمروا الهي متزوج طلع . ونازل ينزل منشورات بدو عروس الله لايشبعوا…

#رشا :-ههههه كلهن كذابين …

#جوليا :- زهق ماا..

#رشا :- اي والله كتير ..

#جوليا :-شو هلاء بكون عامل نديم..

#رشا :-ماقدراني تنسيه رغم كل شي..

#جوليا :- سدقي اي كتير صعبة ..ماعرفاني عم حاول كذب على حالي بس اشتقت لفراشي وبيتي وضحكتي معو ومن اتابع فيلم معاااه ..

#رشا :- هو اتزوج ما ..

#جوليا :-هيك خبرتني رفيقتي ..وبتقلي انو خواتي واهلو كانو مبسوطين بالفرح ولا كأنهن زعلانين عليكي كلو كذب حتى سحر بتقلي كانت مفرعة وهي مبسوطة ..😟..كنت اعتبرها رفيقتي واحكيلها اسراري وقال تشفق عليه..طلع كذب كمان..

#رشا :- يمكن مانها سادقة .. رفيقتك..

#الجزء الخامس ..

جوليا :-ورجتني صور ..انتي ماعندك حبيب نغلس عليه ..

#رشا :-يا حسرة لو في بتلاقيني هون …

#جوليا :- جد ولك صرلك عمر مالك حبيب ولا مرة حبيتي ..

#رشا :-حبيت بس ماعم يزبط معي شي ..مو مثل عقلي مو مثلي ..مابعرف الخلل فيني ولا فيهن..

#جوليا :-صحصح شو صار مع اخو رفيقتك اللي اجا شافك ليخطبك..

#رشا :-قال انو مابدهن يجوزوه هلاء…

#جوليا :-والله يابنت الموضوع في إن…

#رشا :-شلون يعني مافهمت ..

#جوليا :-يعني عم يصير معك متل ما صار معي زمان..

#ام احمد :-تروحو معي بكرة العصر…

#رشا :-لوين ..

#ام احمد :- على عرس بنت عمتك ثروت ..

#رشا :- ونحنا اخر من يعلم ..

#ام احمد :-امبارح بالليل جابت كرت الدعوة..

#رشا :- اي بس بنت عمي قالت انو الكرت جايهن من اسبوع ..

#جوليا :-الظاهر ماحابين نجي ..وكرمال ما ابي يزعل بعتو الكرت امبارح..

#ام احمد :-مابعرف يمكن ناسيين..

#جوليا :- في وحدة بتنسى اخوها .. هاي قاصدة كرمال ما نلحق لانلبس ولا نشتري ولا نحجز عند كوافير بس مافشرت والله لنطلع احلا من بنتا قومي رشااا قومي نطلع الحق السوق ..

#رشا :-هههه وشلون رح نحجز كوافير..

#جوليا :- لك اختك رفيقتها صاحبة صالون بتقول للزبون قوم لتقعدني مكانها قومي قومي ..امي بتحبي تروحي معنا نصبغلك شيباتك..

#ام احمد :-لا بدي حط حنة ..

#جوليا :- يامو والله خلصت موديل الحنة والخبص هاد

#ام احمد :-لا الصبغة بتحرق راسي..

#رشا :-اتركيها على راحتها …

(( ماكنت حس اختي عم تصرف على طبيعتها كان في شي جواتها تاعبها ..حتى من كلنا نشتري تياب . حتى اختارت الالوان يلي كان جوزها بحبها..ومن وصلنا الصالون كانت في عروس اختي كانت عم تنظر لالها بطريقة مو حلوة ..والكل انتبهت لعند ما اخدتها من ايدها كنت حاسة بحسرتها وبالوجع يلي هي فيه ..

#جوليا :-هلاء مرتوا انزفت هيك ..ولابسه فستان هيك..😢..

#رشا :-امسحي دموعك مابيستاهل..يالا اجا دورنا..ام حاتم بدي منك اطلعينا عرايس..

#ام حاتم :-من غير ماتحكو ..بتعرفوا بنات عمك كانو عندي من شي ايام..

#رشا :- بنات عمي ياسين …هبة ولما..

#ام حاتم :-اي والله كنت بدي اتصل عليكن كانو مبسوطين بصراحة البنات اشتغلو لالهن ماكنت حابة اشتغل انا ماسدقت راحو من محلي …

#جوليا :-ام حاتم مخبية عليه شي انتي ..

#ام حاتم :-ولو ياقلبي ليش لاخبي عليكي..

#جوليا :-شو صاير من وراياا…

#ام حاتم :- تعرفيني انتي مابقدر خبي عليكي بس ياستي كلامهن كان عليكن ومثل يلي قاصدين يحكو قدامي لاوصل هالحكي ..

#جوليا :- اي وشو هالحكي ..

#ام حاتم :- قال انو عمتك ثروت متقصدة ماتجو على فرح بنتها.. لا انتي ولا اختك مشان ماتخربوا بهجة بنتها قال..وهني مبسوطات كرمال واحد مابعرف شكلو اخو العروس وقال بغاروا مافهمت هالحكي بس الظاهر في واحد من اولاد عمتك عينو على حد منكن..

#جوليا :-منا…رشا شو السيرة
.

#رشا :-ليكني عم اسمع مثلك…

#جوليا :-ام حاتم اتركيلي شعري على طولوا لاترفعي شي منو ..

#رشا :-وانا كمان…

((عمتي ثروت وعمي ياسين هني كثير بعاد عنا قليل ما بنتواجه بالمناسبات .. اما بناتو هني اصغر مني ..بس ماكنت اختلط فيهن ..لان انا من النوع يلي حتى من النظرات بتحسس وبغادر المكان او الشخص ..بس موضوع عمتي ثروت وابنها شغل بالي انا واختي وخاصة انو لالها ابن اكبر مني بسنة برا البلد…جهزنا حالنا واطلعنا سوا على الفرح .. كانت اختى بأجمل اطلالتها حتى انا ماتوقعت انها هاي اختي جوليا..مميزة رغم انها بمنتصف الثلاثين الا كل من يشوفها بفكرا باول العشرين لاتجاعيد ولا شيب ولا هالات سودا ولا جسم مرهط..كأنها عارضة ازياء عم تستعرض بممر الصالة..او شي راقصة بالية عم تتمايل بمشيتها …رقبتها الطويلة ونظراتها الراقية مع العيون الحلوين يلي اخدناهن من امي واللون اللوزي المميز بالعيلة…جلسنا على الطاولة يلي كانت بإسمنا انا وامي وابي وجوليا…..الكل كان عم يرمقنا بنظرات الاعجاب ..

#احمد :-امي انتو هون..

#ام احمد :-اقعد حبيبي لسه كنت بدي اسال وين انت…شو رايك بالبنت يلي قاعدة هونيك جنب مرت جابر ..

#احمد :-مقبولة بس مو هاد طلبي..

#ام احمد :-امي قرب اذنك لعندي..مثل اختك رشا وجوليا مالقيت واذا رح اضل هيك رح تعنس..

#احمد :-اي وشو يعني بعدو هيك قعدوني بالنص ..خواتي حبيباتي…فرقة عانس حسبالله ..

#جوليا :-ارفع كتافك لفوق واركز منيح خلي برستيجك عالي …البنات عم يطلعو عليك..

#احمد :-معجبين فيني ..

#جوليا :-ما انت بتشبه ديفيد بيكهام ..

#احمد :- اتمسخروا

#رشا :-والله بتشبهو ..

#جوليا :-شوفي شوفي بنت عمك عم ترقص مثل قاصدتك..وهي عم ترقص وتطلع عليكي ..

#رشا :-لا هاي قاصدتك انتي مين هاي يلي بترقص معها ..امي بتعرفيها هاي..

#ام احمد :-لا والله اول مرة اشوفها…هلاء من تقعد بشوف وين بتروح يمكن بنت شي من قرايبنا

الجزء السادس..

#ام احمد :-لا والله اول مرة اشوفها…هلاء من تقعد بشوف وين بتروح يمكن بنت شي وحدة من القرايب …

#احمد :-مو هاي كانت حماتك جوليا ..

#هبة :-رشا قومي ارقصي معنا ..

#ام احمد :-يابنت مين يلي عم ترقص معك..

#هبة :- هاي رفيقتي بتكون كنة ام صافي ..عروس جديدة …

#جوليا :-شو يعني ..شو يلي بدك اياه هبة ..

#رشا :-اهدي اختي ..

#هبة :-يوووه ليش هيك عصبتي شو دخلني يختي هاي بتكون عروسة طليقك ..ليش لتعصبي عليه ..

#جوليا :-هلاء افهمت هلاء افهمت اي بسيطة …

#رشا :-وين رايحة جوليا ..

#جوليا :-رايحة ارقص …

#ام احمد :-لا حول ولا قوة الا بالله الله يستر من يلي جاي..

((ماقدرت اتحرك من مكاني حسيتها لعبة وسخة من قرايبي ..وخاصة بنات عمي..وقفت اتطلع على اختي وهي اول مابلشت ترقص وهي دمعتها على خدها واخدت بنظرها حماتها ..وكملت رقص بس بطريقة حلوة…

قمت مع اختي لارقص واخي شاركنا الرقصة …

#احمد :-لحظة رح جيب الميكرفون…

#رشا :-شكلو احمد بدو يغني ..

#احمد :- وين الميكرفون عمتي ..

#عمتي ثروت :-ليكو بس بدي تشعلها بصوتك..

#احمد :-اي تكرمي

#عمتي ثروت :-غني للعروس وللعريس ..

#احمد :-احم احم…الصوت طالع تمام..هاي الاغنية رح اهديها لحبيبة قلبي اختي جوليا…
….

هالله هالله على الجمال هالله هالله مالوش مثال ….يا احلا منهم يافارقة عنهم وانتي اللي فيهم وهما فينهن……

((حلو شعور الاخوة هاد ..يلي عملو احمد بالفرح ماكان ولا حصل..امي لدرجة قامت وصارت تخمس للعالم وتصلي على النبي ..يمكن رجعنا لاختي شوية من فرحتها ..لدرجة حماتها ما اتحملت وقامت ترقص مع جوليا على اساس انها لسه بتكون كنتها.. يمكن محاولات يطفو المايك وهو اخي بغني كانت كتيرة بس الفكرة وقتها وصلت واول مرة كنت احس بالانتصار لحظتها ارجعنا والكل كان عيونو بشعلو نار منا ونظرات الحقد والغيرة ما غلبتنا ..ومرت الايام ونحنا بنتذكر هاديك الليلة ونضحك وصارت حياتنا شبه عادية ومثل اولا وكتير روتينيه . نظرات الاشتياق عند اختي ما انتهت..وحبها ماقدراني تنساه …

#ام احمد :-اتفضلي ام احمد معك..

#والله دلونا عليكم ناس قالو في عرايس عندكم..

#ام احمد :-اهلا وسهلا..كم عمر العريس..

..# وحياتك شباب عمروا 52 ومايغرك العمر شخصية وقد حالو ..

#ام احمد :-مين دلك علينا..

# والله ناس بيعرفوكم وشكروا فيكن قالو عندهم صبايا معنسات وبدهم يجوزوهن ..

#جوليا :-اعطيني امي التلفون..اسمعي يا انتي .. المعنسان هاي العقول يلي بعتتك علينا وماعنا صبايا يناسبو عجوز خمسيني سلام ..

#ام احمد :-عيب يامو هالحكي من متى بنحكي مع العالم هيك..

#جوليا :- هاي عالم مابتستحي امي حاجتك طيبة ..

#رشا :- ملينا من هالوضع كانها الحياة بس زوج وزواج واولاد..

#جوليا :-احكي لامك هالحكي ..اذا متقلين يامو فيني احكو..

#ام احمد :-اعوذ بالله ياعيني انا من لحمي بقطع وبطعمكن بس بدي استر عليكن من كلام الناس..

#جوليا :-امي شو بتعملي صرلك من الصبح..

#ام احمد :-شفتها على التلفزيون شلون يعملو ورد صناعي عجبتني الفكرة…

#رشا :- واو بجننو ..جوجو..

#جوليا :- ليكون عم تفكري بنفس يلي بفكر فيه…

#رشا :-هو هاد شو رأيك ومنو بنلتهي ومنستفيد وبنتسلى..وبنطور حالنا شوي شوي ..

#جوليا :-ماخسرانين شي ..

#احمد :-وشو بدكن ادوات انا جاهز..

((كان مشروعنا الاول انا واختي واخي هو اشغال يدوية .. بلشنا نساعد بعض ونعمل تماثيل ومن لاشي نصنع لوحات ..كان الامر بالبداية صعب بس اتمرسنا عليه بحكم الدراسة يلي درسناها ..وامي كانت عم تساعدنا تبيع اللوحات عندمعارفها .وابي كان يعرض كم قطعة بالبقالة تبعو واوقات ينباعو ..واوقات ينكسروا ..

#احمد :-شفتلك معرض عن قريب رح ينفتح ..

#رشا :-وين..

#احمد :-بمركز الشباب والثقافة حجزت لالكن هونيك مكان شو قلتو..

#رشا :-ماعندي مشكلة شوف جوليا..

#جوليا :-وين امي ..

#رشا :-ليش شو في ..

#جوليا :-شو هاد يلي مسكوب عند باب بيتنا ..

#رشا :-مابعرف اووع ريحتو مقرفة ..

#جوليا :-مية وفيها دم ..

#رشا :-مذبوح شي مجروح حد وليش على الباب مسكوب ..

#جوليا :ياااامو..

#ام احمد :-ليش صوتكن عالي كنت عم جمع الغسيل ..

#جوليا :-امي شو هاد يلي مكبوب عند بيتنا ..

#ام احمد :-والله يامو مابعرف ريحتو عاطلة وكيس المطبخ بعدني ماطلعتو ..

#احمد :-شو هالقرف هاد..

#ام احمد :-استنا يامو لاتكب مية عليه ..

#جوليا :-ليش شو ممكن يكون .

#ام احمد :-الظاهر في شي مو مزبوط بالموضوع ..اعطيني اعطيني بسم الله الرحمن الرحيم الله لا اله الا هو…قل اعوذ برب الفلق..بسم الله اغوذ بالله …صدق الله العظيم بعدها لهونيك يامو المي…

…
في المسا…

#رشا :-فكرك كلام امي مزبوط..

#جوليا :-ليش لاء ..

#رشا :- والحل ..

#جوليا :-تروحي معي بكرة ..كم معك بقيان مصاري

الجزء السابع..

#رشا :-معي شي 100..

#جوليا :-حلو تمام …

((تاني يوم رحت انا وجوليا لمكان مقطوع وبالعافية لقدرنا نصل لالو ..مع الف اتصال مع رفقاتها ..كانت بعز الحر والشمس ووصلنا كان في بقالة اصغر من بقالة ابي كان فيها عجوز ستيني سألناه عن الشيخة رحمة…يلي طلع هو جوزها…بعد ما دخلنا البناية الفخمة كنا متوقعين نشوفها جوا بس طلب منا الرجال نمشي بزاوية ورا البيت اولها شجر..ومن وصلنا كانت متروسة نسوان عم ينطروا من الساعة 6 الصبح…وباخر الممر كان في غرفة صغيرة اشبه بحمام الله يعزكم..قعدنا…وبلشنا نسمع قصص النسوان..

#جوليا :-شوفي ياحرام البنت يلي قبالك..الظاهر صغيرة كتير بالعمر…

#رشا :- هيك باين ياحرام …

((لسه مابلشنا نحكي عنها الا صارت تحكي معنا بصوت غريب ومخيف وكانها سمعتنا .مع انو صوتنا كان منخفض وكانت عم تهمس بعدها صارت تضرب بإيدها على رجليها هالامر زاد خوفنا. وتبكي وتصارخ ..منظرها كان مخيف كتير ..او مشفق انفتح الباب وطلعت منو ست كبيرة وجها والله ما ارتحت لالو وقفت عند راسها وضربتها عليه وصارت تقرأ قرءان بس والله مو مثل يلي عم نقرأه تبلش بآية عادية وتنتهي بحكي مامفهوم لهديت وسكتت..مرقت ساعة واتنين وثلاثة لوصل دورنا دخلنا المكان كان صغير كتير مكتب ومبخرة وقرءان وشوية بخور ..ومناديل ورقية وكرسي…وسلسلة اول مادخلنا غيرت الكيس النايلون يلي فيها …

#جوليا :-السلامة عليكم..

#الشيخة رحمة..:-سلمي على الاتباع الصالحين…

#رشا :-ياربي وين جايبتينا..

# جوليا :-السلام عليكم جميعا …انا اسمي جوليا

#الشيخة رحمة :-بعرف واختك رشا وانتو بنات نائلة ام احمد ولالك اخ احمد وعايشين جنب قلعة العباسيين..ابوكي عندو بقالة وانتي مطلقة من فترة قصيرة…

#جوليا :-بسم الله الرحمن الرحيم شلون عرفتي ..

#الشيخة رحيمة :- التابعة عم تحكي عنك كل شي …

#جوليا :-مشكلتي انو بيوم شفنا على باب بيتنا مية فيها دم ..

#الشيخة رحمة :-هاد عمل ..سحر وهاد ال13 ..

#جوليا :-شو يعني 13 ..

#الشيخة رحمة :-هاد عمل بتجدد كل سنة ..واذا ما اتجدد بيفسد ..

#جوليا :-ومين يلي عاملو لالنا..

#الشيخة رحمة :-حد قريب منكن كتير وبيعرف كل شي عن حياتكن ..

#جوليا :-لالي ولاختي..

#الشيخة رحمة :-اي ولاخوكي كمان..

#جوليا :-شو هاد السحر

#الشيخة رحمة :-اول مرة كان دبوس مشبوك بسجادة البيت..وثاني واحد كانت ورق موجود بفراغات الحيطان.يلي بقفا البيت ..ومرة شرب ومرة باكلكن..هاد السحر بيمنع الزواج والوظيفة وبفرق كمان …

#جوليا :-يالطيف ..طيب مين يلي عم تعمل فينا هيك..

#الشيخة رحمة :-هاد الشي مافيني قولوا بس خدي هاي الورقة اشتري العصير والعشبة هاي من البقالة يلي برا ومناديل جديدة وارجعي لعندي …

((بعد ماجبنا العشبة وعلة العصير يلي كانت فارغة حتى من تاريخ الانتاج والمناديل ودخلنا جوا..وبلشت تكتب على الورق ارقام وعلامات ⛌✔❌✖✅ ..وحطتهن بالنار وبلشت تبخر وتحرق والمناديل كانت تحطهن على العما بالقراءن وبس خلصت صارت تقلي اذكري الله اذكري الله انفخي هون …بلشت اتجاوب تلقائيا معها ..واول مابلشت الا فيني لان قال انا كتير اخدتو …وقفتني وجابت المنديل يلي بالقرءان ولفتو على ريشة حمام ..وبلشت تفوت فيها بتمي صرت بدي اراجع كل شي ..لوقت مابلشت شوف شغلات فيها شعر واسود من تمي ..سالت اختي شفتي يلي شفتو بتقلي لاء…وعملت لالي حركات بايدي ..واعطتني ايات قرءان اكتبهن بالزعفران وحطهن بمية واشربهن واختي كذالك..اول يوم وثاني يوم وبلشنا نعمل يلي طلبتو منا…بس اختي ماكانت متقبلة يلي عم يصير ..وانو هيك حركات ماعم تفوت براسها ويوميا صارت تشغل قرءان بالبيت…

#ام احمد :-بنتي هاي ام صافي جاي لعنا…

#جوليا :-شو بدها …

#ام احمد :-مابعرف ..والله المرا على نياتها وطيبة بلاها انردها قلتها اهلا وسهلا..

#جوليا :- ماشي امي مثل مابدك …..

((في المسا قابلنا ام صافي حمات اختي كانت قاعدة وباين عليها الزعل والحزن والهم..

#ام صافي :-بالله عليكي يابنتي لاترديني..

#جوليا :-اتفضلي ام صافي..

#ام صافي :-دخيلك قليلي يامو مثل زمان ..

#جوليا :-ولا يهمك..

#ام احمد :-احكي ام صافي ..

#ام صافي :-بنتي ارجعي لنديم والله انو بحبك والله ..

#جوليا :-خالتو انتي جيتي لعنا ورحبنا فيكي ..بس دخيلك بلاه هالموضوع.

#ام صافي :- طيب شو يلي برضيكي

#جوليا :- مابرضيني شي بس مابدي لرجع لنديم

#ام صافي :-وينو الحب والعشق معقول اتنسى..

#جوليا :-ابنك باعو كرمال يجيب اولاد…صحيح لهلاء كنتك ماحملت ماهيك..

#ام صافي :-الله كريم ..

#جوليا :-امين خالتو تشربي شي..

#ام صافي :- لاء حبيبتي مابدي شي بس بدي تراجعي حالك ..

#جوليا :-ان شاء الله بفكر الله كريم ..

((

هالمرة اختي كانت اقوى من قبل ورفضت ترجع لنديم ..وخالتو ام صافي رجعت علاقتها بإمي اقوى ..وهاد يلي كنا نسمعو منها عن كنتها مرت نديم…

#ام صافي :-والله مابتحترم حد صوتها دايما عالي ..والله لابتوفر عمها ولا جوزها وبيتها وسخ ماكانت هيك اول ما اتزوجت غرتنا فيها ..كانت ادمية اتغيرت والله ..مابتتحاكى وبناتي مابتحملو الحكي يلي بتحكيه عنهم وصوتها طالع مع سلفاتها وابني صار يكره ينام بالبيت عندها ..

#رشا :-جوجو لحقي لحقي..

#جوليا :-شو في رشا..

#رشا :-تعي شوفي مين يلي عم تخرب لالنا حياتنا …يقصف عمرك الهي شو عم تعمل هاي..

#جوليا :- هاتي موبايلك ع السريع..

الجزء الثامن ..

#ام احمد :- بنات شو موقفكن هون في شي ..

#رشا :- اي هاي..

#جوليا :-لا امي مافي شي …لاتقولي شو شفتي امك موسوسة ..

#ام احمد :-طيب فوتو ساعدوني بلف ورق يبرا مابقيان وقت ويرجع بيك وخيك..

#جوليا :-ماشي امي جايين..

#رشا :- معقول مرت عمي ياسين هيك تعمل فينا ليش نحنا شو عملنا لالها وبشو اذيناها ..

#جوليا :-طول عمرها مرت عمك حقودة علينا وهالشي مو من اليوم هالشي امك خبرتني فيه لان امك غريبة مو مثلها من العيلة وقبل لابي يخطب امك كانو على اساس يجوزوا مرت عمك ياسين لبيك بس هو رفض لان ماكان يحبها وامك احلى منها ..بقي الحقد معشش بقلبها ..ياما امك شافت الويل بسببها وهي بنت العم مابحسنو يحكو معها شي..وكان ابي هو يلي يصرف على اخواتو لكبرهن وصار كل واحد فيهن قد حالو ..ومن كبروا على كتف بيك ..غدر فيه الزمن وماحد وقف معو ..كلهن اتعلمو ودرسوا وفتحتو مشاريع وبيك لسه عم يصرف عليهن..ومن كبرنا وصار الكل يحكي عن بنات نائلة ماقبلت مرت عمك.. من كان عمري 18 طلبني ابن عمك ياسين وكانو بدهن اياني بيع شرا يعني بلا شي براسي اتزوج بدون مهر وبدون فرح او جهاز عروس ..ومن رفضت وقلت بدي اتعلم ماحد وقف معي الا امك .والظاهر ماعجبها مرت عمك وبلشت تخرب حياتنا الله ينتقم منها …

#رشا :- العما بقلبا ونحنا شو ذنبا اذا ادمر حياتنا هيك..

#جوليا :- الحقد بيعمى القلب والضمير ..هي يلي حرق قلبها انو من يجو الخطابة يسألو عنا عن طريقها بتجن..بناتها لهلاء ما اتزوجوا ..وماحد من العيلة عم يقبل فيهن الظاهر …

#رشا :-و شلون رح انطلع حالنا من يلي نحنا فيه..

#جوليا :-بدنا نصورها او نعرف وين بتعرف هالقرف ونحكي لابي او عمي ..

#رشا :-فكرك شو يلي حطتو لالنا ..

#جوليا :-هلاء بس نساعد امي بنروح نشوف شو اخفت هالمخفية ..

((بعد ما انهينا شغلنا مع امي طبعا ماخليناها تنتبه لانها مهوسة بهيك امور وبتخاف ..اطلعنا انا واختي على المكان يلي كانت عن تخبي العمل فيه ..وانصدمنا من الورق والصور يلي كانت موجودة..اي صوري انا وجوليا ونحنا بنرقص ..الصورة كلها ابر ووجها محروق ..ما رح تتخيلو بشاعة المنظر بس انا كانت كلها براسي وايدي واختي ببطنها وبعيونها ..غير رأس الدجاج يلي كانت معهن ماعرفت شو المغزى من هيك شي وليش لتعمل فينا هيك..اخدنا اللي شفناه وقررنا نروح لمسجد شوي بعيد عن البيت مشان ماحد يعرفنا ..لان اختي رفضت نرجع لعند الشيخة رحمة بسبب انها ما ارتاحت لالها..بعد ماوصلنا طلبنا من حد يحكينا..

#جوليا :-الله يخليك شيخنا .. ساعدنا شو نعمل انا شفت مرت عمي عم تحط هاي الشغلات عند بيتنا وفيها صوري وصور اختي ومنظرهم مخيف ..والله ماتبلي عليها شفتها والله انا واختي والله شهيد علينا …صرلي متزوجة اكثر من 9 سنين ولهلاء ماجبت اولاد وكل الدكاترة يقولوا مافيني شي لا انا ولا زوجي ..ومن شي شهر اطلقت لان جوزي اتزوج عليه ..واختي صار عمرا 29 سنة ولهلاء ماحد قبلان فيها…

#الشيخ :-حسبي الله ونعم الوكيل على بنات الحرام..هاد سحر مرض والعياذ بالله .

#جوليا :-مرض شو..

#الشيخ :-يلي عملت لالكن السحر بدها تتمرضوا او تتشوهوا ..

#جوليا :ليش هيك..

#الشيخ :-الغيرة والحقد والحسد بتعمي القلوب ..

#جوليا :-شيخنا ما اخبي عنك والله رحنا لوحدة بتقول انها بتفك السحر بس والله ما ارتحت ..

#الشيخ :- فك السحر يا بالحرق او تذويبو بمية البحر …بس هاد السحر كتير قوي ..

#جوليا :- شلون رح تساعدنا شيخي..

#الشيخ :-اهم شي يجي معكم محرم ..وانا بإذن الله رح ساعدكم يوم الخميس ..وربك الشافي المعافي ..

((ارجعنا على البيت ونحنا عم نرجف من يلي اسمعناه لدرجة ماقدرنا نقرب المطبخ..يعني انواع السحر كتير بس ماوصلت مرت عمي تمرضنا وتشوهنا شو يلي بقلبا ..

#جوليا :-بتذكري اخرة مرة فتنا دار عمي..

#رشا :-اي قبل لتطلقي بشي شهرين كنا معزومين عندن..

#جوليا :-هاد يومها شربتنا السحر ولهيك اطلقت الله يعمي قلبها وقال اخدي جوزي لهونيك العما مشربتو لشبعان لهيك كرهان يتحملني والله قلت هالشي مو طبيعي …وقصة حملي وقصة زواجك الله يلعنها شو ادعي عليها .حسبي الله ونعم الوكيل لازم خبر احمد ماهو مسحور الثاني بدنا نحكي معو وتروح بلكي الله بعدها عنا..

#رشا :-استني ابعتلو رسالة بينزل بسرعة…

#جوليا : – خلينا نطلع لعندو بكون احسن …

#احمد :-ها ليكن حبيباتي شو لشو بتخططوا هالمرة ..من اشوفكن راسكن ببعض بقول الشيطان اخد اجازة ..

#جوليا :-اخوي حبيبي انت..قلي شو عملت بالبنت يلي خبرتك عنها ..

#احمد :-ماقبلت فيني ..

#جوليا :-شووف هاد..

#احمد :-شو هاد الهبل في حد بيعمل بصوروا هيك..

#جوليا :-حبيبي اخوي شايفنا بنجري حافيين القدمين بالشوراع مجانين شي ركز..هاد سحر

#احمد :-اووف مرة وحدة ..مين عاملو ..

#جوليا :-بدك تعرف مين ..

#احمد :-قولي ..

#جوليا :-عدوتك اللدودة ..

الجزء التاسع ..

احمد :-عدوتي اللدودة مين هاي …

#جوليا :- يلي بتكرها وبتكره بناتها بس مابتتحمل الا وبدك تفوت بيتها وتقعد معها ..

#احمد :- انا مابكرها بس يابنتي مابعرف بعجبني كلامها وكلام بناتها ..

#جوليا :-اي يعني عرفتها ..

#احمد :-وهل يخفى القمر مرت عمك ياسين شو مالا لاتقوليلي هي يلي عاملة هالشي لا ..

#جوليا :-اي بلا هي شفتا انا واختك ..بعيوني يلي اكلها الدود ..والقرف يلي شفناه مسكوب من فترة على باب بيتنا منها .. والحياة المقرفة يلي عايشينها بسببها..صحيح رشا بتذكري الشيخة رحمة من قالت اقرب الناس لالكن ..وطلع سحرها كل فترة لازم يتجدد وهاي ياخي السحر مشان نمرض ونتشوه شايف اخده صورنا بعرس بنت عمتك ثروت ..الظاهر بدنا انودعك ..

#احمد :-شو بدكن تودعوني ما انا بالكيلة والليلة رايح بين الرجلين شوفي شو حاطة على صورتي معكم ..حاطة اسم بنتها هبة ..مصيبة اذا رح البسها..وانا بقول رغم اني بكرهم بس يا اختي في شي برغمني فوت عندهم…هاتي اشوف العما بقلبها الظاهر الفقر وقطع النصيب بسبب هالخرابيط يلي عم تعملها …لازم الاقي حل ..

#جوليا :-لاتقلق رحنا على شيخ وهو رح يساعدنا بس اهم شي بدو محرم .

#احمد “-اي بروح معكم ..قوموا ..

#جوليا :-هو اعطانا موعد الخميس….

((كان باقي شي ثلاث ايام لرجعتنا لعند الشيخ اخي من سمع الخبر ..ماترك مكان الا فتش فيه ..حتى لقى شغلات بالارض مدفونة ..وتياب لاطفال من سألت امي قالت انو هاي كانت لاخي احمد وهو صغير ..وغير الورق والسحر والعظم …وشغلات لابي بتحرق القلب..جمعناهم وخبرنا ابي وامي باللي صار ..بس كمان ماقدرنا نحكي شي كرمال مايقولوا عم نتبلى عليها …

#ياسين :-شو قولي ليش مجتمعين..

#ابو احمد :-شووف ياخوي انا وانت رغم كل شي بصير بينا الا والله الاخوة بضل اخوة..بس يلي شفناه والله مابتتقبلو لا عين ولا قلب ..

#ياسين :-قول والله نغوشت لالي قلبي شو مخبي شو جوا هالكيس..

#جوليا :-عمي هاي المصحف والله لنقسم عليه وانو كل حرف بنقولوا هو الصح

#ياسين :-ياجماعة شو في ..

#جوليا :-عمي هاي الاغراض سحر ضدنا انا واختي واخي وابي وحتى امي ..هاد هو سبب خراب حياتنا صرنا تعبانين بسببو عمر وسنين ..والله ما اكذب عليك يلي عملتو هي مرتك شفناها والله وجمعناه ليكوا قدام عيونك سدقني ما بكذب ..ومستعدة اخدك على الشيخ تسمع بإذنك..

#ياسين :-لاتكملو ولا تحلفوا هلاء اتأكدلي انا ..

#ابو احمد :-شو قلي ..

#ياسين :-اكثر من مرة قلتها لاتروحي لعند هالجارة مابتسمع..والجيران حذروني واجاني خبر بس مرتي الله لايسامحها بدها تعمر بيتها على خراب بيوت العالم …

#ابو احمد :-استهد ي بالله ..

#ياسين :- والله انا نفسي اتمرضت وصرلي سنين بتنقل من شيخ لشيخ لابطني بريحني ولا شي كل ما ازعلها يصير فيني يلي بصير وكنت فكر انو الله بنتقم مني لاني بزعلها طلع الموضوع حتى اكبر من هيك ..وضليت ساكت ..

#ام احمد :- وغلاوة اولادي بحياتي ما اذيتها لا بكلمة ولا بفعل عاطل ليش لتعمل فيني انا وبناتي هيك ..ليش ماتجي تواجهني حرام يلي عملتو يعني بنتي خرب بيتها وبنتي التانية لهلاء لا اتوظفت ولا اتزوجت ..وابني كذلك وجوزي صرلوا عمر ببقالة ماعم تكبر ولا عم تزيد ..ليش ياربي …

((طلبنا من عمي ما يحكي شي .. واطلعنا على الشيخ يلي بلش يفك لالنا يلي لقيناهن ..وجلسات العلاج من الجن العاشق يلي كان مسيطر عليه انا بالذات وبيمنع تتيسر حياتي بالزواج ..بقينا على هاد الحال اشهر …بلشنا نحس بتحسن بحياتنا وخاصة من انقبل اخي بوظيفة …

#مرت عمي :-لك انتو شو ..انتو مابتخافو الله لتتهموني بالسحر ..

#ام احمد :- والله ما اتهمناكي بس الكل كشفك ..حاجتك تخربي بيوت العالم والله حرام عليكي روحي استغفري ربك…

#ياسين :-شو جابك لهون …

#مرت عمي :-جيت اكشف كذبتهن..كذبتهن يلي انت سدقتها ..

#ياسين :-اي حاجتك خلص المرا نفسها اعترفت انك بتروحي لعندها اذا بتطلعي تاني مرة برا البيت بدك تطلقي طلاقك الاخير على اخر هالعمر……

(( بعد ما انكشفت مرت عمي بلشت العيلة تحكي عنا حكي عاطل وانو نحنا اتهمناها بهيك شي مشان انخرب على بناتها ويصيروا مثلنا مايتزوجوا ..بس هالشي ما اثر فينا ..على اول راتب حصل عليه اخي ..رتب لابي بقالتو وبلش يتوسع فيها ..وصار اهتمامها اكبر..مثل شي سعادةناقصة كانت لالنا …

#ام احمد :- الو وو اي اهلا وسهلا والله اني ناطرة تلفونك على نار بشريني..

#ام سلطان :-الجماعة موافقين على ابنك وطلبو تجي الجمعة لعندهن مشان الفاتحة …

#ام احمد :-لولللليييييي ..اويها يا احمد يامزيون ..

اويها يا ابو جبين مثل البلوور ..

اوييهاا وجبنالك ست الحسن والبدور…
لييييييييي..

#جوليا :-هههه شكلو وافقو على اخوكي قومي نشوف امك..

#احمد :-امي ليش عم اتزغلطي..

#رشا :-ليش الناس موافقين عليك…

#احمد :-هههه ..