تساقي شاامية غير شكل ادخلوا تعلموا أكل دمشق العتيقة على أصوله

 تساقي شاامية غير شكل ادخلوا تعلموا أكل دمشق العتيقة على أصوله
معكم صديقة زاكي الشيف الموهوبة  Sahera Da 
تساقي شاامية غير شكل
تسقية بالبدوة وتسقية بالزبت .
المكونات وطريقة التقديم

فطور ناهي جدا ..
تساقي شامية .
بدوة وتسقية بالزبت
المقادير والطريقة

حمص حب … كيلو منقوع قبل بيوم بالماء .
خبز مقسم مربعات قبل بيوم ونشفيه ست حبات
توم عشر حبات مدقوقين ناعم
طحينة نص كاسة شرب
عصير ليمون حبتين
ملح وفلفل اسود للبدوة …….وحب رمان حامض ..مكسرات حسب الرغبة وسمنه .
كمون وملح للزيت…………..
طريقة تحضير الحمص
تاني يوم اسلقي الحمص على نار هادية ساعة ونص ..ثم
اطحني كاستين ونص حمص مع كاسة من مية الحمص
عشر دقائق .
ثم ضيفي عصير الليمون والطحينية واخلطيهم عشر دقائق
ضيفي ملح حسب الرغبة ونص التوم المدقوق
حتى تصبح الخلطة متل. اللبنه
ضعي الخبز تلت حبات الى طبق التقديم مع رشة ملح
ضيفي من مرقة الحمص كاسة وصفيها ثم ضيفي نص خلطة البدوة على الخبز وحركيهم ثم ضيفي باقي الخلطة على الخبز وزيني الطبق بالمكسرات وحبات رمان والسمنة ورشة فلفل اسود ….ورشة فليفلة حارة حمرة ناعمة
النوع التاني تسقية الزيت.
حمص كيلو مسلوق حب نص كيلو .
زبت زيتون فنجان قهوة مضاف على كاستين ونص ماء شرب .
معلقة صغيرة مادة اسمها القلي …. هي كربونات الصوديوم حصرا .
واخلطيهم بالخلاط خمس دقائق حتى يصبح لونهم ابيض متل الحليب ..
اسكبي الخبز المنشف قبل بيوم بطبق التقديم ثم ضيفي كاسة من مية الحنص .
وصفيهم ثم ضيفي حمص كاسة ونص ونص كاسة من مية الحمص .
ثم ضيفي الصوص يلي حضرتيه من الزبت والقلي والقسم التاني من التوم المدقوق .وحركيهم بالمعلقة ثم ضيفي حب حمص كاسة مع اضافة كمون ناعم.
معكمSahera Da