بودرة قشر البرتقال كبديل للفانيلا بعرف الموضوع مش ملفت وماحدا راح يعبرني

بودرة قشر البرتقال كبديل للفانيلا بعرف الموضوع مش ملفت وماحدا راح يعبرني
معكم صديقة زاكي الشيف الموهوبة صبا عوني المهتدي
يسعد مساكم يا رب بعرف انو الموضوع غير ملفت والتفاعل عليه حيكون قليل لكن لأنه هدفي في المشاركة هو #الفائدة والنية لله والأجر على الله

حبيت افرجيكم شغلة لفتت انتباهي باحد الجروبات بس انا بعملها بطريقة مختلفة وما فيها طعم مر بتاتا … والريحة ولا اروع

بودرة قشر البرتقال ….
بالنسبة الي بجفف قشر البرتقال اما بالشمس او بالفرن على نار خفيفة جدا وعلى الرف الوسط والنار مو تحتها مباشرة او ممكن تجففوها بالميكروييف
المهم انا باخد القشرة بدون اللب الابيض وهيك بطلع عندي بودرة ما فيها طعم مر …. اللي لاحظتو في جروبات تانية انو عم بجففوا القشر مع اللب والبودرة الناتجة بتكون لونها فاتح مو متل اللي بعملها وكمان فيها طعم مر
ملاحظة … والليمون بعمله بنفس الطريقة

بستعملها في الكيك والكريم كراميل والمهلبيات وفي تتبيل الدجاج والسمك وفي بعض وصفات الارز
وممكن تستعمليها سكرب للوجه والجسم بتعمل على تبييض وازالة البقع
قشور البرتقال مع شوفان ولبن وعسل
او
زست زيتون مع عسل وقشر البرتقال
او
لبن يوغرت مع عصير برتقال وقشور البرتقال المجففة
وممكن تعملوا بحث على جوجل وتلاقوا وصفات كتير لتقشير الجسم بقشور البرتقال