شاورما الدجاج اللي بحب الشاورما يشجعني
شاورما الدجاج اللي بحب الشاورما يشجعني
معكم صديقة زاكي الشيف الموهوبة حنان السليتي
شاورما الدجاج
اربع قطع صدور دجاج منقطعهم بالشكل الي منحبه منحطهم في مقلاه ومنضيف عليهم بصله مبروشه واربع سنون تومه مبروشين ملعقه كبيره بهارات شورما رشة فلفل اسود رشة كمون وملح معلقة صغيره خل ربع فنجان زيت نباتي ومنحوسهم مع بعض ليصيروا على شقار ومنرجع نضيف نصف كوب ماء وعلى نار هادئه ليستوا ومنبلش نحشيهم او شي مندهنهم مايونيز و دجاج وبطاطا وازا ابتحبوا حطوا مخلل ومندهن الصينيه زيت ومنحمرهم بالفرن على الوجهين
الف صحتين وهناااا…
🌷🌷
خبز الشورما
3 اكواب طحين ملعقة صغيره سكر ملعقه صغيره ملح ملعقه كبيره خميره ربع كوب زيت نباتي كوب وربع ماء فاتر منعجنهم ومنريحهم ساعه وبعد هيك منقطعهم داوئر يكونوا نفس الحجم ومنرجع نريحهم كمان مره نصف ساعه ومنخبزهم على قلايه تيفال ومنضلنا انقلب على الوجهين ليشقر رغيف الخبز ومنحطهم في فوطه نظيفه ليظلوا طرين. 🌷🌷
المتومه اوالمايونيز
كوب حليب سائل حبتين جبنه مثلثات رشة ملح 3 سنون تومه ومنخلطهم بالخلاط الكهربائي ومنزل عليهم الزيت زي الخيط لحتى يتقل الخليط ومنحفطه في البراد بس ما منطول عليه لانه ما فيه مواد حافظه يعني منحفظه لمده 5 ايام .
