من يومين اشتريت خميرة الجبنة وقلت بدي اجرب اعملها في البيت شوفوا شو صار

من يومين اشتريت خميرة الجبنة وقلت بدي اجرب اعملها في البيت شوفوا شو صار
معكم صديقة زاكي الشيف الموهوبة Mariam Ramadan ‎
من يومين اشتريت خميرة الجبنة وقلت بدي اجرب اعملها في البيت ،جربت بالحليب المبستر لكن للاسف ما زبط ولا جمد معي نهائي .قلت بجرب بالحليب البودرة بكمية صغيرة وبشوف لو زبطت بجيب حليب بقر طازج مش مبستر وبعمل جبنة ،
الصراحة زبطت بالحليب البودرة بس اكيد بالحليب الطازج اطيب بس ما بتضر بتنفع للحلويات وللمعجنات وعملت منها مبارح خلية النحل ،

الطريقة
جبت طنجرة وحطيت فيها 4كاسات مي كبيرة وحطيت لكل كاسة 3ملاعق حليب بودرة ممسوحة طبعا
وحركتهم منيح وذوبت نص كيس من خميرة الجبنة بفنجان مي دافي وحطيتهم فوق الحليب لما صار سخن بحيث تقدري تحطي اصبعك بالحليب بدون ما تلسعك السخونة
وحركت الحليب 6 تحريكات لحتى جمد الحليب غطيته بشي دافي وخليته للصبح .
الصبح كان قرص وحواليه مي حطيت قطعة شاش بالمصفاية وسكبت طنجرة الحليب الجامد فيها وغطيته بقطعة القماش وحطيت فوقه مرطبان ثقيل حتى تنزل كل المي
بعدين قطعته ورشيته ملح وتركته لتاني يوم وغليتهتهم اليوم الصبح بمي وملح وحطيت صرة مستكة ومحلب
وهذة النتيجة. شو رايكم
#جبنات ام نضال الصغنونات