في كتير طلبوا مني طريقة المكدوس وحبيت انشرها بالصور خطوة بخطوة حتى الكل يستفيد

في كتير طلبوا مني طريقة المكدوس وحبيت انشرها بالصور خطوة بخطوة حتى الكل يستفيد
معكم صديقة زاكي الشيف الموهوبة  ‎  ‎Mariam Ramadan

اشتريت باذنجان للمكدوس بحكولوا باذنجان حمصي وجارتي سورية حمصية اكدتلي انه حمصي وقالتلي احسن باذنجان للمكدوس وطلعوا بيشهووا عنجد
المرة الماضية عملت 4كيلو والمرة عملت 2 كيلو
واليكم الطريقة بالتفصيل الممل 😄

بجيب الباذنجان وبغسله وبسلقه بالقمعة تبعته بس ما بخليه يذوب المهم كل حبة تكون جنب اختها وبحطهم بمصفاية وبصفيهم وبعدين بشيل القمعة وبشقهم بالسكينة كل حبة لوحدها وبرش شوية ملح بكل حبة وبتركهم يتصفوا
بعدين بفرملهم جوز عين الجمل وبدق راس توم معهم وبحط معلقتين شطة كبيرة وبس يتصفوا بحشيهم وبصفهم بمرطبان وبحط صحن مسطح فوق المرطبات وبقلب المرطبان وبخليهم طول الليل للصبح لحتى يتصفوا وبزل المي اللي طلعت منهم وبرد بقلب المرطبان وبحط غمرتهم زيت زيتون وبقفل المرطبان منيح وبتركهم ليستوووا
وطلعوا بيشهووا
وصحة وهنا
#مكدوس ام نضال