كيكة الشوكولا بصوص الشوكولا كيكة سهلة كتير وسريعة
كيكة الشوكولا بصوص الشوكولا كيكة سهلة كتير وسريعة
مرحبا جميعا .. هاي اول مشاركة الي بزاكي
معكم صديقة زاكي الشيف الموهوبة Arwa’s Kitchen
المقادير :
تلات بيضات
ملعقة صغيرة فانيليا
كوب سكر
كوب ماء بحرارة الغرفة
كوب زيت
اربع ملاعق كبيرة حليب بودرة
اربع ملاعق كبيرة كاكاو بودرة
كوب طحين
٢ ملعقة كبيرة بيكنج باودر
الطريقة :
نخفق البيض مع الفانيليا وكوب السكر سبع دقائق على سرعة عالية حتى يصبح لون الخليط ابيض وبعدها نخفف السرعة ونضيف كل من كوب الزيت وكوب الماء والحليب البودرة والكاكاو حتى يختلطوا جيدا
وبعدها نضيف الطحين حتى يختلط جيدا وبالاخر نضيف البيكنج باودر ونخفق فقط ٣٠ ثانية ونوقف الخفق
في صينية بايركس الحجم الكبير تكون مدهونة بنحط فيها الخليط ويوضع في الفرن ٤٥ دقيقة على حرارة ١٨٠ درجة مئوية .. وبنختبر استوائها بنكاشة الاسنان او طرف السكينة.. وبرجع الوقت حسب حرارة الفرن اللي عندكم
صوص الشوكولا عبارة عن :
نص كوب ماء
نص كوب سكر
نص كوب زيت
تنين ملعقة كبيرة حليب بودرة
تنين ملعقة كبيرة كاكاو
نخلط بالخلاط الشاف لحتى يختلط منيح ويصير تقيل نوعا ما
وبعد ما تطلع الكيكة من الفرن بنقطعها مربعات دايركت وبنصب الصوص عليها وهي ساخنة وتزين حسب الرغبة
هلا ممكن تخرب عليك شوي بالشكل عشان هشة وسخنة عند التقطيع .. بس انت قطعيها شوي شوي والصوص راح يزبط شكلها وتطلع مرتبة
انا استخدمت الاكواب والملاعق المعيارية ولو ما في عندكم استخدمي نفس الكوب والملعقة بكل المكاييل
بتمنى تعجبكم الطريقة .. سهلة كتير بس انا حبيت احكي بالتفصيل لحتى ما تخرب مع حدا منكم
