دجاج المشوي بالكيس الحراري محشي أو مع خضار احفظي الوصفة واعمليها للغداء
دجاج المشوي بالكيس الحراري محشي أو مع خضار احفظي الوصفة واعمليها للغداء
معكم صديقة زاكي الشيف الموهوبة جلكسي والدنيا عكسي
دجاج المشوي بالكيس الحراري محشي أو مع خضار 
تتبيلة الدجاج
ملح
باربيكا حلوه
كاري أصفرحلو
رشة كاري أصفر حار
عصير ليمونه
فلفل أسود
سماق
ورق غار
فنجان زيت ذره
فنجان زيت زيتون
فصين ثوم مهروسين
رشة دبس رمان أوخل بلسمك حسب المتوفر عندك بس لتعزيز النكهه
الطريقه
1-معلقة صغيره من جميع البهارات المذكوره بس الملح ما تحطي بتخلطيهن مع الزيت وثوم المهروس.
2-بترشي الدجاج بالملح من جميع النواحي بعدا بتدهني بالفرشايه من خلطة البهار.
3-فيكي الضيفي الخضار الي بتحبوها أنا بحط جزر وبطاطا مكعبات وبصل حجم صغير بتدهني الخضار من نفس الخلطه مع ملح.
4-ازا حابه تحشي الدجاج بالارز بدك تسلقي الارز مع رشه ملح ورشه كركم خفيفه بس يقارب ع الاستواء بتصفي وبتغسلي من مية السلق بعدا بتحوسي لحمه مفرومه مع زيت ذره مع رشة ملح وفلفل أسود وخلي زيت عليهم بزياده شوي منشان بس ضيفي ع الارز ما يخبص وبتفرمي شويه بقدونس وشوية مكسرات محمصه ومعلقة صغيره من خلطه بهار الدجاج وبتحركيهن منيح وبتحشي الدجاج فيها .
5-بتحطي الدجاج بالأكياس الحراريه مع فنجان ماء وبتسكريهن جيدا وبتحطيهن بلفرن حسب فرن المتوفر عندك انا بستخدم الكهربائي بحط ع رف الشبك من فوق وتحت مدة ساعه من تحت بعدا بشغل من فوق وتحت وقت كمان ساعه برجع لحجم الدجاج الي عندك وازا دجاج طازه بياخد وقت اكتر بالاستواء بعدا ازا حسيتي الدجاج عليه سوائل افتحي الاكياس منشان يتحمرو منيح وصحتين وعافيه تعبت وأنا أكتب
فديتكم أصدقاء زااااااكي
صديقتكم هزوره جلكسي والدنيا عكسي
