سلمى والقدر بقلم حنين طه
هذه القصة تأتيكم من قسم المنوعات في زاكي
#سلمى_و_القدر
(سلمى والقدر الجزء الاول )
سلمى بنت حلوة وطموحة متل ما الجميع بحكي لما كان عمري ١٨ سنة وقبل ما تطلع نتائج التوجيهي كنت متأكدة انه رح اجيب معدل عالي لاني من المتفوقات الحمد لله عندي ام واب واخوان تنين واخت متزوجة اخواني واحد لسا صغير صف رابع والتاني خلص توجيهي قبلي بسنة بتذكر يوم نتيجته التوجيهي جاب معدل مش عالي فأبوي يومها دق على صدره وحكاله يابا تخافش لو بقطع من لحمي غير ادرسك وفعلا هاد الي صار سافر اخوي عأكرانيا يدرس طب وابوي كان بالموت يجمعله قسط الجامعة المهم حبيت اعطيكم فكرة عامة عن عيلتي نرجع ليوم ما طلعت نتيجتي التوجيهي طلعت النتيجة وجبت ٩٥ الحمد لله طبعا انا كنت مبسوطة اولا كرمال معدلي وتانيا لاني كنت بستنى ابوي يجي يحكيلي متل ما حكى لأخوي انه لو شو ما كان رح تدرسي رن تلفون البيت رديت عليه انا اخوي : سلمى اعطيني ابوي انا : مصدومة طيب ليش ما باركلي اعطيت التلفون لابوي نبرة الصوت كانت واضحة ومسموعة احمد اخوي : يابا مش معنى انها جابت معدل تقعد تدرسها وتفتلنا عليها مصاري وتقطع فيني عند اول عريس زوج وخلصنا منها ابوي : لا يابا تخافش اصلا البنت اخرتها لبيت زوجها وفجأة كل الاحلام والامال الي رسمتها براسي انهدت اجا علي ابوي وحط ايده عراسي وحكالي يابا الف مبروك بس انا ما الي قدرة ادرسك انتي واخوكي والبنت اخرتها لبيت زوجها قلتله يابا انا جبت معدل عالي ومش بحاجة تدفععلي لتدرسني حكالي ولا كيف مش بدك مواصلات وكتب وغيره وانا معيش وانتهى الكلام ( ابوي وامي ناس كويسين بس لا حول لهم ولا قوة بخافو من اخوي) المهم رضيت بالامر الواقع واستسلمت لقدري وبيوم كنت طالعة انا وبنت عمي نشتري شوية اغراض ولما روحت عالبيت لقيت عنا ٣ نسوان وحدة عمرها بيجي بالخمسين وتنتين صبايا اجت امي بتحكيلي سلمى تعالي سلمي عخالتك ام غسان وبناتها فتت سلمت عليها ام غسان : ايوا هاد هو طلب غسان ابني ورحت بعدها اعمل قهوة لخالتي ام غسان متل ما سمتها امي يتبع …….. )
سلمى والقدر الجزء التاني
اجا غسان عنا عالبيت وشافني هو وابوه وامه كشكل ما كان عاجبني يعني مو متل ما انا كنت اتمنى وغسان كان معه توجيهي راسب بس طبعا الكلمة المشهورة عند اهلي كانت الرجال ما بعيبه شي تمت الخطبة بسرعة وبعدها العرس كل شي صار بسرعة خيالية وتزوجنا تاني يوم اجا علي غسان بحكيلي اسمعي يا بنت الناس انا كل يوم بصحى الساعة ٧ الصبح بطلع عشغلي بدي اقوم الاقي ملابس مكوية والاقي فطوري جاهز وبس اطلع من البيت بظبي البيت بنص ساعة وبتنزلي عند امي تساعديها بشغل البيت وصرت كل يوم اصحى الساعة خمسة ونص الصبح احضرله ملابسه وفطوره ويصحى ياكل ويطلع ومتل البرق اقعد ارتب بالبيت واكون عند امه الساعة ٨ ويا ويلي اذا تأخرت ١٠ دقايق عن الساعة ٨ اسمع كلام وحكي ليوم الحكي احضر لدار حماي الفطور وارتب البيت وحماتي تحمل حالها وتطلع وانا اقعد اطبخ الها ولبناتها مع انهم صبايا كانو بالبيت بس ما كانو يساعدوني بشي وغسان كان يروح هالبيت الساعة ٦ المسا احضرله العدا ونظل سهرانين عند اهله لساعة ١٢ بالليل وبعدها نطلع عالبيت كان يكون مهدود حيلي ومو مصدقة متى اوصل الفرشة لأنام بيوم صحي غسان الصبح قلتله حبيبي ممكن اطلب منك طلب حكالي خير شو بدك قلتله مشتاقة لامي بدي اشوفها صرلي شهرين ما رحت عليهم وديني عليهم لو ساعة وانا قلتها وانسترت ولا قلتها وانفضحت وبلش يصرخ ويضرب فيي لحتى نهنهني وحكالي لما انا بقرر اوديكي عند اهلك بوديكي مش انتي الي تطلب وحمل حاله وطلع يتبع …..
( سلمي والقدر الجزء التالت )
كرامتي عزت علي كتير انه ليش هيك يعمل فيني وهو طلع من البيت من هون وانا ضبيت اغراضي ومباشرة عبيت اهلي فتت وقعدت ابكي وحكيت لابوي القصة وشو صار حكالي انا ما عندي بنات تتحردن احملي حالك وعبيت زوجك قبل ما يروح وما يشوفك بالبيت حكيتله ليش يابا انا بنتك حبيبتك وبحكيلك انا انذليت وانهنيت ما رضي يرد علي ومسكني وراح فيي عبيت زوجي حماتي ما عجبها قلتله هيك يا ابو احمد مش مربي بنتك لازم تفهمها انه الوحدة بس تتزوج ما اله غير بيت زوجها حكالها ابوي خلص يا ام غسان هي هلا فهمت وما رح تعيدها هالمرة ابوي كسر كل شي حلو ظل عندي لمين اروح لمين اشكي خاصة انه زوجي بعد هالقصة استقوى علي وصار كل شوي يمد ايده علي عفكرة غسان ما كان لئيم ولا ابن حرام كان طيب وحنون كنت بشوف هالشي بعيونه بس للاسف كان حافظ مش فاهم وماشي عكيف امه وبيوم مرضت وحرارتي ارتفعت كتير وصارت عندي لعية نفس وبس طلع غسان عشغله رحت حطيت راسي ونمت وصارت الساعة ٩ واجت حماتي علي تصرخ وتضرب علباب وتحكي وينك يا قليلة الفهم يا قليلة الذوق عارفة اني وحدانية ولهلا ما مزلتي تساعديني حكيتلها عمتي انا تعبانة مش قادرة حكتلي هيك متل القردة فش فيكي شي ونزلت عندها صرت اشتغل مع انه كان مبين علي التعب كتير اجا غسان من الشغل بحكيلي مالك ليش هيك وجهك وكان خايف علي كتير اجت امه وحكتله مرتك اليوم للتسعة نايمة حكالها طيب يما هالمرة امسحيها فيي طبعا حماتي ما عجبها وقلي قومي البس بدي اخدك عالدكتور حكتله تخافش هاي بتتمترض بس هو اصر ياخدني وبعد الفحوصات طلعت الدكتورة بتقله مبروك مرتك حامل يتبع …..
( سلمى والقدر الجزء الرابع )
انا هون كنت عارفة انه في نوع جديد من التعب والمصاعب جاية علي خاصة انه دار حماي ما بيرحمو ابداااا وبلشت مرحلة وهن على وهن ووحام وحمل وانا متل الساعة شغل ببيتي وشغل ببيت حماي واهلي بشوفهمش غير كل شهرين مرة وخلصت اشهر حملي عخير وولدت وجبت توم بنت وولد وبعد ما ولدت بيومين حماتي بتحكيلي خير مالك ليش بطلتي تنزلي تشتغلي عندي قلتلها كيف بدي انزل وانا عندي تنين بيبي حكتلي هو فش حدا خلف غيرك قلتلها وكيف بدي امسك ولادي واشتغل قالتلي دبري حالك وما بعرف كيف اجتني القوة وقلتلها وبناتك وين ليش ما يشتغلى وصارت تصرخ فيي وراحت رنت عغسان اجا غسان متل البرق خير يما شوفي الولاد صرلهم شي حكتله لا يما تخافش انا من الصبح دايرة بالي عاولادك بس مرتك خلص صار بدها تكسير راس هيك حكتلي حكالها يما طيب هي لسا نفاس وكيف بدها تشتغل وهي عندها تنين بيبي حكتله انا ولدت كل ولادي ومن تاني يوم اقوم اشتغل لستك ام ابوك ولا انا ما الي فضل عليك وفات علي عالغرفة ومسك القشاط وبلش فيي ضرب لحد ما تنهنهت وحمل حاله وطلع وفاتت بعدها حماتي حكتلي ها مش تنسي بكرة الساعة ٨ بلاقيكي عندي وطلعت هي واياه قعدت افكر شو بدي اعمل بحالي وين اروح انا ابوي وانا لحالي ما استقبلني لحتى يستقبلني هلا ومعي تنين وفجأة اجا ببالي ارن عأختي طبعا انا اختي كانت علاقتي فيها كتير سطحية بحكم انها تزوجت صغيرة وما كانت تيجي عأهلي الا بالمناسبات رنيت عليها ردت الو مين حكتلها ندى انا سلمى اختك قلتلي اهلين حبيبتي يا الله شو مشتاقلك طمنيني عنك حكيتلها انا صار عندي بنت وولد حكتلي ما شاء الله الله يخليهم وفجأة انفجرت بكا صارت تهدي فيي وقلتلها شو صار معي حكتلي هلا برن عليكي بعد نص ساعة انا قلت بدها تزحلقني انا ما كنت بدي منها شي غير تعطيني نصيحة اعملها بحكم انها متزوجة من زمان رنت علي بعد شوي بتحكيلي سلمى حضري حالك وجهزي ولادك واعطي زوجي العنوان بده يجي ياخدك عنا حكتلها متاكدة يا ندى قالت اه لا تخافي اذا ما عملتي هيك بحياته زوجك ما بنعدل وفعلا لبست ونزلت استناه عباب العمارة واجا اخدني بالسيارة اول ما شافني انصدم وحكالي كيف بتجرأ بعمل معك هيك انتي بالنهاية مرته امه ولاده ورحت عند اختي عبيتها ما شاء الله كان بيت كتير حلو ومرتب وعفش فخم الله يهنيها يتبع …..
( سلمى والقدر الجزء الخامس )
بعد ما وصلنا عند اختي بشي ساعة اجا علي زوج اختي وحكالي اسمعي خدي احكي تلفون مع ابوكي اواحكيلي انا عند اختي وكونك انت ما بدك تكون سند الي هي القانون سندي حكيتله ليش بدي احكي مع ابوي وهو اصلا مش سائل فيي حكالي لانه اكيد زوجك رح يروح يسال عنك عن اهلك واذا ما لاقكي دار حماكي رح يعجبو عليكي حكي ابصر وين راحت ويحطو بشرفك فعلا حكيت مع ابوي وجكيتله هالكلمتين وسكرت وبعد شوي صار تلفوني يرن من رقم ابوي وامي وزوجي وارقام غريبة واختي وزوجها حكولي لا تردي الي فهمته بعد هيك انه زوجي راجع عالبيت ومش لاقيني وامه قايليتله لا تهتم كمان شوي ابوها بجيبها ولما شافني ما رجعت راح عند ابوي وابوي كاين يدعي علي واني سودت وجهه ومن هالحكي اجا زوج اختي حكالي اسمعي يختي انتي اخوكي مش هون وانا اخوكي بعهد الله وبوعدك ما تكوني الا راضية بس لا تسودي وجهي وخليكي ماشية معي وشو ما حكى عمي وزوجك لا تخافي وشو ما هددو انسي القانون معك وفعلا الساعة ٩ المسا دق الباب رد علاء زوج اختي وفتح الباب ووقف وحكالهم انا بعتذر عالطريقة الي عم بستقبلكم فيها هايذمش من شيم الاجواد بس انتو بنفعش معكم الاهيك اسف يا عمي كان بودي احكيلك اهلا وسهلا اذا حبيبت تفضل لحالك حكاله غسان انا مش جاي ازورك ولا اضيف انا الي امانة هون وجاي اخدها حكاله علاء فش الك عنا ايشي وامانتك بتاخدها بالمحكمة وحياتك اذا حاولت تعمل بلبلة الا اخليك اتخ بالحبوس والضرب الي ضربته لمرتك معي تقرير طبي فيه ببهدلك فيه غسان صار يصرخ ويلعلع وزوج اختي سكر الباب ودخل صحيح غسان كان يصرخ بس صوته كان فيه خوف انا بعرفه لاول مرة بالحياة بحس انه عندي كرامة كتيررررر فرحت بس عزت علي وقفة ابوي عالباب ومرق كم يوم وما حدا طل وانا صرت استحي من قعدتي عند اختي ونتاني يوم من الصبح لبست بدي اطلع شافتني اختي حكتلي لوين رايحة ما قدرت اجاوب وبعد الحاح كبير حكتلها بدي ابيع دبلتي عشان بكفي عيب بدي اشتري لولادي حليب وفوط نادت هيعزوجها حكالي عيب يختي هالحكي انا مش بحاجة مصاريكي واذا انتي خجلانة مني اعتبريهم دين وبس تنحل امورك بتسديهم وظليت عند اختي شهر ونص بعمري ما سمعتها لا هي ولا زوجها شكوا لحد ما يوم سمعت انه غسان خطب وصرت ابكي وابكي اجت اختي بتحكيلي يختي انا ما بدي تفكري انه احنا خربنا حياتك وحياة الله لو ما عملتي هيك بعمره زوجك ما بحترمك قلتلها يختي لو بدها تنحل كان انحلت بس خلص زوجي ما بده اياني خليني اروح ارجع انا لعنده حكتلي اوعي كل الي بنيته بروح سدا وبعد شهر كمان رجعت سمعت انه غسان فسخ وهون بلشت احس فعلا انه حياتي تغيرت صارت جاهة رايحة وجاهة جاية يحاولو يرجعوني بالاخر اتفقت مع زوج اختي انه يحكيلهم شروطي واذا وافقو عليها انا برجع واذا ما وافقو ما برجع وفعلا صار الي بدي اياه ورجعت بانه ما انزل عند امه الا وقت ما انا احب وانه اذا مد ايده علي ما برجعله ابدا بعد هيك يتبع ……
(سلمى والقدر الجزء الاخير)
رجعت عبيتي معززة مكرمة طبعا زوجي كان كتير يحاول يحكيلي انزلي عند امي وحرام احكيله انا مو بنت حرام بس بنزل لما انا بدي وصرت اروح ازور امي كل يومين وازور اختي حتى غسان حاول يتقرب من علاء زوج اختي ولما نتخانىء انا وغسان يحاول يمد ايده علي بس انا بطلت اخاف واحكيله حاول تمد ايدك وشوف رح يصير لحتى نسي تماما انه انا امرأة ممكن انضرب وبيوم كنا قاعدين ولا هو بحكيلي سلمى انتي كم جبتي بالتوجيهي اول مرة بالحياة بسألني عن حالي حكيتله ٩٥ حكالي وشو كان نفسك تدرسي قلتله لا تذكرني لا والله جد كم حكتله صيدلة حكالي وشو رأيك تسجلي بصراحة وقتها ما بعرف شو المشاعر الي تملكتني فرحة سعادة شو هي بالزبط مش عارفة وفعلا سجلت جامعة وهلا انا سنة تالتة صيدلة وولادي بحطوهم عند امي لانه ابوووي كتير تغير بعد ما احمد اخوي الله بهديه حب بنت اوكرانية ودار وراها وترك دراسته وللاسف صرلهم اهلي خمس سنين مو شايفينه ابوي تغيير لانه حس انه انا بنته متل ما هو ابنه صحيح شايلة من ابوي شوي بس بظله ابوي اما بالنسبة لغسان صار كتير منيح معي ما بتخلى الحياة من شوية مشاكل بس عالاقل صار يحترمني وياخد رأيي بكتير اشياء وحققلي احلى حلم عندي دراستي اختي وزوجها الهم فضل كتيررررررر كبير بالحياة لو اعيش فوق عمري عمرين ما بوفيهم حقهم اما حماتي فهي بحالها وانا بحالي بروح عندها زيارة كل يوم لانها بتظل امه وبروح والحمد لله عكل شي
#حنين_طه