خطوة بخطوة تعملي تحضير المجدرة على أصولها
اليوم عملت مجدرة واعتقد الكل بيعرف طريقتها بس مع ذلك رح اكتبها
معكم صديقة زاكي الشيف الموهوبة Mariam Ramadan
المكونات
نصف كيلو عدس حب
نصف كيلو ارز عادي
راسين بصل
زيت زيتون
ملعقة ملح
ملعقتين كمون
ملعقة فلفل اسود
الطريقة
بغسل العدس منيح وبحط عليه مي مغليه وبحطه ع النار وبس يبتدي يغلي بضيف الملح
بنقع الرز .وبقشر البصل وبقطعه شرايح
بضيف الفلفل الاسود والكمون للعدس وقبل ما يستوي بشوية بصفي الرز وبضيفه للعدس وبخلطهم منيح وبتركهم ع نار وسط لحتى تتنشف المي شوية بوطي الغاز وبتركهم ع نار هادية حتى يتفلفلوا .وبهذه الاثناء بقلي شرايح البصل بزيت الزيتون وبس يصير لونهم اشقر برفعهم عن الناو وبضيف الزيت للمجدرة وبس تستوي بنطفي النار
بنقدم المجدرة مع السلطة او اللبن حسب الرغبة وبنزينها بالبصل المقلي
وصحة وهنا
#مجدرة ام نضال
