اليوم كنت عند ست الحبايب انا واختي حبيبتي وعملنا حراق اصبعو وطلع بيشهي مم لوحة فنية

اليوم كنت عند ست الحبايب انا واختي حبيبتي وعملنا حراق اصبعو وطلع بيشهي مم لوحة فنية
معكم صديقة زاكي الشيف الموهوبة ‎Mariam Ramadan

اليوم كنت عند ست الحبايب انا واختي حبيبتي وعملنا حراق اصبعو وطلع بيشهي مممممم لوحة فنية😉😉
طبعا في ناس بيستعمل المعكرونة العريضة الفوتشيني بدل رقائق العجين .لكن ان بحب اعمل الرقائق في البيت.
العجينة هي عبارة عن
كوب طحين
رشة ملح
ملعقة كبيرة زيت ذرة
وماء دافئ للعجين
مكونات حراق اصبعو
2كوب عدس حب
نص كوب عدس مجروش
2بصلة جوانح
كوب بقدونس
نص كوب زيت زيتون لقلي البصل والخبز
دبس رمان
كوب رمان حب
رقائق عجين مقطعة مربعات للقلي
الطريقة
بنعجن الطحين والملح والزيت وبنترك العجينة ترتاح
بنحط العدس الحب ع النار بعد ما نغسله طبعا وبنضيف الملح والفلفل الاسود والكمون للعدس وبتركهم ع النار بعد عشر دقايق بنضيف العدس المجروشوبنتركهم ليستوو ونضيف معلقة دبس رمان للعدس
بنرق العجينة بالطول لحتى تصير شفافة بنبرمها على بعض بشكل رول وبنقطع رول العجين بالسكين ونبدأ نفتح كل قطعة ونفردها ع رخامة المطبخ
بنقصها لقطع صغيرة ونضيفها للعدس ونحركها ونتركها تستوي مع العدس
بنقطع ما تبقى من العجين لمربعات وبنقليه ونحطه ع جنب
نقلي البصلة شرائح ونحطها ع جنب
الزيت اللي بنقلي فيه البصل بنضيفه للعدس
نسكب حراق اصبعو في صحون التقديم ونزينهم بالبقدونس ومربعات العجينة المقلية .والبصل المقلي جوانح وحب الرمان والسماق
وصحة وهنا
#حراق اصبعو ام نضال