إليكم قصة الليلة وننتظر رأيكم في التعليقات

إليكم قصة الليلة وننتظر رأيكم في التعليقات
هذه القصة تأتيكم من قسم المنوعات في زاكي
#فص_الغفلة
#للكاتبة_جمايكا_احمد
.

..الجزء الاول :-الثاني ..الثالث …الرابع والخامس…السادس ..السابع…الثامن … التاسع ..والاخير
.
#عفرا:- اسمعي جيبي هاي الطاولة لهون وحطي هاي الكاسة لهوون بسرعة قبل لتقطع الكهربا…
.
#ملاك :- يييييي علينا اتشغلي فينا …خلفتك ونسيتك انا ..حاج تتامري اعملي لحالك…
.
#عفرا :- ولك ياهبلة مشان اصورك بالبث بالمباشر وانتي مانك منتبهه ويشوفك سحسح حبيبك 😂…وانتي ملتهيه ومشغولة بالكتاب شوفتي قديش بحبك يا سخلة ….
.
#ملاك :- مو عرفاني من وين هالبث المباشر طلع لالنا …كل شوي بث بث ……يالا جاهزة بلشي …اسمعي حاولي تحكي عني منيح ….
.
#عفرا :- ماشي يالا وجهك ع الجنب التاني انشغلي بكتابك…اسمعي سحسح حبيبك اون لاين هلاء ع طول بتابع البث المباشر…
.
#ملاك :- اختي اسمو حسن مو سحسح 😒😒
.
#عفرا :- سحسح حسن او السحاسيح مو مهم رح بلش ون توووو فري 😂😂
.
#ملاك :- فري الله يفرفروا لراسك 😒😒
.
#عفرا :- يييييي علينا فص الغفلة حاج تنطي كل شووي اهدي ….رح بلش
.ووون توووووو ابرررري عليكي ياعفرا…
.
(( مرحبا هاي شلونكن كيفكن …انا عفرا حبيت انقل لالكن اليوم موضوعنا الجديد عن الناس الحشورة 😉😉….استتوب استتتوب
.
#ملاك :- شووو في ولك …ليش وقفتي البث المباشر…
.
#عفرا :- العما طرأك ولي ملاك حد بنشر الكلسون على أوكرت الباب …انفضحنا قوومي شليه شووفي هاد شو كاتب تعليق….
.
#ملاك :- #التعليق:- الكلسون الزهري موتني بقهري ……
.
.((العمااا يافضيحتنا كلو من ورا البث الزفت اللي قرفتينا فيه ….اسمعي حطي البث عليه بدي احكي القصة من طقطق ل السلامو عليكو …يالا رح بلش ركزي الكاميرا حاج تلعبي فيها …
.
.احم احم .اس اس السلامو عليكو انا ملاك اختها لعفرا ..عمري 19 سنة حبيت اليوم اقدم البث المباشر عنها…اختي عفرا اخت كتييير فضاحة اذا اكلنا على طول بطق صورة وبتنزلها على الفيس او الانستقرام…
.
اوووه العشا مع عائلتي حبيبه قلبي .. وبصراحة العشا بكون اسوء عشا وخاصة بعد ما امي تقعد بالساعة تكنس الشعر اللي مقطع على الارض ….انا وعفرا خوات بينا بس سنة ..انا اكبر منها بسنة اختي عفرا اجت ركض على الدنيا .. اجت تحجز مكان بالدنيا .خايفة ليروح مكانها ..ولهلاء ومازالت حشورة وفضولية وبتركض ركض على الدنيا ..انا رغم مشاكلي مع اختي بس ماببتوقعو اني ممكن بيوم استغني عنها ليوم واحد حتى ….
.
.#عفرا :- خلصتي بعدي لهيك …لاحسن ورجيكي رفسة العنزة الخلفية .. بتحبي تقومي ولا اتجربي …
.
.#ملاك :- خلص قايمة لاحسن من اردافك يصير معي ارتجاج …
.
(( خلص صبايا مابدنا البث المباشر تعو نروح على غرفة الضيوف لاحكيلكن قصتي وقصة اختي عفرا ….بروقااان وهدوووء …
.
.الجزء الثاني :- ..

(كل واحد لالو شخص مقرب عندو هو الصديق وهو الحبيب وهو اللي حامل اسرارو كلها…وانا اختي عفرا هي الصديقة الوحيدة لالي …انا وهي بنام بنفس الغرفة …كل شي مع بعض بنعملو ..ناكل بنشرب وحتى التياب بنلبس من بعض…هي مهوووسة موبايلات وبث مباشر …اختي عفرا ماعندها اي فكرة عن الحب او عن العلاقات…اخدت الدنيا والحب والكلام العشق مجرد حكي مابغني من جووع…
.
شخصيتها المزودجة بين الضحك واللعب .مابيعني انها خالية من المشاعر… لا بالعكس رغم اسلوبها المضحك الا انها من جوا قلبها صفحة بيضة حساسة ..وبتزعل وبتخبي بقلبها …انا كنت خبر اختي عن اعجابي بإبن خالتي حسن ..وخاصة بعد ماهو صارحني بحبوو لالي …
.
.#ملاك :- عفرا حسن اجا لعنا اليوم شوفتيه …
.
#عفرا :- اي شفتو وطردتو ..
.
#ملاك :- ليش طردتيه …
.
#عفرا :- مو عارفة عنك شو اللي عاجبك بهاد لا شكل ولا منظر ولاعقل ولا فهم ..اقرع وراسو كبيرة …😷..
.
#ملاك :- لا تحكي عنو هيك ولك بزعل هو بحبني …
.
#عفرا :- ييييي علينا لك حب مين والناس نايمين حبك برص ان شاء الله هاد كداب لك من عيونو باين الكدب …
.
#ملاك :- خلص اسكتي اسكتي ياريتني ما سألتك…
.
#عفرا :- بلا ما تسدقيني بكرة بدوب الثلج وببان المرج…
.
#ملاك :- انتي وامثالك 😛 هووو…
.
#عفرا :- ولي ملوووكة ..اعطيني كندرتك البنيه بلييزز بلييز اختاااااه بلييييز …
.
#ملاك :- لابكرة عندي محاضرة بالمبني القريب من مبني حسن بالجامعة . بدي البسها …
.
#عفرا :- اختي بليز بقلك طيب بجلي عنك اليوم ..طيب بكنس عنك طيب اسمعي بنشر الغسيل كلو عنك…

#ملاك :- لاااااء قلت بعدين انتي ليش بدك تلبسيها ماعندك حبيب .خليكي على الشوز الابيض تبع الرياضة ..بعدي عن كندرتي …
.
#عفرا :- يعني مابدك تعطيني اياها مااا…اوك عااادي عااادي واقل من عاادي لك الله لايحوجني لالك ..لك ياريت ينزل علي مطر كلو قنادرة لاموتها جكر لهالكلبة …الهي وانت جاهي يا ملاك يا بنت سجود ..تنقطع كندرتك وينقبع بوزها عن كعبها….وتفتح تمها هالقد …وتكوني بنص الشارع بعز المطر …ويجي سحسح يلاقيكي عم تجري حالك جر ..وحاطة برجلك كرتون بدل الكندرة..لك الهي ولك روووحي ..
.
#ملااك :- خلااااااااااااااص اخرسي سميتي بدني مابدي اياها كل هاي الدعوات مشان قندرة …ريتها بالساحق والماحق والهم المتلاحق كرهتيني البسها …..
.
#امي :- شووو يابنات كل يوم صوتكن طالع على شو عم تتخانقو على الاشارب ولا البنطلون ولا على الجاكيت …
.
#عفرا :- لا امي على القندرة …
.
#امي :- ع القندرة ..غريبة من متى بتلبسي قنادرة عالية انتي وبعدين مابدك تبطلي هاي العادة اتركي اغراض اختك بحالهن ….
.
#عفرا :- اساسا انا بعرف بعرف لمين بنتك طالعة لالك لالك مابدي شي منك ولا منها …
.
.(( هاي عادة اختي تحرد على الشي اللي مو لالها وتصمم مشان تاخدو ..بصراحة تعبتني …كل يوم شي شكل تاخدو وياريتو بيرجع متل ما كان بس غريبة اختي شو قصتها بلشت من جديد تهتم بحالها 😒😒…
..
.
#الجزء الثالث :- .
.
(( فتت على اختي الغرفة كانت مشغولة بترتيب ملابسها وكويهن ..اختي اللي ماكانت تهتم اذا اللبس نضيف او وسخ اهم شي تطلع فيه ع الجامعة …
.
.#ملاك :- احم احم نحنا هنا…

#عفرا :- طيب واذا انتو هوون شو ساوري قوم ارقص لالك …
.
#ملاك :- اختي شو هالاناقة والترتيب اللي نازل عليكي من السما في ان مااا بالموضوع…
.
#عفرا :- مادخلك خليكي بسحسحك الخاين …
.
#ملاك :- مالو حسن ..
.
#عفرا :- اختي انتي لمتى بدك ينضحك عليكي …
.
.#ملاك :- شوو يعني ماني فاهمة …
.
#عفرا :- خايفة اقول تقولي عني كدابة…
.
#ملاك :- لا قولي قولي …مانك كدابة …
.
#عفرا :- حسن ابن خالتك اليوم شفتو بمطعم الرويال مع وحدة وهالوحدة انتي بتعرفيها منيح…
.
#ملاك :- مانو وقت مزحك ست عفوووف …
.
#عفرا :- ماشي يوم اللي دقلك على موبايلك واقلك تعي على المكان هاد بتجي اتفقنا 😉…
..
#ملاك :- ليش ….
.
#عفرا :- اتفقنا ولا لاء
.
#ملاك :- خلص ماشي…
.

(( كانت تصرفات اختي غريبة شوي اناقة واهتمام وهمها الاول والاخير حسن وكلامها عن حسن وخيانتو وشخص بعرفو منيح بصراحة بلشت اشك وخاصة انو اختي على طول اون لاين على الفيس ..وكمان حسن اون لاين…حسن من احكيه على طول يقلي مشغول ..واختي من احكيها على طول مشغولة …
.

.
باليوم التالي :-

#امي :- اي شووو هاد ست عفرا ماعرفتك طالعة غير شكلك ..
.
#عفرا :- شو رايك امي بعجبك ما 😊😊
.
#امي :- سبحان مغير الاحوا بس ليش طالعة بكير..
.
#عفرا :- رايحة احصد الحصيدة …😒😒
.
#امي :- هههههه تعي اشربي شاي مع حليب…

#عفرا :- لا امي بدي قهوة…
.
#امي :- شو ههههه والله وكبرت ياغزال وصرت ترافس قهوة مرة وحدة ..امي شو جديدك بلش الفار يلعب بعبي…
.
#عفرا :- لا جديد …بس مشان الفار حاولي طلعيه امي بسرعة يالا يالا وين نضارتي السودا…
.

#امي :- نضارة سووودا شو صرلك ليش هيك منظرك متل المحققين ….اختك وينها ليش مافاقت …
.
.#عفرا :- امي بدك شي عم اضيعي لالي وقتي ….

.(( اختي عفرا طلعت بكير من الصبح …وانا من فقت كعادتي قمت فقد اغراضي …
.
.#ملاك :- الوووووو زفتة ردي
.
#عفرا :- شو بدك ولي بالمحاضرة انا …
.
#ملاك :- ليشك ماخدة بنطلوني الاسود ااااه شو البس ع الجامعة…
.
.#عفرا :- البسيني باي …
.

#ملاك :- ماشي ياعفرا انا بورجيكي ….
.

(( بعد بشي نص ساعة رجعت اختي عفرا اتصلت فيني….
.
#عفرا :- زفتة انتي وين
.
#ملاك :- الزفتة بالطريق ع الجامعة بهدلتيني اليوم بسيطة…
.
#عفرا :- بسرعة بسرعة تعي عند محل سامر للاكسسوارت بسرعة …
.
#ملاك :- ليش شووو في …
.
#عفرا :- بدي اشتري لالك شي زفت بسرعة تعي يالله شو مخك مسكر…
.
(( حملت حالي وبسرعة مشان اركض لعند اختي …ومن وصلت كان حد عم يشدني من جاكيتي…
.

#عفرا :- ووووووين رايحة يا غبية نزلي راسك بسرعة نزليها…
.
#ملاك :- ولك ليش شووو في ….
.
.#عفرا :- تعي نتخبى جنب هاداك الجيب بسرعة عالي وماحد بشوفنا …
.
#ملاك :- ماشي بس فهميني …
.
((رحنا اتخبينا عند الجيب الاسود ..

.#عفرا :- شوووفي مين بالمحل…
.
$(#ملاك :- لك وين مو شايفة …
.
#عفرا :- الله يعميه الاعمش لك جوا المحل…
.
#ملاك :- ممممم هاد حسن شو جابو لمحل البنات.. مين هاي اللي كامش ايدها ماني شايفتها منيح …
.
#عفرا :- هدى بنت خالك صادق 😒.عم يشتري لالها هدايا نزلي راسك رح يطلعو من المحل…شو يختي صدقتي انو هو كداب وخاين خدي شووفي كل يوم عم اخدلو صورة بمكان شكل هههههه
.
.#ملاك :- الحقير الخاين الكلب والله لورجيه …
.
.((بعد لحظات وانا عم ابكي ..انفتح شباك سيارة الجيب…كان شباك اسود ..وكان فيه شابين .. بس شو وسيمين ..يالله على الوسامة ..اللي شفتو ..واحد فيهن اسمراني بس عيونو جوزيات ..والاثنين عندهن عضلات بحجم كتفي تلات مرات….انا من جمالهن من الصفنة ماعرفت شو صار معي وبزقت بجواتي على حسن وصرت قووول ياحظي قبيح وبخون شلون لو كان حلوو شو كان عمل …
.
.#الشاب :- احم احم ..يا انسه خلصتو مراقبه ولا بعد..
.
#ملاك :- ممممم اسفين
.
#عفرا :- شو اسفة ما اسفة قاعدين بملك اللي جابك …
.
#الشاب :- شو محقق كونان ..بدي امشي بالسيارة …ماني عرفان منكن …
.
#عفرا :- شو صرلك يا راجل ..متل فص الغفلة اطلعت لالنا …
.
#الشاب :- انا ماني فص الغفلة انا اسمي يامن …
.
#عفرا :- لا فص الغفلة …ماحسنت تنطر لرووح …
.

#يامن :- عز الدين شو يارفيقي شكلنا اليوم رح نبكس هوون مو بالجيم…
.
#عز الدين :- اعتقد بس لوحدة لان التانية لهلاء ماحكت شي باين عليها بريئة…
.
.
#عفرا :- لمين بدك تبكس ولا اه لمين بتفكرني خايفة منك …لك لك بطحنك انا بتعرف شو بعمل فيك..

.#يامن :- اي قليلي شو بتعملي فيني …
.
#عفرا :- اول شي بخلي خدودك مكبوسين على الكباسة ..وعيونك الجوزيات ببظن لبرا وبلعب فيهن دحاديل ..شعر دقنك هااد بعملو احبال غسيل …واسنانك هادولي بتعرف شو بعمل فيهن …
.
#يامن :- لا مابعرف قليلي يا انسة …
.
.#عفرا :- بطحنهن وبشربك اياهن بدل السكر…
.
#يامن :- ههههههههههههههههههههه دخيل امك بعدي عن الباب خليني انزل لالك وتعملي اللي بدك اياه…

(( علقت اختي مع يامن …والشاب التاني اللي اسمو نور بقي صافن يتبسم ويصفن فيني…..كانت اختي كتير عصبية وقتها ..فتح يامن الباب ونزل لالها…
.
.#عفرا :- دخيل الله شو امك مخلفة عمود كهرباا…
.
.((،ههههه يامن كتير طويل اختي عفرا بتوصل لخصروا من قصرها . ..
.
#يامن :- شو بتحبي طلعك على السيارة ولا بتحبي انزل لالك …
.
.
.الجزء الرابع :-..

#عفرا :- لك حاج سلبي حاج بتفكرني خايفة من عضلاتك …
.
#يامن :- هههههه شو اسمك غليزة…
.
#عفرا :- اسمي غليزة وانت السئيل يامن ما…
.
#يامن :- اي انا السئيل يامن …
.

.#عفرا :- لا لا انت فص الغفلة متل ماقلنا بالبداية…
.
#يامن :- شو احترنا ياقرعة من وين انمشطك ..بدك تمشي من هون غليزة ولا بدك ورجيكي وجهي التاني انا لهلاء منيح وهادي معك لاتخلي اعصابي توصل لانفي…
.
#ملاك :- عفرا شو وقعتينا …يالا خلينا نروح مابدنا مشاكل …
.
#يامن :- ههههه اها اسمك عفرا لكان يا زعرا …اذا بتتنفسي هلاء رح اعفرك على مالطا ..فهماني لك زعرا…

.#عفرا:- يمامي وااااو ولك استني ملاااااك شكلنا اليوم في ناس رايحة سجن وناس رايحة مشرحة 😤😤
.
.#يامن :- نور الدين بعتقادك نحنا لوين مشرحة ولا سجن…
..
#نور الدين :- انا بقول بعتقادنا ناخدهن على طول على المقبرة …
.
#يامن :- هههههههه انت خد ملاك وانا باخد عفرا …
.
.(( وهاد يلي صار يامن كمش اختي بإيد وحدة ودفشها بالسيارة …وانا بلشت شد اختي وقام نور دفشني كمان انا…قفلو السيارة وقفلو شبابيكاا ….
.
#يامن :- تعا انت سوووق وانا بربطهن ..
.
#عفرا :- بدك اتريطني يعني بقوتك قدران عليه …
.
#يامن :- خايفة اشد الحبل يطق عضمك رووقي كلها ساعات ونصل المقبرة …
.
(( بلشو من بعد ماربطونا يدورو فينا من مكان لمكان وهني عم يضحكو ويخوفوا فينا.
.
.#يامن :- رفيقي شعراتها لعفرا شو رايك ناخدهن قبل لنسلخ راسها عن جسمها
.
#نور :- والله يا شريكي شايف صوابع ملاك حلووين شو رايك ناخدهن للكلبة ديدو تبعتنا تاكلهن…
.
.(( صرت اطلع على اختي وعيوني بيبكو وانا بعيوني عم عاتبها ليش هيك عملتي فينا …
.
.#عفرا :- اااامممممممممممممممممممم
.
#يامن :- شكلها بدها تحكي شي نزل نور عن تمها الخرئة …اها قوولي…
.
#عفرا :- بدي روح تواليت ..
.
#يامن :- مممممن بدك تروحي تواليت طيب استحملي شو وتعمليها بقبرك على رواق…
.
#عفرا :- لا بدي اعملها بالسيارة تبعتك ..
.
#يامن 😷😷يع شو مقرفة وصلنا نزلي نزلي …
.
(( وصلنا لمقبرة عن حق هالشي خلاني نازع من البكي واختي ولا عبالها ياريتني متت ولا رديت عليكي وجيت شفت الزفت حسن …الله ينجدنا ونطلع من هون والله لاقوصك ياعفرا…
.
.#يامن :- نور خليك عند ملاك هلاء جاي
….مشي معي …هون مناسب يالا اعملي وخلصي…
.
#عفرا :- شووو حابب تبقا معي …
.
#يامن :- لا خلصي انا واقف هونيك …

#عفرا :- طيب فك ايدي مشان احسن اعرف اعمل 😒😒
.
#يامن :- ييييي علينا خلصي ع العموم الدنيا ليل ومارح تحسني تهربي بعرف هاد النوع جبان ….

.
#الجزء الخامس :-
.
((اختي تركت يامن ملتهي ..وهربت بالمقبرة …
.
.#يامن :- شووو هاد شو بتعملي صرلك 10 دقايق ..والله لو انك بتبني بيت لخلصتي …
.
العما وين راحت هاي بالمقبرة .😲😲..شو صار مين اخدها ….نور نووور نووور ..
.
#نور :- اي شو في ..
.
#يامن :- لك شوفت وين راحت هاي عفرا هربت مني…
.
#نور :- انا ماشفتها ولا اجت هون مصيبة اذا حد اخدها….
.
#يامن :- تعا ساعدني اندور عليها ..بسرعة بسرعة المزح قلب جد..كنا بدنا نخوفهن وقلب علينا …وصرنا نحنا اللي خايفين …
.
#نور :- انطر خليني احط اختها بالسيارة واقفل عليها ليجي حد ياخدها هي كمان…

(( طلع يامن ونور يدورو على اختي عفرا…انا كنت مطمنة لان بعرف اختي شاطرة بانها تختفي وهاد اللي صار بعد شي ربع ساعة اجت اختي لعند الشباك…
.
#عفرا :- هشش 😈😈 انا لالهن بالمرصاد انتي ابقي خايفة اتفقنا…
.
#ملاك :- ههههه بلشت المغامرات 😂😂 اوك اتفقنا …
.
.#عفرا :- انا رح اتخبا هون بالشنتة لاشوف شو رح يصير فيهن …بس قبل خليني اعمل هالشغلة…
اعطيني قلم الحمرا من شنتك بسرعة …

#ملاك :- هيو هون …خدي …

.#عفرا :- شوفي رح اعمل اكس على زجاج السيارة …..شوفي شنتة السيارة مفتوحة رح اتخبا فيها لا تقلقي ..
.
.(بعد شوي رجع يامن ونوور..اللي وجوهن صفرا والخوف مليهن..
.
#نور :- لك يا اخي مش معقول قلبنا المقبرة البنت وين راحت مستحيل تكون طلعت منها …
.
#يامن :- في حد.بالمقبرة اخدها …شو هاد اللي على السيارة…اووف هاد X …اسمع عنجد في حد هون …تعا نطلع بلا ننبلي بالبنت…
.
.#نور :- واختها …
.
#يامن :- رح ناخدها لعنا ..وبكرة بنرجع اندور على اختها …لان مستحيل نرجعها …اذا رجعناها رح تبلغ الشرطة ونروح فيها …
.
#نور :- ماشي خلينا نروح على البيت …
.
#يامن :- وصلنا طالع شوف امي بالبيت ولا بعدها عند اختي مسافرة …
.
(( بعد ماطلع يامن لفووق …اجا نور لعندي …
.
.#نور :- انا مابعرف سدقيني شو صار ماكنت توقع انو مزحنا ينقلب جد…يامن كتير خايف وماترك مكان الا دور فيه …وصار يقلي انو البنت راحت من ادينا …الله يسعدك رح نتركك بالبيت ونرجع اندور على اختك بس دقي على اهلك وخبريهن انك عند رفيقتك واطمني رح انا لاقيها…
.
(( اشرت براسي يعني موافقة…انا كنت مطمنة …لان اختي موجودة ومتخبيه بشنتة السيارة …خليتو يفك عني الاحبال وبعتت لامي مسج..
.
.#ملاك :- دخيلك بدي اختي ترجع حاول انا بعتت لامي خايفة يكون صابها شي …
.
#نور :- تكرمي حاضر انا اسف كتير ….ليكو يامن اجا…
.

#يامن :- نور امي بدها ايام لترجع خد ملاك وابقا عندها لفوق وانا راجع للمقبرة دور على عفرا …مارح ارجع الا لما لاقيها …
.
.((نزلت من السيارة وانا كنت متاكدة انو اختي رح تعيش يامن ليلة بحياتو ماعاشها …ليلة رعب …تركت اختي بالسيارة مع يامن ومتل ماتوقعت صار …اختي من كان يامن عم يسوق بقيت على طول ساكتة ومن وصل المقبرة ..ونزل يامن من السيارة وقفلها ..وبعد شوي عنها بلشت اختي تصدر اصوووات مخيفة ومرعبة …
.

#يامن :- انت ميييين وشو بدك مني .. ليش ماعم تجااوب البنت وينها ..جاوبني رح اعطيك كل يلي بدك ايااه بس رجع البنت …
.
.(( عفرا استغلت الوضع اكتر ..وبلشت تصدر اصوات اكتر …بس وهي عم تصدر اصووات بلشت تضحك ..وهالشي خلى من يامن يكشف امرها وخاصة من صار يتربص من وين عم يطلع الصدا…وللاسف اختي كان طرف كنزتها طالع من باب الشنتة …هالشي ترك مجال ليامن ليرعبها بجد….
.
#يامن :- ااااااه شو بدك مني اعوذ بالله انت جن ماااااا اعوذ بالله …
.
.(( استغل يامن الموقف وبلش هو يصدر اصوات كانها حقيقية ..اختي بالوقت هاداك بلشت تبكي بجد ..وخايفة ..ودق على الباب…
.
.#يامن :- الله يخليك اتركني اتركني قل اعوذ برب الفلق…لا لا شو بدك ببكااج السيارة .. لا لا لاتحطني هون لاتقتلني فيها ..بتوسل لالك…
.
.#عفرا :- بلييييييييز لاتقتلو وتقتلني بليزز 😢😢
.
.((فتحت عفرا بكااج االسيارة (( شنتة )) وطلعت منها عم تبكي وكان يامن واقف قبالها ومبتسم ….
.
.#يامن :- هههههههه ليش هيك وجهك اصفر ومصدومة….
.
.#عفرا :- ……😢😟…
.
#يامن :- كتير فكرتي حالك ذكية مااا …شلون الرعب شوفتي كيف يلي بيرعبو موو..عوووو بوووو عووو بوو..ههههه كنت عم حاول اعمل حالي خايف بس مازبط هههههههههههههه اخ يابطني …تعي يازعرا تعي…
.
#عفرا :- اتركني لاتكمشني ..مابطيقك انت من وين طلعت لالي انت شوو جابك عليه …ليش هيك عملت فيني…
.
#يامن :- مو انتي قلتي عني اني فص الغفلة ههههههههه…
.
#عفرا :- بسيطة فكرك رح اتركك بحالك رح اشيبك لك رح خليك تحط لسانك بانفك….لك عارف شوو رح خلي يصير عندك تبول لا ارادي …
.
#يامن :- هههههه دخيلك يا الله من وين باعتلي هالزعرا …يالله شو كربوجة وصغيرة ….

.
.الجزء السادس ..
.
.#عفرا :- هههههههه
.
#يامن :- ليش عم تضحكي ..
.
#عفرا :- هيك اول مرة حدا يغازلني …
.
#يامن :- بالله شووو هاد مو غزل هاد تعيب عليكي …
.
#عفرا :- لا غزل ونص لاتعاند ابو طويلة ..بعدين شغلة شلون اجالك قلب تعمل فيني هيك وتجيبني على مقبرة …
.
#يامن :- ليش خفتي 😒..
.
#عفرا :- هههه لا مابخاف بس شلون اللي عملتو فيك …اكيد قطع الخلف عندك ههههه.. ليش صافن بوجهي هيك…ياااهو ياناس وين رحت لهدرجي عيوني سحروك

.#يامن :- ..😒 عيونك سحروني ..لا بس عم ركز اشوف طالع لالك شنب ولا لاء بحياتي ماشفت بنت قوية هيك وقلبها قوي ..قال اخدتها تعمل نونو بالمقبرة ..وين كان عقلي ..😒😒..
.
#عفرا :- شو رايك اعزمك على كاسة عصير دم هون ….ومنو بنتعرف على بعض ..
.
#يامن :- امشي امشي على السيارة …شو هاد شو هاد ياربي …اركبي واذا بسمع صوتك راح علقك على عمود الكهرباء والعب فيكي بوكسات …مو بكفي ضيعتي يومي ومارحت على الجيم…
.
#عفرا :- ليش لتعلقني على عمود كهرباء علقني عليك هههههههههههههه..
.
#يامن :- اخررررررررررسي قلت…
.
#عفرا :- ليش عم تصرخ مارح اخرس …وبعدين جوعاني خدني جبلي اكل …..
.
#يامن :- قلتي جوعاني ماشي رح دوقك طبقي تسوشي بس بالصراصير من عند مطعم صيني هوون…ولا اقلك فلافل زغلول ..هاد بطحن السوس والدود والصراصير ..شو قلتي اختاري يا هاد ياهاد..
.

#عفرا :- ووااااو شوسي بحبو وخاصة بالصراصيرر ..
.
#يامن :- اسمو سوشي ..خلص اهدي وجعتيلي راسي مابدي اسمع صوتك لنوصل للمطعم …
.
.(( عفرا من تعب وارهاق اليوم ماحسنت تتحمل ونامت بسيارتو ليامن …وهو كان جنبا عم يتصفن فيها ويبتسم…
.
#يامن :- 😊😊 ملاك والله بس لسانها طويل ….وحركاتها حركات شياطين…دخيل هالخدود والتم الصغير …
بس بس ياحلوة ياام خدود دخيل المبتسم وهو نايم اويلي شو هالغمازة هاي …
.
.((
#عفرا:- طيب ..لذيذ …امممم…
.
#يامن :- ههههه ياويل قلبي عم تحلم بالاكل …ياحلوة ياعفرا قومي يا مرتي قومي حبيبتي جبتلك عشا…

#عفرا :- شو جبت جوزي..وااااااع جوووز مين والناس نايمين…

#يامن :- شو ذنبي انا انتي اللي عم تهلوشي بالنوم ..اتجوزتيني واتعشيتي بالنوم شو دخلني انا …شوي وتبليني بشي طفل وانتي نايمة ..قومي خدي هاي ساندويشة الصراصير …طيبه كلي…وهاي لالي لاتقربيها لعند ما اوصل جيب كولا ..بكسر ايدك اذا بتكمشي ساندويشتي …
.
#عفرا :- شاورما ..
.
#يامن :- اي شاورما…
.
.#يامن :- بسم الله الرحمن الرحيم الحقتي تاكليها …وين ساندويشتي 😲😲 …
.
#عفرا :- بااااااع…
.
#يامن :- يييييع 😷😷…صحة جبلك كمان…
.
#عفرا :- لا بدي ايس كريم احلي…
.
#يامن :- شووو قصتك قاعد لالك على بنك شي انا…قومي خليني وصلك لعند اختك….دخيل الله شو بتحبي النووم ……….🚘🚘 …يابنت وصلنا قووومي لك قوومي ما اثقلوو نومك…….تعي احملك…تقبشيني عضمتين وجلدة…وبتاكلي عن عشرة …😂😂😂…
.
.شلون بدي دق الجرس هلاء ….وانا حاملك …اوبا اوبا وقعت برنيطة المحقق.. اسم الله كل هاد طول شعر …هلاء انا احملك ولا ارفع شعرك من ع هالارض…..اي واخيرا فتح نوور…
.
.#نور :- واخيرا لقيتها الحمد لله ……
.
#يامن :- لك ارفع شعرها وصل للارض…
.
.#نور :- ههههههه شعرها اطول منها اختها فوق وامك وصلت فجاة وقاعدين فووق…
.
.
#الجزءالسابع :-

#يامن :- لاااا قول وغير مانو وقت مزحك .

#نور:- والله مابمزح انت من دقيت لالها ..هي خافت وفكرت صابك شي…اجت اتفاجئت بوجود ..ملاك بالبيت وعصبت فكرتنا فاتحين البيت شي مانو منيح بس شافت ملاك لابسه وعيونها بيبكو فكرتنا خاطفينها …وطبعا نحنا خاطفينها ..تعا فهمتها كل شي عم تنطر….
.
.#ام يامن :- اهلا وسهلا لك شو عامل بالبنت صرلا شي نزلها هون على السرير…
.
.#يامن :- لا امي ماكله ومتقله…سفقت ساندويشتين شاورما…غطوها …انا تعبان فايت نام وبكرة الصبح بوصل ملاك وعفرا لاهلهن…

#ام يامن :- امي هاي عمله بتعملها بالبنت مابدك تخلص من حركاتك كل مرة على غفلة بتعملي شي مصيبة…هلاء شو ذنبهن هالبنات ..امي افرض جد اخدها حد لهالبنت …مو حرام يصير فيها شي ….
.
#يامن :- امي لاتحرمي شي انا متأكد خلال هالساعات اليوم شيب فيهن شعر راسي من ورا حركاتها…
.
((يامن بلش يقلنا شو عفرا عملت معو .. بالتفاصيل قضينا كل السهرو عم نضحك …امو ليامن ست كتير منيحة …وكتير مزوئة..ونور اللي كل السهرة عم يحكيني عن حياتو وانا نسيت خبركن عنو…نور هو توأمو ليامن مو بس رفقات يعني اكتر من اخوة توأمو من هني صغار ..كبروا سوا ودرسو متل بعض يامن ونور عمرهن 26 سنة …درسو الاثنين تمريض ..والاثنين لاعبين حديد…شخصيتهن الجدية وشغلهن ووقت الفراغ اللي عم يقضووه بالنادي والجيم…جعل حياتهن بعيدة عن الكذب والصياعة…وكل همو ليامن هو رضا امو لانو هو واختو هني الوحيدين لالها …من بعد ما اطلقت من وهي صغيرة ….كرست حياتها لالهن …
.
.#نور :- عذبتك اليوم ماا..بس سؤال ليش شخصيتك مختلفة عن عفرا….

.#ملاك :- لا ماني مختلفة ..اختي شوي طفولية وشقيه ..بس اللي بتعاشر مع عفرا مابستغني عنها يووم …
.
#نور :- لا ماقصدي شي قصدي انتي كتير هادية ..على العموم راح اقوم اتركك ترتاحي ..ورح روح نام بغرفة يامن….
.

(( طلع نور ويامن لينامو ..وانا واختي نمنا بغرفة الضيافة ….
.
.#يامن :- تعرف يارفيقي …
.
#نور :- لا مابعرف قلي شو في…

#يامن :- هاي البنت فيها شي جذبني لالها بقوة..
.
#نور :- اي وحدة حدد..
.
#يامن :- هاي هاي الصغيرة عفرا يا اخي شقية بس تجنن …حياتها مو مملة كل يوم شي جديد بحياتها ..لك وجها طفولي وشعرها ماشاء الله طويل بشكل …بس ريحتوو تجنن …لك هي كمان ريحتها تجنن ريحة اطفال …
.
#نور :- ههههه شكلك اوقعت بالحب من اول نظرة…
.
.#يامن :- لاتلعي كتير على اساس مالزقت باختها انت …ههههه
.
#نور :- بصراحة اي…حتى اختها عليها هدووء يطير العقل …شو يارفيقي كنا رايحين لعند الجامعة لنختار لالك عرووس ..اجت العروس لعندك ههههنه.

.
#يامن :- ههعههه لك اي والله صحيح هههههههههههههه بس لا لا مو بهالسهوله هااي لازم اشتغل نشفلا دمها …
.
#نور:- بدك نصيحتي ..اكسر الشر من اولو واستسلم ..لان عفرا مش سهلة واياك تغلط ياحب تصبح على خير بدي نام لحق فيق بكير شوف وجهه ملاك ولاول مرة اتصبح في هيك وجه ملائكي…
.
.
.
((في الصباح التالي …
.
#يامن :- وين اللي بدو يتصبح بوجهه الملائكة قوووم يا شيخ..
.
#نور :- شووو هو اللي بدو يتصبح فيك شلون يتصبح بوجهه ملائكة ..😥.
.
#يامن :- فقت انا قبلك على صوت ضحكات امي والصبايا…قوم شوف الاجواء اللي تحت تجنن وعاملين فطور يطير العقل ..قوم قوم ..
.

#ام يامن :- ياعيني ع هالصباح الحلو دخيل هالملائكة اللي عم تلعب في بيتي ….وهيها كملت فااقو الشباب الحلوين يالا امي تعو افطروا …
.

#عفرا :- خالتو ليش عم تناديهن …هاد اللي انتي شايفتيه…امبارح تركني جوعاني وماعشاني وانا اترجاه خالتو …لا ياكل من يلي عملتو …
.
.#يامن :- 😲…شوو هاد يابعدي شووو هاد عيدي ماسمعت منيح عيدي من اول وجديد مين اللي ما اكل امبارح …..
.
#عفرا :- أنا …
.
#يامن :- قلتي انتي …ماشي ….
.
.#ام يامن:- امي لوين رايحين ….
.
#يامن :- رايحين نفطر برا…
.
#نور :- لا روح لحالك انا ماني مطرود من الاكل هههه
.
.#يامن :- بعدين معكن شوووووو على هالصبح …
.

#ملاك :- اخي يامن لاتعصب اختي بتمزح معك تعا حقك علينا …نحنا مابدنا نتاخر على امي …يالا عفرا…
.
((قعد يامن معنا على السفرة وهو واختي عم يتبادلو النظرات اللي كلها نار وشر…وكأنهن الاتنين راح يقلبو السفرة علينا…اختي عفرا على طول الفطور ..وهي عم تجاكر فيه بنظراتها من تحت لتحت…وهو عم يطلع فيها وعيونو راح يبظوو من العصبية…..خلصنا فطورنا ورجعنا لبيتنا…وبعدها اتصلت علينا امو ليامن لتطمن علينا…
.
#ام يامن :- شو حبيباتي ان شاء الله تكونو وصلتو بخير…
.
#ملاك :- اي خالتو…
.
#ام يامن :- والله يابنات حبيتكن وبدي اجي لعند امكن اتعرف عليها …
.
.#ملاك :- خالتو تشرفنا فيكي بس امي بتعرف انو كنا عند رفيقتنا…
.
#ام يامن :- اي كنتو عندي ورفيقتكن بنتي وانا مبسوطة من هالشي …فهماني خالتو
.
#ملاك :- اتشرفنا فيكي خالتو …تسلمي يوصل والله …
.(( قررت خالتو ام يامن تجي لعنا اخر الاسبوع ..خبرنا امي الصراحة وقتها وشو صار معنا بالتفصيل ماحبينا نوقع بمشكلة …كنت اتوقع من امي ردة فعل قوية…بس قابلتنا بالضحك..وانو مانعيدها…وانو صدقنا معها نجدنا من هالمشاكل …كانت امي متلنا عم تنطر زيارة ام يامن…بس الشخص الوحيد اللي كان مبسوط اكتر هي عفرا…وخاصة بعد تخطيطها طول الليالي اللي راحت مشان تنتقم من يامن 😂😂…
.
واللي كان جاي كان احلى
.
.
.الجزء الثامن …
.
#عفرا:- صباحو امي ..شو عامله اكل اليوم…
.
#امي :- ليش ام كرش بعدنا الصبح مافكرت شو اطبخ…
.
#ملاك :- امي مو اليوم عازمة خالتو ام يامن…
.
#امي :- اي صح والله ذكرتيني …
.
#عفرا :- شووو جاية لحالها ولا معها فص الغفلة…
.
#امي :- هههههه لا مانو جاي …بعدين واذا اجا …شو رح تعملي…
.
#عفرا :- لا مايجي ولايفوت بيتنا ..واذا فات رح احرقوا بمكانو ..
.
#امي :- الله يكملك بعقلك بخلفة حسن صبي انا…
.
#ملاك :- امي بتحبي ساعدك ياقلبي…
.
.(( بلشت ساعد امي …بتجهيز لاستقبال خالتو ام يامن ..ماكنا نتوقع اتصالها من تاني بوقت العصر…
.
#ام يامن :- اهلين حبيبتي ام ملاك والله خجلاني منك …بس انا وابني يامن وابني نور الدين ..حابين نجي لعندك بتحبي تستقبلينا …
.
#امي :- له يا ام يامن ولو اهلا وسهلا فيكي …
.
#ام يامن :- طيب مادام هيك …حابة جيبها لالك على بلاطة…بصراحة انا اعجبت بالبنات وحاببهن لاولادي يامن ونور…..نور بكون كمان متل ابني وانا ربيتو وهو قلي بدو ملاك وطلب مني اجي اخطبها لالو…وبصراحة انا كمان حابة نسبك وبدي البنت التانية لابني…
.
#امي :- الله يسامحك يا ام يامن الغالي يرخص لالك اهلا وسهلا وان شاء الله ابو ملاك اليوم بكون موجود وبنحكي كلنا بالموضوع ماحلوة نحكي على التلفون…
.
#ام يامن :- ماشي حبيبتي بشوفك بالمسا مع السلامة…
.
(( قفلت خالتو ام يامن للتلفون وامي انعجقت على الاخر مانها عرفاني شو تعمل….
.
#امي:- ملاك عفرا حبيباتي ساعدوني الموضوع ماعاد زيارة الموضوع اكبر من هيك…
.
#ملاك :- شو امي قليلي شو حابة ساعدك..
.
#امي :- رح نطلب الاكل جاهز…ورح اعمل شوي كبب وتبولة وحواضر …على السريع …عفرا بنتي اعملي حبيبتي تشيز كيك على طريقتك…وانتي امي ملاك ..جهزي الكبب حبيباتي انا رايحة رتب غرفة الضيافة…عفرا امي في فستان لونو كحلي انا جبتو لالك امبارح ..لفرح بنت رفيقتي البسيه امي..وانتي ملاك امي اللي لونو زيتي ….يالا صبايا مامعنا وقت…
.
.(انعجقنا انا وامي وعفرا…بالبيت وبلشنا نخلص تجهيز الاكل …ومن خلصنا امي سبقتنا واخدت دوش وبلشت ترتب بحالها .ووانا فتت بعد امي..بس..
.
#امي :- يالا صبايا الضيوف على الطريق..
.
#عفرا :- خلصي ملااااااااك اطلعي شوو عروووس خلصي رح يوصلوو…
.
#ملاك :- طيب ماشي لاتسرخي وترتيني ماحسناني اعمل الايلاينر ….

.#عفرا :- وقتوووو هاد خلصي ينعنك..رح يجي يشوفني مبهدلة كل ملابسي بقع كلوور…
.
ترررررررررررن 🔊🔊🔊🔔🔔🔔🔔….
.
#عفرا :- امي اجووو اجووو وبعدني بهدلة امي الحقيني امي امي امي لحقيني …ملاااااااك اطلعي رح تصيبني جلطة . يابي امي …
.
.#امي :- شوووو صرلك اتلطشتي ….وصلو الضيووف هس هس
.
#ملاك :- خلصت فوتي فوتي…
.
#عفرا :- مابدي فوووت مابدي قليلهن بنتي عفرا مااتت…شعري بدو سنة لاخلصو 😢😢😢…وما اتحممت وما البست شو اعمل بحالي 😢…
.
#امي :- خلص امي لاتبكي فوتي خدي راحتك بس لاتتاخري جهزي حالك بأي شي…
.
#عفرا :- شلون اخد راحتي وما اتاخر …
.
.#امي :- اهلا وسهلا اهلا وسهلا يامية اهلا وسهلا اي دخيل الحلو ام يامن ياصلاة النبي صبية صبية دخيل هالاناقة والذووق والله اطلعتي احلى مما توقعت…
.
#ام يامن :- ههههه دخيل قلبك تؤبريني تسلمي يا ام ملاك على المجاملة…الشباب واقفين برا ..فيهن يفوتو…
.
#امي :- ولو اهلا وسهلا اتفضلو البيت بيتكن ..ياصلاة النبي ياصلاة النبي بسم الله ماشاء الله شو هالشباب الحلوة اكيد العسل مابجيب الا عسل اكيد انت يامن..وانت نور…
.
#يامن :- شكرا خالتو ام ملاك خجلتيني تسلميلي اي انا يامن شلون عرفتي…
.
#امي:- من العيون الجوزيات اتفضلو هون..اتفضل ابني نور يسعدك الله شو هالاناقة اتفضلو حبايبي…
.
#ام يامن:- هههه وين الصبايا ام ملاك ماشفناهن…
.
#امي :- يالا هلاء جايين ملاك ماما تعي تعي هاتي العصير وتعي ..
.
#ام يامن :- ياعيني ياعيني شووو هالجمال شلونك حبيبتي ملاك اسم الله يحرسك من العين شو هاد ام ملاك وين كنتي مخبية هالحلوات …
.
#ملاك :- اهلا وسهلا خالتو ام يامن نورتي بيتنا اتفضلي…اتفضل يامن..اتفضل نور..
.
#نور :- يسلمو كتير
.(( قعدنا شي ساعة ونحنا عم نتبادل الحديث مع خالتو ام يامن …نور اللي مارفع عيوني عني…وكان من جواتو طاير من الفرحة…ويامن اللي على طول كان عم يترقب الباب لتفوت عفرا…اختي اتاخرت كتير مانو ذنبها …
.
#يامن :- شو طيب هاد التشيز كيك..
.
#امي :- والله شغل عفرا …
.
#يامن :- مممم كانو في شي طعم غريب يعني ماحلوة كتير …

#ام يامن :- هههه اي صحيح ام يامن وينها عفرا لهلاء ماشفناها….
.
#امي :- هلاء بتجي…بس اتاخرت بالحمام .. امي روحي استعجليها …
.
(( رحت شوف اختي عفرا ماسدقت انها هي هاي اختي …
.
#ملاك :- مش معقول انتي مين…
.
#عفرا :- مانو حلو ما بعرف بعرف رايحه اغسل وجهي …
.
#ملاك :- لا اوعي تغسلي طالعة بتجنني يخرب عقلك راح اطيري عقلو للراجل ..لك الفستان طالع مو طبيعي …

#عفرا :- شو يعني طمنيني امي امي امي.الحقيني
.
.(( صراخ اختى العفوي على ماما خوفها وخلاها تجي ركض هي وام يامن ويامن اللي اول ما شافها…..
.
.
..
الجزء التاسع …
.
#يامن :- شوفي شووفي …
.
#امي :- شو صرلك يابنتي ليش عم تصرخي …
.
#عفرا :- امي شوفي شكلي شلون طالع انتو السبب انتو ..بسبب تاخيركن اتاخرت 😢😢 ااااه 😢??..
.
#ام يامن :- ابني خليك على جنب …وينك عفرا…بسم الله ماشاء الله …ام ملاك وينها عفرا ..معقول هاي هي…
.
#امي :- طالعة بتجنني امي بتجنني
.
#يامن :- شو هو اللي بجنن بدي شوووف
.
#عفرا :- لاااااااا لاتخلو فص الغفلة يشووف عم ينط لالي بكل مكان…
.
#امي :- ههههه مين فص الغفلة ..تعي ام يامن نقعد تعي ..وتعا ابني…
.
#يامن :- لا روحو خالتو بدي شوفا …
.
#ام يامن :- 😉😉 تعي اختي ام ملاك اقلك شغلة تعي ملاك بنتي…
.
(( موقف بصراحة بجنن بعد ما طلبت خالتو ام يامن نترك يامن وعفرا لحالهن…..
.

#عفرا :- استنا خليك عند الباب لا تفوووت…
.
#يامن :- ليش ست عفرا رح اضلي مخباية ورا الباب..وهاي فوووته… ههههه ليش حاطة وجهك للحيط ديري وجهك اشووف…
.
#عفرا :- لاتضحك بليز 😢😢 اذا ماعجبك روح من تم ساكت انا اساسا مابدي اتزوج واحد اتنين تلاته…
.

#يامن :- ……
.
.#عفرا :- ليش غمضت عيونك وسكتت..خلص خلص…
.
#يامن :- وقفي ..بدي فتح عيوني براحة …..👀 …
.
#عفرا :- ليش صفنت هيك وعيونك بيلمعو وعم تتبسم ..لا لا تقرب لحدي…

#يامن :- هشششش حاج لعي بدي اتمعن بالجمال هاد…يا الله شو هاد ..رحمتك يارب فيني شو هالخدود شو هالشعر ..دخيل الله معقول انتي عفرا..ليك قلبي صار يدق هاتي ايدك حاسة شووفي شلوون …
.
#عفرا :- 😔…
.
#يامن :- فيني شمك بس ..الله الله شو جاي على بالي بوسك
.
.#ام يامن :- وينكن شباب تعو امي تعوو …
.
#عفرا :- احم احم ماشي خالتو رح نجي…بعد لهيك…سابقتك…

#ام يامن :- الله يحميكي من العين خالتو تعي اقعدي …
.
#عفرا :- شلونك نور …طمني عنك …
.
#نور الدين :- امنيح اختي الله يحميكي…
.
#امي :- وهيو ابو ملاك وصل…

#ابي:- اهلا وسهلا ياجماعة اهلا وسهلا …
.

.(الجزء العاشر :-…(( الاخير..
.
(( من اجا ابي من شغلو قعدنا كلنا سوا واللي بلشت خالتو ام يامن تحكي بتفاصيل الخطوبة ..ابي كان كتير مرحب فيهن….كنا مبسوطين حتى امي كانت طايرة من الفرح ..وخاصة من ام يامن…تم طلبت ايدي لنور ..وبصراحة انا اعطيت الموافقة دون تردد …بس وقتها اختي عفرا ويامن..اللي كانت كل القعدة حلوة فيهن….كانت هي عم تبادل نظرات القوة.والشر..وهو كان عم يبادل نظرات الاهتمام والغزل…كانت ردة فعل اختي على الطلبة انها بدها وقت لتفكر..وهالشي دايقو ليامن..
.
#يامن :- ماعندي مشكلة فكري براحتك …كل شي بوقتو حلو…
.
((كان رد يامن ماتفكروه حلو ..لا كان عن كيد ..وخاصة كل شي بوقتو حلو…بقيت اختي اسبوع ونحنا عم ننطر ردها …وبعد اسبوع اعطتنا الموافقة وهاد بعد ضغط امي عليها ..هي من جواتا كانت كتير حابة….بس بدها تشلع قلبو ليامن. بس يامن كتير ما اعطى اهتمام ..واللي كنت اعرفو من نور انو عم يقضي طول وقتو بالشغل والجيم عم يفرغ طاقة تفكيره بالسبورت …وانو قليل مابسال..وهالشي كمان غاطها لاختي عفرا..لانو عرف انو التطنيش دواها…يوم اللي اعطينا الموافقة ..اعلنا الخطووبة …وبلشت تجهيزات الخطوبة لالي ولاختي…بس كانت زيارات يامن لعنا قليلة اقل من زيارات نور…حتى مكالماتو كانت قليلة مابعرف شو السبب ..كانو الاتنين متل شنغل ومنغل يلي عم يغيطو في بعض…بس اللي صار انو فرح اختي رح يكون موعدو اقرب من فرحي لان نور بعدو ماخلص تجهيزات الفرح……..
.
.جهزنا للفرح وكانت اختي كعادتها بتجنن…واجا يامن لياخدها من البيت…
.

#يامن :- طالعة حلوة كتير..
.
#عفرا :- ليش اتاخرت…
.
#يامن :- ما اتاخرت هيك موعدنا على الساعة 6…
.
#عفرا :- بس انا بعتلك رسالة تجي بكير مشان جوعاني بدي اكل اطلبلي بيتزا او خدني على شي مكان..
.
#يامن :- لا مابدي تسمني من اولها ويصير لالك كرش…
.
#عفرا :- طيب مابدي تزوج مادامك هيك…يا بتعشيني يا ما بدي اتزوج…
.
#يامن :- مارح عشيكي ورح تزوجي غصب عنك فهماني ام راس…
.
#عفرا :- لاااا ماني فهماني ..اسمع….انا مابجوز غصب فهمان لا تخليني خرب كل حالي …
.
#يامن :- اسمعي ام راس خربتي ولا ماخربتي ..غصب عنك بدي تروحي معي عنادة راسك هاي بدها شي ساااطور …صرلي اشهر متحمل وعم قول ياولد طنشها ياولد لا تسال ياولد مابقي شي ..هانت هانت…بس لا انا عم احترق من جوا وانتي ابرد ماعندك ياباردة ياباردة …مشي هلاء مشي …
.
#عفرا :- اسمع اسمع …
.
#يامن :- مابدي اسمع شي مشي بكف واحد بجرك كلك على بعضك شبر ونص…لا تخلينا نلم العيلة علينا خلصي عم ينطرونا…
.

#عفرا :- والله مابروح الا من تعشيني والله …انا ولا انت…
.#يامن :- الصبر من عندك يارب انتي بدك اياني من اول يوم اتزوج عليكي …
.
#عفرا :- طززز عادي
.
#يامن :- قلتيلي طز..ماشي امي امي امي….
.
.#عفرا :- ليش عم تنادي ع حماتي …
.
#يامن :- بطلت خلص مابدي اتزوج …
.
#عفرا :- لا بتمزح لعب اولاد هاد…
.
#يامن :- لا انا مابلعب امي…
.
#ام يامن :- شو امي قلي ..

#يامن :- …امي انا ماعدت بدي اتزوج مابدي مرا عنيدة مارح ارتاح معها اذا من اول يوم هيك شلون العمر ..من هلاء وانا ع البرا الله معها…
.
#عفرا :- لا لا اسفي اسفي ..والله بحبك والله خلص مارح عيدا اللي بدك اياه مابدي اتعشى خلص والله بحبك بصوم لالك العمر…
.

#يامن :- ههههههههه والله انا بحبك…تكرمي عيوني بحطهن بطبق لالك…وبعشيكي…
.

#عفرا :- اوووع مابدي عيونك …
.
#يامن :- عم تقرفي ماشي …مشي خليني اعشيكي….قبل ليبلش العرس …
.
#عفرا :- لوين رايحين..نتعشا…لا مابدي هاد … هاد مطعم نباتي بس خضرا بيعمل…

#يامن :- اي بعرف من هون ورايح هيك اكلك…
.
#عفرا :- ليش يابعدي شايف عندي ارداف طالعين على الشارع وعم اخد مخالفات بلدية عليهن…ولا شايف عندي كررش
.
#يامن :- لا بحبك هيك ومابدي جسمك يتغير…مشان من تعزبيني شيلك مرة وحدة وادفشك على داؤ ابوكي بشلوت طياري
.
#عفرا :- به به به ..سئيل قووم مابدي اكل…
.
#يامن :- هااااا ارجعنا…😤😤
.
#عفرا :- لا خلص متل مابدك ..رح اتزرع معدتي من هالاكل 😢😢 ..قوم خلص رح يبلش الفرح

(( مضى الفرح وكانت عفرا مانها عفرا ملاك بيمشي على الارض هدووء وخووف ضبعها يامن من اولها …ومتل مابقلها بتمشي…حتى صوتها اختلف صعب تسمعوووه….ومسكينة مابتتنفس الا عنا…
.
.#يامن :- مرتي انا رايح لعند نور قرب فرحو ..وانتي ساعدي اختك هوون…
.
#عفرا :- حاضر حبيبي..باي…
.
#ملاك :- رح جوزك عفرا…
.
#عفرا :- جد جد اعطيني على طواحيني …بعدي هيك…استني اطلق انفاسي .. هااااااااااااع ..وينو موبايلي …وينوو اشتقت اعمل بث مباشر…
.
#ملاك :- اسم الله لك رجعت حليمة لعادتها القديمة …كلام فاضي اللي بقول عفرا اتغيرت …
.
#عفرا :- بلشنا بزناخة دمك …اقعدي جنبي…جاهز كل شي مافي كلسون معلق ..اي تمام ون تووو فري…
.
((مرحبا يا سئيلين …جاي ااعطي نصيحة على الطاير….عزيزتي الفتاة…عزيزتي الهانم..عزيزتي الصبية…اياكي ثم اياكي ثم اياكي وكمان ثم اياااكي تزوجي من راجل رياضي حياتو من نادي لنادي ومعيشك على الدااايت هاد نفسيتوو محمضة….مالك الا من ابوووو كرش تقوليلو مدايقة يقلك قومي نروح نااكل بيتزا…خدي النصيحة من الفصيحة…..
.
.#ملاك :- جوزك وصل وصل…
.
#عفرا :- يالا باي طيروا اتوكلو اتوفوا ….اهلين ياعمري ليش رجعت ياقلبي بسرعة اشتقتلووو..
.
#يامن :- اعطيني منشفة بدي اغسل وجهي عرقان من الجيم…
.
#عفرا :- مو حاضر ياحبيبي يؤبروني المقانص والعضلات انا … شو بحبهن ..😂😂😂…
.
.#انتهت
.

.

.
.#حبي لا تقرأي وتمشي حطي رايك …القصة كوميدية مجرد ترفيه ….