قصة أنا وأختي للكاتبة جمايكا أحمد

#قنديل :- 240 –250-260-..وهاي 300 ..
.
#سلمى :- اختي وهاي شووو
.
#قنديل :- اختي هاي لالي اعطتني اياهن مدام كبيرة بالعمر وانا عم اغسل لالها السيارة واعطتني هاي الورقة وماعرفاني اقرها ..اقرأيها لالي …
..
#سلمي :- اختي لاتكوني رحتي معها على شي مكان…هاتي الورقة…اسمعي اجا عامر نامي نامي ..وهاتي هادولي خبيهن ..لاتقولي لعامر عن شي …
.
#عامر :- شو مخلصين شغل اليوم بكير.. قومي قومي لابلش ضرب بالعصا عليكم ..شو ست سلمي حابة شوهلك نص وجهك التاني ولا اشوه لقنديل وجهها الحلو ..
.
#سلمي :- لا لا خد اليوم خلصنا بكير وهاي 300 من اختي و300 مني …والله ماصرفنا شي وما اكلنا شي …
.
.#عامر :- في خبز بايت جبتو معي خذيه ..واتسممو ونامو ..
.
#قنديل :- اختي رح عامر ..اختي انا تعبت من هالحال والله طلعينا من هون
.
.#سلمي :- وين بدنا نروح قليلي الدنيا كلها وحوش..
.
.#قنديل :- يعنى هاد عامر مو وحش متلهم شوفي شلون شوهلك وجهك ..اختي الله يخليكي احكيلي عن امي وابي ..انتي قلتيلي من تكبري رح قلك وهيني هلاء صرت 15 سنة متى رح تقليلي ….
.
#سلمى :- طيب كلي هاي وبس تخلصي رح خبرك كل شي…
.
#قنديل :- اختي بس فيها عفن 😢😢
.
#سلمى :- غمضي عيونك وكليها …
.
#قنديل :- ليكني خلصتها يالا خبريني …

#سلمى :- حاضر حبيبتي …بيوم انا كان عمري 6سنوات وانتي بعدو عمرك يوم …ابوكي الله لايسامحو ماكان يحب خلفة البنات ..انا كنت اتأذى كتير 😢😢… كان على طول يحرقني بالشمع او يسخن المعلقة ..كان لالنا اخوات اتنين ..ايمن وايهم …وكان يفضلهن علي بكتير..اوقات نام بدون عشا او مصروف ..امك ماكان تحسن تعمل شي ..واذا اجت ادافع عني كان ابوكي يضربها ..ويطردها بالشارع …ماكان لالها حد …وماحد كان يقبل انو يحميها من ابوكي ..من كانت تاخدني عند خوالك كانو يضربوني ويضربوها ويطردونا ..يوم اللي انتي امي حملت فيكي ..كان ابي خايف تجي بنت …واتحقق خوفو وجيتي انتي … بس كانت صدمة عليه كتير …طلب من امي غصب عنها اتكبك او تقتلك …او ترميكي بشي مكان …او تنحرم من خواتي ..امك ضحت فيكي …واخدتك ترميكي بس هي مارمتك حطتك بالسطح …ليطلع الفجر وتحطك بشي دار ايتام…بس انتي بالليل صرتي تبكي وابي جن جنونو .وقام يضرب بامك …ويضربني وقلها اذا ما كبتيها هلاء هي وسلمى راح اقتلكن كلكن ..امك اخدتني واخدتك كان الجو برد ومطر وظلام وريح اقوى من الصرصار …تركتني انا وانتي على باب مسجد …بجو البرد ..وتركت هاي يلي برقبتك …معي …انا اخدتك وصرت دور فيكي بالشوارع …كنت اوقات خبيكي بشي ظرف …او كرتونة ماكنت بدي حد ياخدك مني او ياذيكي …ماكان بقيان لالي غيرك …اتعودت اعتني فيكي هالعمر كلو … بيوم كنا نام بمسجد ويوم عند ناس ويوم تحت مستشفى ويوم تحت جسر …اوقات يشفقو علينا ناس ..بس مايتحملونا … لبيوم صار عمرك 5 سنين وانا صار عمي 11سنة .. كنا قاعدين بالسوق عم انجمع انا وانتي الخضرا البايتة مشان ناكل وتبقى معنا …اذا حد سالني عنك اقلهن اختي ومن يسالوني عن اسمك ما اعرف شو احكيلهن امك ما قالت اسمك …بيوم كانت اجواء رمضانية..وانا اخدتك لتشوفي الفوانيس…كان نفسك يكون عندك واحد …صرت ساعد الناس بنقل اغراضهن بالاكياس لعند ما جمعت لالك حق واحد….
.
#البائع :- فوانيس رمضان فرح ابنك بفانووس …تعووو القناديل بتاخد العقل ….
.
.
#سلمي :- عمو بدي قنديل واحد هاد الصغير كم ..حقو
.
.#البائع :- خديه يابنتي ببلاش القنديل هاد …
.
#قنديل :- لهيك اسمي قنديل …
.
.#سلمي :- من شفت النور بعيونك وانتي فرحانه فيه بلشتي تغني قنديلي قنديلي …وانا وقتها قلتلك انتي قنديلي …وصار اسمك قنديل..بتعرفي ليش لانك احلا قنديل بهاد الكووون ..😙😙😙..
.
.#قنديل :- بحبك اختي يالا كملي لالي …بعدها شو صار …
.
.#سلمي :- برمضان كان اهل الخير كتار . كانو يعطونا كتير اغراض ومصاري …واوقات ناس ياخدونا نقضي رمضان عندهن واوقات يتكفلنا المسجد ..لعند ما قابلنا عامر ..الله ينتقم منو …عامر قبل 9 سنين …كان عم يتربص لالي ولالك …وكان على طول يجيب لالنا اغراض كنت افتكروا راجل منيح ….
.
.#عامر :- لمين هالحلوة الصغيرة …
.
.#سلمى :- اختي هاي …
.
.#عامر :- طيب اتركيها تاخد هاي الحلوى منى لاتخافي انتو ماعندكم مكان تعيشو فيه صح..
.
.#سلمى :- انت شلون عرفت ..
.
.#عامر :- صرلي فترة عم شوفكم بتنامو بمخزن المشفى ..تعو معي انا رح اعتبركم بناتي ..انا الله ما اعطاني بنات…تعو لاتخافو مرتي رح تهتم فيكم …
.
.(( اخدنا عامر على بيتو ..لعند مرتو الهام ..اول ما شافتنا خافت كتير…
.
#الهام :- انتو بنات مين …ليش جابكم هون عامر..انتو ماخايفين ..هاد عامر مانو منيح …
.
.#سلمى :- خاله الهام نحنا ما النا اهل بنام بالشارع ..اتركينا عندك هون ..
.
.((بعد ماقلت لالها قصتنا شفقت علينا ووافقت تتركنا عندها
.
#الهام :- يابنات بس عامر رح يخليكم تشحدو وتبيعو ..عامر رح يستغلكن …انا قد مافيني رح احميكم …
.

((وبلشنا نروح انا وانتي نشحد لنقدر نجمع لعامر مصاري .. كنا انا وانتي نهرب من مكان لمكان لبيوم كمشتنا الشرطة …اللي كان وقتها ممنوع اي حد يشحد بالشوارع ..غبنا بسجن الاصلاحية شي يومين ..ومن ارجعنا لعند عامر ..لقينا خاله الهام مضروبة على الاخر…
.
#الهام :- يابنات اهربوا اهربو عامر رح يقتلكن …
.
.#سلمى :- خالي الهام نحنا كنا بالسجن …
.
.#عامر :- عم تهربيهن يا الهام ..تعي لهون لازم تموتي انتي …
.
(( عامر قتل الهام قدامنا …بقي يخنق فيها لطلعت روحها …ومشان يخوفني وما احكي لحد ..قام حرق وجهي بمية النار 😢😢…شوهلي وجههي ..
.

#عامر :- اكيد هلاء خفتي هيك..سلمى ..بتحبي شوهه وجهه اختك الحلو ولا تبقي ساكتة مايطلع صوتك وتشتغلي معي على الساكت ..واذا فكرتي تهربي ياويلك ياويلك رح جيبك من تحت الارض…
.
.
.
..الجزء الثاني …
.
..
.
.#سلمى :- الله يخليك شو مابدك رح نعمل بس اختي اتركها ورح مانرجع الا من انجيب لالك اللي بدك اياه…
.
.(( صرت انا وانتي نشحد وننضف ونغسل سيارات واذا اضطر الامر نسرق ولا نرجع لعامر مامعنا اللي طلبو…
.
#قنديل :- اختي شو كان اسم امي…
.
#سلمى :- اسمها حياة…ليش بتسألي …
.
#قنديل :- اختي انتي شلون بتعرفي تقرأي وانا لاء …
.
#سلمى :- من كنا نروح المسجد كانو يعلموني الكتابة شوي شوي…
.
#قنديل :- ليش ماعلمتيني متلك …

#سلمى :- كنتي صغيرة كتير ..وماكنتي الا تحبي تلعبي 😂😂…
.
#قنديل :- اختي انتي كتير حلوة …تعي بدي ورجيكي شي تعي 😙😙…
.
#سلمى :- شو هو حبيبتي …شو هاي الورقة والعلبة …
.
.#قنديل :- ..اختي هاي جريدة شوفي شوفيها صورة بنت وجها محروق متلك وهون صار حلو …وانا سالت عمو تبع القهوة قلي انو هاي بيعملو تجميل ..هاد اعلان مشفى…وانو حق العمليه 1000دولار ..وهاي العلبة شووفي انا جمعت فيها تقريبا صار 90 دولار …يالا باقي 10 ونعمل عمليه وتصيري حلوة كتير…
.
.#سلمى :- حبيبتي اختي 90و 10 بصيروا 100 مو الف يعني ياعمري بدها 910 دولار …احنا لو اشتغلنا طول عمرنا مارح نحسن نجيبهم .. 😢😢 وبعدين انا مو مهم بكفي انتي حلوة وبيضا وعيونك موج بحر…
.
.#قنديل :- صحيح اختي وينها الورقة يلي اعطيتك اياها اقرأي لالي شو مكتوب فيها …
.
.#سلمى :- مكتوب فيها عنوان شارع صدام فيلا رقم 7 مدام حنان …
.
#قنديل :- شو يعني مافهمت …
.
#سلمى :- ماقلتيلي عن قصة هاي الورقة ..
.
#قنديل :- اختي وانا عم امسح بسيارة …فتحت الشباك صاحبتها …وسالتني انتي كم عمرك قلتها 15 قالت حبيبتي بعدك صبية صغيرة على هيك شي شو اسمك ..قلتها قنديل ..بلشت تسألني عن اهلى قلتها مابعرف واعطتني الورقة وقالت تعالي ..
.
.#سلمى :- اختي لتكون قلتي لالها عن عنوانا ممكن تكون تشتغل شي مو منيح او تابعة للشرطة ياخوفي …
.
#قنديل :- لا اختي والله ماقلت شي …
.
#سلمى :- طب خلص نامي هلاء بكرة عنا شغل كتير ..ولازم نفيق بكير قبل لعامر يجي ويضربنا …

.(( اختي سلمى كتير عم تتعب ومابعرف شلون اكافيها …هي امي ..وهي ابي وهي كل شي بحياتي …يوميا نفيق مع صلاة الفجر للشغل بمسح السيارات .واوقات نخدم بالبيوت..ونرجع تعبانين اللي يعطونا اياه الناس نعطيه لعامر ..واذا اعطونا شي هدية كنت اخبيه مشان اختي ….
.
#سلمى :- عندي لالك مفاجئة رح تحبيها …تتاتاتاتا يالا افتحيها ..
.

#قنديل :- لالي هاد ..شوو كتااب ..
.
#سلمى :- اي بدي علمك تكتبي وتقراي كل يوم ..
.
.#قنديل :- بحبك يا احلى اخت بالكون كلووو …

.
(بلشت اختي سلمى تعلمنا الاحرف وكتابتهم بلشت اقرا بعض الحروف كتير كانت صعبة لان بحياتي ماقرأت شي …لوقت…
.
.#عامر :- شو عم تساوي انتي وياااها ..اهااا بتدرسو ..اكيد في شغل وراها …هاتي الكتاب …
.
#قنديل :- لا ارجوك بقرا فيهم بدي اتعلم الله يخليك …لا تقطعهن …
.
.#سلمى :- اختي عم تتعلم الحروف ماعم تدرس مشان في شغل وبعدين حاج ظلم اللي بتطلبو بيوصلك انت عم تعزبنا هيك..
.
#عامر :- شو ست سلمى صار لالك صوت شكلك حابة اتشوفي وجه قنديل متلك ….صبرك جاي اربيكم انا …
.
#سلمى :- قومي قنديل قومي لازم نهرب قوومي ..
.
(( اخدتني اختي سلمى وهربنا قبل ليجي عامر …وبلشنا نركض بالليل مابنعرف لوين نروح بس بتذكر بقينا شي 4 ساعات مشي …لطلع وقتها الفجر …
.
.#قنديل :- اختي تعبت من المشي وين رح نروح …
.
#سلمى :- مابعرف تعي تعي في مكان هونيك تعي نقعد فيه …
.
(قعدنا بغرفة متل كوخ بس من حديد مصدي ..وكانت فيها حرام وسرير….
.
#قنديل :- اختي شكلو في حد هون بيجي…
.
#سلمى :- ليكن اجو تخبي تخبي ..

.#قنديل :- وين اتخبى هادولي سكرانين اختي …
.
#الراجل السكران :- هههههه لك شووف اجو لعنا برجليهن ماحد جابهن وببلاش …اكمش انت وحدة وانا وحدة …
.#الثاني :- الليله حلوة رح تكون …
.
.#سلمى :- قنديل اهربي اهربي بدهن يغتصبونا لا تطلعي وراكي اهربي اهربي . .
.
.(( الرجال كمشو اختي سلمى …انا صرت ابكي ماعرفاني شو اعمل …دخلوها الغرفة ..وصوتها كانت عم تصرخ وتأن واغتصبوها وهربوا 😢😢😢..
.
.#قنديل :- اختي اختي قومي قومي …
.
.#سلمى :- اااااخ صرلك شي انتي …
.
#قنديل :- لا اختي انتي شو عملو فيكي الحيوانات كلك دم 😢😢😢. .

#سلمى :- اكمشيني خلينا اطلع من هون 😢😢…
.
#قنديل :- وين رح نروح ..اي اختي الورقة تبعت العنوان خلينا نروح لعند مدام حنان يمكن اتساعدنا 😢😢
.#سلمى :- ماشي هاتي باقي المصاري وهاتي الورقة خلينا نروح
.
.
.الجزء الثالث :-
.
وصلنا لعند محطة الباصات واعطينا العنوان للشوفير…
.
#قنديل :- عمو بتعرف هاد العنوان الله يخليك وصلنا لعندو ..
.
#الشوفير :- اشوف يابنتي … اي اي بعرفو فيلا الدكتور سامي …تكرمي رح وصلكن …
.
.(( بعد ثلاث ساعات طريق ..
.
#الشوفير :- وصلنا يابنتي بدكم مساعدة شي …اختك فيها شي …
.
#قنديل :- لا اخي بس تعبانة واخدينها عند هاد الدكتور
.
(( نزلنا من الميكرو ووصلنا لفيلا بحياتي ماشفتها …فيلا حتى بالاحلام ماتخيلتها …منظر سحر …صرنا اندور لنلاقي مدخلها…ووصلنا لعند بوابة
.
كبيرة …
.
.#قنديل :- سلمي وصلنا اختي هاد شكلو صاحبها …
.ثواني اسالو ..
.(( مرحبا دكتور سامي ..معي ورقة من مدام حنان فينا انقابلها …
.
#الراجل :- انا مش الدكتور سامي انا حارس الفيلا ..الدكتور سامي بالعيادة ومدام حنان مش هنا ..انتو جايين تشتغلو هون …
.

(( اذا الحارس هيك انيق شلون اللي عايشيين جوا …
.
#سلمي :- لا احنا معنا ورقة من مدام حنان وطلبت منا نجي ..
.
#الحرس :- طيب ثواني ابقووو هون لاتصل على الخدم جوا يسالو عنها …
.
.(بقينا شي نص ساعة..على الباب واختي سلمى عم تنزف لعند مامرقت سيارة مدام حنان …
.
#قنديل :- مدام حنان مدام حنان انا قنديل مدام حنان …
.
#حنان:- افتح شباك السيارة لو سمحت ….قنديل تعي يابنتي ..
.
#قنديل :- مدام حنان ساعديني ابوس على ايدك اختي اغتصبوها وعم تنزف …
.
#حنان :- وينها وينها صرلكن من قديش هون
.
.#قنديل :- هيها هون مدام حنان صرنا من نص ساعة خبرنا الحرس ومارد علينا بشي …
.
#حنان :- حبيبتي مين عمل فيكي هيك ..مين اغتصبها ومين مشوه وجهها هيك ..
.
#قنديل :- رح انخبرك بس ساعديني الله يخليكي مالي غيرها اختي …

.
#حنان :- ياحرس ياحرس تعو ساعدوني احملو البنت هاي لجو واتصلو على الدكتور سامي …بسرعة …
.

#الحرس :- تكرمي يامدام حنان ..
.
.(( مدام حنان ست حنونة فوق العادة ….بسرعة طلبت الاسعافات لاختي ..بعد مادخلنا للفيلا ..كان كلها حشم وخدم وعفش من حرير …حتى وانا واقفة خفت لتتوسخ الارض مني …
.
#الخدامة :- وصل ياهانم الدكتور سامي …
.
#الدكتور سامي :- نعم ياامي في شي قليلي قلقتيني صرلك شي …
.
#حنان :- امي برضاي عليك في بنت عمرها 21 بعدها صبية اولاد الحرام اغتصبوها ..وحارقين وجهها …وهي واختها عندي انا جبتهم بدي مساعدتك …
.
.#الدكتور سامي :- طيب امي تكرمي وينها خليني شوفا …
.
.(( الدكتور سامي شاب عمروا 28 سنة دكتور جراحة …..شاب جدا وسيم …ومزوق وخدوم متل مدام حنان …بس مابكون ابنها ..بكون ابن ضرتها لمدام حنان…حنان ست عمرها فوق 50 سنة عاقر ومابتجيب اولاد ..اتزوج عليها جوزها مدام اميلا .. اللي جابت ولدين …سامي ربتو مدام حنان واهتمت فيه …شاب كتير حنون وادمي وهي الشخصية اللي عرفتها من كلام مدام حنان من شوي…
.

#حنان :- سلمى يابنتي ابني سامي رح يفوت هلاء يطمن عليكي ويشوف شو رح نعمل..

#قنديل :- خالي حنان ابنك دكتور ..ماشاء الله …
.
#حنان :- ابني انا ربيتو …امو بتكون مدام اميلا ..هي هلاء مسافرة مع ابنها سام ..اخوه لسامي ..ورح ترجع ع قريب ..فوت ابني سامي …
.

#الدكتور سامي :- مرحبا فيني اكشف عن المريضة ..
.
#قنديل :- مو انا المريضة اختي جوا نايمة
.
(( فات الدكتور سامي وطلب منا ننقل اختي على المشفى بعد ما ادهورت حالتها ونزفت كتير ولازم يعملو لالها غسل رحم قبل ليصير حمل…وجه اختي كان صادم لسامي او بالاحرى شفق عليها ..اختي اللي نصف وجها ملاك والنصف التاني مابقدر احكي 😢😢…عيونها اللي متل موج البحر..هي نسخة تانية عني بس التشويه اللي عملو الحقير عامر شوه جمالها..بعد ما خلصنا كل امورنا بالمشفى واختي ارتاحت وطمنا انو كل شي تمام……واجت الشرطة واعطيما اقوالنا ليعرفو الاشخاص اللي اغتصبو اختي وبلغنا عن عامر …
.
#سلمى :- شكرا لالك اخت حنان على كل شي…
.

.#حنان :- الحمد لله انك قومتي بالسلامة . انا كتير زعلت من اسمعت القصة ..ومارح اتركم هيك …انتو من هلاء ورايح بناتي ..وانا كنت اتمنى يكون عني بنات ملائكة هيك…..

#قنديل :- بجد مدام حنان ..
.
#حنان :- انا مش مدام حنان انا ماما حنان …
.
#سلمى :- اعذريني مدام حنان مافيني اعزبك اكتر ..ومابدي سبب لالك المشاكل …
.
#حنان :- انا قلت ماما حنان وبعدين هاد بيتي وملكي رح تقيمو عندي بالجناح تبعي ..ووجهك الحلو سلمى رح يرجعلك ومارح خلي حد ياذيكي انتي وقنديل ..
.
#الدكتور سامي :- شو ماما جاهزين …
.
.
.
.الجزء الرابع :-
.

((بعد ما اطلعنا من المشفى ..وصلنا للفيلا ….
.
#حنان :- اسبقوني يا بناتي ..شوي وجاي…
.
#قنديل :- حاضر ماما حنان ..
.
.(( دخلنا الفيلا..
.#الخدامة :- انتو لازم تفوتو تاخدو دش كتير جسمكن وسخ ورح يوسخ الارض اوووف شو هالقرف اذا شافت هالشي مدام ميلا راح تجن…
.
#حنان :- خادمة سعاد …ارجوكي لاتحكي هيك مع بناتي وعاي اول مرة واخر مرة تحكي هيك .. وانتي هون مهنتك تخدميهن ..لانهن هلاء صاروا ستات البيت …
.
.#الخدامة :- بعتذر مدام حنان..
.
#حنان :- يالا ماما تعو نطلع لفوووق ..مجهزتلكن مفاجأة..
.
#سلمى :- ماما حنان انا حاسة رح نسببلك متاعب ومشاكل ارجوكي ماما حنان اتركينا انروح ..
.
#حنان :- يابنتي انا ماحد لالو هون كلمة غيري ..لا خادمة ولا مدام ميلا …انا اللي بشور وبامر بهاد البيت ..انتو بناتي اللي الله حرمني منهن ..ولازم تتاقلمو ..بنات ملائكة متلكن مابدي اتركهن للوحوش …
.
#سلمى :- اعطيني بوس ايدك ماما حنان .مابعرف شلون الله كان مخبي لالنا هاد الشي…
.
#حنان :- يالا بناتي فوتو غرفكم ..هاي لالك سلمى..وان شاء الله يابنتي هالوجه الحلو رح يرجع متل القمر يكمل ويصير بدر منوو..فوتي بنتي خدي دوش وارتاحي وبس تخلصي انزلي مشان العشا…
.
.#قنديل :- وانا وانا ماما حنان وانا بدي متلا …
.
#حنان :- ههههههه شلون انسى انا بنتي الصغيرة ..قنديل يا عسولة كم صار عمرك …

.
#قنديل :- يعني قديش صرت سلمى نسيت ..
.
#سلمى :- اذا انا هلاء 22 انتي هلاء 16 صرتي كبرتي يازعرا…
.
#حنان :- لا ماكبرت بعدها طفلتي الصغيرة تعي تعي ..شوفي غرفتك….
.
#قنديل :- واااااااو انا بالجنة صح صح انا بحلم واو شو هاي شو هاللون الحلوووو وااو دباديب وهاد الموبايل لالي ..سلمى اختي اقرصيني اقرصيني …😂😂😉
.
.#حنان : يالا يابنات انبسطو انا كمان فايتة اخد حمام .وبننزل سوا لنخلص…
.
(( شو احكي وشووو اوصف غرفتي تاخد العقل الوانها بامبي وروز ..الله الله سرير من حرير بكفي لعشرة متل قندوووووول ….هههههههه وبالغرفة حمام وبانيو متل يلي شفتن بتلفزيون عامر …الله لايجيبوو.. ..شو حلوه . حتى وانا عم اتحمم ريحة الصابون لالي خاطر اكلها نفس ريحة التوت يلي بالسووق 😂😉😂… وانا عم اتحمم البانيو صار لونو اسود ..بتذكر اخر مرة اتحميت من شي شهر وشي 😂😂😉…. يالله مالالي خاطر المي بتجنن دافية…حتى المنشفة ..اللي خاطر اتغطى فيها…. كمشت الدوووش ..وصرت نادي…
.الوووووو الوووو سلمى سلمى …عم تسمعيني…غرفة سلمى ملاصقة لغرفتي وحمامها ملاصق لحمامي..
.
#سلمى :- ههههههه من وين صوتك طالع …
.
#قنديل :- من بالوعة البانيو سامعتيني …
.
#سلمي :- هههههه اي اي شوفتي شوفتي قنديل شامة ريحة الصابون شو منعشة…
.
#قنديا :- اختي بتشبه ريحة العصير وطعمتو طيبه بس بحرق الحلق ….
.
#سلمي :- لك مانو للشرب هاد هههههههههههههه
.
(( خلصت حمام واطلعت البس تيابي .. كان في بجامة لالي خاطر خبيها ..لما اتزوج هههه كانت تجنن ..خزانة ملياني تياب متل البنت يلي بالمسلسل التركي عندها خزانة كلها تياب حلوة…تياب كنت اشوفها بس بالمحلات اللي كانو يطردوني اصحابها من اجي اشحد جنبها….ماشي ياكلبين …كنتو تطردوني لك تعي سلمى شوووووفي …هههههههههه
.
#سلمى :- ليش طالعة هيك بلا تياب…
.
#قنديل :- اوووه ما انتبهت اختي تعي تعي شوفي التياب والجزم ….انا مش مصدقة حالي لك اختي القرص مانفع اضربيني بالشحاطة …لا هاي لا لتنتزع …اضربيني بايدك …
.
#سلمى :- هههههه اختي الله بدو اياني نفرح بس الله يعلم شو مخبا لالنا بسرعة البسي رح تجي مدام حنان…
.
#قنديل :- اختي تيابك بجننو 😂😂..
.
#سلمى :- بسرعة البسي هيها فتحت الباب…
.
#حنان :- شو ياسلمى وينها قنديل …
.
#سلمى :- عم تلبس تيابها …
.
#حنان :- هههههه سامعة صوتها المهم فوتي صابرين …
.صابرين هي الكوافير الخاص فيكن ..راح تزبط شعراتكن واضافركن وبعد ما تخلص رح مجهز للعشا…
.
(( بتعرفو يمكن تستغربو اني امشط شعري من سنة …اختي ما صدقت تطلع اختي ملاك نزل على الارض ويارب رجعلها بس باقي وجهها الحلو…وانا…
.
#صابرين :- قنديل في بشعرك قمل حبيبتي …
.
#قنديل :- عادي بحبهن 😂😂
.
# صابرين :- بس هاد قرف ولازم كلو يموت…
.
#قنديل :- لا حرام اتركيهن …
.
#صابرين :- لا مابصير اتركيني حط دوا واغسلو بكون كل شي راح …اتفقنا…
.
.
تعرفو الاميرات هيك طلعنا يمكن تكذبوني لوقلتكن احلا من الصورة اللي الكاتبة جمايكا منزلتها…هي هاي صورتي بس بهاد اليوم كنت احلا …خلوني كمل..بعدها نزلنا للعشا…من شفت السفرة ..اتذكرت الخبز المعفن ..والفواكة المعفنة اللي كنت اكلها وانا مغمضة…
.
#قنديل :- سلمى مارح اكل وانا مغمضة عيوني ما اختي ..

#سلمى :-😢😢😢 اي حبيبتي …
.
#قنديل :- اختي شايفة هاد الفروج متل يلي بمطعم صبحي …كنت اقعد شمو 😂😂
.
#حنان :- 😢😢 يابنات اقعدو كلو براحتكن..خدم اتركونا لحالنا لو سمحتو وسكروا الغرفة…
.
#الخدم :- حاضر مدام حنان …
.
#حنان :- يابنات شمروا اديكن ولا تكمشو لا معلقة ولا شوكة يالا نسبح بالاكل بدي لاقيكن عم تاكلو فوق الطاولة كل شي بتحبوه كلو ..وكبو الاتكيت بعدين بنتعلموو …😁😁😂😁😂
.
.
.الجزء الخامس …
.
.#قنديل :- سوووسوو غمضي عيوونك ..
.
#سلمى:- عم اكل قنديل مافاضيه …
.
#قنديل :- اذا بتريدي …غمضي بس شوي …
.
#سلمي :-اووك يالا شوووو…واااااااع شو هاد اللي دهنتي فيه وجهي…
.
#حنان :-ههههههههههه ماشي يا شقية ..تعي تعي لهون ..انا رح اكمشك ..هاتي سلمى الكريمة لازم ندهلا وجهها .هههه
.
#سلمي :- ههههه يالا وحدة بوحدة..

.(( كان اول عشا لالنا بطير العقل كان كلو ضحك واول مرة اكل بالطريقة هاي…
.
#قنديل :- اااخ الحقوني انا حامل 😢😢
.
#حنان :- اويلي شو هاد بالعة زيتونة ههههههه
.
#قنديل :- ماما حنان انا بحبك كتير …
.
#حنان :- تعي تعي نامي على حضني العب بشعراتك …

#قنديل :- شو حلو هالاحساس بحبك ماما حنان…
.
#سلمى :- ماما حنان انتي كتير طيبة بس ليش عمو ابو سامي اتزوج عليكي …
.
#حنان :- كان كل يوم يقلي بدو اولاد وانا مافيني انا عاقر وانا وهو بكون ابن شريكو لابي …انا وافقت يتزوج السكرتيرة اميلا..اتزوجها من 30 سنة وجابت سامي وسام اللي عمرو 22 سنة …سامي دكتور …وسام ولد طايش بعدو عم يدرس كمان طب متل ابووهن…
.
#سلمي :- ماما حنان ابو سامي وينو…
.
#حنان :- مات من فترة طويلة الله يرحمو ..مدام اميلا ماكانت تعتني بالاولاد بعد موتو همها الاول تعتني لحالها وسفريات وملابس …انا ربيت سامي وسام …وانا امهن …اميلا بدي منكن تكونوا حذريين منها كتير..ست مانها بسيطة . بالمعني شريرة وخبيثة …وسام كمان بدي منكن تكونوا رسميين معو لانو حبيب امو ..وخاصة انها عم تعطيه مال كتير لانو يبقي على طول متسكع ..مصاحبلي شاب اسمو ايمن وعلى طول سكر وخمر وبنات الله يهديه …

#سلمى :- امين ..ماما حنان فيني اسالك سؤال كمان…
.#حنان :-اكيد حبيبتي اساليني…
.#سلمى :- انتي ليش اعطيتي الورقة لقنديل وقلتي لالها تعي ليش من دون هالاطفال اللي بتبيع وبتمسح سيارات اخترتينا نكون اولادك
.
.#حنان :- سؤالك رح يقلب مواجعي كتير …بس رح قلك شغلات بسيطة …قنديل شفت بوجهها ملامح اختي اللي مابعرف شو اخواتي عملو فيها 😢
.
##سلمي :- اسفة ماما حنان انا بعتذر اني خليتك تبكي …
.
#حنان :- لا خلص حبيبتي المهم الخميس الجاي ابني سامي رح ياخدنا لدكتور جراحة تجميل شو رايك …
.
#سلمى :- ماما حنان جد 😢😢😢
.
#حنان :- اي حبيبتي يالا خلينا نقوم ننام بكرة رايحين مشاوير كتير…
.
.(كنت عم اسمع طول الليل حديث ماما حنان مع اختي سلمى …اللي حيرتن ي قصة اختها .. باليوم التالي …
.
#حنان :- شو صبايا فايقين ..يالا اجهزو الشوفير عم ينطرنا رايحين مشاوير حلوة كتير يالا يالا بسرعة…رح نفطر برا…
.
((جهزنا حالنا واطلعنا مع ماما حنان ..وكان اول مشوار لالنا ..هو مدرسة خاصة ..ماما حنان دمجتنا بمدارس لنتعلم نكتب ونقرا ..كنت طايرة من الفرحة …كان مشوار من مول لمدينة ملاهي لافخم المطاعم كنت عم حس حالي ساندريلا زماني بل اكتر ماكنت مصدقة انو هاي انا …انا كنت متل المجنونه من مكان لمكان واختي سلمى اهدى منها مافي … بس كانت على طول حزينة من نظرة الناس اللي من الطبقة الراقية لالها كتير تعيسة بسبب التشوه اللي بوجهها …
.
.
.الجزء السادس …
.
.
#حنان :- بنات اسبقوني على الفيلا انا رح اعمل كم شغلة وراجعة …
.
#قنديل ..سلمى ::- حاضر ماما حنان ..
.

#الخادمة :- اتفضلو بس الخانو اميلا هون لاتحاولو تحتكو فيها لعند ماتصل مدام حنان …
.
#اميلا :- 😲 اووووه مين المسخ هاي ..يا سعاااد يا سعاااد مين جاب البنت المسخ لهون ….انا ارتعبت من شكلا …
.
#قنديل :- اخرسي ياحقيرة ياعجوز اختي مانها مسخ ..اختي ملاك ..شوفي وجهك شلون كلو نفخ وشد …شو هاد عجوز شمطاء….
.
#اميلا :- انتي مين ياوسخة …👋
.
#سلمي :- لاتمدي ايدك على اختي لاكسرلك اياها مفهوم …
.
#الدكتور سامي :- شو عم يصير ماما شوفي ليش صوتكن طالع…
.
.
( اميلا كمشت سامي وصارت تبكي بحضنو
.
#اميلا :- ابني ماما ..ااااااه شوف البنت المسخ هاي عم تغلط عليه ومدت ايدها عليه…
.
#سلمى :- انتي كدابة اختي ما ضربتك انتي اذتيني بكلامك ..وانتي ضربتيها شوفي كف ايدك شلون معلم على وجهها…
.
#اميلا :- سعااااااااااد
.
#الخادمة :- نعم ياخانو
.
#اميلا :- مين البنت المسخ هاي والبنت الوسخة التانية …طرديهم برا

#الخادمة :- بس بس هادولي..
.
#اميلا :- قلت اطرديهم برا …
.
#الدكتور سامي :- امي مابصير هادولي بنات حنان …
.
#اميلا:- حنان العاقر صار عندها اولاد من اي حاوية جايبة المرة هاي …
.
#سلمي :- قنديل تعي حبيبتي لازم نطلع من هون مابدنا مشاكل …
.
#قنديل :- وماما حنان رح تزعل …
.
#اميلا :- اوووه وصرتي ياحنان ماما ههههههههههه قات طرديهم ياسعاد …
.
#الخادمة :- انا بعتذر بس مافيني اعمل شي بدون امر مدام حنان …
.
#اميلا :- سعاااد 👋 غصب عنك رح تنفذي اوامري

#الدكتور سامي :- امي حاااج هاد البيت لماما حنان وماحد رح يطردهن من البيت بدون امر ماما حنان وامري وحاج تضربي وتمدي ايدك … ..انتي اشغلي حالك باضافيرك وشعرك …
.
.#حنان :- شووو عم يصير ليش صوتكن طالع …قنديل ليش عم تبكي يا بنتي …
.
#الخادمة :- مدام حنان مممممم
.
#حنان :- سعاد ليش بتبكي شو بصير حد يفهمني …
.
#اميلا :- انتي مابدك تبطلي عادة تملي بنات شوارع لعنا هووون …وكمان المرة هاي مسخ جايبه للبيت
.
#حنان :- شوووفي اميلا …انا ست البيت هون وانا اللي بأمر هون ..اذا هادول بنات شوارع هلاء صاروا بناتي ولاتنسي اصلك من كنتي موظفة مابتسوى عند جوزي وانا اللي خليتو يعملك سكرتيره وانا اللي عملت لالك شانك وخليتو يتجوزك لتجي تعيشي عيشة ملوووك ..وهاد المسخ اللي بتحكي عنها مرت بظروف حرق جمالها …بس المسخ اللي بوجهك من كتر النفخ والتجميل اي ظرف اللي غصبك لتشوي منظرك ولا خايفة من تجاعيد الوجهه البنات هادولي بناتي …فهماني بناتي …
.سلمى قنديل فووتو ماما على غرفكن …وسعاد روحي حبيبتي ارتاحي …وانت دكتور سامي الحقني على غرفتي امي …
.
#الدكتور سامي :- اي امي قولي ..
.
#حنان :- متى عملية البنت متى بدي شوف وجهها البدر ..مابدي اي تاخير …
.
#سامي :- امي انا رح اشرف عليها لاتاكلي همها ..ارتاحي …ولا تزعلي من اميلا …الله يخليكي امي هاتي راسك ابوسها …
.
#حنان :- الله يرضى عليك يا امي …متى افرح فيك واشوف احفادك
.
#سامي :- ارجعنا امي لنفس الموضوع 😂😂
.
.#حنان
.
.((ماشي امي قوم خلينا ننام
.الجزء السابع…
.
#حنان :- سلمى فيقي ياعمري اليوم موعدنا مع الدكتور رح ياخد صور لوجهك مشان العملية ..
.
#سلمى :- صباح الخير ماما حنان …حاضر رح قووم اخد دوش واجي …
.
#حنان :- يالا ياعمري انا رايحة افيق قنديل …
(( اويلي شووو هاد ليش هيك نايمة يازعرا ..رجليكي لفوووق شو عم تلعبي كوورة …
قنديل …قنديل ماما يالا فيقي ….
.
#قنديل :- لك بعدووو هيك بدي شوووط
.
#حنان :- يوووه شو اتشووطي يابنت ياماما خلصي
.
#سلمى :- ماما حنان هاي مابتفيق هيك هلاء بقلك شلون …
(قنددددددديل لحقي …طلعو اولاد المدارس تعي نبيع العلكة …
.
#قنديل :- وينن ويننن 😲😲 لحقي سلمي ..
.
#سلمى_حنان :- هههههههههههههههههههههه مخها تجاري
.
#قنديل :- ماشي سلمى بسيطة …هلاء ليش فيقتوني…..
.
#حنان :- مابدك تشوفي وجهها الحلو لسلمى ….يالا اليوم رح ناخد صور نحنا سابقينك بسرعة البسي تيابك…
.

(( نزلت اختي وماما حنان تحت ..وانا بلشت البس تيابي ..وبلشت اسمع صريخ …اميلا وحنان …
وركضت لاعرف شووو في ….
.
.#اميلا :- مادخلك هاد ابني وانا حره فيه
.
#حنان :- لا ساااام ابني واللي عم تعمليه رح يقتلو ..بلش يشرب ويسكر ويتعاطى مخدرات بسببك وبسبب اهمالك ..هيك عاجبك حالو من ينام على باب البيت ….
.

#اميلا :- انتي بعدي عن حياة ابني هو حر …خليه ينبسط بحياتو ..انتي وحدة معقدة …
.
.#قنديل :- ماما مين هاد اللي ريحتو ماحلوة
.
.#حنان :- ابني سام سكران ونايم ع باب الفيلا ..شكلن كابينوو هون الله يلطف شو عامل …
.ياحرس محمد …
.
#الحرس :- نعم يا مدام حنان

#حنان :- انت مانك شايفو نايم هون… انقلوه على غرفتو …وحمموه وشربوه قهوة ولاتتركوه يطلع من البيت الا من ارجع
.
#الحرس :- حاضر يامدام ..
.
( من شالو سام من ع الارض كان هاديك الشخصية ..اللي بيختلف تماما عن سامي ..شاب اسمر ..وطويل ونحيف ولاعب حديد…بس عم يتعاطى وحالتو بالويل
.
.#حنان :- ابني هاد بدو ترباية من جديد…يالا بنات رح نروح ….
.
(( اطلعنا مع ماما حنان على المشفى …وبلشنا نعمل تصوير لوجه سلمى مشان عمليه التجميل …كنا مبسوطين كتير وشوفنا تخطيط للتغير اللي رح يصير لاختي …واخدنا موعد بعد يومين لعملية اختي سلمي …بعد ماخلصنا انرجعنا على البيت ..ونفس الشي هاد البيت مابخلص الصراخ فيه…تركت ماما حنان واختي سلمى وفتت على البيت لاشوف بسرعة شو في .. وكان سام مربطو الحرس وهاداك عم يقطع بحالو بدو يطلع من البيت كان منظرو بضحك….
.
.#قنديل :- ههههههههههههه حرامي كامشين حرامي
.
#سام :- انتي مين وليش بتضحكي …سعااااد ليش بتضحك وهاي مين …
.
#سعاد :- نعم ياسام هاي قنديل بنت مدام حنان …
.
#سام :- مافهمت شووووو
.
#قنديل :- مانك بحاجة لحد يفهمك لانك عقلاتك على قدك 😒😒
.
#سام :- شو ياحلوة لسانك كتير طويل فكني يامحمد فكني خليني عرفها مين ساااام
.
#حنان :- ليش صراخك طالع سام …
.
#سام :- امي انتي طالبة انهم يربطوني هيك ..ومين هاااااي …
.
.#حنان :- انت مابدك تبطل شرب وتنتبه على دراستك من هون وطالع حياتك تحت امري مافي سهرات ومافي بنات ولا سكر فهمان …وكلامي انتهى .مابدي نقاااش…

.#سام :- امي شو يعني بدك تربيني على كبر…
.
.#قنديل :- ههههههههه اي اي وانا رح ساعدها ياسكرجي يا تبع البنات …اوووع ريحتك ماحلوة …
.
#سام :- ماشي بسيطة حسابك انتي لحال …بعرف كيف اعملك الادب …ماشي امي يلي بدك ايااه انتي اساسا اعطتيني شغلة حلوة اشتغل فيها من هون وطالع …بس ماقلتيلي مين هاي ام عيون حلووين …
.
#قنديل :- انا انا انا …ممممم شو اسمي انا …احم احم مابدي قلك 😜😛😜
.
#سلمى :- اسمها قنديل اختي الصغيرة ..
.
#سام :- اووووه شو صاير بوجهك مين عامل هيك 😲
.
#حنان :- الحقني امي فووق بدي احكيك …
.
#سام :- ماشي امي جاي وانتي راجعلك …بسيطة …

.#قنديل :- 😛😛😛 بروووووو
.
.
.الجزء الثامن :-
.
(ماما حنان خبرت سام عن كل شي بخصوصنا .. هو كان تعاملو مع اختي سلمى كتير منيح …بس معي لا متل العدو اللدود ..وبعد شوي اجا وجايب لاختي هدية ..
.
#سام :- سلوى اختي خدي هاد اللاب لالك حلو الكفر تبعو روزي بيعجبك هاد هدية مني لالك
.
#سلمى :- الله بجنن هاد لالي شكرا سام …بس انا مابعرف اشتغل عليه…
.
.#قنديل :- عادي اختي رجعيه لالو 😒😒
.
#سام :- 😡😡 انا مستعد علمك كل يوم عليك جكر بهالواحد 😡😡😡
.
#قنديل :- وهالواحد ابرد ماعندو مافي …
.
#سام :- ههه باين كتير ..تعي سلمى تعي اختي 😉
.
#قنديل :- 😞😞 اختك ….لك سام انا بدي هديتي ..عيب هيك تعمل …
.
.#سام :- انا مابعطي هدايا لبنات لسانهم طويل …
.
#قنديل :- ماشي لكان هيك ..انا بورجيك . .انا من هون وطالع رح علمك مين قنديل …
.
.#سام :- شو رايك سلمى كتير حلو ما …انا رح جيبلك كمان هدية بكرة ..
..#سلمى :- يسلمو سام …
.
قنديل :- 😒😒
.
(( اطلعت على غرفتي وانا نار عم تشعل فيني ….بسيطة يا سام بسيطة انت بعرف شلون ردها لالك …انت وين غرفتك …اي هاي ..باينة من شكلها وسخة وتياب بكل مكان …اويلي شكلووو اجا اجا ….
.
#سام :- الوو حبيبتي اي ياعمري لا اليوم مافي سهرة مسافر كم يوم وراجع ….باي ياعمري
.

#قنديل :- اي ياعم الحبيب انت ..
.
#سام :- شو جابك على غرفتي وليش انتي متخبيه بخزانتي …
.
#قنديل :- مممممم مابعرف انا ضيعت غرفتي ..
.
#سام :- لاااه طيب خليكي جوا وهاي تقفيلة
.
.#قنديل :-لك سئيل افتح رح انخنق رح انخنق لك ليش هيك عليت صوت الموسيقى كتير ..اسمعني رح موووت
.
.
#سام :- متي ولا بعدك…. لاتجي تاني على مستعمرتي هاد افراج عنك المرة هاي… المرة الجاي مارح ارحمك

#قنديل :- كهكهكه خوفتني انت لك عيونك رح طلعهن بااااي
.
#سام :- يالا اطلعي بدي البس تيابي عندي مشوار ماقلتي قبل لتروحي شو رايك بهاد الطقم بياخد عقل البنات …
.
#قنديل :ماحلو 😒 يالا باي ..
((بسيطة بعرف شلون اردها ياغليز قلتلي طقم جديد ماشي لكان …وهاد زيت وهاد كلور اويلي والله لتزحلط زحلوطة اخت شلن 😂😂
.
.#سام :- اااااااااااااه ضهري … سعاااااااد ماااااامااااا مين حط الزيت على باب غرفتي ااااااه .. ليش ماحد عم يسمعني
.

#قنديل :- تيتاترارار رارارارا ضوء لمع جو المدينة .سمع نداءا ينادينا تلك اشارة باتمان بااتمااااان
.

#سام :- انتي بسيطة بعرف دواكي…امي امي عجبك هيك تيابي …
.
#حنان :- هههههههه شووهاد مين عمل فيك هيك
.
.#سام :- يعني مابتعرفي مين لكن ..مو واقفة جنبك متل الحرباي 😤😤

. ع الهاتف …
#حنان :- ثواني احكي مع سامي …((،امي امي كيفك..
.
#الدكتور سامي :- امي بعتذر الخميس مابحسن احضر عمليه سلمى عندي مناقشة رسالة طب …انا وصيت رفيقتي الدكتور مدحت وراح يحطها بعيونو…
.
#حنان :- ماشي امي موفق يارب ياريتو هالحدا طالع متلك ..شقي بس …مع السلامة حبيبي …
.
#سام :- شو امي مانو عاجبك ..
.
#قنديل :- لا مانو عاجبني
.
#سام :- مابحكي معك بحكي مع امي 😤😤 رح تجنني هاي البنت …رح اروح مشفى المجانين بسببها …
.
#حنان :- هههه عندي اولاد شقيين ..اي ياعمري ياسلمى رح نجهز حبيبتي على الخميس بقيان يوم واحد بس ونشوف هاد القمر ..
.
#سلمى :- الله يخليلي اياكي امي ….
.
.
.
.الجزء التاسع :-
.
(( اجا يوم الخميس على عجلة الدكتور سامي ماحضر عملية اختي كنا على نار لنشوف وجهه اختي وتنجح عمليتها …دخلت اختي غرفة العمليات وهي خايفة انو مايتغير شي ..بس رفيق الدكتور سامي اكد لالنا انو نحنا حتى مارح نعرفها …بعد ما طلعت اختي من غرفة العمليات وبقي الشاش على وجهها فترة …اجا موعد رفع الشاش عن وجهه كلنا كنا متوترين لنشوف وجهه اختي الجديد…
.
#الدكتور مدحت :- يالا كلكن غمض ماتفتحو الا من اقلكن
……..يالا فتحوووو .
..#قنديل :- سلمى سلمى سلمى امانه امانه دكتور هاي اختي …ماما حنان شوووفي …
.
#سلمى :- خلوني شوووف حالي ماما حنان ليش عم تبكي في شي ياجماعة
.
#الدكتور مدحت ..:- حابة تشوفي حالك هاي المراي
.
#سلمى :- ااااااه 🙊 هاي انا… معقووول مش مصدقة هاي انا ماعاد في حرق ..ماعاد في تشووه وجهي ناعم معقول هاي انا …ماما حنان هاي انا …
.
#حنان :- تعي امي احضنك تعي …انتي ملاك بجنن
.
#قنديل :- احضنوني معكن اختي صارت احلا من ساندريلا…
.
(( كانت فرحة مابتنوصف..اختي وجها الملائكي ….ماكنت اتوقع يرجع جمالها هيك…نور رب العالمين انخلق بوجهها كل يلي بالبيت انصدمو من وجه سلمى الجديد..هات هاد الغليز..
.
#سام :- تؤبري قلبي سلمى طالعة بتجنني اختي …انتي احلى بنت بالكون بحياتي ماشفت متلك
.
..(( ههههه مو مشكلة مدح اختي وهي اغلى ماعندي …….
.

#قنديل :- اختي انتي اذا اجاكي عريس لاتوافقي
.
#حنان :- ليش ياماما ماتوافق ..
.
#قنديل :- يا بتزوجني اخوه وببقا معها يا ماتزوج
.
#حنان :- ههههههه مين ع الباب …سعاد مانها هون تفتح اخدي اجازة ….
.
#سلمى :- انا قايمة افتح الباب …
.
.#الدكتورسامي :- مرحبا مو هاد بيتنا 😞

#سلمى :- اي اتفضل دكتور سامي …
.
#سامي :- عارفة كمان اسمي مين انتي …
.
#سلمى :- هههههههه مابعرف 😂😂..ماما حنان الدكتور سامي رجع من الصفر …
.
#حنان :- امي امي الحمد لله على السلامة
.
#سامي :- هاتي ايدك ابوسها امي …
.
#حنان :- ربنا يرضى عليك ..
.
#سامي :- احم امي عنا ضيوف مين …

#حنان :- تعا تعا على جنب …شو رايك بالعروس 😂😂
.
#سامي :- امي لاتحرجيني بس صار عندي فضول من وين لاقيتيها كتير حلوةة…
.
#حنان :- يعني موافق 😉😂
.
#سامي :- اول قليلي امي
.
#حنان :- هاي سلمى شو رايك بعد العملية ..
.
#سامي :- امي بتحكي جد 😍 شو طالعة حلوة …
.
#سام :- شوووو اجا الدكتور شايف اهلا وسهلا اخي ..
.
#سامي :- اهلين بالازعر الشقي …

.#سام :- ههههه شو حلوة المفاجئة شو رايك بسلمى …
.
#سامي :- لاتحرجني انت كمان …احم احم طالعة تجنن …
.
#سلمى :- يسلمو دكتور سامي 😊😊
.
#حنان :- حاج خجلتو العروس 😂😂يالا تعووو على الغدا وينها قنديل ..
.
#سام :- هاي الزعرا اتركوها عليه اساسا اجا وقتهاا انا رايح شوفها ….
.
.((طلع سام يدور عليه بغرفتي كنت مجهزة لالو مفاجئة تقطع خلفووو

.
#سااام :- ياااا شقيةة ام بريييص …يا هبلة وينك ….وينا هاي رايحة ….يابنت …طيب ياحلوة ..يا ام عيون بجننو لك زعرااااااا لا تخليني اصرخ …شو هالهدووء هاد مابطمن …
.
#قنديل :- بووووووووووو
.
.#سام :- يمامي يمامي خوفتيني شو هاد اللي لابستيه …احلى منك 😂😂😂…هههههههه
.
#قنديل :- 😒 بعرفك بلا احساس 😡😡..بعد هيك
.
#سام :- ههههه تعي لهووون
.
#قنديل :- لا تكمشني هيك…
.
#سام :- لا حسابك مابروح هيك …بدي احضنك ….اويلي شوو دافية الله شو حلوة ريحة شعرك….شو هالبراءة …ليش عم تطلعي فيني هيك…اويلي رح اغرق بعيونك …
.
#حنان :- ياولاد ياولاد وين رحتووو…اوووبا رومانتك هووون ههههههههه
..
#قنديل :- بعد هيك لاتقربني يا غليز….
.
#حنان :- احم احم شوو كنتو تعملو …
.
#سام :- كنت عم اشبكلا قلادتها ….تعي قنديل اعملها …
.
#قنديل :- مابدي بعد عني هيك مابدي تعملي اياها…
.
.#حنان :- بعد عنها يا امي …تعي ماما اعملك اياها انا ….شو هاي القلادة ..الحلوة اشوووف ح ح 😲
.
.
.الجزء العاشر :-
.
#سام :- امي شو صابك
.
#قنديل :- هاي قلادة ماما …
.
#حنان :- شو اسمها بتعرفي …
.
#قنديل :- اختي قالت لالي اسمها حياة …

#حنان :- والله هي والله هي يا سام يا سامي ياسلمى ….

.#سام :- امي انا هون شو صرلك ….
.
#حنان :- امي هاي اختي شوف شوف اختي اللي فقدتها صرلي 20 سنة …شوفها امي مالقيتها ولا بمكان اختفت مابعرف وين اخواتي الظالمين كبوها لواحد مريض …مجنون …
.
#سام :- امي هاتي اشوووف …كأني شايفتها هاي وين يالله وين يالله بتشبه حدا بعرفو ..وشايفتو يالله ..وين وين وين
.
.#سلمى :- ماما حنان شووفي ليش عم تبكي قنديل فيكي شي …شو مالها القلادة اللي بايدك ماما …
.

#حنان :- سلمى هاي امك حياة ماااا ….
.
#سلمي :- اي امي هاي ..قلادتها اعطتني اياها من رمتني لعند باب المسجد انا وقنديل …
.
.#حنان :- تعي امي تعي … تعي على غرفتي … شوفي هاي الصورة وشوفي هاي القلادة ….متلها..هاي قلادة بصورتي ..وهاي القلادة اللي معك بصورتها ..ابي الله يرحمو كان صايغ ذهب …عملها لالنا ..واخواتي من مات ابي ورثووه ورفضو يعطونا حصتنا انا اتزوجت ابن رفيقو لابي بصياغة الدهب ..وتركت ميراثي واختي كانت اصغر …زوجوها لواحد مجنون بعد ما ضحكو عليه بشوية مال ..😢 وخلوها تتنازل عن حصتها ..هاي اختي حياة …كان عندها بنت …بس ماكنت اعرف اسمها ….لما شفتكن حسيت انى بعرفكن انتي واختك عم تشبهو امكن كتير …
.

#سلمى :- ماما حنان يعني امي بتعرفيها ..انا البنت الكبيرة وابي اي مجنون …وخوالي صايغين ذهب انا بتذكر كل شي ….ولالي اخوة اثنين ايهم وايمن …
.
.#سام :- هلاااااااااء اتذكرت ..ايمن ..هو ايمن ..رفيقي السكرجي ايمن
.
.#حنان :- ايمن شو مالو ايمن …احكي ابني لاتوجعلي قلبي …
.
#سام :- هاي الصورة بتشبه امووو ..بس اموو ضريرة ..ومابتحكي .. ودايما على الباب جالسة ست كبيرة وباين عليها الكبر …وابووه لايمن مطلقها …وايهم بعرفو بالسجن لانو سراق ..وايمن رفيقي اتعرفت عليه بالبار…
.
.#قنديل :- امي يعني مابتشووف امي مابتسمع الله يخليك نفسي شووفها اختي نفسي شوووفها خديني لعندها ….
.
#سلمى :- 😢😢😢 ااااااااه رح نروح يا اختي رح نروح تلاقيها من زعلها علينا صارت هيك وابوكي تركها واخواتك اللي كبنا مشانهن مانهن مربايين …ماما حنان …خدينا لعندها …..
.
.#حنان :- ابني سام خدني لعند اختي .. يالا ياماما …
.
#سام :- حاضر امي يالا نروح

(( حسيت الطريق شو طويلة …حسيت كل متر بدو ساعة ليخلص …قلبي عم يوجعني ..وانا متشوقة لالها كتير …واختي كمان بس اختي خايفة كانت لعند ماوصلنا لهاداك البيت اللي اختي بيوم قالتلي عنووو.. بس صار متل بيوت الاشباح …ونايم على بابها شاب جنبو كاس خمر …
.
#سام :- هاد البيت وهاد ايمن على طول سكران …
.
#سلمى :- بيشبه بيتنا 😢😢 ليش هيك حالو صارر…
.
#سام :- ايمن ايمن اوووف عليك بهالريحة فيق ياراجل …
.
#ايمن :- ش وو سي بو ني ناااام
.
#سام :- اتركووه حالو بالويل تعو نفوت لجوا..
.
(( من فتنا مالقينا حد كان بيت قديم كتير وكلو اعشاش عناكب ..غرفة معتمة ..ووسخ فظيع..كانو بيت فقد الحنان من سنين …اطلعنا نسال الجيران عن امي …
.
#حنان :- مرحبا اخي في ست ضريرة هون اسمها حياة
.
#الجار:- اهلين قصدك ام ايمن المرة المسكينة .

#حنان :- اي هي هاااي
.
#الجار :- عند دار ابو احمد ثالث دار على ايدك اليمين…اخدوها الجيران لان ابو ايمن كل يوم بجي يضربها …وشعل النار مشان يحرقها بس الله لطف فيها وانشعلت النار فيه وانحرق..كان جايب سولار ليحرقها ..بس ولعت معو شرارة وانحرق قبل ليوصل لالها …الله ياخدو عذبها لهالمرة …بكيت من بعد بناتها لراح نظرها …
.
.#سلمى :- شووفتي قنديل قلتلك امك مابهون عليها يالا يالا اسرعو لنشوفها …
.
. #ابو احمد :- مرحبا بشو بحسن اخدمكم …
.
.#حنان :- عم اسال عن اختي حياة ام ايمن حكولي انها عندكم …
.
#ابو احمد :- استغفر الله هلاء صار لالكن اخت ..اطلعو ياجماعة اتركو المرة بحالها بكفيها اللي فيها …خلوها تعيش الكم يوم اللي بقيانين من عمرها …
.
(( طبق الراجل الباب بوجهنا وانا بلشت ابكي بحرقة …
.
.#قنديل :- عموووووووووووووو بترجاااااك بدي شوووف امي هاي امي …بدي شوفها لو مرة بحياتي …عمووووو افتح الله يخليك …
.
(( عصب سام من شاف دموعي وقام كسر الباب …
.

#سام :- مابدك تفتح انا بفتحو غصب البنت بحياتها ماشافت امها وبدها تشووفها …خاله ام ايمن خاله ام ايمن ….بنتك قنديل هووون
.
.#قنديل :- هي مابتعرفني بتعرف سلمى ..
.
.#حنان :- اختي اختي وينك
.
.#سام :- خالة ام ايمن سلمى اجتك سلمى اجتك …
.
(( بعد شوي طلعت امي اللي كانت عم تمشي وتحسس على الحيطان مانها شايفة شي طلعت والخوف مالي عيونها ..امي اللي بحياتي ماشفتها ..ست عجوزة شعرها ابيض ..والتجاعيد بكل وجهها …امي اللي بعمر 40 هلاء كانها ب 60 .. من شفتها انهرت على الارض ماعرفت شو احكي 😢😢😢
.
.
.
?بنات القصة انتهت والجزء الاخير على منشور اخر