الكفته بطحنيه من آطيب الآكلات صيفيه وشتويه ومع خبز عربي بتطلع آكله ملوكيه
الكفته بطحنيه من آطيب الآكلات صيفيه وشتويه ومع خبز عربي بتطلع آكله ملوكيه
معكم صديقة زاكي الشي الموهوبة جلكسي والدنيا عكسي 😊😊
🌸الكفته بطحنيه🌸
🌸المكونات🌸
كيلو لحمه مفرومه ناعم هبرا
ضمة بقدونس
حبة فليفلة خضرا
قرن فلفل آخضر
ثوم
كوب طحنيه صغير
حبتين ليمون
راس بصل صغير
ملح
بهارات مشكل للحمه فقط
فلفل اسود
بطاطا
🌸طريقة الطحنيه🌸
بخلاط الكوكتيل بتحطي كوب طحنيه صغير مع عصير ليمونه ومعلقة ملح وكوبين مي فاتره وبتخلطيهم شي 5 دقائق حتى يتجانسو ويعطوكي الون الابيض الكثيف .
🌸طريقة تحضير الكفته🌸
بمحضرة الطعام بتفرمي البقدونس ناعم وبتقطعي الفليفله والفلفل والبصل وثوم وبتحطيهن مع البقدونس حتى ينفرمو ناعم بعدا بضفيهن ع الحمه الهبرا وبضفيلها البهارات ملح وفلفل اسود وبهار مشكل وبتخلطيها منيح.
🌸طريقة الطبخ🌸
1-بتعملي الكفته اصابع صغيره جميع الكميه وبترصيها بصدر وبتحطيها بالفرن تنشوي من فوق ومن تحت ومو تحمريها كتير عادي تكون مستويه وزاله الشوائب بعدا بتحطيهن بصفايه تتمصى من الشوائب.
2-بعدا بتقشري البطاطا وبتقطعيها اصابع وبتقليها وبتحطيها بورق المطبخ تزل الزيوت،وبتقلي 5 سنون ثوم مع البطاطا وخلي لونهن أشقر مو آحمر مفحمات😉
3-بعدا بصنيه ع الغاز بتحطي الطحنيه ع نار واطيه لحد ما تغلا مع التحريك المستمر منشان ما تكتل معك،بعدا بتفعصي سنون الثوم المقليه وبتسقطيهن بالطحنيه لتعزيز النكهه بعدا بتسقطي الكفته والبطاطا وبتخليهم يغلو منيح ويطبخو سوا شي ثلث ساعه،وبتدوقي وبضيفي ملح حسب الحاجه وصحتين والف عافيه😊😊
🌸ملاحظه🌸
1-الطحنيه بتتكاثف وبتجمد بسرعه ازا احتاجة لماء ضيفي ماء ساخن مغلي.
2-وازا بتحبي تغلي الطحنيه ع الغاز وضيفي الكفته والبطاطا غطيها بسلفر وحطيها بالفرن او بصوبة لحطب بتطلع بتشهي😍😍
3-الطحينيه ما بنضفلها بهارات بس ملح وليمون منشان ضل محافظه ع طعمها ولونها.
4-وأي استفسار من عيوني وانشالله بنزللكم طريقة الخبز البيتي دائما متابع تعليقاتكم تحياتي للجميع😊😊
صديقتكم هزوره
دعواتكم حبيباتي
