صينية دحدح لزوم البرد خطوة بخطوة احفظي الوصفة على جوالك

صينية دحدح لزوم البرد خطوة بخطوة احفظي الوصفة على جوالك
الدحدح ع طريقتي بصراحه طعم جناااان والجميع بحبوها
معكم صديقة زاكي الشي الموهوبة جلكسي والدنيا عكسي 

الدحدح
المكونات
4كوب سميد
1كوب طحين
1كوب سكر
4ملاعق حليب بودره
1معلقة خميره كبيره
1معلقة بيكمبودر
1كوب حليب دافئ
معلقة صغيره كركم
1كوب زيت ذره
نص كوب سمنه او زبده او منجرين لمتوفر عندك
كوب ونصف ماء فاتر للعجن

الحشوه
1كوب سميد
1كوب جوز هند
1كوب سكر
1كوب جوز او عين جمل حسب الرغبه
1كوب ماء لعجن الحشوه
1معلقة قرفه كبيره

القطر
3كوب سكر
2كوب ماء
عصرة ليمون

الطريقه
1-بنخلط نواشف معا سميد وطحين وخميره وحليب بكنج وفانيلا وكركم وسكر وبعدا بنضيف السمنه والزيت متل البس بعدا بنعجنهم بكوب ونصف ماء .
2-بعدا بتجهزي الحشوه وبتخلطي جميع المكونات ناشفه وبتحركيهن وبضفيلهن كوب ماء فاتر وبتحركيهن بكونو منثورين.
3-بعدا بتقسمي العجينه نصين وبتفردي النص الاول بالصنيه وبتحطي الحشوه فوق الطبقه الاولى وبترصيها بالمعلقه بعدا بتفردي نص العجينه المتبقيه بكفت ايدك وبتحطي فوق العجينه،بعد ما تفرديها كلها بتملسي وجها بمعلقه،وبتنقشيها بملقط الكعك وبتغطيها وبتخليها تتخمر بمكان دافئ شي ساعه ساعتين حسب وقتك ،بعدا بتخبزيها من تحت بس يبلشو الاطراف يتحمرو شغلي فوق منشان لحراره تصلها جميعها وبس تتحمر بتسقيها قطر ويفضل تعمليها بليل لتاني يوم صبح بتكون تشربت وبردت بكون طعمها آطيب وصحتين والف عافيه صديقتكم هزوره

ملاحظات
1-لمي تاعت الحشوه لازم تكون فاتره مو مغليه لتطلع الحشوه منثوره مو معجنه.
2-تدهن الصنيه بالطحنيه.
3-تقطع قبل الخبز.
4-يجب ان يكون القطر بارد .