هاي الاكله ممكن كتير مابيعرفوها اسمها جعاجيل حبيت أفرجيكم إياها
هاي الاكله ممكن كتير مابيعرفوها اسمها جعاجيل حبيت أفرجيكم إياها
يسعد مساكم حبيباتي
هاي الاكله ممكن كتير مابيعرفوها بس تعلمتها من بنت حماي وطبختها وحبيت اورجيكم اياها
اسمها ((( جعاجيل )))
معكم صديقة زاكي الشيف الموهوبة ام معاويه معاوية
طبعا هاي اكله اردنيه وفلسطينه واكيد امهاتنا او جداتنا بيعرفوها
المكونات
كوب عدس مغسول جيد و كوب حمص مسلوق وجميد حسب الحاجه وملعقة سمنة بلديه وبصله نصف فنجان زيت زيتون للعجه طحين حسب الحاجه بصلة بقدونس 5 بيضات رشة ملح
الطريقه
بنجيب طنجرة وبنحط فيها زيت زيتون وبنقطع البصله وبنقلبها اشوي لتصير لونها دهبي وبنضيف العدس وبنضيف الماء وبنخليهم اشوي ليستوي العدس بنضيف الحمص المسلوق وبنتركهم يغلوا
وعلى جنب بنكون مجهزين الجميد بنضيفه فوق العدس والحمص الحب وبنتركهم يغلوا اشوي وبهالوقت بنجهز العجه بنقطع البصله وبنضيف البيض والبقدونس وبنحركهم وبنحط الطحين حسب الحاجه
وبنضيف قليل من الماء ليصير الخليط لين متل خليط الكيك تقريبا وبنصير نشيل من الخليط ونضيف نضيف بالملعقه على اللبن المغلي وبنضيف ملعقة سمنة بلدي وبنتركهم يغلوا اشوي وبعدين بنسكب والف صحه وهنا وان شالله مااكون نسيت شي