قصة الليلة سبع صنايع والبخت ضايع للكاتبة جمايكا أحمد

قصة الليلة سبع صنايع والبخت ضايع للكاتبة جمايكا أحمد
هذه القصة تأتيكم من قسم المنوعات في زاكي

#سبع_صنايع_والبخت_ضايع
#للكاتبة_جمايكا_احمد
.
.الجزء الاول :- الثاني :الثالث الرابع ..الخامس..السادس.. السابع ..الثامن ..التاسع ..العاشر ش النهاية
.
#امي :- تعرفي يا امي شو نفسي وعم اتمنى …
.
#ميسا:- لا مابعرف امي اتحفيني اكيد نفسك تلاقيني عروس مافي غير هيك..
.
#امي :- لا مو هيك لان هالشي فقدت الامل فيه …نفسي شوفها لغرفتك مافيها ورق وكتب
.
#محمد:- خدي اختي هاد كل الجرائد والمجلات ومواقع الوظائف اللي نزلت بالبلد…هاتي يالا اللي وعدتيني فيه…
.
#ميسا:- ليكو البنك خد منها…
.
#امي :- ليرة وحدة مارح ادفع زيادة لك شوي وتبيعيني الفوقي واللي تحتي…
.
#ميسا :- لا امي اللي تحتك مالازم …
اعطيه امي اعطيه بس اتوظف واللي جابك رح اعوضك بس اعطيه…

#امي :- مامعي اضربيني بالحيط مابرن..
.
#محمد :- شو ست ميسا بشوف هالمرة متل كل مرة انا اللي بدي ضرب بالشحاطة اني برجع سدقك …خلص هاتي هاتي بدي احرق كل شي …
.
#ميسا :- لا لا ابوس على ايدك يمكن لاقي وظيفة والله اول راتب احتمال اعطيك اياه..
.
#محمد :- احتمال …😲😲 …شو شايفتيني عم العب بأنفي مين اللي بدو يوظفك بهالزمن…
.
#ميسا :- 😢😢 امي في دورة فرنسي درجة خامسة نازلة شو رايك 😢😢بليز امي ابوس على ترابك..
.
#امي :- ابد والله ابد لو توقفي شجرة الانجليزي واخدتي توفل فيه ومااتوظفتي جامعة وخلصتي ماجستير وماتوظفتي ..خبرات ومعاهد ماتركتي بالبلد الا اخدتيها ..وفرنسي واخدتي …لك بقيان بس هالخاتم يلي بإصبعي رافعتو لمكبرتي …شو بدك تبعيني اياه ياخوفي بكرة تلاقيني بسوق الجمعة عم ابسط بكلاسيني …مشان حضرتك تنبسطي …

.
#ميسا :- اجتني فكرة …
.

#امي :- الله لايجيبها …شكلو عجبك موضوع بيبع الكلاسين قايمة اروح زور ستك…وانتي قومي من على هالكمبيوتر بظوو عيونك لبرا منن …ارحمي حالك…سلام..
.
#محمد :- اختي معك للمسا يا امي بدبريلي بكيت دخان يا اما حسابك عسير …

#امي :- عسير ولا عصير ههههه.
.
#محمد :- به به به نهفة يختي سلام…
.

(( شو ناطرين اكيد بدكن اياني اعرف عن حالي اي ليش لاء …اسمعو وعوا …انا اسمي ميساء عبد الكريم عمري 28 سنة عزباء عانس ….حنطية وعيونها لوزية ..ام الجدائل سمر 😂😂😂…خلصت ماجستير ادارة .. اخدت جميع الدورات اللي ممكن تمر على خيالكن حتى تبعت الطبخ والنفخ والتحفيض …حتى عملت دورات بجعل حياتك الزوجية سعيدة ….صرت مرشدة نفسية .. ماتركت وظيفة الا اتقدمت لالها والكل بقلي انو ماعندي فيتامين واو ….ماتركت موقع على اليوتيوب او قوقل او ويكبيديا الا بحثت شو يعني فيتامين واو …ماتركت برتقال ولا ليمون ولا تفاح ولا سبانخ الا اكلتو مشان احصل على فيتامين واو..تاري فيتامين واو طلع واسطة….وياريت بس بالوظيفة لالي حظ …حتى بالزواج كل واحد بدق بابنا بسالنا عن اذا العروس دارسة و موظفة ولا لاء …وانا بقلهن دارسة مع وقف التنفيد …كل ما اروح اقدم لوظيفية يقلي مامعك انجليزي خلصت توفل انجليزي ارجعت بقلي مامعك فرنسي كمان درست فرنسي …عندي شنتاية بس خبرات…اغلب المكاتب صار تعرفني ومن الباب يكبو ملفي….امي بالبداية فكرت اني معمول لالي شي سحر ..ماخلت شيخ او حجاب لدرجة .جابت بول عقربة وقالت ادهني حالك فيه 😂😂 ..
.
.بس بعدو الموضوع متل ماهو ….صارت مهنتها اتجيب قفل مفاتيح كل يوم وتبخ وتنفخ فيه …صارت مشعوذة بسببي…اخي محمد عايش اللحظة معي حرامي جرايد ومجلات……اوقات يجي اكل قتلة واوقات يكون ضارب العالم …وانا كنت جمع من هون وهون لاشتري لالو علبه دخان…حياة ميؤووس منها …ابي حبيبي من يشوفني بالبيت يطفش او ينام …ودايما جيب تيابو مفروطين….
.

#امي :- ميسا ميسا تعي تعي امي لحقي شوفي هالخبر…

#ميسا :- شو امي لقيتي وظيفة …
.
#امي :- لا خالتك بتقول انو اخو مرت ابنها بدو يتزوج شو رايك…
.
#ميسا :- احكيلهت جوزية لبنتك هبة لو فيه خير مارماه الطير…امي رايحة في وظيفة بشركة محاماه رايحة…
.
#امي :- امي امي ثواني …يابنتي انتي مارح تغيري شكلك لك هاي العالم بتطلع على الشكل قبل الشهادات…البسي وتلبسي وغيري هالوجه اشلحى هالنضارات …حطي شوي حمرة خدود وملمع شفايف …
.
.#ميسا :- ماعاد امي في وقت بعديلي هيك…
.
.#امي :- يابنتي بس اسمعيني تعي تعي …
.
الجزء الثاني :-

#ميسا:- امي ابوس على ايدك مابدي ليكا نعيمة بتتصل خليني روح..
الووو اي نعيمة يالا بس لاتخلص من امي …
.
(( نسيت عرفكن على نعيمة …نعيمة هي توأم روحي ..العقل المدبر للمصايب والجرائم ..رفيقتي منذ الصغر ..عانس متلي وحظها اسوء من حظي …نعيما بنت داشرة طول اليوم بدور بالمحلات والمكاتب على شغل …شغلتي انا ونعيمة متل راسين بلباس متل مابقول المثل …انا وياها بنقول لابليس قومي خلينا نقعد مكانك…بنت نهفة مابنشبع منها…يمكن الشخص الوحيد اللي مصبرني على هاي الحياة هي نعيمة…
.

#نعيمة :_ام بريص اتاخرتي ..وين ساندويشة اللبنة تبعتي اكيد متل كل مرة مانك جايبتيها …
.
#ميسا:- لا مانسيت ام كرش ليكا جبتلك الضعف مشان تشبعي …شو عملتي مع مرت اخوكي…

#نعيمة :- يلعنها سمت بدني على الصبح
.
#ميسا :- له له ليش احكيلي …
.
#نعيمة :- قلتها شحديني كندرتك رايحة لمقابلة رفضت وقالت رجليكي مطارق بنزعوا الكنادر ..اخ بس اخ …لو اني بشتغل هلاء لكل كندرة اشتريلها اعلقها على باب غرفتي مجاكرة بالسئيلة …😒😒
.
#ميسا :- هههههه مطولين لنوصل انهلكت رجلي …
.
#نعيمة :- يعني لو امك اعطتك مصاري مو لكان اركبنا بشي تاكسي بدل ماعم نشحط بحالنا بهالشمس …
.
.#ميسا :- امي خلص قفلت بنكها شوفي امك الدور عليكي …
.
#نعيمة :- امي اذا طلبت منها الها خاطر تشلح تيابها وتقلي تعي فتشيني …😂😂..ليكنا وصلنا طالعة ريحة عرقك خدي بخي بف بف …
.
#ميسا :- ياكلبة وبتقولي مامعك مصاري من وين جايبه هاي تبعت مزيل العرق….
.
#نعيمة :- سرقتها من مرت اخي جايبتها جديد لقيتها على تسريحتها اخدتها وجيت ماشية …رشي منها منيح واذا عندك تياب لبكرة خدي رشي 😂😉😂…
.
#ميسا :- مليت من الفقر مليت اتخيل لو هلاء انلاقي مصباح علاء الدين..
.
#نعيمة :- حووووكش بووووكش ماذا تريدين ياعلبة بنت عنززز…
.
#ميسا :- بدي اتوظف هلاء هلاء هلاء…
.
#نعيمة :- ولكي هذا يابنت المفلطحة 😂😂😉…العما وصلنا فوتي برجلك اليمين ياعروسة …والصلاة والسلام على حبيب الله محمد لولولييييش …
.
#ميسا :- هش هش ليقولو عنا مجانين …تعي هاي السكرتيرة …مرحبا انا ورفيقتي عنا اليوم موعد مقابلة للوظيفة …
.
#السكرتيرة :- الاسم …لو سمحتي …
.
#ميسا :- ميساء عبد الكريم ونعيمة صادق …
.
#السكرتيرة :- اي تفضلو بغرفة الاستقبال …
.

الجزء الثالث …
.

(( دخلنا لغرفة الاستقبال اللي كان فيها شي 6 صبايا وكل وحدة بتقول للقمر قوم خليني اقعد مكانك…جمال وحلاة واناقة وقصير وشعر مكوي 😢😢..
.
#ميسا :- حبي قومي نمشي وناخدها من قصيرها..
.
#نعيمة :- لا خلينا انجرب حظ…

#ميسا :- اي حظ لك شوفي شلون عم يزورونا بعيونهن شو جاب لجاب ..قومي حظنا بفلق الحجر قومي …
.
#نعيمة :- والله ما انتي قايمة خليكي …شو مايطلع معنا يطلع …مكتب طويل عريض قادر يوظفنا كلنا…
.
#ميسا :- لك على التياب اللي نحنا لابسينها اقل شي ممكن يخلونا نعمل قهوة بالمكتب..
.
#نعيمة :- احسن من بلاش انتي قهوة وانا بنضف حمامات هههههههه ..استني اسال الانسة يلي قبالنا…
مرحبا يا انسة بدي اسئلك انتو شو مخلصة …
.

#الانسة :- انا مخلصة بكالوريا…
.
#نعيمة :- اها وجاي تكملي تعليمك هوون..
.
#الانسة :- لا بابا بيعرفو لصاحب المكتب مشان اتوظف هون …
.
#نعيمة :- اها قومي حبي متل ماقلتي يالا ميووس …خلينا نروح نعمل هريسة ونبيع على باب المدارس …
.
(( من جينا نطلع انا وميسا قابلتنا موظفة هونيك وقالت اتفضلو المحامي بنتظاركن انتو سونيا ولميس
.
#ميسا :- ممم ل…

(( قرصتني نعيمة وقتها وسكتتني..
.
#نعيمة :- اي نحنا …مو مشان المقابلة..
.
#الموظفة :- اي مشان المقابلة …هو بس رح يقابلكن لحالكن اتفضلو انا رايحة اعتذر للباقيين …
.
.#ميسا :- لا ولك مو نحنا لاتوقعينا بمشكلة …
.
#نعيمة :- مشي وانتي ساكتة نفووت مابتجي الا بالقوة الشغلة شو بدو يصير يعني …
.
(تك تك تك
.
#ايهم :- اتفضلو
.
.(( من فتنا كان في شخص قاعد على كرسي ورا مكتب ..ومن رفع وجهو لعند انا اتشنجت بمكاني ..ايهم صاحب الكاريزما الجذابة….شخصية رجولية …وصوت رجولي خشن…صلب وصاحب بشرة قمحية …انا وقفت بمكاني من الخجلة وهمست لنعيمة..
.
#ميسا :- نعيمة شو جابنا لهون جايين انكدب على شخص متل هيك …
.
#نعيمة :- هششش

#ايهم :- شوو راح تبقو بمكانكن اتفضلو انسات …
.

.(( بعد ماقعدنا ورحب فينا ايهم ..كنا متوقعين يبلش يفتح بملفاتنا والخبرات يلي معنا …..
.
#ايهم :- انا بعرف انو والدي ضغط عليهم مشان وظفكن عندي ..بس انا مابيدي حيلة…انا منت بحاجة لشخصيات متعلمة وفهماني شغلها .. …
.
.#السكرتيرة :- استاذ ايهم والدتك الخانوم بالخارج..
.
#ايهم :- قليلا تتفضل..
.
(( والدة ايهم ست من النوعية اللي بتشبه مارلي مارلوو..لبس وهشك بشك ..واظافر وخراخيش وموديلات وفاشن فاتت معصبة لعند ايهم…
.
.
#ام ايهم :- من غير ماتقلي اتفضلي …على العموم بنات نظلي مابدي يتوظفووا هون مابدي لحسن اقلب المكتب كلو عليكن انا بكرهن وبكره امن…
.
#ايهم :- امي هاد المكان مو لحل مشاكلنا …بنتفاهم بالبيت …انا سابقك للسيارة …
.
.#نعيمة :- عمتو اتشرفت فيكي …
.

#ام ايهم :- عمى الدبب شو شايفتيني ….وينهن بنات نظلي انتو ليشكن هوون …
.
#ميسا :- مدام نحنا جايين للمقابلة مشان الوظيفة ..نحنا مانا بنات نظلي …ايهم عم يفكرنا هيك…
.
#نعيمة :- العما بقلبك انتي مابنحط تمك بلسانك خربتي علينا الوظيفة كنا على ابواب نمضي العقد…
.
#ام ايهم :- يعني انتو جايين تمضو عقد الوظيفة هون اووك اعتبروا هالشي صار لالكن…ثواني اتصل …اي امي ايهم تعا انا موافقة على بنات نظلي ..تعي امضي العقد لالهن……
.
.
(( مابعرف شو هي المتاهة يلي دخلتنا نعيمة فيها فتت وقتها بالحيط مضينا على عقد العمل من دون مقابلة لالي ولنعيمة …وكانت امو لايهم طاير عقلها ..وايهم كان مستغرب شلون وافقت امو علينا …ايهم ماشاف بحياتو بنات نظلي ….وهو بفكرنا انو هني نحنا…اخدنا الاوراق وطلعنا لبرا بسرعة لناخد انفاسنا ..ونحنا طالعين امو لايهم اعطتنا بوسة طيارة من بعيد …وكانو نحنا فشينا خلقها ….
.
.#ميسا :- نعيمه نعيمه اقرصيني ..انا بحلم ولا بعلم .
.
#نعيمة :- طاااااااااخ
.
#ميسا :- لك قلتلك تقرصيني مو تطرشيني كف…
.
.#نعيمة :- قومي نروح على بيتكن ..
.
#ميسا :- ليش…
.
#نعيما :- مشان تغسلي لالي رجليه وتدعكيهن وتدلكيهن …..وتبوسي ايدي ..
.
الجزء الرابع :-…

#ميسا :- انا ماني مسدقة انو اللي بين ادينا عقد عمل ليكو الراتب 1300 دولار بالشهر ..
.
#نعيمة :- يعني ياحبي بتجوزي وبطلقي وبدفعي مهر جديد..واخيرا انفتحلك باب الخير يانعووووم ….لك عازمتك على شاورما قووومي …
.
#ميسا :- شاورما يا نعيمة شاورما …ونتعتينا مشوار ساعتين مشي ..وانتي معك مصاري…
.
#نعيمة :- لك هادول كنت اخدهن رهان من اخي اذا اتوظفت رجعهن لالو تلات اضعاف ..واذا ماتوظفت رجعهن لالو متل ماهني ..قومي حاجي لعي ..قومي خليني اطفحك شاورما …اللي يمكن بالاعياد بتشوفيها …
.
(( طلعنا انا ونعيمة اندور بالسوق ونفوت محلات نلبس ونتصور ونرجع التياب …وورق العقد من الشاورما صارو مزيتين مانن مهم…ماكنت متوقعة انو بيوم وليلة وبدون سابق انذار احصل علي هيك وظيفة …الحمد لله ربنا كان مخبيلي كتير كتير…

#نعيمة :- وين سرحت غزالتك ..اكيد بالجنتل ايهم…
.
#ميسا :- العما بقلبك مخي بشو وانتي بشوو …
.
#نعيمة :- يستاهل انو الواحد يفكر فيه ..يختي رجل والرجال قليلو …لك مانو مجوز ومانو خاطب ياحليلك يا حليلك .
.
#ميسا :- يخرب عقلك شلون عرفتي وشلون الخقتي تنتبهي …
.
#نعيمة :- خبرة خبرة…
.
#ميسا :- خبرة شو هاي..
.
#نعيمة :- خبرة انحراف …هاتي اكل بقية ساندويشتك …واديني الحقنة بسرعة ارجوك محتاجة الجرعة …ايوون .

#ميسا :- ههههه قومي صارت ليل يادوب نلحق نصل
البيت عقدنا ببلش من يوم الاحد الجاي ..
.
.(( ارجعت على البيت وخبرت امي اللي قامت تزغرد وترقص بمكانها وقامت حطت العقد ..ببرواز الصور وعلقتو على الحيط…واخي اللي جاب ورقة يمضيني عليها ..بالسوابق واللواحق…وابي اللي صار يخطط شو بدو يجيب من اول راتب …قسمنا الراتب ونحنا لسة مابلشنا شغل …
.
#امي :- ميساء اوعي يا امي تخبري حد الحساد كتار ياغالية …لتقوم شي وحدة تعملك سحر هيك ولا هيك …تعبت وانا عم دور على الشيوخ ..شفتي يا امي هاد مشان فكيتي اخر قفل لالك اجاكي الخير …شكلك مبولة يا امي منيح على القفل…
.
#ميسا :- هههه امي كلو من الله سيبك من هالمشعوذات … امي بدي نام فيقيني يوم الاحد الجاي …
.
.(( مرقت الايام بسرعة لعند ما اجا يووم الاحد..وقت كنت نايمة وفاتت نعيمة لعندي…
.
#نعيمة :- خم نوووم بعدك نايمة بعدك نايمة قومي بسرعة قومي…
.
#ميسا :- مين فتحلك الباب مارح خلص منك لك الدنيا الصبح فايقة شكلك مع الحصادين…
.
#نعيمة :- قومي بقيان ساعتين …دوبك تلحقي تلبسي …
.
#ميسا :- نعيمة ساعتين ساعتين مو عشر دقايق اتركيني ناام..
.
#نعيمة :- لك ياهطلة ..قومي بدنا بس مشي ساعتين وهاد اول يووم..مامعي ادفع حق تكاسي مو سفقنا اتنين شاورما بالمصاري
.
#ميسا :- ياربي منك لك معي معي حق التاكسي…اخ منك ضيعتي نومتي …قايمة البس…
.
#نعيمة :- شو رايك باللي لابستوو..
.
#ميسا :- من ويلك هالكندرة العالية ام ابريص والله صرتي تلبسي…
.
#نعيمة :- ابن جيرانا اتزوج من جديد وهاي كنرة عروستو رحت شحدتها منها ..😂😂..
.
#ميسا :- انا حاسة رح تفوتي السجن من ورا هالافعال ..
.

.الجزء الخامس :-..
.
(( لبسنا وطلعنا على الشغل …كنا مانا مسدقين متى نوصل …ومن وصلنا استلمنا كل وحدة فينا مكتبها ماقابلنا ايهم ولا حد…بلش الشغل ينزل عليها متل المطر…ومن كتر ما كنا متشجعين سوا ..كنا ننجز ومندمجين على الاخر …
.
.
#السكرتيرة :- والد الاستاذ ايهم ناطركن فوق بمكتبو اتفضلو بالطابق الرابع..
.
#ميسا :- اجت الحزينة تفرح مالقت لالها مطرح شكلنا رح ننطرد
.
#نعيمة :- هاتي هاتي الشنت من هلاء مشان نطلع دغري برا …
.
(( اطلعنا لفوق ودخلنا للمكتب كان راجل كبير ..وكان استقبالو لالنا كلو حفاوة وشكر …
.
.#ابو ايهم :- اتفضلو اجلسو …انا مابعرف شو يلي صار لتحصلو انتو على الوظيفة بدل بنات نظلي …بس كرمال مرتي انا تقبلت الامر…ولقيت من نشاطكن من اول يوم انكن بتستحقوه ..
.
#ميسا :- شكرا لالك استاذ ابو ايهم …

#ابو ايهم :- استاذ مالك …على العموم انا هلاء فتحت السي في تبعكن ماشاء الله عندكن محصلات تعليم وخبرات بتاهلكن لتفتحو شركة ومكتب لحالكن …على العموم ان شاء الله استفيد بخبرتكن وقررت اصرف لالكن مبلغ تحفيز مقدم من شركتنا وياريت تبقو على طول هيك ….
.
#نعيمة :- استاذ مالك يسلمو والله مابتقصر شكرا كتير على المقابلة الحلوة. وان شاء الله نكون انا ورفيقتي ميساء قد المسئولية..
.

#ابو ايهم :- انا طلبت من السكرتيرة تنقل مكتبكن لمكتب مساعد للاستاذ ايهم .. وفيكو تتفضلو هلاء السكرتيرة رح تعطيكن الشيكات …بامان الله…
.
#ميساء :- شطرا استاذ مالك بامان الله…
.

((اطلعنا من المكتب وانا ونعيمة عم انزاور بعض ..ونحنا الارض مارح تسعنا من فرحتنا …
.#نعيمة :- اعطيني لحشتك بسرعة..
.
#ميسا :- ليش ولي ماعندي غيرها …
.
#نعيمة :- بدي ارقص بدي ارقص بعدين ماتقولي لحد عن المكافاة قومي نطلع السوق نتبضع لسنة تياب …بسرعة بسرعة ..
.

.
(( قضينا بقيت اليوم بالاسواق اشترينا تياب تكفيني السنة كلها…
.
#ميسا :- لك نعيمة هاد الجينز ديق كتير بدي عشرة ليفوتوه فيني هاتي نمرة اكبر…
.
#نعيمة :- لا مناسب مشان الاحم الاحم تبعنا يطير عقلوو..
.
#ميسا :- مين الاحم احم مافهمت…
.
#نعيمة :- لك بيوم وليلة اخدنا شغل وبيوم وليلة اخدنا مكافئة وبيوم وليلة نقلو مكتبنا جنب مكتب العريس …
.
#ميسا :- عريس شو يارفيقتي اللي صار حاسو ضرب على مخك حرق فيوزاتو يا اما ماجرة الطابق الاخير من راسك…
.
#نعيمة :- استهزئي بكرة بتقولي نعيمة قالت…
.
الجزء السادس…
.
((وكالعادة ونفس النظام كل يوم بفيق على صوت الضبعة نعيمة …من احلى نومة بتفيقني …بلشنا نروح على الشغل بتكاسي.. ..ماعندنا نمشي بالساعات متل كل يوم …نقلو مكتبا مقابيل مكتب ايهم…بس بالفترة هاديك ايهم ماكان موجود كان مسافر لعمل وواللي كان عم يتابع معنا ابوه لايهم الاستاذ مالك…صاحب الابتسامة والقلب الطيب ..مرق ثلاث اسابيع على شغلنا هونيك لعند…
.
#ايو ايهم :- استاذة صابرين (( السكرتيرة )) استاذة نعيمة واستاذة ميسا…رح خبركن انو اليوم حصلنا على الوسام الذهبي بافضل مكتب وشركة محاماة بالدولة وهاد كلو بفضل الله ومن ثم ابني ايهم وتكريما لالو بكرة بالمسا في حفلة بقاعة المؤتمرات بالطابق الارضي ..والكل معزوم …بنتي نعيمة انتي وميسا انتورح تتولو التجهيزات..القائمة على المكتب …ست صابرين جهز اسماء المدعويين ..انا تاركن رايح استقبل ابني …
.
#نعيمة :- الف مبروك استاذ مالك …خد راحتك …
.
#ابو ايهم :- شكرا بنتي نعيمة يالا انا رايح بلشو اذا بتحسنو من اليوم ..
.

#نعيمة :- ان شاء الله بامان الله …
.

(( طلع استاذ مالك من عنا ونحنا فتنا لجو لنشوف قائمة التجهيزات …
.
#ميسا :- اوووي شو هاد كل هاد رح نعملو ..

#نعيمة :- هاتي اشوف العما شوي ورح يخلينا نمسح بلاط الارض …قومي خلينا انبلش من هلاء…
.
#ميسا :- هلاء مستحيل ماعاد في وقت خليها لبكرة…
.
#نعيمة :- لا بكرة مابدنا نفوت الحفلة تعبانين يالا هلاء بقفلو خلينا نبلش..
.
#ميسا :- ماعنا تياب غير هادولي هون..
..
#نعيمة :- انا بشلح التنورة وبضل بالمزلطون تبعي …وانتي اساسا لابسه مزلطون .(( المزلطون بنطلون داخلي …..
.
#ميسا :- تعي نشوف مين بقيان هون …
.
(( نطرنا شي ساعتين لفضي المكتب من الموظفين ..وبلشنا انا انا ونعيمة شيل وحط وترتيب ورفع ….رفعنا البناطيل لفوق …اشلحنا اللي بريجلينا …ربطنا الشعر ..يعني متل النور …او الغجر شكلنا طلع …كانت نعيمة مصممة اليوم نخلص كل شي ..
.
#نعيمة :- سلم عليها ياهوى سلم عليها ياهوى ..واحكي لها قلبي انكوى ..اعطيها يا معلم .. ..
.
#ميسا :- كان الهوى يحكي معي وبطل يحكي معنا الهوى ..ههههههه… ياخوفي يانعيمة هلاء يجي حد ويشوفنا هيك .

#نعيمة :- مين بدو يجي تعي شيلي هالطاولة معي تعي هاي لالي ولالك قدام ايهم دغري ..
.
#ميسا :- العما مستحيل اقعد اقبالو …

#نعيمة :- تقعد عليكي حيطة …حطي لاحط المية بزورك …نسوان مابتجي الا بالكفخ ..شفتي شو جايبين جاتوهات …
..#ميسا :- لا ماشفت وين ….
.
#نعيمة :- مخبيهن انا مشان نبلش سفخ انا وانتي من انخلص..
.
#ميسا :- لك هادولي للحفل….
.
#نعيمة :- لك حفل شوو بكرة بجيب معي كيك من تبع امي …
.
#ميسا :- ياخرابي على الخجلة …بقيان شي نعملو …
.
#نعيمة :- اي تعي نروح على مكتب الاستاذ ايهم لناخد الاسم ونحطهن على الطاولات…

#ميسا :- يالا ماشي …

(( اطلعنا لفوق ونعيمة ماسكتت اغاني كرهتني بالمغنيين …انا انهلكت من كتر الشغل وهي مت بقرة الساقية ماتعبت ….ومن وصلنا لغرفة ايهم .. سبقتني نعيمة لتفتح الباب ..وفجاة قفلتو وعيونها بظووو ..
.
#ميسا :- شو في نعيمة …
..
#نعيمة :- اأ أ أ أ…
.
#ميسا ؛- شو لاترعبيني قولي …

#ايهم :- مين هون …
.
#ميسا :- ايهم ايهم اهربي اهربي…

#نعيمة :- لوين بدنا نروح العما ..فوتي تحت الطاولة .وانا بالخزانة …
.
#ايهم :- مين هون ليش مابدكن تردو…احم احم مين انتو ليش خايفين اكيد انو الشغالات بالمكتب بس الوقت متاخر …

#ميسا :- الله لايورطزلك يانعيمة صرنا شغالات بالاخر …يابختي يا امي …
.

.الجزء السابع …
.

#نعيمة :- خلينا نقلو اي ..
.
#ميسا :- شووو بقتلك بحفرلك قبر ..
.
#نعيمة :- اي يابيه دحنا الشغالات ..عايز حاجة يا بيه ..الباش مهندس مالك قلنا اشتغلوها بالليل …
.
.#ايهم :- اها يعطيكن العافية …كملو براحتكن بس وجهكن مألوف نوعا ما…

#نعيمة :- هيهيهي ماتواخزنااش يابيه دانت مش عارف احنا زي فرقع لووز وين بتحط بوشك يابيه بتلاقينا ..عن ازنك .. امشي يابت يا هاجر نخلص شغلنا عايز حاجة يابيه…
.
#ايهم :- لا يسلمو يعطيكن العافية …انتو اتعشيتو …
.
#نعيمة :- لا يا بيه دحنا على مصارين بطننا من ايام…
.

#ميسا :- يقصف عمرك هلاء سافخة علبة جاتو …
.
#ايهم :- مافهمت ..
.
#نعيمة :- لا يابيه بس هاجر عايزة شاورما ومكسوفة تتكلم …
.
#ايهم :- دخيل المصري ماشي رايح جبلكن ….
.

.(( طلع ايهم من هون وبلشت ضرب في نعيمة …
.
#ميسا :- لك شو ساوي فيكي بهدلتينا …لك شو رح نعمل بكرة من بشوفنا بالحفلة ولا من يرجع ويلاقي مكتبو قبال مكتبنا …
.
#نعيمة :- تعرفي انتي خسارة فيكي المنيح الحق عليه بدو يطعميكي شاورما على حسابي ..اكتبيها على الدفتر هاي ماشي ..بس ماقلتي شلون المصري معي..
.
#ميسا:- هههههههه لك يخرب عقلك بتتفرجي على مسلسلات مصرية من وراي ..

#نعيمة :- اووومال يا بت دانا نووسة ليكو اجا تعي نغير تيابنا بسرعة…
.
#ايهم :- احم احم ليكو العشا على الطاولة …انا راجع على البيت محتاجين شي …

#نعيمة :- شكرا يابش مهندس بامان الله ياماما…
.

#ميسا :- شو راح نبقى شكلنا الليلة هون دقي على التاكسي خليه يروحنا …صارت 1 الساعة رح نوصل على 2 بالليل …
.
.#نعيمة :- ماشي ام بريص ..صحيح شو رح نلبس بكرة على الحفلة ….
.
#ميسا :- انا رح البس الفستان الكحلي…شو رايك …
.
#نعيمة :- اي واحد ليكون ابو الاكمام الصوف .
.
#ميسا :- اي هووو..
.
#نعيمة :- تلبسي كفنك ان شاء الله قولي امين ….شو رح تلبسي عيدي الموال لااه قولي من تاني …
.
#ميسا :- شو صرلك انجنيتي …
.
#نعيما :- هيك فستان من ايام حرب التنك … بتلبسيه ونحنا عم ندور بسوق الخضر …..
.
.#ميسا :- ماعندي غيروا شو رح نلبس لكان…
.
#نعيما :- قديش بقيان معك مصاري …

#ميسا:- شي 70 دولار ..لشو هادول للمواصلات لباقي الشهر
.
#نعيما :- سكري باجوئك شوي …بتقضيه سيران على ركبك ….قولي معك 70 وانا معي 90 وداينت اخي ابراهيم عشين وامي شفت بدرجا 50 …وباخد من مرة اخي اللئيمة عشين… خمشطاعش عشين طشعتش يعني تقريبا 240 منيحين …
.
.#ميسا :- والله مافهمت عليكي شي…
.
#ونعيمة :- بحياتك مارح تفهمي في محل تياب مغربي فتح بشارع الشهداء ..عندو فساتين اجار بتشل شلالان …بنروح عليه من صراير الصبح وبنقيس وبنشوف شو رح نعمل …
.

#ميسا :- طيب لنشوف لوين رح توصلينا قومي خلينا نروح…..

.#نعيمة :- في عشا عندكن ….
.
#ميسا :- يحرق حريشك واللي بايدك شو هاد ارحمي حالك …على طول رح انام …
.
#نعيمة :- طيب بتنامي ع الارض الليلة وانا على السرير ..حاكم انا ماني متعوظة على نومة الارض ..
.
#ميسا :- يرحم سيدو مين اللي كانت تنام على بسطة الدرج من الحر ..
.
.
#نعيمة :- وحدة اسمها نعيمة صادق مشي ….
.
.
.
.الجزء الثامن…
.
(( ارجعنا على البيت ونمنا بدون مانحس على حالنا من التعب …مابعرف شو اللي فيقنا الصبح بس فقت لقيت نعيمة نايمة وفاتحة تمها …وراخية حالها على الاخر…

بلشت اهمس بدانها
.
#ميسا :- نعيييييمة نعييييييييمة …فيقي نعيييييمة …جهز الفطور..
.
#نعيمة :- فطور فطور …وينو وينو…
.
#ميسا :- هههههههه ام كرش قومي بدنا نروح على المحل اللي قلتي عنو شو انبسطي بالنومة شايفك..
.
#نعيمة :- ياربي شو هدووء بدي انقل اسكن معك انا هونيك بفيق على صووت..قووومي حمودي شخ على راسك 😂😂😂…بقووم اجري لعندك…
.
(( البسنا وطلعنا …ووصلنا للمحل اللي رح نجيب منو التياب ..فستاين بتشل وشي خيالي ..مستورة وكاملة ..متل يلي بيجي بالافلام الخليجية…
.
#نعيمة :- ياويل قلبي شو طالع عليكي بجنن …والله لتسحري المسحورين….
.
#ميسا :- 😕 لا لا مابدي اياه مانك شايفة قديشو ملفت للنظر ….
.
#نعيمة :- بنعرفي شو جايبلك معي …
.
#ميسا :- شوو هاد موس حلاقة من وين جايبتيه ..
.
#نعيمة :- شفتو بحمامكم قلت اخدو من قصيرها لاني عرفاني شو رح تعملي فيني …خديه ..تعي انجيب كنارد..مشي قدامي…..
.

.#نعيمة :- هاي البيضة ام كعب مناسبة لالك…
.
#ميسا :- بالله شووو…مارح اخدها ..
.
#نعيمة :- تاخديها ولا اطلع الموس اشفرك فيها …خلصي انا رح اخد السودة …بدنا نلحق نرجع البيت نرتب حالنا …
.
#ميسا :- اويلي رح على بالنا هالشي شلون بدنا نرتب وجهنا …
.
#نعيمة :- يازعرا نسياني انو اخدين دورات كوافير سبع صنايع وبخت ضايع تعي انجرب على حالنا …
.
(( مضينا طول الوقت ونحنا نحط ميك اب ونمسح ..نحط ونمسح لعند مابقي الا قليل وتبلش الحفلة …
.
#نعيمة :- انا جهزت خلصي خلصي اتركيهن لشعراتك خلصي ..
.
#ميسا :- مابحبر مترووك بدي اربطو كتير طويل …
.
#نعيمة :- يربطوكي بأسطبل خنازير …مشي لاابتلى فيكي اليوم …
.
(( اطلعنا وانا قلبي عم يدق …نعيمة رفضت اني شوف حالي بمراي ..وانا طول الوقت وانا بالسيارة وانا عم حاول شوف حالي بمراية السواق ..بس نعيمة كانت تدفشني وماتقبل ..وصلنا وكنا متاخرين شوي …بس بعدو ايهم بدو يحكي كلمتو من فتنا ….
.
#ايهم :- انا بتشكر كل المدعوين ……………….
.
#ميسا :- ليشو سكت وعم يزاور فينا …
.
#نعيمة :- ما بعرف انتو شو عاملة بحالك …
.
#ميسا :- شو عاملة بحالي ..شو انتي عملتي فينا ليكها العالم عم تطلع فينا .قومي خلينا نروح…
.
#نعيمة :- وقفي استاذ مالك اجا….
.
#ابو ايهم :- بسم الله ماشاء الله ..نجمات الحفل …عقل نضيف وشغل نضيف وجمال ..شو عالاناقة شو هالحلا …شو هيك كتير عليه انتي ميساء…
.
#نعيمة :- اي هي ميساء شلون بس..
.
#ابو ايهم :- ماشاء الله ملاك ملاك .. مابعرف شلون اتشكركن مكان والاحتفال وترتيبو وتنظيمو بجنن ..والقائمات على الشغل بجننو ..ليكو ايهم اجا …
.
#ايهم :- شو عنا ضيفات شرف جددد ممكن نتعرف …

#ميساء :- انا المساعدة ميساء عبد الكريم مساعدتك بالمكتب ..
.
#نعيمة :- وانا نعيمة صادق شو هالاناقة استاذ ايهم شو هالحلا…
.
#ايهم :- هاد من بعض ماعندكن ……اتفضلو …بس هالوجهه مالوف مابعرف وين عم شووفهن من الضغط مافيني اتذكر …
.
#نعيمة :- ههه ممكن انا اتركن شوي فايتة تواليت…
.
#ميسا:- وين رايحة ..
.
(#نعيمة بهمس ..
.
#نعيمة :- تاركة لالك المكان حاولي تاخدي منو بوسة ……
.
#ميسا :- شوووو…
.
#نعيمة :- شوية باي…
.
#ايهم :- ليشك خجلاني هيك ميسا .. يعني هيك جمال حقو يخجل …
.
#
.الجزء التاسع ..
.
#ميسا :- لالي هالحكي ..
.
#ايهم :- هههه لكان في حد معنا هون على الطاولة …
.
#ابو ايهم ؛- شو ياشباب ..
.
#ايهم :- ليكو بيك هههههه
.
#ابو ايهم :- يا ابني يا ايهم ست ميسا هي ونعيمو …كانو هني المسئولين عن ترتيب القاعة كلها…وانا انصدمت من عرفت انهن خلصو هالشي بالليل …
.
#ايهم :- بالليل …😲
.
#ميسا:- 😲😲
.
#نعيمة ؛- شوفي ليشكن فاتحين تمكن …ولي ميسا هو وجهك هيك ولا اكله ضربة كريك …
.
#ميسا :- انكشف امرنا…
.
#ايهم:- البت المصرية نوسة وهاجر ..اطلعتو انتو بالليل …
.
#نعيمة :- ههيهيهي يانهار اسود …اتكشف امرنا يابت …
.
#ميسا :- يقصف عمرك ياميسا …
.
#ايهم :- شو عم تتوشوشو…..شوو ليش هيك انقلب وجهكن..
.
#ابو ايهم :- شو حدا يفهمنا السردة …
.
#ميسا :- هي نعيمة هي نعيمة …هي ام المصايب انا قلت شي قلتلك شي …
.
#ايهم :- هيك لكان مو انتو نفسكن اللي قابلتكن بدل بنات نظلي ..وعم تكدبو كمان بسيطة …
.
#نعيمة :- 😢😢 قولي ياخسارة 90 يورو اللي دفعتهن على الفستان ..قومي انجر اذيال الهزيمة …

.#ابوايهم :- استمتعو يا صبايا …
.
#ميسا :- وين استمتع ما استمتع ..شوفي وينو واقف مع السكرتيرة بطيخ صابرين ….
.
#نعيمة :- محملة عليه هالمغرور ..بسيطة قال …شو يعني بدو يقطع لالنا راسنا …صبرك عليه الا مايقع هاالطويلة ….
.
.(( قضينا الحفلة وهي نعيمة عم تتحلف لايهم من الحرجة اللي صارت …وانا خجلاني من الموقف اللي صار وماكنا عارفين شو مخبي لالنا هاد الايهم ….اطلعنا على الشغل تاني يوم ولقينا ايهم سابقنا …وعم ينطرنا بالمكتب تبعنا…
.
#ايهم :- صباحو يانشيطات متاخرات دقيقتين عن العمل مخصوم 10 دولار …
.
#نعيمة :- شووووووو يخصموك مع المخصمة يابعيد..
.
#ايهم :- ماسمعت شوو..
.
#نعيمة :- ولا شي فدانا 😂😂 صح ولا لاء ست ميساء…
.
#ايهم :- ست ميسا مخصوم 20 منها..
.
#ميسا :- ليش يا ابن الحلال شو عملت لالك انا …
.
#ايهم :- هيك مزاج…
.
#نعيمة :- يعنب ماني عرفاني عنك …صرنا لفايات طول الليل مشان نعملك حفلة تبهر هيك بتكافئنا …
.
#ايهم :- مزاج مزاج حد عند كيفي يعني …
.
#ميسا :- قلتنا ومزاج وعلى كيفك سيد ايهم …انت ولا نحنا واصلا خربانة خربانة اخصم بدل 20 .مية ..يالا عن اذنك عندنا شغل من الاستاذ مالك ويادوب نخلص …
.
#ايهم :- اي بس ماخلصت كلامي هاي الملفات كلها بدها تحفيص وترجيع …وتخلص قبل الساعة 12..
.

#نعيمة :- شو بالا شوووو سيد ايهم …شو قصتك معنا قالو عنا انا ماكنات لنشتغل كل هالشغل …
.
#ايهم :- مانو ذنبي باي …

(( ايهم رح من مكتبنا وكل عيونو حقد ليش كدبنا عليه وانا ونعيمة صرنا نخطط شلون بس نطلع من خرجوا….
.
#ميسا :- قلتلك مالي حظ ..بختي ضايع…

#نعيمة :- مارح يموتني الا 10 دولار لك قلبي رح يوقف عليها…حاسة انو ابني وبدهن ياخدوه مني…
.
#ميسا :- هاد اللي واجعك..
.
#نعيمة :-واجعني بطني جوعاني …
.

#مجهول :- مرحبا وين مكتب الاستاذ ايهم…
.
#نعيمة :- بالدرك الاسفل من النار …

(( رفعت راسا نعيمة واتشجنت وهي عم تتبحلق بالراجل…
.
#مجهول :- يا انسا مكتب الاستاذ ايهم وينو…
.
#نعيمة :- بقلبي تعا فووت بتلاقيه ..
.
.#ميسا :- ولي
.
#نعيمة :- اخ ليش قرصتيني يادبة ..
.
#ميسا :- مين بتحب اخي نقلو ..
.
#مجهول :- الاستاذ عماد ..رفيقو للاستاذ ايهم…
.
#ميسا :- اتفضل على ايدك اليمين ….
.
#عماد :- يسلمو شكرا لالك رشي على رفيقتك مي باردة باي …
.
.
.#نعيمة :- خديني على مكتبي يابي …شو هادا ياغادة اشي مخطط واشي سادة …شو هيدا ياعيدا …يمه الحب يمه …
.
#ميسا :- شو صرلك يابنت …
.
#نعيمة :- الحب من اول نظرة…..هاتي الورقة والقلم…..(( حفزاك )) ..الحاء…حب …ف …فراق….ز ..زواج …ا.الم…ك ..كره…
.
نقول اسمي نعيمة واسمو عماد . بنحذف العين والميم …بيبقى ن.ي.ة….ا.د ..خمس حروف ..العما بينا كره ..لا لا هاي التعويذة كذب ..مابسدق مابسدق …
.
.#ميسا :- يالطيف شو صرلك …خدي اشربي مي …شو هاد الهبل ..
.
#نعيمة :- شو فهم الحمير باكل الكيك….لازم روح اخد التفاصيل منو …لازم اعرف كل شي عن حياة عمودتي ….
.

.#ميسا :- عمودتك وين رايحة ….
.
.#نعيمة :- خلصت شغلي رايحة اسلمو للاستاذ ايهم ….
.
.
(( طلعت نعيمة مشان تتودود لايهم باعتني على اول مفترق عريس …😢😢 انا اللي كان قلبي ممغوص من ايهم رفيقة عمري باعتني مشان عماد…..
.

.الجزء العاشر…
.
#نعيمة :- شو قالبة خلقتك هيك…
.
#ميسا :- لا تحاكيني انا ماعدت رفيقتك عم تبعيني مشان واحد…
.
#نعيمة :- اسكتي بلاش اطسك بالخرامة…وين بعتك يامغفلة ببيع الدنيا ولا ببيعك بس شوفي شو معي…
.
#ميسا :- شو هاد
.
#نعيمة :- رقم عمودتي…وكرت دعوة للعشاء …
.
#ميسا:- بس لحالك …😢😢
.
#نعيمة :- بتفكريني متلك بجيب لحالي وكمان لالك 😂😂…وايهم معزوم..
.
#ميسا :- لا ماعاد بدي روح
.
#نعيمة :- اي اصطفلي بتروح عليكي …
.
(( بقيت طول اليوم وانا مابحاكي نعيمة وهي كل شوي عم تجاكرني هي من طرف وايهم من طرف اللي كل شوي صار يجيب لالي ملفات اخلصها …ونعيمة اللي طلع عماد موصي ماحد يتعبها وكانت على طول عم تكركر على الموبايل معو…بس انا خلص نفذت طاقتي ..قمت لمكتب الاستاذ ايهم وانا متل التنين عم بخ نار من كل مكان…
.
#ميسا :- اتفضل استاذ ايهم وانا بدي اجازة لاسبوع …
.
#ايهم :- اجازة مرفوضة..
.
#ميسا :- لا مو ع كيفك ..بعدين انا بشو اخطئت لتعاملني هيك …
.
#ايهم :- لانك عنيدة ومغرورة وشايفة حالك…وكدبتي كمان..
.
#ميسا :- مو انا…
.
#ايهم :- لاتقولي هيك بعدين نعيمة اعتذرت ليش ماتعتذري متلا..
..
#ميسا :- نعيمة اعتذرت…بسيطة يانعيمة انا بعرف شلون اطلع من خرجك بسيطة بسيطة ..هاي نعيمة مو انا سيد ايهم…
.
#ايهم :- ههههههه يالله..
.
#ميسا :- لشو عم تضحك
.
#ايهم :- اول مرة بشوف بنت عصبيتها حلوة …
.
#ميسا :- لا ياشيخ…امضي لالي عل هاي الورقة لو سمحت…
.
#ايهم :- وهاي شقيتا …لنشوف ياحلوة …
.
(( اطلعت من الغرفة وانا معصبة ومابعرف كم ملابسي…
.
#ميسا :- اتركني لو سمحت …
.
#ايهم :- هههههههههه
.
#ميسا :- مانو وقت مزحك اتركني ..

#ايهم :- اطلعي وراكي ماني كامشك..
.
(( وكانت وقتها الكنزة تبعتي معلقة بأكرة الباب ..كانت خجلة ماتتوقعتها ..بقينا على المهاوشات اسابيع وحياتنا مجاكرة بمجاكرة …انا وايهم … مرة يجاكرنا يوصل ورد وهدايا لنعيمة ..ويزيد راتبها …وانا على الغلطة ينطرني ..وانا ماكنت بدي اترك الوظيفة لو بدو يخصم كل راتبي …ماسدقت لقيها …
.
.#نعيمة :- شو يارفيقتي …رح تبقي هيك …مارح تزبط معك شوفي عمودتي مابنام الا من يحاكيني ..الثقلان الزايد مارح يحرك فيه ساكن …هو واقع على شوشتو …الهدايا هاي لالك بس هو عم يجاكرك …
.

#ميسا :- كلام فاضي هالشي ..هو بكرهني …
.
#نعيمة :- سك سك سك …(( حركة تم)). هاي حب بتحبي اثبتلك هالشي …
.
#ميسا :- شلون …

#نعيمة :- رح ادق على اخي ابراهيم هلاء يجي يقعد هون معك رح فوت لايهم واخبروا انو في شاب عم تحاكيه بدو يتقدملك…
.
#ميسا :- على الفاضي مارح يحرك ساكن قلتلك…
.
#نعيمة :- هلاء بشوفي…
.
(( دقت على اخوها اللي بعد ساعة وصل لعنا …وقعد معي …وبعدها فاتت نعيمة لتخبر ايهم انو مشغولة شوي لان في شاب عم يحكيني مشان طلبة وهيكا…
.ومافي دقايق الا اجا ايهم وعيونو كلها شرار وغيره…
.

#ايهم :- انسا ميسا لو سمحتي هالمكان للعمل…في اماكن كتير للسخافة تبعتك …وانت يا اخ فيك تتفضل من المكتب ..وانتي انسه ميسا الحقيني على المكتب …
.
(( طلع ايهم وهو غضبان وانا ونعيمة كامشين حالنا بالقوة مشان ما نضحك ومن رح ..اطلقت ضحكتنا متل صاروخ اف 16 ….
.
#نعيمة ؛- شو قلتلك ههههه الحبيب مات من غيرتوا …

#ميسا :- لك طلع صح يا ام شمقرين راجعتلك رايحة اشوف التنين الهايج ….
.
.
(( داخل المكتب …
.
#ايهم :- انسا ميسا هاد اخر انذار لالك لو سمحتي مابدي هالشي يتكرر من بمكان العمل …
.
#ميسا :- خلص ولا يهمك انا اخدت معو موعد بعد الشغل نقعد بكفتريا…
.
#ايهم :- لا مابصير عنا شغل وكتير مضغوطين…
.
#ميسا :- بس انا خلصت شغلي ولازم اطلع اشوف اموري…
.
#ايهم :- ماخبرتك نعيمة اليوم عنا جلسة غذاء بعد الظهر …
.
#ميسا ؛- بس انا بعتذر مافيني احضر ..حياتي الخاصة بدها وقت وحياتي العملية لالها وقت وانا صبية على وجه زواج…
.
#ايهم :- مش بكيفك..
.
#ميسا :- لا تعلي صوتك ولا بكيفك هاي حياتي لوين وصلت لتتحكم بحياتي…
.
#ايهم :- انتي ماعندك نظر مالاقي الا هاد اللي بشبه نعيمه على الاخر ..ماعاد يملى عيونك غيروا …
.
#ميسا :- ههههههه حلوة هاي بشبه نعيمة …
.
#ايهم :- ماعم ضحكك لو سمحتي ….
.
.((سبقت حالي واطلعت بسرعة وانا احكي لنعيمة اللي صار…
.
#نعيمة :- هلاء ماعادت تعجب نعيمة بسيطة انا راح خبرو انو انتي راح تنخطبي بالليل …على 9 لا حفلة غذاء ولا عشا ….
.
.#ميسا :- ليكي بلا هبل …
.

(( راحت نعيمة لغرفة ايهم لتخبروا بالتالي …

#نعيمة :- استاذ ايهم انا بعزك وبحترمك ومابهون عليه شوفك هيك…انا بعرف انك بتحبا لميسا …وانك غرت انو في حد متقدملا..
.
#ايهم :- مابهمني وين راحت علبه سجايري …
.
#نعيمة :- لو مابهمك ماكانت الفاضة تبعت السجاير هيك ….البنت اليوم بالمسا رح تنخطب ….
.
#ايهم :- شو ..مين هاد رح احرقو بارضو ميسا لالي انا …
.
#نعيمة :- شفت انك بتحبا ليش ماتصارحها …
.
#ايهم :- مافيني عقلها صعب ….
.
#نعيمة :- هي كمان بتحبك انا رفيقتها وبعرف ..روح انت اتقدم لالها قبلو لهاد ….روح على 8 وانا رح ساعدك والاقي طريقةاطفشو لهاد المخلوق …
.

(( طلعت نعيمة بسرعة من عند ايهم واجت خبرتني بكل خطتها ….ماعرفتها انها شيطانة هالقد ماكنت بعرف انو ايهم الشاب الغني رح يحبني متل ما انا بحبو …او ممكن من بين كل هالصبايا يحبني لالي ..طلعت حركات المجاكرة حب وغيرة …بعد بوقت دق ايهم لنعيمة وطلب منا نروح على البيت على اساس عم يخطط معها بدون علمي …وخبرها انو ابوه لايهم وامو موافقين وطاير عقلهم وانهم جاهزين لهيك شي …ارجعت على البيت وخبرت امي اللي صارت تبخر وتنفخ بالبيت وتكبر خوف من الحسد…وانا حبيبتي واختي ورفيقتي نعيمة ماتركتني طلعتني غير شكل …ومن صار الوقت خبرتني اني اروح انا افتح الباب على اساس متفاجئة …وطلبت من اهلي يكونو متفاجئين ….
.
..#ميسا :- 😲 استاذ مالك ..ايهم خالتو ….
.
.#ام ايهم :- شو رح نبقا على الباب وبعدين قلت انا ماني خالتو انا مرت عمك …
.
#ابو ايهم :- وانا ماني الاستاذ مالك انا عمك…شو يا اهل البيت رح نبقا هون …
.
#امي :- لا والله بسم الله ماشاء الله خمسة بعين اللي مايصلي على النبي ..شو هالناس الرايقة شو هالجمال ام ايهم اتفضلو بيتكن ومطرحكن …
.
(( فات ابو لايهم وامو وانا بقيت حاشرة ايهم عند الباب ….

#ميسا :- جاي تتخانق معي كمان ببيتنا …
.
#ايهم :- لا جاي اخدك لنتخانق براحتنا ببيتنا ……
.

(( دخلنا كلنا الغرفة وتم طلبتي وكانو اهلي موافقين …ومن اجا السؤال عندي …
.
#ابو ايهم :- شو بنتي الحلوة شو رايك ….
.
.#نعيمة :- طبعا استاذ مالك موافقة …
.
.
(( كنتو تفكروا انو ميسا رح تختم قصتا لا مانا فاضية عم يتجاكروا قاعدين بمحل الموبيليا والعفش تبع بيتهن انا قاعدة هون بالشارع .. شوي ويطلع لااي قروون …ياخوفي ليلة العرس انا افوت اقلها شو تعمل ..ولا التاني ايهم عملي افتاااق بركبي …ولا انتو كمان ماصابرين لتخلص ست جمايكا القصة .. ما التاني جوزها عمل لالها سلس بولي من كتر عصبيتو …خلص انا خلصت مهنتي وفقت راسين بلباس …ولا اقلن ماخلصت انا فتحت صفحة على الفيس اسمها نعيمة الخطابة …اللي بتحب جبلا راسو لشمشوم الجبار جاهزة …واللي بحب يجيب التانية كمان عليه يالا باي رايحة اشوف الاتنين اللي جوا موتوني من الجوع ….

.
.#انتهت