ابنة الفوال للكاتبة جمايكا الفصل الأول
هذه القصة مقدمة لكم من قسم المنوعات في زاكي
#ابنة_الفوال ..
#للكاتبة_جمايكا_أحمد
الجزء الاول ..الثاني..
هالبيت الصغير يلي شبابيكو من نايلون وخشب..هالثقب يلي بسقف البيت عم ينقط مية مطر ..هالام يلي قاعدة مقابيل غاز صغير لتطبخ قوت هاليوم..و جنى وسمى خواتي يلي قاعدين حوالين امي ليدفو بنار الغاز.. وانا لمى اصغرهن عمر… هون قاعدة مقابيلن عم اسمع حكاوي امي يلي بطلاتهن بنات حمدي الفوال.. البنات الثلاثة .. او يلي اسمن ..شقف من القمر ..هيك العالم بقولوا عنا ..يمكن بعدني صغيرة لاحكي قصة بطلتها .لمى اخر العنقود ويلي اخدي حريتها بكل شي عمري 17 سنة ..بنت طفولية بسيطة على قدي ..اتربيت على الخجل والحيا..هالفقر يلي وعيت عليه مانقص من حنان امي واهتمام ابي شي فينا… كبرنا وكبرت معنا الايام..وهالايام هدت من حيل ابي وقوتوا ..عرباية الفول صارت بدها حدا يدفشاا لتوصل لمكان رزقوا .انحنى ظهروا وشاب الشعر فيه ..ونحنا ماعنا اخ يحسن يسندو..جنى عمرا 22 وسما عمرا 20.. وهون دق ناقوس العمر على بيتنا بس مو للزواج..لاء ..اندق لنحمل حمل رجال ..و نطلع على السوق مع ابي ..ونشيل عنو هالحمل…
جنى :- ياربي خلصوو صارت الساعة 5 ونص ..هلاء بتطلع الشمس بدنا نلحق نجهز مكانا..
امي :- بنتي تعي ساعدينا نحط الطناجر على العرباي…سمى لك وينك…
سمى :- عم جهز مع ابي السلطة امي ..نادي على لمى..
لمى :- لك عم طلع الكر( الحمار) من الحوش انطروا شوي ..
امي :- يالا امي استعجلي اربطيه وتعي…
لمى :- حاااااا حاااااااااا ..هشششش عندك ابو صااابر..بري عليك يا رفيق العمر…
جنى :- ههههه هلاء ابو صابر رفيق عمرك صااار..
امي :- اي امو ولدتو من كان عمر اختك 5 سنين …
جنى :- اي حلو الناس بترافق بشر واختي مرافقة حمار..
لمى :- شبو الحمار ست جنى ..على الاقل كل يوم بوصلك ومابقول لاء..مشي ابو صابر مشي…شبدك بحكيهن انت الاصل والله ..
امي :- بنات بوصيكن ..انتبهو على حالكن لاتخلو حد هيك او هيك يتحرش فيكن..
جنى :- لاتخافي امي رفيقة ابو صابر معنا مابتسمح لحد حتى يرمش عينو علينا…
سمى :- امي لاتنسي دوا ابي ..اليوم وانا راجعة بمر بجيب لالو باقي الدوا..
امي :- الله يرضى عليكن يابنات ..الله يجعلها اية رزق حبيباتي…
(( كانت هاي حياتنا اليومية كل صبااح..بنصف هالعرباية وبنبلش بنص السوق نبيع اطباق فوول …
جنى :- اخي والله مابيستاهل هالطبق صرت اكل ثلاث اطباق اعطيني حقي…
..واذا ما اعطيتك شو تعملي..
لمى :- بدها تلم عليك خلق الله ..ادفع حسابك وقشط من هون يا …
..يا شوو..
لمى :- يااجحش..
…شو قلتي..
لمى :- مثل ما اسمعت واذا ماقمت ..حسابك طيين..
..معقول هالقوة كلا تطلع من بنات حلوة مثلكن ..شو رايكن اتزوجكن انتو الثلاثة ..وبلاها عرباية الفول ..
لمى :- سماااا..
سما:- هاااا قول ابو عنتر …
لمى : هاتي الساااطور …
سما :- اي تكرم ابو الشباب..
…اها الموضوع مافيو مزح لكان..
لمى :- انت شو شايف ..
..اتفضلي ..وخلي الباقي مشانك يا ام عيون موج البحر ..تقبشي قلبي على هالبياض الملائكي …
سما :- يالا ورجينا عرض كتاافك..
اي ماشي سلام ياحلوااات ..
لمى :- عرض كتافو … هاد قولي عنو عرض كرشو عرض قفاااه ..
😂😂..
جنى :- يالا حبيباتي جمعو خلينا نرجع على البيت تقريبا خلصنا ..
سمى :- طيب انتو مروا اشتروا فول حب..وانا بروح جيب لابي الدوا..
جنى :- اي تمام ..لمى خدي العرباية ..وانا بروح بشتري فول ..بنشوفكن بالبيت..
((كان لازم نظهر شوية قوة بين هالعالم يلي مابترحم..وهالشي ما اجا بسهولة من رحم الفقر اولدنا مسترجلين… يمكن هالشي كان قرارانا انا وخواتي لنخفف على ابي عبئ هالشغل ونحسن نخليه يسند ويثق فينا ..وكانت هالايام عم تمر فينا…
امي :- حمدي ..
ابي :- اي جميلة قولي …
امي :- زعلان على هالبنات ماحد طلبهن للزواج مع انهن بناتي احلى من الحلا قلي ليش والله بدي افرح فيهن..
ابي :- لاتاكلي همهن ..بكرة بجي نصيبهن..الناس عم تشوف فقرنا عيب على بناتنا ..شو بدنا نعمل الله الكريم..
امي :- واذا اجا نصيبهن..
ابي :- الله يوفقهن..
امي :- ونبقا وحيدين .
ابي :- الله مابنسا حد ام جنى شو قصتك..
امي :- لا اله الا الله ..
ابي :- محمد رسول الله..
امي :- رح قوم غطي البنات بكونوا هلاء مساكين راحوا بالنوم ..
..
جنى :- امي انا مو نايمة ..
امي :- فيكي شي يامو..
جنى :- بدي احكي معك بموضوع..
امي :- قليلي بنتي ..
جني :- بس هالحكي مابدي ابي يعرف فيه..
امي :- طيب قولي .
جنى :- ابو عادل يلي بنشتري من عندو الفول باع محلو..لواحد ثاني ..وماقبل يعطيني الرجال الجديد بنفس السعر يلي بناخدو من عند ابو عادل..
امي :- اي وشو صار ماجبتي فول..وشو هاد يلي بالكيس ..
جنى :- بصراحة امي ..كان بدو يعطيني بس ابن حرام بدو شي مقابل 
😢..وانا والله ماخليتو ولا وافقت ..اتصديت لالو ..
((رفعت ايديها امي على وجها ..وبلشت تلطم من شافت جسمي عليه غرس اضافر..))
امي :- الله يكسر ايديه الله يحرمو نور عيونوا..
جنى :- امي خفضي صوتك بترجاكي مابدي ابي يعرف ..بس والله جبت فول ..بس مانو منيح …فيو سوس..
امي :- لا حول ولا قوة الا بالله ..الله يفرجها نامي انتي هلاء وبكرة بنشوف شو نعمل ..
سما :- امي ..
امي :- سما انتي فايقة كمان
سما :- اي انا اسمعت كل شي .بدي قلك على شغلة..
امي :- شو كمان الله يستر ..
سما :- الصيدلية يلي رحت اشتري لابي فيها ..صاحبتها بدها حد يساعدها بتنظيف البيت..
امي :- وانتي شو قلتيلا
سما :- ماقلت شي والله بس هي من شافتني عم ادفعلا بالفراطة سألتني ..شلون وضعنا قلتلا الحمد لله على باب الله ..وخبرتني انها بدها اشتغل عندها بالبيت شو قلتي..انا بطلع مع خواتي الصبح وقبل لينتهي الشغل بساعة بروح بنضفلا بيتا..وبرجع على موعد خواتي مشان ابي ما يحس..وقالت رح تعطيني بهاي الساعة ..بحق شغل اليوم كلو…وافقي امي ..الله يخليكي صحة ابي بالدنيا كلا..ولازم نشتري لالو الدوا اليوم بنقدر نجيب بكرة مابنحسن..
😔😔..
امي :- طيب بدي روح معك اول يوم واطمن على طبيعة الشغل وشوفوا ..واحكي مع صاحبة البيت وافهم حياتا بدي اطمن على وضع بنتي …
سما :- مثل مابدك امي ..
(( كنت عم اسمع حديثهن وانا زعلاني على وضعنا ..نحنا مو بعمر نتحمل كل هالعناء.بلشت اختي تشتغل معنا الصبح وقبل ما ننتهي بساعة تروح على شغل التنضيف ..وهاد الشي ساعدنا كثير بحياتنا …
امي :- هاد خرجية اليوم ..
حمدي :- غريبة كأنو الشغل صار يربح اكثر ماشاء الله ..
امي :- بكرة بدي روح مع البنات شوف طبيعة شغلن..
حمدي :- شو ها لاء لاء خليك هني قد هالشغل لاتشغل بالك ..الفول يلي عم نعملو طيب وبلش ماشاء الله يكون زبائن كثير عليه ..
لمى :- اسمعتو ابي بكرة رايح معنا..
سمى :- تحكي جد ..العما انكشفنا ..لازم نلاقي طريقة نحل هاي المشكلة بأسرع وقت..
لمى :- شلون فهموني ..
جنى :- لقيتا
سمى :- ايدينا بزنارك قولي ..
جنى :- بنروح طبيعي مثل دائما ولا كانو عنا شي اتفقنا. بس بناخد معنا طاولات اكثر وكراسي اكثر..بتروحي لمى الصبح لحالك ونحنا بنلحقك مشي ..ومن يجي ابي لعنا..بنكون موجدين…واذا ابي اتاخر بالقعدة معنا ..بنحط الاغراض كلا على العرباية وهيك هو مابشوف في مكان..بيضطر يرجع مشي ..وانتي بتسبقينا على شغلك ونحنا بنحاول انضيع الطريق عليه ..
سمى :- اي تمام ..بس لمى لسانا بيفلت بسرعة ..بتروحي انتي وابي ..ولمى بتنطرني وبنرجع سوا .
جنى :- اي تمام..لقيناها…
(( في اليوم الثاني اطلعنا على الشغل ..وابي لحقنا ..وبلشنا انفذ بالخطة ..يلي اتفقنا عليها بس ابي ماقبل يرجع الا معنا لانو تعب بالمشي الصبح..وهيك ماكان في طريقة. قدامنا.
سما :- بابا انت اطلع مع جني بتوصلك وانا ولمى بنمر نجيب شوية خضرا لامي..وبنلحقكن…
ابي :- اي يابنات لا تتأخروا…يالا انتبهوا على حالكن..سمااا انتبهي على اختك ياااابي …
سما :- اي ابي مااااشي الله معكن..مشي زعرا اتأخرت هلاء رح تعملي قصة وسيرة الدكتورة…
لمى :- فيني اجي ساعدك..
سما :- لا تيابك وسخين
لمى :- ما انتي تيابك مثلي وسخين ..
سما :- هي بتعطيني ثياب تنضيف ..بلبسن .
لمى :- اي تعطيني مثلك .
سما :- ماعندا الا واحد 
😊..
لمى :- سكرتيها..بيتها حلو..
سما :- بجنن بياخد العقل تعرفي بيتا جنب بيت الوزير..
لمى :- مين هاد..
سما :- يلي بقولوا عنو جابر وبنسمعهن بالاخبار ..هاد الوزير..
لمى :- مابعرفوا …
سما :- احسن …تعرفي عم شوف الفيلا تبعتن من شباك مطبخ الدكتورة بتجنن..كلا ورد وشجر ..وريحة الاكل بتاخد العقل من عندن ..شفتن مرة عم يعملو شوي ..
لمى :- يمي ..جوعتيني … نفسي اكل لحمة ..
سما :- وانا مثلك يوما متت من الجوع ..وصلنا ..روحي انطريني بشي مكان ..لاخلص شغل…لاتجي لعند الصيدلية مابدي مشاكل اتمشي بالمنطقة لاخلص..
😊😊😊😊😊😊😊😊
صفية :- صخر لك صخر فيق حاجتك نوووم…
صخر :- شو بدك امي اتركيني نام ..حاجي كل يوم تجي تفيقيني..
صفية :- ابوك بدو حكيك.. والظاهر بسبب سهراتك اللي مابتخلص ..وشربك يلي ما عم يوقف ..فيق لالو ليكني خبرتك..وهاد موبايلك عم يتصل ..
صخر :- ااااووووووف ..مين هلاء بتصل..
صفية :-فقت لموبايلك بس من قلتلك بيك بدو اياك ماقبلت..
صخر :- ماشي امي قايم قايم سكري الباب بس لاحسن غير ثيابي…الوو..اي جورج..
جورج :- بعدك نايم ..
صخر :- هو الواحد بحسن ينام بهاد البيت ..
جورج :- مثلي مابتركوني بحالي
صخر :- ااخ راسي عم توجعني شكلو ثقلت كثير بالشرب امبارح..
جورج :- اوووه خيرات الله ماتسأل..يالا مابدك تجي ..
صخر :- لوين..
جورج :- الشاب يلي بدو يعمل التاتو جاهز ..
صخر :- ياعيني عليك هاد الصح يالا رح مر لعندك مسافة طريق…
صفية :- صخر لك بيك بدو اياك وين رايح هلاء بعملي قصة بسببك..
صخر :- دبرية امي ..اعملي شي ..
صفية :- بعدين حال هالبيت..قصي ..
قصي :- شو امي ..
صفية :- قوم شوف اخوك جيبوا لعند بيك
قصي :- اخي مانو صغير امي..
صفية :- بدو اياه امبارح شافو سكران ومغلول قلبو عليه..
قصي :- عندو بيرجع اتركيني امي شوي تحت الشمس ..لان خطيبتي مابدها الا برونز لون جسمي..
صفية :- 
🙄🙄
😏😏 برونز الله يصبرني بس…كل واحد بالبيت هاد ماشي على ليلاه..
….
صخر :- لك والله بيوجع هالتاتو..
جورج :- مو انت يلي بدك هيك رسمات بجسمك..
صخر :- مافيني اتحمل وجعهن..
جورج :- تعا في صيدلية جنب بيتكن خلينا نجيب من عندا شي مخدر..
صخر :- اي دخيلك..بدي اسهر برواق بالليل بدي صيد غزالي 😂😂اااخ
جورج :- اووووبا لك الغزال اجا لعندك وماحد سما عليه..
صخر :- غزال ماني شايف غزال..
جورج :- لك هونيك قاعدة جنب شجرة بيتكن…
صخر :- مين هاي..
جورج :- شبعرفني انت اعرف مني ماداما قاعدة عند بيتكن..
صخر :- لك شووو هالجمال بس يمكن شي شحادة او بنت شي خدام عنا..
جورج :- بالي بالك ..
صخر :- طبعا هاد غزال رخيص على الاخر مابدو مقابل..
جورج :- بتحب صيدو لالك..
صخر :- لاء اتركني انا بحب صيد بإديه…
لمى :- ياربي ليش اتاخرت سما كل هالقد …
صخر :- مرحبا عم تنطري حد هون ..
لمى :- لاء بس قعدت تحت ظل الشجرة..
صخر :- لكان انتي ضايعة غريبة اول مرة شوفك..
لمى :- عم انطر اختي عم تشتغل عند الدكتورة..
جورج :- اها انتي اختك يلي عم تشتغل بالصيدلية..
لمى :- لاء اختي بتشتغل خدامة في بيت الدكتورة..
صخر :- قصدك الدكتورة ريماس..
لمى :- مابعرف بس يمكن اي..
صخر :- اها بتكون جابتا لعنا على الفيلا..
لمى :- ليش هاي الفيلا لإلكن..
صخر :- اي فوتي ارتاحي وانطريها هون..
جورج :- وين تفوت لك امك وبيك هون ..مافي حل غير ..
صخر :- هيك قولتك..
جورج :- مثل مابقلك..
صخر :- اختي رح اسألك الدكتورة واجي خبرك..
لمى :- اها اوك..
((يومها ما اتخيل لالي انو شخص بالاناقة والغنى هاد يكون رخيص نفس …قبلت بعرضن انهن يسالو عن اختي لانها وصتني ما اقرب البيت..او الصيدلية..
جورج :- اختي سألنا عنها.بس خبرتنا يلي عم تشتغل عند الدكتورة اخدتها ليشتروا اغراض من السوق ..واعطتنا العنوان بتحبي وصلك لعند اختك..
لمى :- لا معلش بنطرها هون….
صخر :- الو اي دكتورة اي اي ماشي رح نجيبها لعند اختا اي مو تكرمي ..انتي اطلبي احسن ام بالكون انتي..
جورج :- اسمعتي…
لمى :- اي بس رح انطرها ..
صخر :- يلي بريحك بس اذا صار شي مادخلنا ها..
جورج :- لك لحظة ..انتي خايفة مشان نحنا شباب اي رح جيب اختي تطلع معنا شو قلتي..
صخر :- اخت مين ولك..
جورج ؛-هشش اسكت هلاء بدق على ابتسام..
صخر :- ابتسام ماغيرا يلي بتشتغل في بيتنا ..
جورج :- اي ماغيرا نسيان بدها شي وتعملو لالنا بعد ما كمشناها مع ابو فيصل البواب 😂😂😂 الساعة 3 الصبح ..
صخر :- يفضح عمرك متذكر..
جورج :- مانسيت ..كل شي بثمنو..خليني دقلا وبتطلع هلاء..
صخر :- عم يحكي مع اختو ليجيبها تطلع معنا وترتاحي ..
جورج :- ليكا جاااي..خمس دقايق بس عم تبدل تيابا…
صخر :- اها ليكا اجت…ارتحتي هلاء..
ابتسام :- شو خيي حبيبي قلي في شي ..
صخر :- البنت اختا بتشتغل عند الدكتورة ريماس ومضيعة اختا وبدنا نوصلا وخايفة تطلع معنا لهيك دقينا لالك ليرتاح بالا مو اكثر…
ابتسام :- اي تكرموا بس مابدنا نتأخر لان عندي شغل كثير باللوحات..
صخر :- لوحات ..يرحم امك..مشي..
ابتسام :- شو هاي صخر شكلا شقفة طازة خلنج ..
صخر :- مانها ملموسة ابدا ..
ابتسام :- بدي حلوانا . لكان..
صخر :-.اي بعطيكي ..بس بنص الطريق بتفلي مابدي شوف خلقتك ..
ابتسام :- اوك…الظاهر غشيمة بعدا بس يخرب بيتا شو حلوة …فوتي حبيبتي لاتخافي ..صخر طول عمروا بيعمل خير..
😍😍..
جورج :- اكيد خيروا معبي البلد 😂😂..
ابتسام :- صحيح في شي نسيتو امبارح بشنتة سيارتك وقف خلينا جيبوا قبل لنصير بنص الطريق ..
جورج :- شو هالشي اختي..
ابتسام :- شغلات طيبة كثير تتسلوا فيها على الطريق..
صخر :- اذا هيك مافي مشكلة بحب نتسلى بكل شي نحنا انزليا جبيها …
(( نزلت ابتسام واتقفل الباب بعداا..وانطلق صخر بالسيارة بقوة ..وانا بلش الخوف يزيد عليه …
لمى :- ليش تركتوها ..لك وقف ليش تركت اختك..
جورج :- عادي بنمزح معها دائما هيك هههههه..
لمى :-طيب وقف لو سمحت السيارة وقفا لافتح الباب وانزل منو …
جورج :- يالا افتحيه لنشوف يا قشطة…
(( كانت الابواب مأمنة وماعم تفتح وانا عم عيط عليهن ..وهني عم يضحكو ..حاولت اضربن لأخليهن يوقفوا.. بس ماكان في فايدة لوصلنا لمكان شبه صحرا وخالي على الاخر من العالم ….فتحوا الابواب وشدوني من رجليه على الارض وانا عم ادفشهن بس ماكانت قدرتي ..واحد ثبت ايدي بالارض ..والثاني بلش يخلع لالي تيابي ..وانا عم ابكي ماكنت مستوعبة اني تحت ايدي ذئاب عم تنهش فيني ..كنت اتألم كل لحظة بلحظتا..كل اصرخ واتنجد بالله لينقذني من تحت ايديهن ..
وعيت على حالي وانا عم انزف وهني عم يضحكو..لحظتها عرفت انهن اغتصبوني ..ماقدرت انطق حرف واحد كل الكلام لحظتها مااات..حاولت جمع تيابي المقطعة .لاستر حالي ..جريت جسمي بالقوة من الارض ..كنت ازحف من الالم..وهني ركبو سيارتهن وصوت ضحكاتن ما انتهى ..مروا من حواليه وهني عم يرقصوا ..وانا صفيت على الشارع الصحراوي عم اتنجد …كنت بدي حد يسعفني بس ماكان في اثر لأي سيارة…لوقت ما مرق راعي مع غنمات ..وحمار…
لمى :- ااااااخ ساعدوني ساااعدوني….
…اباااه وش فيك ياحرمة اشتسوي هناي منو عامل هيج فيج ….
(( ماكنت قدراني جاوبوا على شي ..اغمى عليه ومافقت الا على جهاز عم يضغط على ايدي…
..دكتور المريضة فتحت عيونا …
لمى :- انا وين..
دكتور سامي :- بنتي ..انتي بخير لاتخافي . ..فيكي تحكي معي ..
لمى :- شو عملو فيني ..
سامي :- صار معك نزيف بسبب اغتصاب ..ونحنا مابنعرف مين عمل هيك فيكي ..بس في نسوان برا بدويات جابوكي لهون بقولوا انو زوجهن شافك باأرض الصحراء ..وجابك ليداويكي..والظاهر مابدهن يروحوا ليسمعو القصة منك..شكلو شاكين بزوجن..اذا هو يلي عمل فيكي هيك قولي ..
(( رفعت ايدي واشرت لالو انهن 2 ..بس ماكان الراعي…بعد دقايق خرج الدكتور ليخبرن انو زوجهن برئ من هيك شي …بقيت لوقت المسا لحسنت خبر الدكتور انا مين ووين وشو صار معي واسماء يلي عملو فيني هيك..
……
صخر :- فكرك البنت هلاء شو صار فيها..
جورج :- زمان الواوي نهش عضاما 😂
صخر :- ابي طردني من البيت ..وقلي ماترجع الا من تبطل سكر..
جورج :- شكلو رح نتأجر شي شقة نعيش فيها سوا 😂😂…
……..
حمدي :- البنت لهلاء ما اجت جميلة ..وين اختفت …
جميلة :- والله قلبي عم يغلي نار والبنات راحو يدوروا عليها بمنطقة السوق .
حمدي :- اذا صار للبنت شي جميلة مارح سامح حالي ولا رح سامحك انتي يلي وافقتي للسما تروح تشتغل عند العالم ..انا مابدي دوووااا ريتو كان سم..انا بدي بنتي ترجع ..
سما :- مابقي مكان الا سألنا عليها فيها خايفة والله …
جنى :- خلينا نلحق نرجع على البيت الله يستر ابي مايصير لالو شي ..
حمدي :- شو صار معكن بنات ..
جنى :- والله يابي مالقيناها 😢😢…
حمدي :- بعدي هيك جميلة ..خليكي جميلة هون ..وانتي جنى ضلك مع امك..مشي سما بدي روح بلغ عن بنتي بالمخفر ..مابدي ضل مكتوف الايدين ليصرلا شي ..هاتي يابي الكر هاتي…
سما :- سامحني بترجاااك .والله مابعرف انو بدو يصير هيك فينا ..
حمدي :- يلعن الشغل ويلعن ابو المصاري اذا صار لاختك شي وين بدي روح بحالي انا ..
..
سما :- هاد يلي صار سيدي ..واختي من الساعة 1 الظهر مفقودة …
الشرطة :- رح نعمل يلي علينا وبنرد خبر وقع هون واعطيني 100 دولار وبنشوف شو نعمل..
حمدي :- 100 دولار والله مامعي ياسيدي ..كل يلي معي 30 دولار..
الشرطة :- هاتها وارجع على بيتك وبنشوف شو نعمل…
(( اخد من ابي المصاري ومارد علينا بأي خبر..صارت نص الليل واختي مارجعت من خوف ابي عليها صار يدق بيوت الناس بنص الليل شي يطردوا وشي يضربوا وشي مفكروا مجنون…ماتركنا مكان الا سألنا عليها..تعب ابي يومها واخدناه على المشفى..وكان على وشك يصير معو جلطة قلبية ..خبرنا الدكتور بلي صار معنا ..وهو من حالو حب يساعدنا لوجه الله ..
…..
رح اتصل على رفيق لالي بالمخفر يسال عنها وانا رح احط خبر بالمسشفيات عنا….
((مرق اليوم الاول والثاني والثالث ..ونحنا بنار لوقت ما اسمعنا انو اختي بمشفى بيبعد عنا شي ساعة بالسيارة وانو وضعها مخيف ..وبالاصح خبرنا الدكتور مانقولوا لأبي ..اطلعنا مع امي لنطمن عليها ..
امي :- شو صار مع بنتي بترجاكن خبروني …
(( من امي عرفت الخبر وقعت من طولا وصرنا فيها وبأبي وبأختي ما اتوقعنا يصل الحال بأختي لهون ..وانو اولاد حرام يغتصبوها …
سامي :- عندي خبر حلو ومو حلو..
امي :- بترجاك طمنا والله ابوها تحت الاجهزة ..وخايفين نقلو شو صار معها…
سامي : – نحنا عرفنا مين يلي اغتصب لمى..حسب المعلومات يلي خبرتنا عنها وبفحص DNA اتطابقت كلا مع ابن الوزير جابر ..صخر جابر قاموس…
امي :- شووو ..
سامي :- مثل ما اسمعتو ..اتوقع انو تخبروا ابوها بلي صار ليحسن ياخد حقها من ناس واصلين بالبلد هيك ..وعلى ما اعتقد هالشي رح يكلفوا كثير..فالافضل البنت تاخدوها على البيت واطمنوا على يلي صار..او اذا بتحسنو على هيك شي ..هاد التقرير الطبي واللي بتقدروا عليه اعملو ….
بعد مرور اسبوع ..
امي :- ابو جنى نصيب ومقدر شو بدنا نعمل..
ابي :- انتي مجنونة شي هاد حق بنتي جميلة ..بدي بيع كل شي قدامي وراي ..حتى لو كانت عرباية الفول..بدي بيع البيت واصفى بالشارع يلي عمل في بنتي رح ياخد جزاتو…انتي خليكي مع البنت لاتتركيها لوقت ماتطلع من الحالة يلي هي فيها..لاتتركي البنت الله اعلم شو شافت يوما .حسبي الله ونعم الوكيل ..حسبي الله ونعم الوكيل….
جنى :- لمي ابي شو عم يعمل
لمي :- عم يبيع البيت..غلطة صغيرة كلفتنا كثير اختي كلو بسببي 😢😢..حنصفى بالشارع رح نصير انام تحت الجسر 😢😢 ..احملي احملي معي..
جني :- روقي امي الله بهونها …
جميلة :- يارب احمدك على ما ابتلينا …الحمد والشكر لالك..
حمدي :- جهزتي اغراضك جميلة ..
جميلة :- اي 😢😢..
حمدي : – حاجتك بكي هاي غلطتك شوفي شو كلفتك ..
(( باع ابي كل شي بنملكوا ليقدر يجمع حق المحامي..استأجرنا مخزن وصرنا انام فيه ..وبلش ابي يمشي بإجراءات المحاكم…
..
في الجانب الاخر…
جابر :- الله يصطفل فيك ياصخر الله يصطفل فيك…اطلعي جيبيه لالي غصب عنو …
صخر :- الحقني جيب السيارة للباب الخلفي..اسمعت ابي عم يحكي مع امي..البنت ماطلعت ميتة . البنت وصل خبرها للمحكمة..ابي رح يقتلني ..
جورج :- شو يعني ..
صخر :- رح اجيب جوزاتي واطلع من هون ..بسرعة جورج…
جورج :- الله يلعنك مابيجي من وراك الا وجع راس ..رح جيب جوزاتي معي ..
صفية :- الحقني ياااجابر … الولد هرب من البيت….
الجزء الثاني …
#جابر :- شلون هرب وين قصي ياقصي..
صفية :- قصي رح يزور خطيبتو…
جابر :- ابو فيصل خبر الحرس كلو يجيبوا لالي صخر من تحت الارض ..
صفية :- شو يلي عملتو يا صخر 😢😢..
جابر :- هاد اخر دلعك ..ابنك بدو ينزع كل تعبي بالدولة هاد اذا ماوصل فيني الامر يطردوني ويقلعوني من مكاني…
….
في الجانب الاخر…
جميلة :- اختك رح تبقى هيك امي ما تقوم من فراشا..
جنى :- حاولت ضحكا لاعبا ماعم تستجيب معنا بشي..فقت عليها بالليل عم تصرخ وبتخاف حد يلمسا..
جميلة :- الله ينتقم منن ..شو ذنبا ليعملو هيك فيها 😢😢..اها ابوكي رجع.. حمدي يعطيك العافية قلي شو صار معك طمني..
حمدي :- اااااه اعطيني كاسة مي ..
جميلة :- هاتي يابي كاسة لبيك..
جنى :- حاضر …
حمدي :- ماقامت لمى من فراشا..
جميلة :- لهلاء ماعم تقبل تحكي مع حد …
حمدي :- ياريت معي مصاري لاخدا لشي دكتور نفسي…بس كل يلي معي اعطيتن للمحامي ..
جميلة :- يعني في محامي قبل بالقضية..
حمدي :- اي هو اجا لعندي قلي بدو يستلمها. بس الظاهر هو من معارضين جابر قاموس ولهيك لقاها شوكة بحلقو ..
جميلة :- خايفة يضرونا بزيادة
حمدي :- مابهمني حق بنتي بدي اخدو لو شو ماصار..
جميلة :- يارب وقف معنا..
حمدي :- رح فوت احكي مع البنت في شي عنا الواحد يحسن ياكلو ..
جميلة :- اي اي هلاء بسخن الاكل ..
حمدي :- لمى بنتي قومي يابي ..قومي حاجتك نوم ..حقك والله جيبو لالك ..ورح يكون مصيروا عسير بإذن الله ..ثقي بأبوكي..الله ينتقم منهن ..قومي حاجي تبكي طول ما انا جنبك لا تهتمي لاي حد ولا تخافي من شي..
(( مرقت هاديك الايام من غص العلقم وانا كل كا اتذكر يلي صار معي انهار ..فقدنا البيت يلي عايشين فيه وصرنا بمخزن يادوف مساحتو تكفينا بس انام جنب بعض مرصوصين…يلي اخد قضيتي هو شخص للوزير وكان ابي على اعتقاد انها رح ترتفع لمحكمة ..بس صار شي غير هيك…
جميلة :- في عالم وسيارات برا ..لاتطلع حمدي خايفة يعمل فيك شي..
حمدي :- اي يعملو يلي بدهن اياه..
جميلة :- بس اصبر هلاء بروحو..
جنى :- امي رح يخلعو باب المخزن…
..
حمدي :- خير شو بدكن..
..انت حمدي ..
حمدي :- اي شو في …
…نحنا رجال الوزير جابر اتفضل معنا..
حمدي : مابدي اتفضل ولا اهلين ولا سهلين فيكن..
…مشي معنا بالزووق كرمال نضل معك مزووقين..
حمدي :- لا مارح مشي ويالا الله معكن…وحق بنتي رح اخدو لو بعد مماتي..
(( كان عم يناضلهن ويبعدهن على البيت بعد ما علي حد الكلام وعم العياط بالمكان نزلوا رجالين ببدل فخمة وقفوا قدام ابي ورموا رمزتين مصاري..
…حمدي :- شيلوا مصاريكن انا شرف بنتي مابنشرا بكنوز الكون..
(( يلي افهمتو انهن اعمام صخر الحقير ..وجايين يسكتو ابي بشوية مصاري ..بس هو رفضهن..وبقينا على هالحال اسبوعين..ناس رايحة وناس راجعة…
حمدي :- ضبي اغراضنا جميلة.
جميلة :- لوين رايحين..
حمدي :- اعملي مثل مابقلك ضبي الاغراض خلينا نتوكل..
جميلة :- بعت وجع بنتك حمدي
…
حمدي :- مو حمدي يلي بيعمل هيك..الرجال صاحب البيت طردنا ..
جميلة :- ليش عم يعملو العالم معنا هيك لا بخلونا نشتري من محلاتن ..ولا عم يقبلو يشغلونا ..وهلاء صاحب البيت بدو يطردنا..
حمدي :- عم يضغطوا علينا بكل الطرق لنتنازل عن القضية..
جميلة :- 😢😢..
حمدي :- قومي جمعي الثياب انا مارح اتنازل لو صفي حالي بالشوارع …
(( جمعنا ثيابنا واطلعنا من المخزن ونحنا محتارين وين رح نروح ..ماخلينا مكان لنقيم فيه الا دقينا بابو..وصلنا لحديقة ونزلنا اغراضنا فيها..وصفينا هيك بالشارع …
بالجانب الاخر …
صفية :- شو رح تعملو امي..
قصي :- مارح نحسن نعمل شي..
صفية :- طيب عرفت وين اراضيه لاخوك..
قصي :- ولا بعرف عنو شي لاهو ولا جورج بس قاطعين تذاكر على امريكا ..شكلن بأمريكا ..
صفية :-من وين عرفت..
قصي :- اجانا خبر…خايف يصل الخبر لدار حماي وتعرف نادين..
صفية :- هلاء هاد همك نادين ماهمك اخوك يلي مابنعرف شو رح يكون مصيروا..
قصي :- شكلو اعمامي اجوا ..رح قوم شوفن .
جابر:- اجو اعمامك …
قصي :- اي يابي ناطرين بالصالة..
(( كانت وجوهن باين عليها الفشل..حاولنا بكل الطرق لنطم يلي صار …ماتركنا طريقة ولا مكان ولا فعل الا عملناه مع هاد الرجال..واخي صخر قبل هيك غلط بدل المرة اثنين وثلاثة وعشر وكانت قصتو تنحل ب 5 دقايق ..شوية مصاري تندفن القصة..واذا الامر ازداد كنا نتخلص من الشخص يلي ابي غلطان معو..بس هون مع هيك شخص مشرتح وفقير ماحسنا نعمل شي..يلي كان ماسك قضيتو هو محامي عم يصطاد بالمية العكرة..ومن معارضين ابي..اجتمعنا بالصالة وبلشنا نداول شو رح نعمل بلي صار ..اسمعنا اخبار من هون وهون انو اخي مارح يرجع..وانو مافي حل في ادينا لنحل القضية ..ومابقي قدامنا الا ابي يخسر مركزوا ومكانتو بالدولة..وهالشي كان صاعق بالنسبة لالنا..قاعد انا بينن ..والنقاش احتد
الضجيج عم بصالة الاستقبال ..هاد عم يصرخ وهاد عم يهدد..وهاد بدو يقفل السيرة خوف من الفضيحة …الموضوع ماكان عم يهدا..والحسودين عم يشعلو فتيل الفتنة بين ابي واخواتو. وكبارية العيلة…
جابر :- اهدو بس اهدو شو بدو ابو البنت انا جاهز و رح اعطيه.. من الالف للمليون ..
زيد :- يا اخي يا ابو قصي الموضوع مو موضوع مصاري ..الرجال ولو فقير بس عفيف .ومابدو يتنازل عن حق بنتو لو بمليار مابدو يسكت ..والمصيبة معو تقارير بإثبات هوية ابنك بإغتصاب بنتو..حاولنا معو ماعم يقبل ..قدمنا لالو كل شي ماعم يقبل..والسيرة مابقيت بينا وبينو..السيرة رح تكبر ونصير لقمة بلسناتهن..لازم تجيب ابنك ياخد جزاتو..ويستر على البنت بأسرع وقت يا اما ينحط للقصاص..
صفية :- لا يا ابو قصي الا ابني دخيلك مابدي ينقتل..
قصي :- امي فوتي جوا ماحلوة بين الرجال اعمامي رح يحلوها..
صفية :- اخوك يامو
قصي :- فوتي امي..فوتي..
جابر :- شو فيني اعمل اكثر من هيك ..الله يسود وجهك يا صقر ..
زيد :- لازم نستر على البنت..
عيد :- هاد افضل شي البنت لازم يرجع صقر يتزوجها ..
جابر :- وين يتزوجها ابني طلع برا البلد ما عدت اسمعت عنو شي من اسبوعين ..والبنت ماطبقت ال 17 سنة ..شو اعمل قلي ..
عيد :- قصي موجود ليحل المشكلة ويستر على البنت.. ..
قصي :- شووو
زيد :- كلام عمك صحيح ..بدك تتحمل مسؤولية تصرف اخوك..وتزوج بنت الفوال ..مابدنا مشاكل ..اذا وصلت السيرة لاعداء ابوك رح نصير فرجة للي مابتفرج ..
قصي :- لاء انا رافض هالفكرة انا ماغلطت لاتحمل غلط اخي..هو يرجع ويتحمل كل اخطائوا..انا انسان عندي خطيبتي لاتخربوا حياتي بشخص ثاني..وهاي بنت مانها من مستواي ولا من طبقتنا ..
جابر :- لازم تنجبر قصي مابدي تجيبوا لالي الجلطة..
قصي :- من بعد عمر طويل ..بس يابي انت رح تفتح عليه طاقة جهنم ..والبنت مانها بنت هلاء ..
زيد :- لا تكمل ..البنت مالها ذنب بالحرام اخوك اغتصبها ..وانت بدك تشيل الحمل ..لوقت مايرجع ونعرف شو رح نعمل معو..
جابر :- وهاد الصح ..خلينا نجهز وجاهة ونروح نخطبها لقصي..
قصي :- يابي يابي الله يعطيك الصحة بس اسمعني ..لاتخربلي حياتي انا مالي ذنب..شو اعمل مع نادين مارح تقبل..
جابر :- قبلت اضل حياها الله ماقبلت ..هاد الموجود انا اخدت قراري…
..
(( انطلقوا اهلي بنفس اليوم ..وطلعوا لمكان ما اهل البنت عايشين بس نزلت معهن بالسيارة وشفت البنايات غص قلبي معقول اخطب بنت عايشة بشي شقة من هادول ..مشي ابي وعمامي ومشيت وراهن..وصلت لحديقة صغيرة..وانا رافض كل يلي عم يصير ..وهون كانت الصدمة..واقف عم اتفرج على مشهد ..انو عم يجيبوا لابي واعمامي كراسي من السيارة ..وفردوها وقعدو عليها مقابيل عيلة قاعدة على عشب الارض ..رجال ومرتوا وثلاث بنات..قرب لعندي عمي زيد..
زيد :- مابدنا نسمع صوتك بشي اقعد معنا وخلينا نمر هاليوم على خير..
قصي :- هاد الرجال يلي رايحين تخربوا حياتي كرمالو اتركوني عليه اقتلوا هو وبناتو..وليش بناتو مغطين على وجهن هيك..
زيد :- قلنا روووق ما ناقصين شايف وين في كاميرا..
قصي :- لا ماني شايف..
زيد :- لا ترفع عيونك لفووق الكاميرا على شباك الشقة يلي مقابيلك في عالم عم تعرف بجيتنا لهون..اهدى اهدى لاتروح بعتنا الشباب يحلو امر هالكاميرا…
عيد :- ليكو الوزير اجا لعندك برجليه واحا ليرضيك ويرجع لالك حقك..
حمدي :- حق بنتي بقصاص يلي اغتصبا..
جابر :- رح يصير هالشي تكرم..ابني صخر هرب ولاتقول هربتوا خوف عليه..هو هرب خايف على حالو مني لان ماعندي هاد ابني وهاد ابن الناس ..انا جيت لعندك ومقابيلك وهاد الكرسي مابدي اقعد عليه قاعد مثلك لاني وزير ولا انت فقير كلنا بمكانة وحدة صرنا ..بس اعتبرني مثلك وجاي اصلح غلط ابني يلي صار واطلب بنتك لابني..
حمدي :- انا مابدي اعيط بهيك مكان..بس انا مابعطي بنتي لحد اغتصبها مو قلت هربان..
جابر :- لاء انا مابدي اياها للي اغتصبها انا بدي اياها لابني البكر قصي..هو رح يتزوجها ورح يصلح غلط اخوه ..
حمدي :- انا هيك لعب مابمر عليه انا فقير اي بس ما ببيع بنتي..
جابر :- انا بضمن لالك بكل شي بدك اياه انو بنتك تعيش عيشة ملكات وانا وابني نعوضها عن كل شي ..وانت بيتك يرجع لالك..
حمدي :- انا مابغصب بنتي على شي هي رافضتو..
جابر :- انا مابعرف اي وحدة فيهن..بس انا بدي احكي مع البنت لمى على جنب…
(( كنت عم اسمع الحديث وانا عم ارجف منظرهن وهني قاعدين قبال ابي كنت خايفة منو لينهو حياتو بثواني..قصي يلي طلبوني لالو قاعد ومن رجليه باين عليه التوتر ..وانو رافض افعال ابوه لانو كان عم يتنفخ كثير ..بغض النظر عن شخصيتو بس كان كثير متكبر..اعطاني ابي نظرة انو شو رأيك يقعد معك وانا حركت بعيوني من تحت النقاب يلي امي لبستنا اياه لنحسن نقعد بالشارع …اني موافقة…قعد الرجال بمكان على جنب وحطو لالي كرسي مقابيلو..
حمدي :- روحي يابي لاتخافي انا معك .
قعدت مقابيلو والناس كلا بضهري رفعت عن وجهي وانا عم ارجف.. …
#جابر:- ماشاء الله ربنا يحميكي اسمعيني يابنتي انا بعرف انك خايفة وشايف رجليكي عم يرجفوا وبعرف شو ماعملت مارح احسن اعوضك عن شي سببو ابني..بس هو هرب ومن يرجع ورب هالعزة لاخد لالك حقك منو ..بدي منك تسمعيني منيح .ابوكي بحبكن بس انتي كمان مابترضي يبقي ينام بالشارع هيك.واذا ابني عمل فيكي هيك موقع اخواتك بالشارع رح يجيب مثلو يعمل فيهن نفس الشي ..ثانيا وضع بيك مابسمح يجيب اكل ليجيب دواء واذا زادت حالتو رح لسمح الله يصبو شي ..انا مابقلك هيك لاخوفك ..انا بقول لأوضح لالك وضع اهلك ..يلي سببو ابني وانا رح اغير كل هالشي رح جبلكن بيت منيح وشغل لبيك يتناسب مع وضعو.غير هيك انا مارح اتركك هيك انا رح زوجك لابني قصي..مو صخر قصي هاداك يلي واقف جنب عمو عيد ابرمي وجهك لاتخافي..
لمى :- وعد ابي يتعالج واخواتي يسكنو في بيت..
جابر :- وعد..بس بدي منك تروحي لعند ابوكي تقليلو انا موافقة على طلبات عمو جابر..
لمى :- بس انا خايفة ابي يزعل..
جابر :- وعدتك حقك رح يرجع ..ورح اعوضك انا وابني عن كل شي صار معك..
..
يتبع……..
برمت وجهي لاحكي مع ابي ..ماكنت عرفاني شو اقول ..ارفض كرمال كرامتي وكرامة ابي..ولا وافق كرمال نرجع نعيش عيشة منيحة كرمال صحة ابي وشرف خواتي…وقفت قبالو وهو عيونوا عم يعاتبوني شي يقلي لا تقبلي انا تعبت كرمالك يابي ..انا بعت كل شي كرمالك ..
لمى :- بابا ..انت شو يلي برضيك..
حمدي :- يلي برضيكي لمى..
لمى :- انا بدي يلي انت تعبت كرمالو..
حمدي :- الله اكبر ليكن سمعتو بنتي بلسانا…مافيني اعملا شي ..
(( رفضي ما اعطاهن نتيجة واخدو حالهن وتركوا المكان..وابي قاعد بناروا ..ماعرفان شو يعمل..مرقت الايام الاولى ..ونحنا عم انام بالشارع اجتنا مساعدات من العالم بس ماكانت تغطي شي…وبيوم ابي راح يزور المحامي ليعرف شو صار ورجع لا من تمو ولا من كمو وماحسنان يقول شي .. ويلي سمعو انو المحمامي بدو يتخلى عن القضية..وقع بأرضوا ..وبلشنا نركض بين العالم لحد يقدر يساعدنا..لوقت ما اجت سيارة الاسعاف ونقلت ابي..كانت حالتو صعبة..ولازم يعمل عملية صمامات للقلب وهيك عملية لو بدنا نبيع اعضاء من جسمنا مارح تكفي حقا..حيرتنا والوجع يلي بقلبنا كان عم يزيد ..ماكان قدامي الا خيار واحد …هو جابر…
البواب :- امشي يابنت من هون..
لمى :- بدي حاكي الوزير..
البواب :- هههه روحي من هون الله يخليك مابدنا مشاكل..
لمى :- بس قلو لمى بدا تحكيك لمى بنت الفوال ..
(( بعد 3 ساعات من المعاناة مع البواب..فات لجوا .. ورجع .وكان سابقوا الوزير ليفتح لالي الباب…
البواب :- والله ياسيدي مابعرف ..
جابر :- حيوان ..لما حد يطلبني دغري بدون تفكير خبرني..فوتي بنتي فوتي..
لمى :- سيدي الله يخليك ابي بين الحياة والموت انا موافقة على كل شي بس ساعدلي ابي..
جابر :- اهدي كل شي رح يصير احسن..هلاء رح اخلص اموروا..
لمى :- عندو جلطة بالقلب وبدو يغير صمامات وهيك عمليه رح تكلفنا خيرات الله ونحنا فقرا ساعدنا الله يخليك والله موافقة
.
(( وافقت وتمت عملية ابي ..بقي تحت العناية المشددة اسبوع ومن فاق اجا جابر من ثاني على المشفى وطلب ايدي لابنو قصي..برم ابي وجهو لعندي واعطيتو بكل خجل موافقتي وانا زعلاني على حالي ..
حمدي :- هالشي برضيكي بنتي ..
لمى :- اي يابي انا موافقة ..
جابر :- اي تمام هاد الاسبوع بنمشي بإجراءات كل شي..
(( بعد موافقتي كان ابي مثل يلي زعلان مني ..بس عم يحاول يشد على حالو ومايظهر لالي شي..يمكن ضحيت كرمال نرجع انعيش بكرامة ماتت اللهفة الحلوة بحياتنا…بالاسبوع الاول انتقلنا للعيشة في بيت منيح واحسن من القديم. وفتحنا سوبر ماركت عم يديروه خواتي …والاسبوع الثاني رحت للمحكمة مع ابي وامي لإعمل اجراءات الزواج واجراءات التعويضات مقابل اتنازل عن قضية اغتصابي..وهالشي صار..وصار لازم البس خاتم خطوبتي يلي لبستني اياه صفية امو لقصي اللي ماشافني لحد هلاء..
لبست خاتمي ..وارجعت على بيتنا ..
جنى :- شفتية لقصي..
لمى :- ليش بتسألو..
جني :- يعني شو رايك فيه..وهيك. يعني .
لمى ؛- مو مهم ومانو كثير موضوعوا خاص ليشغل بالكن اساسا ما شفتو راحت امو معنا …
سما :- شخصيتو حلوة
لمى :- اتركوني بحالي الله يخليكن بكفيني يلي فيني 😢😢..
(( خطوبة بلا عرس وبلا عريس ..مرقت ايامي كلا عادية بشكل طبيعي ارتحت لوضع وراحة ابي وصحتو ولوضع حياة خواتي ..بلشت حياتنا تصير للاحسن يمكن بسبب جابر..وبيوم اجانا خبر انو صار لازم نروح لبيتن..انا واهلي ..ماكنا عرفانين شو نلبس ولا شو نعمل يلي عنا البسناه ورحنا..دقينا الباب وكان الاستقبال عادي مثل يلي قرفانين منا..لدرجة الخدامة ابتسام يلي عملت حالا اخت جورج طلبت منا نبقى بالحديقة ..بحجة انو ثيابنا بدا تنضيف وانو لازم نغيرا قبل مانفوت الفيلا بس هالشي رفضناه ..واصرينا نبقى بالحووش..
سما :- مو هاداك يلي خطبك شوفي بمين عم يحضن هاي اختو شي..
جنى :- انا اسمعت مالو خوات..
ابتسام :- هاي خطيبة سيدي قصي..