طريقة عمل كنافة تشيز كيك
تشيز كيك الكنافة (لينا عرار)
معكم صديقة زاكي الشيف الموهوبة لينا عرار
الطبقة الاولى
بكيت بسكوت دايجيستف (اكثر أو اقل على حسب حجم القالب) بنذوبوا مع إصبع زبدة حجم (١٠٠غ) ومعلقتين كبار قشطة وبنرصوا بقاعدة القالب
الطبقة الثانية
بمحضرة الطعام بنخفق ثلاث فناجين سكر وخمس فناجين حليب بودرة وعلبة لبن زبادي صغيرة (١٧٠غ) وأربع حبات كيري وبنحطهم فوق الطبقة الثانية وبندخلهم الفرن فقط من فوق لتتماسك الطبقة
الطبقة الثالثة
عجينة كنافة جاهزة بنحطها بمقلاة وبالتدريج بنسكب عليها فنجان زبدة وفنجان سمنة بعد ما نذوبهم مع اضافة صبغة الطعام (برتقالي) بطرف المعلقة لحتى نحصل ع اللون المطلوب بنفتت عجينة الكنافة بايدنا وبنحطها ع الغاز ليسهل فكها بعد ما تبرد وتصير بهالشكل.
بنحمر القالب من فوق وبس يبرد بنسقيه قطر خفيف وبنزينو بالفستق الحلبي وبنتركوا بالثلاجة ساعتين فاكثر لتتماسك الطبقات وصحة والف هنا.لينا عرار