المنسف الأردني والشاطرة اللي طلعي ولو غلطة وحدة فيه
- المنسف الأردني والشاطرة اللي طلعي ولو غلطة وحدة فيه
معكم صديقة زاكي الشيف الرائعة لينا عرار المنسف الأردني والشاطرة اللي طلعي ولو غلطة وحدة فيه المنسف الاردني (لينا عرار)
لسلق اللحمة بنستخدم بهارات صحيحة (قرفة اعواد، ورق غار،هيل حب، قرنفل) ، بطنجرة بنحط البهارات مع اللحمة ورشة خفيفة زيت بنحركهم سوا ليتغير لون اللحم ويكتسب نكهة البهارات بعدها بنغمروا بالماي وبنتركهم عنار عالية اول ما يغلي بنشيل الرغوة عن الوجه وانا بحط رشة سكر خفيفة ليطرى اللحم (حسب الرغبة) وبنتركهم ليغلوا من ساعة ونص لساعتين بدون لتستوي اللحمة ع الآخر بنصفيهم وبنزيل عن اللحمة اي بهارات عالقة فيها.
بننقع كمية ارز مصري(حسب الرغبة) لمدة نصف ساعة وبنحط نص معلقة صغيرة كركم بماء النقع، بطنجرة بنحط معلقة كبيرة سمنة ومثلها زيت نباتي وبنحط الارز وبنحركوا منيح بين 5-10 دقايق بعدها بنغمروا بماء ساخن جدا مع رشة ملح وممكن اضافة الكركم في حال الرغبة بتغميق لون الارز.
كمية الماي للارز (عدد كاسات الارز +كاسة ماي اضافية) فلو نقعنا 4 كاسات ارز حنحتاج 5 كاسات ماء.
لتحضير اللبن : بننقع نص راس جميد من قبل بليلة، ثاني يوم بنفتت اللي ما ذاب وباستخدام مصفاة بنصفيه منيح بحيث تروح اي تكتلات وبنحطهم بالخلاط مع كيلو لبن او اقل حسب الرغبة بنخلطهم منيح وبنحطهم ع الغاز وبنضيف عليهم كمية مناسبة من مرق اللحمة بعد تصفيتها وبالتدريج حتى ما يفرط اللبن وبنسقط اللحمة فيهم وبنتركهم يغلوا لمدة نصف ساعة مع اضافة الملح حسب الذوق والكركم في حال الرغبة.
عند التقديم : بنحط خبز شراك وبنشربوا باللبن بعدها بنحط الارز ثم اللحمة بعدها المكسرات والبقدونس حسب الرغبة وصحة والف هنا.(لينا عرار)