طريقة عمل مخلل اللفت على طريقة ست الحبايب الله يحفظها

طريقة عمل مخلل اللفت على طريقة ست الحبايب الله يحفظها
معكم صديقة زاكي الشيف الموهوبة  ‎Mariam Ramadan‎ 

الطريقة:
اولا بغسل اللفت وبشيل القمعة اللي فوق واللي تحت وبقطع اللفت على شكل هلال بدون تقشير لانه القشر بيعطيه منظر اجمل

 
وبسخن مي وبحط فيها ملح خشن صخري وبنقع اللفت فيه لمدة 12ساعة حتى يروح منه الطعم الحاد .
هلا نيجي للصبغة .انا ما بستعمل الاصباغ الصناعية لمخلل اللفت بل بستعمل صبغة الشمندر الطبيعي ،
بسلق حبتين تلاتة من الشمندر بعد ما اغسله واقطعه .وبتركه ليبرد لانه كل ما تركتي الشمندر بعد السلق مدة اطول كل ما اعطاكي اللون الورد الحلو .

 
هلا بجيب مرطبان وبعبي في اللفت وبحط قرن فلفل او قرنين حسب الرغبة وفيكي ما تحطي فلفل ابدا .وبحط معلقة ملح لكل كاسة مي من ماء الشمندر وبحط معلقة سكر عليهم كلهم وبحط معلقتين خل التفاح اللي انا بعمله في البيت ونشرته قبل مرة .
وصحة وعافية ونشرتلكم كل المونة اللي عملتها هذه السنة بتمنى تعجبكم
#مخلل اللفت . ام نضال