طريقة عمل الزيتون الاسود بالزيت
بناءا على رغبة بعض الاخوات
طريقة عمل الزيتون الاسود بالزيت
معكم صديقة زاكي الشيف الموهوبة Mariam Ramadan
الطريقة:
اولا بغسل الزيتون بالماء وبنخزو بالشوكة وبنقعة بوعاء وكل 3ايام بغير المي تبعه لمدة اسبوعين .الاسبوع التالت بنقعه بمي وملح وبغير المي مرة واحدة .الاسبوع الرابع بحطه بمصفاية وبرش عليه ملح وشرحات ليمون وبتركه يومين .بعدين بعبيه بمرطبان وبقلبه على صحن مسطح وبتركه يومين حتى تنزل كل المي اللي فيه ،بعدين بسحب الصحن من تحته وبقلبه لفوق وبحط غمرته زيت زيتون وبقفله وبتركه لحتى يستوي ..
هذه طريقتي .واكيد في طرق كتيرة للزيتون الاسود
الطريقة الاخرى لكبس الزيتون الاسود
بتحطي الزيتون بكيس خيش متل كيس ارز الشعلان وبتملحيهم منيح وبتحطي فوقهم ثقل وكل يومين بتحركيهم وبتزيديهم ملح لمدة 40يوم .وبعدها بتغلي مي وبحطي الزيتون بالمي المغلية بعد ما تطفي النار طبعا . وبتتركيهم ليلة كاملة حتى تفرد حبة الزيتون لانها بتكون مكرمشة من الملح وبتصفيهم منيح من المي وبتفرديهم على قطعة قماش وبتحطيهم بالشمس لحتى يجفوا تماما وبتعبيهم بمرطبان وبتغمريهم بالزيت .وصحة وهنا
#زيتون اسود .ام نضال
