العجينة القطنية عملت منها بيتزا وصفيحة جبنة خرااافية يابنات خفيفة كتير وزااااكية
العجينة القطنية عملت منها بيتزا وصفيحة جبنة خرااافية يابنات خفيفة كتير وزااااكية
العجينه القطنيه جدا روووعه
معكم صديقة زاكي الشيف الموهوبة حنان السليتي
اعملت منها البيتزا وصفيحة الجبنه
4 كوب طحين ملعقتين كبار سكر ملعقه كبيره خميره فوريه 3 ملاعق كبار حليب بودره ملعقه صغيره ملح ملعقه كبيره بيكمباودر منخلطهم مع بعض وماء فاتر هون ما منعير منضيف الماء شوي شوي لحتى تتشكل عنا عجينه متماسكه ومنخليهم ترتاح ساعه وبعد هيك منلم العجينه على بعضها و منقطعها دوائر حسب ما بدنا وبرضه منريحها كمان مره نصف ساعه ومنشكلها حسب ما منحب .
الحشوه للصفيحه
جيبنه بيضه مع بقدونس منحشيهم ومندهن الوجه بالحليب بملعقتين حليب بودره منضيفلهم شويت مي .
منحمرهم بالفرن من تحت على درجه حراره 180 وبعدين منحمر الوجه
صلصة البيتزا وتزينها حسب الرغبه
منقطع حبة بندوره 3 سنون تومه راس بصل صغير قطع صغيره ومنحطهم في طنجره ومنضيف عليهم ربع ملعقه صغيره فلفل اسود نصف ملعقه صغيره ملح ربع ملعقه صغيره سكر ربع كوب زيت زيتون كوب ماء 4 ملاعق كبار صلصة البندوره منطبخهم لحتى يتماسكوا وبس يبردوا منخلطهم على الخلاط الكهربائي وبكون جاهز للاستخدام.
