كيف يصنع خل التفاح الطبيعي في البيت
معكم صديقة زاكي الشيف الموهوبة  ‎Mariam Ramadan‎ 

بناءاً على رغبة الكثير من الاخوات رح اعيد نشر طريقة عمل خل التفاح في البيت

كل اللي بتحتاجيه كمية مناسبة من التفاح الاخضر او الاحمر زي ما تحبي كله بصير احمر بعد ما يخلل ،وبتحتاجي مرطبان شفاف حتى تراقبي المرطبان من حين لاخر وقطعة قماش
الطريقة
بتغسلي التفاح وتجففيه منيح ،ما بدنا ولا نقطة مي بالمرطبان
بتقطعي كل تفاحة لاربع قطع وبتشيلي البزر والعود لحتى تخلصي كل كمية التفاح ،بتغطي المرطبان بقطعة قماش تكون ناعمة حتى الهوا يدخل للمرطبان ويتفاعل مع التفاح ليعطينا الخل .
بتقفلي حول الشاشة كتير منيح يعني بتلفي حول الشاشة على عنق المرطبان لاصق حتى يقفل منيح او بتربطيه باي رباط متين
بتتركي المرطبان بمكان مظلم في خزانة المطبخ لمدة 40يوم او شهرين على حسب قساوة التفاح .
انا عملت 5كيلو تفاح صغير
بعدين بتصفيهم بشاشة نضيفة وبتعصريهم منيح حتى تنزل كل العصارة تبعتهم .بتسكبيهم بابريق شاي كبير مع وجود مصفاية ايضا حتى تتخلصي من جميع الشوائب وبتعبيهم بزجاجات وبتحطيهم بالثلاجة .لانه هذا الخل خالي من المواد الحافظة وضروري نحفظه بالثلاجة .بينما الخل الصناعي بامكانك تحتفظي فيه خارج الثلاجة لانه يحتوي على مواد حافظة ضارة بالصحة
وصحة وهنا وبتمنى تعجبكم طريقتي
#خل التفاح .ام نضال

كيف يصنع خل التفاح الطبيعي في البيت