طريقة عمل طاجن لحمه سهل وبسيط و لذيذ كمان
طريقة عمل طاجن لحمه سهل وبسيط و لذيذ كمان
معكم صديقة زاكي صاحبة الوصفات الشهية و المميزة الشيف المتألقة Om Mohammad Mostafa
السلام عليكم يا احلي جروب 
دا طاجن لحمه سهل وبسيط واكيد كلكم عارفينه انا مسمياه ( طشة هيومه ) 
انا لا اكذب ولكني اتجمل 
المهم طعمه روووووووعه يارب يعجبكم
مين عاوز الطريقه 
الطريقه
في حله عالنار فيها معلقة سمن بلدي نشوح اللحمه مع رشة ملح وشوية توابل فلفل اسود وحبهان وورق لورا متحمصين ومطحونين علي بعض
كمون كزبره اوريجانو اي توابل بتحبيها نقلب ونهدي النار ونغطي عاللحمه تاخد شويه من ريحة البهارات
أكون ضربت طماطم في الخلاط بس مش ناعمه اوي مع قرنين شطه خضرا كبار ومعلقة صلصه وانزل بيهم عاللحمه وأعلي النار شويه واسيب الطماطم تتسبك واظبطلها ملحها وتوابلها لو احتاجت
اول ماتتسبك الطماطم اعملها طشه بالخل والتوم زي الفته بالظبط
توم مدقوق مع كزبره حب متحمصه ومطحونه في الهون بتبقي ريحتها تحفه
اخد نص معلقه من التوم بالكزبره دي وارميها عالطماطم
وباقي التوم بالكزبره أشوحه في سمنه بلدي يدوب ريحته تطلع ويبدأ يلون معايا أطفيه بربع فنجان خل او حسب الرغبه اكتر او اقل واقلب
أزود الحله كوباية ميه مغليه ويادوب غلوتين وافضيها في الطاجن واغطيه بفويل واسيبه يستوي علي راحته في الفرن
وآخر حاجه اكشف الغطا واسيبه ياخد تحميره واقدمه وبالف هنا وفعلاً مشطشط وطعمه روووووعه