طريقة عمل الرز البرياني مع الفراخ المشوية
طريقة عمل الرز البرياني مع الفراخ المشوية
معكم صديقة زاكي صاحبة الوصفات الشهية و المميزة الشيف المتألقة Om Mohammad Mostafa
السلام عليكم يا احلي جروب ❤️❤️❤️
غدانا اليوم فراخ مشويه في الحله في الفرن ورز برياني 👍🏻👍🏻
طريقة الفراخ ٠٠٠٠
فلفل ألوان وبصل وطماطم وتوم وجنربيل فريش
وملح وفلفل اسود وكمون وكزبره بودر وتوم بودر وشطه حسب الرغبه وقرفه وشوية هيل مع ورق لورا متحمصين ومطحونين مع بعض وشوية زيت زيتون وعصرة ليمونه ومعلقة خل
كل ده في الكبه افرمهم واتبل بيهم الفرخه من تحت الجلد في كل مكان لأوراك والصدر والرقبه واعمل فتحه في لحم الصدر بصباعي أحرك صباعي يمين وشمال اعمل جيب في الصدر تحت الجلد واحشيه
واحط في قلب الفرخه من الخلطه دي واحط الفرخه في حله وتحتها وفوقها من الخلطه واغطي الحله وأدخلها فرن حامي واسيبها تستوي
وبعدين اخرجها انقل الفرخه في صنية وأسقيها بشويه من الصوص ال نازل منها وأدخلها الفرن تتحمر❤️❤️
🌹🌹الصوص ال نزل من الفرخه حطيته عالناريغلي ودوبت معلقتين كبار نشا في ميه عاديه وضفتهم عالصوص لما غلي مع التحريك المستمر لما يتقل القوام معايا ويبقي كريمي زي البشاميل الخفيف وبعدين صفيته بمصفاه ضيقه وقدمته مع الفرخه وكان روووعه
أرز البرياني ❤️❤️❤️❤️
في حله علي النار فيها زبده وزيت شوحت شرايح بصل سميكه شويه مع توم مفروم وجنزبيل فريش مبشور
و قرن شطه خضرا اشوحهم كويس مع ملح وفلفل اسود وكزبره بودر وشوية هيل مع ورق لورا متحمصين ومطحونين مع بعض وبهارات برياني حسب الرغبه لانها حراقه جدا واضيف حبة طماطم مكعبات واقلب وكزبره خضرا ونعناع اخضر مفرومين وعلبة زبادي كامل الدسم واقلب واهدي النار واسيب الخلطه دي تتجانس مع بعضها شويه
وبعدين أضيف الرز واقلب وازوده شوربه او ميه واظبط ملحه واسيبه يستوي
ولما يشرب ميته أهدي عليه وادوب شويه من بودرة صفار الزعفران في ربع كوب حليب دافي اوميه وعليه ملعقة ماء ورد
واضيفهم عالرز و شرايح زبده علي وش الرز او معلقة سمنه واغطيه واسيبه يكمل سوا وبألف هنا 😘وعفواً للاطاله
