كيك العروس التركيه
معكم صديقة زاكي صاحبة الوصفات الشهية و المميزة الشيف المتألقة Om Mohammad Mostafa
السلام عليكم يا احلي جروب 
دي حاجه بسيطه ولادي بيحبوها ودايماً يطلبوها مني قولت انزلها
كيك العروس التركيه
طبقة اسبونج كيك عادي وأول مايطلع من الفرن بسيبه يهدي وأسقيه بنص كوب حليب
وبعدين انزل عليه الكريمه 
ندخلها التلاجه لحد ماتتماسك الكريمه واطلعها ازينها واقدمها وبألف عافيه
مقادير الكريمه :
لتر لبن
كوب سكر
١٠٠جرام بودرة كريم شانتي دريم ويب
٣ معالق كبار مليانين دقيق
٣معالق كبار مليانين نشا
فانليا او ماء ورد حسب الرغبه
ملعقه كبيره جوز هند
فستق حلبي للتزيين
وصوص كراميل حسب الرغبه
وعفواً للاطاله
طريقة عمل الكريمه
بتخلطي كل مكوناتها مع بعض عالبارد ماعدا جوز الهند وبودرة الكريم شانتي
وبعد مايتخلطو كويس حطبهم عالنار مع التقليب المستمر لحد ماتتقل وتبقي كريمي وجميله
نزليها من عالنار وضيفي معلقة جوز الهند وبودرة الكريم شانتي وقلبي كويس وبعدين ضيفيها علي الكيك بعد ماتكوني سقتيه بنص كوب الحليب
ودخليها التلاجه تتماسك وبعدين ابقي زينيها وقدميها وبألف هنا