طريقة عمل فلفل حلو مشوي وأهم استخداماته
معكم صديقة زاكي الشيف الموهوبة  ‎Salam Zayed Um Khaloody

#فلفل_حلو_مشوي

فلفل حلو احمر (الكمية حسب الرغبة)
راس توم كبير وممكن اكتر بقطع كل سن من الوسط
مقدار من زيت الزيتون
ملح.. بابريكا..فلفل اسود.. كمون.. فلفل احمر مجروش.. من كل نوع رشة
بالبداية باخد الفلفل المغسول منيح وبحطه على عين الغاز وبشويه من جميع الجهات ليصير لون القشرة الخارجية اسود وبس يجهز بحطه داخل جاط عميق وبغطيه بكيس نايلون وبسكره منيح لينضغط البخار جوا بتركه حوالي تلت ساعة بعد هيك باخد حبة الفلفل وببدا اقشر الطبقة السودا عنها بشكل كامل وممكن تستعيني بشوية مي لتمسحي الحبة من البقايا السودا وبعدين بتبدي تفرغي البزر منها تماما وبتقطعيها بشكل طولي .. بعد هيك بتجهزي بقلاية زيت زيتون قدر كاسة شاي وبتحطي الثوم والبهارات وبتقلبيهم لتفوح ريحتهم نزلي الفلفل واتركيه عنار عالية تقريبا من 10_15 دقيقة ليتبخر الماء الي بالفلفل وبعدين فرغيه مع الزيت كل شي انضاف االه بمرطبان معقم وصحتين وهنا ..

#استعمالاته

للصواني
للساندويشات
للبيتزا
صلصات السباغيتي
الطواجن
السلطات
وممكن تحتفظي فيه لمدة شهر بالتلاجة ..

طريقة عمل فلفل حلو مشوي وأهم استخداماته