معمول يذوب بالفم وبدون استخدام قوالب التشكيل

معمول يذوب بالفم وبدون استخدام قوالب التشكيل, صديقة زاكي المميزة Ghalia Jamour تخبرك وصفة للمعمول سوف تعتمدها لو جربتها لهشاشة المعمول وطعمه الرائع الذي يذوب بالفم, وأضف إلى ذلك سوف تعطي طريقة لتشكيل المعمول بدون قوالب التشكيل أو منقش المعمول, بمواد متوفرة في البيت من أغطية دائرية وقوالب تشكيل الكريمة أو أي شئ كان ممكن أن يتم رميه, لنتعرف الان على طريقة المعمول, وطريقة الاستفادة من الاشياء البسيطة في صناعة أشكال مبهرة.

المقادير:

٦ونص كوب طحين
٣٠٠غ زبده و ١٠٠غ سمنه حيواني أو ٢٠٠ غ زبده و٢٠٠غ سمنه ( ١٠٠ غ = نص كوب)
كوب زيت ذره
كوب سكر بودره
كوب حليب بودره
ملعقه صغيره بيكينج باودر
٢ملعقه فانيلا
٣ حبات بيض
ماء دافئ للعجن

الطريقة:

– نخفق كل المكونات بالخلاط ماعدا الطحين والبيكنج. وتكون السمنه والزبده لينه بحراره الغرفه.

– وبس يختلطو نضيف الطحين والبيكنج ونعجن بخفه بإيدنا.

– اذا حسيتو انو بيلزم طحين كمان شوي حطو لانو انواع الطحين بتختلف في شي مابياخد ماء كتير وفي شي بياخد ماء وسوائل واذا ناشفه ممكن اضيفي شويه سمنه او ماء بس عالاغلب ماتحتاجو.

– وبحط العجينه بالبراد ربع ساعه وبطلعها وبشتغل فيها.

– الحشوه:

كيلوه عجوه مطحونه و اختاروا نوع طري بحطلا معلقتين كبيره سمنه حيواني وملعقتين سمسم ونص ملعقه قرفه ونص ملعقه جوزه الطيب مطحون ممكن الاستغناء عنو.

– طريقه التشكيل:

* وهاد من اختراعي يلي ماعندها منقش ولا قالب ولأنو بصراحه ماعم تطبع الرسمه وعم بنعاني من انو الشكل يروح فبتحتاجي اي غطى عندك تبع بهار واي شي مكور انا استخدمت غطا نكاشات الاسنان وبتحتاجي قمع تبع الكريمه يلي بكونو اسنانو بارزه لبره.
* وبفرد قطعه عجين على نايلون وبحط كوره عجوه وبلملمها وبكورها وبحطها مع النايلون بالغطا وبشيلها وبنقش بقمع الكريمه.

– حمي الفرن واخبزيهم على الرف الوسطاني درجه حراره وسط يعني ١٦٠ اذا كان عندك كتير واطي ال١٦٠ علي اكتر شوي, وماتخلوها تتحمر كتير بس يصير من تحت زهري شيليه واشوي دقيقه من فوق ليعطي يدوب لون, وطلعو واتركو يبرد, في ملاحظه لاتخافي بس يطلع ببين بعضن انو مشقشق بس اتركيه يبرد التشققات كلهاا بتروح,  ادعولي.

فيديو توضيحي للمبدعة غالية, توضح بها فكرة تشكيل المعمول:

تابعونا على جروب “زاكي” لفن الطهي أضخم تجمع لأمهر شيفات وربات بيوت محترفين في فن الطهي:
معمول بدون استخدام قوالب