المقادير:
كيلو برغل ناعم ابيض
نص كيلو برغل ناعم اسمر
بصلتين كبار
كيلو لحمه هبره وممكن تحطو كيلو ونص لحمه
ملح
فلفل
رشه فليفله حمره بودره
الطريقة:
– نغسل البرغل ثلاث لاربع مرات ونحطهم بالمصفايه وبعدين نحطهم بماكينه الكبه ونفرمهم عالناعم مع البصل وبعدين بنحطلو الملح والفلفل والفليفله الحمره.
– واللحمه ونعجنهم منيح طبعا الكميه بتعمل اكتر من صينيه اذا بدك ياها بالصينيه.
– الحشوه للصينيه الكبيره/ بدنا شي كيلو لحمه او اقل بشوي اول شي بنحطها ونحركها لتنشف شوي ميتها وبعدين بنحط بصله كبيره مفرومه ناعمه وسمنه ونقلبهم كل شوي لحتى تذبل البصل وبنحط ملح وفلفل وبها, وبنطفي عليها وبس تبرد بنحطلها جوز مفروم خشن.
– بندهن الصينيه منيح سمنه ونفرد اول طبقه من العجين بين نيلون ونفردها رقيقه ونشيلها نحطهها بالصينيه وبعدين بحط اللحمه وبعدها كمان طبقه رقيقه من العجين.
– وبنكون حاطين شي فنجان قهوه مي ناقعين فيه ملعقه عصفر هلا ناخد بس ميه العصفر ونبلل اصابعنا فيها وندهن فيها وجه الكبه وبإيدنا انملس الوجه بماء العصفر.
– بعدين انقطعها ونحطلها اللوز ونحط على وجهها سمنه منيح ونخبزها بالفرن وانتبهو ما اطولو عليها بالفرن مشان ماتصير قاسيه بس تتحمر بنشيلها ونخبزها شوي من فوق, وعجينه الكبه هي لكل انواع الكبب, تحياتي Ghalia jamour, تقدم بجانب شوربة العدس.
تابعونا على جروب “زاكي” لفن الطهي أضخم تجمع لأمهر شيفات وربات بيوت محترفين في فن الطهي:
طريقة عمل كبة بالصينية بالصور