طريقة عمل كيكه البرتقال سهله بالصور
معكم صديقة زاكي الشيف الموهوبة حنان السليتي
كيكة البرتقال
🍊🍊
سهله وبسيطه
1 قبل كل شي مندهن القالب طحينيه او زيت وطحين
2 منشغل الفرن على درجة حراره 180
3 مننخل كاستين طحين مع ملعقة كبيره بيكمباودر و 5 ملاعق كبار نشا و منحطهم على جنب
بالخلاط الكهربائي منحط 3 بيضات وملعقه كبيره فانيلا وكاس وربع سكر ومنخفقهم 10 دقائق ومنضيف ملعقتين خل صغار ونصف كاس زيت نباتي وملعقتين كبار زبده وكاس عصير برتقال طبيعي ومنخفقهم 5 دقائق منحط الخليط في وعاء ومنبلش نضيف عليه الطحين شوي شوي ومنخفقهم بالخفاقه اليدويه او بالملعقه وما منخفق كتير بس لحتى نشوف الطحين الابيض بلش يختفي وهيك لنخلص كل الكميه ومنحط الخليط في القالب ومنحط مع الخليط زبيب بعد ما نفركه بشويت طحين ومنخبزه في وسط الفرن من تحت لمدة 45 دقيقه او حسب فرنك وما في داعي لتحمير الوجه لانه رح يتحمر من حرارة الفرن ويخرج من الفرن ويترك ليبرد لمدة عشر دقائق ومنطلعه من القالب ويزين بالشكل الي منحبه
الف صحتين وهناااا…
